影片
更多
2020-10-25
2657 浏览
咁岩撞正有朋友放假要搵飯腳, 本人當然義不容辭自薦搵餐廳啦, 唔知係未最近秋風起, 所以都有鋪打邊爐嘅癮, 近年任食邊爐嘅水平愈來愈高, 而且愈來愈多嘅花款提供, 好似我今次食嘅壹火鍋咁本身有刺身同雞煲, 不過打邊爐暖粒粒又食凍冰冰嘅刺身比較奇怪, 所以都係決定只叫雞煲, 食完再加湯打邊爐🤤🤤🤤🤤收費方面就好似相中所顯示, 唔同入座時間嘅價錢都好唔同, 本人入座時間算早, 不單價錢再平一點, 都無需要等位, 因為呢間火鍋店7點之後都人山人海, 等位等到傻呢個雞煲睇落去啖啖肉, 不過剛上檯嘅時候係未食得嫁 要先煲10分鐘, 侍應會比個timer 計時, 夠鐘就可以開餐不過本次經驗之談千萬唔好開咁大火, 因為好快痴底, 到時就要用痴底鍋打邊爐了😅首先香料好足, 好多芫荽蒜頭辣椒再用醬料煮雞件, 雞件處理不錯, 鮮有發現有碎骨, 而且件件都好大件, 食完都半飽了呢度都有自製沖泡冷茶, 不過味道不過不失, 吸引嘅地方係無糖, 間唔時清一清濃味都唔錯食完雞煲之後就打邊爐, 當日嘅是日海鮮係蚌, 呢度嘅海鮮平均水平唔錯嫁, 都係新鮮冇咩雪藏, 所以我都好中意叫, 而肥牛肉方面都會源源不絕咁到,
收費方面就好似相中所顯示, 唔同入座時間嘅價錢都好唔同, 本人入座時間算早, 不單價錢再平一點, 都無需要等位, 因為呢間火鍋店7點之後都人山人海, 等位等到傻
呢個雞煲睇落去啖啖肉, 不過剛上檯嘅時候係未食得嫁 要先煲10分鐘, 侍應會比個timer 計時, 夠鐘就可以開餐不過本次經驗之談千萬唔好開咁大火, 因為好快痴底, 到時就要用痴底鍋打邊爐了😅首先香料好足, 好多芫荽蒜頭辣椒再用醬料煮雞件, 雞件處理不錯, 鮮有發現有碎骨, 而且件件都好大件, 食完都半飽了
呢度都有自製沖泡冷茶, 不過味道不過不失, 吸引嘅地方係無糖, 間唔時清一清濃味都唔錯
食完雞煲之後就打邊爐, 當日嘅是日海鮮係蚌, 呢度嘅海鮮平均水平唔錯嫁, 都係新鮮冇咩雪藏, 所以我都好中意叫, 而肥牛肉方面都會源源不絕咁到, 而且肉味都好重, 血色勻稱, 而口感唔鞋口, 就算唔配上醬料都夠味, 不過豬肉片有驚喜, 因為雞煲醬汁係甜嘅, 加湯打邊爐湯底都係甜嘅, 所以豬肉片味道更加突出, 本人覺得比肥牛更好食
響鈴比較細件, 而且好易煮透, 浸一浸湯就好了, 魚皮就一般般, 冇咩味
呢度嘅蟹柳質素唔錯, 煮得耐都唔會散開, 味道當然都係魚肉製品嘅味道, 圓形果粒係芥末米丸, 流心嘅, 芥末嘅味道唔算強烈, 唔食得辣嘅人都可以接受, 只係有比較強嘅通鼻感, 但整體來說係好好食嘅, 條形嘅係墨魚春卷, 煮完外層會比較硬身, 因為裏面嘅墨魚肉粒好結實, 墨魚味好濃, 而且口感結實, 比想像中高質, 不過因為太飽肚所以少食為妙, 再下面兩隻就係是日海鮮了
青口放得比較耐所以肉比較乾身, 但口感都係爽同埋新鮮, 不過我會叫番多d 是日海鮮, 下面有墨魚鬚, 件件都好大, 而且好彈牙, 本身好濃墨魚味, 不過係非常之飽肚, 所以唔好叫咁多, 牛柏葉就新鮮同煮得耐都好入味, 配合濃湯底打邊爐一流
墨魚滑同蝦滑, 食落蝦滑會比較結實同有味而墨魚滑比較軟身而味淡, 不過蝦滑味濃所以食多兩舊就會膩, 反而墨魚滑可以長食
最後連埋加一就372蚊
张贴
