壹壹漁一 (已結業)

大角咀酒店裏面竟然有間高質素海鮮火鍋，之前朋友約我去壹壹漁一食火鍋，我果日唔舒服去唔到，但係就係WhatsApp見到佢哋好靚嘅豐富晚餐相片，心裏一直耿耿於懷。今次約定老公訂定枱去試菜，果然係環境舒適，食物質素高！最緊要嘅係真係有酒店式嘅服務。佢哋有好多手工啤可以選擇，我揀咗一杯紐西蘭嘅麥士啤！佢嘅套餐有＄200開始，我哋揀咗一個好豐富嘅二人套餐！極上刺身黃牛黑毛豬海鮮火鍋套餐，聽個名都知勁，點知一路食一路食飽到不得了！個刺身拼盤係新鮮到不得了，隻牡丹蝦超巨型，帶子刺身好鮮甜！隻蟹真係好甜好多膏！其餘嘅海鮮火鍋配料都好正！鮑魚大大隻，熟咗仲係好嫰滑！呢餐真係食得好開心！值得encore嘅一間餐廳！

壹壹漁一，一聽個名都就估到係食海鮮的餐廳。 看一看餐單 發現係海鮮火鍋🤤🤤 一向愛食海鮮的我 就豪一次吧！話哂呢間係位於酒店內，所以服務一流 待應好細心同會一步一步按照你的進食速度上菜😋 首先你可以選擇兩款湯底，一個係自選主打湯底，呢個湯底係可以飲的。另外一個自選係秘製汁湯底。我地分別叫了清酒糯米燉鮮雞煲，淡淡的清酒味道溶入雞內和雞肉非常嫩滑。長崎豬骨湯底湯底好清甜與海鮮出奇地夾。食材方面： 澳洲m4和牛和四元豚肉 好新鮮 放落去幾秒就可以，紋路分明脂肪比例都好均勻 不過份量對於四人來說有些小我地點了兩款手打丸；墨汁墨魚及薑汁皮蛋貢丸，出面好似好小有呢兩款丸。所以好奇點了 估吾到無令我失望 （必叫） 因為咬落去會流出它的精華及陣陣的薑汁在你口中排佪 值得一試到主角海鮮登場🐟🐟🦑🦀🦐 因爲係四人套餐 所以所有海鮮都係4份。海鮮包括了： 北海道毛蟹刺身1隻、時令海鮮拼盤5款 餐廳會按照時令提供 所以有機會不同。 推介鮑魚，好厚身的肉 食落非常肥味 配合豬骨湯 味道一流

話說友人好耐之前就訂左位，特意和我來大吃一餐。雖是酒店，但地點比較偏僻，我們都找了一下路才來到。星期日晚上餐廳不多人，但卻更顯環境清淨，很適合我們好好談心。黎到酒店級既餐廳，當然要食海鮮！我們點了海鮮兩人鍋物餐，再外加一些火鍋配料。鍋底有四款可選，友人亦了自家製豆漿湯。湯底原本就有些雜菇，喝下淡淡的沒有味精，感覺健康又清新。在等候湯底的同時，先吃冷盤。毛蟹一隻兩份吃，預先已分開兩半，再附上剪刀、溼紙巾，非常貼心！原來是膏蟹呢！蟹膏非常香滑，蟹肉清甜爽口。吃起來就知道是貴價物，當然認真地慢慢吃，絕不浪費。只是友人吃得很快，唯有望著我吃啦。少許刺身，質素亦不俗。帶子處理得很好，檸檬酸很開胃，更顯帶子既鮮甜新鮮。海老蝦亦新鮮清甜。海鮮拼盤。友人迫不急待把所有海鮮放份鍋煮，整鍋頓時滿了起來。可惜煮得有點過熟，反而有點浪費了這盤海鮮。鮑魚嫩口彈牙。順帶一提餐廳的醬汁，有豉油和芝麻醬。我非常喜歡它的芝麻醬，因為有一種淡淡的柚子味，很清新解膩，可中和芝麻的濃味。聖子過熟了...吃下太韌。蛤仔同樣太韌...而且會吃到少少沙。本地牛肉，店員介紹說比較有牛味，的確牛味挺濃郁。不過同時牛亦比較瘦脊，很容易煮

今日同家人到大角咀食晚飯，估不到上左間酒店裏開餐。更估唔到有雞煲和海鮮火鍋添。環境的確寬敞舒適，光視充足，環境衛生。好舒服感覺。我地落完單後，店員就遞上一盒調味料，有各色各樣醬汁，我見家人樣樣落D我都不例外，只係灑多左辣椒粉，就勁辣。大家要看清楚先攪醬汁。先來一個清酒糯米燉鮮雞煲，我唔飲酒都可以接受到，雖然酒味濃郁，但容易入口，好似飲藥膳雞湯。湯份量夠多，我地每人都飲左兩碗，飲飲吓都幾好飲。加左清酒浸過既雞都好滑好嫩，幾好食。食完雞煲，店員幫我地加入清湯，但仍保留到清酒既味道，我都好喜歡呢個湯低，因煮出來既食物都會帶點酒味幾醒胃。特別推介佢地出薑汁皮蛋貢丸，外面無咩特別，但一入口就爆出濃濃薑汁加皮蛋味道，好似湧出一口皮蛋湯出來，幾正，好食。黑汁墨魚丸，圓圓黑色的墨魚丸，食落都幾煙韌，有口感。另外海鮮拼盤夠份量，4人都足夠食，有鮑魚4隻，大蝦8隻，扇貝4隻，蚌6隻，還有一隻龍蝦仔。我最喜歡食扇貝，大大粒元貝，鮮甜嫩滑。龍蝦肉質鮮甜美味。自家七味炸魚皮，魚皮比較硬身，可以放落湯煮耐D都不溶。和牛和豚肉，肉質嫩滑，入口溶化。係火鍋必吃食物。飲品方面我就選了黑加倫子汁，因好耐無飲過，有我兒時既

壹壹漁一餐飯環境寬闊，具足夠空間感，令人感覺舒適自在。餐廳現推出幾款新套餐。有分別有不同火鍋配搭，是日我跟朋友選擇了藥膳醉雞鍋。火鍋配料非常豐富，豬骨很新鮮，份量很多。特別推薦火鍋湯，在進食前，先品嘗下湯底，湯底含有很多藥材，令人會更加開胃醒晨。極上海鮮拼盤，海鮮種類很多，包括蠔，鮑魚，蝦，蟹等等。材料很新鮮，入口很有鮮味。二人份量，真係物有所值。特別推介稻庭烏冬，烏冬口感彈牙爽口，不會太快吸引太多湯底。值得追加。手打黑松露墨魚丸，很有特色和誠意，是餐廳特手打制造的。黑松露味道濃郁。墨丸爽口彈牙。日本四元豚肉和牛肩，令人惜緣還想追加，肉質軟綿綿的，不會太煙韌，配合湯底的味道十分濃郁，份量也不少，令人感到滿意。

每日去大角咀送貨都有經過呢間酒店，朋友話裏面有間餐廳名叫壹壹漁一，佢哋話啲嘢都幾好食，叫我搵日去試吓。咁啱今日同屋企人去澳海城行到傍晚，想話搵啲嘢食，就諗起距離不遠只需步行10分鐘就到的壹壹漁一，這間餐廳環境都幾好，環境舒適。我哋坐低後有店員介紹一下佢地餐廳食品。嘩好新鮮喎未試過喺酒店食火鍋，所以我就點左呢個4人火鍋套餐。我地先食清酒糯米燉雞煲，原隻鮮雞，香濃清酒，飲落仲有甜味，都幾似燉雞湯嘅味道，雞滑味美。再來過長崎豬骨白湯，用來打火鍋用，配上四元豚肉，味道一流，豚肉好簿，油脂分佈均衡。一滾即熟，入口溶化。澳洲M4和牛，好大片，色澤鮮明，油脂分佈明確，番兩圈，食得！入口有鮮牛味道，好嫩滑。再配上一杯白酒，使我盡情享受今晚豐富晚餐。白酒濃度適中，容易入口。最後送上紅豆糕甜品，呢個紅豆糕相當精緻，每層都有唔同口味，好有心思。都幾好食。

想不到現在酒店內除了中菜、日式餐廳外，仲有意想不到的火鍋店。今日就來到帝盛酒店內壹壹漁一，店名都幾有創意，唔知上菜款式會不會同樣有創意。我地4人就叫左個4人餐，有主打湯底、秘製湯底、特選拼盤、田園菜籃、稻庭烏冬、自家美食一款、手打丸類兩款、時令海鮮拼盤五款、甜品和飲品。咁多嘢食都係$1588。我最喜歡呢個清酒糯米燉鮮雞煲，好香糯米酒飲落仲甜甜地，雞件份量都幾多，每件雞肉都有香濃酒味，肉質鮮嫩，都幾滑。同一般雞酒味道係唔同。另外個海鮮拼盤夠份量，淨係隻龍蝦，鮑魚都吸睛不少。第一次用龍蝦放在火鍋湯低煮熟，味道果然不同，特別鮮甜爽口又帶點糯米酒嘅味道。另外大蝦都不錯，肉質鮮甜爽口。但在公眾場合食蝦都係有個問題，就係怕脫蝦殼。如果可以的話在蝦低部界一界，唔知會不會容易脫殻呢？鮑魚都夠大隻，好煙靭彈牙。

星期六晚經過大角嘴某酒店，外牆展示一間新開火鍋店。決定試試。時間尚早未開始火鍋晚餐，侍應招呼可以先坐坐。好有禮貌。先睇睇環境裝修高雅，坐得好舒服。跟住便點餐，叫左小食頭盤唐揚魷魚翼，好好味！然後香辣海鮮鍋，澳洲和牛同皇帝菜。本來想食海鮮就乜都無，遺憾。牛丸亦都有些有，有些無。最後叫左椒麻牛丸。都好味的。醬料有芝麻醬、豉油、辣油等，樽上顯示日本牌子。埋單$600有點貴。但不算太離譜。有機會還會去的。

呢間火鍋店位於酒店裡面，如果一般經過的都唔會留意到，今次都係經朋友介紹先識嚟到呢到搵食。店內環境以日式為主調，裝修也很雅緻，座位寬闊，樓底又高、店內空氣又流通，食完唔怕一唓味。呢度有二人套餐，最岩兩口子嚟打邊爐。我地點左個自游火鍋餐，揀左個壽喜燒湯底，甜甜地嘅醬汁又唔會太濃口味唔錯。呢碟鴛鴦肉拼有豬又有牛，係澳洲M4 Oyster Blade和牛肩背同埋日本四元豚肉。牛肉紋理分佈均衡，食落鬆軟重牛味，少少油脂香食落最過癮豚肉份量也不少，每片肉裡都連著點點脂肪，食落唔會鞋兼香口彈牙。呢個田園菜籃種類都唔少，有唐篙、黃芽白、粟米、菇類、蘿蔔，全部都新鮮，絕不欺場。時令海鮮拼盤亦都唔簡單，有蟶子、元貝、大蜆、大海蝦。啲蝦有手掌咁長呀，個煲都放唔落，食落彈牙新鮮。元貝都好大隻呀，洗得乾乾淨淨，淥到剛離殼就最好，淥完粒元貝都仲好大隻，食落鮮味十足。蟶子同埋蜆都好鮮味，配在壽喜燒湯底，鮮甜得嚟又帶點點鹹度，好正我地再另外加左薑汁皮蛋貢丸拼椒麻貢丸個薑汁皮蛋好有驚喜，咬開中間充滿薑蓉，又有薑汁汁加點肉汁，味道好突出，成粒貢丸即刻唔同晒。至於椒麻貢丸亦都好特別，少少椒味不會太辣，亦略帶點麻兼惹味，口味

大角咀區內的帝盛酒店有間日式料理店，晩上專做火鍋，不要以為日式店只有清湯或壽喜燒作湯底，原來還有其他較為中式的湯底，今日點了滋補的胡椒豬肚雞湯。嘩！金黃色好搶眼，翻滾後先嚐湯底，好鮮好甜，有甘，甜，辛辣味道，連喝三碗。豬肚內藏了一隻雞，斬件後餸料非常多，豬肚一點臊味都無，軟熟滋味。跟著來的是海鮮拚盤，有蝦，鮑魚，魷魚，螺和小蟶子，材料新鮮，有鮮味有彈性，品質相當不錯。最後蔬菜籃，綠悠悠的，新鮮翠綠。論環境非常好，可能是酒店內，裝潢比較高級以為貴價，但食過後價格合理，ok 喎！

食物味道ok( 湯粉麵， 海南雞好味道)， 餐廳環境寬敞， 服務都ok， 價錢平 ,但……種類少及沒有更換食物， 基本蝦餅同雞翼都冇， 希望餐廳可以改善，咁下次就可以同朋友再去幫襯

大角咀一向多美食，街邊的不一定頹，酒店內的也不一定貴，今天則試了位於帝盛酒店中的壹壹漁一，見其自助餐好似價錢相宜便打算去看個究竟，偏偏選了個沒自助餐的時段，但又發現了另一重宇宙。晚市火鍋種類多，全火鍋或小食配火鍋任君選擇，二漁前套餐有香口小食又有肉類火鍋，非常吸引。 櫻花蝦蟹籽沙律蔬菜青新，青瓜配櫻花蝦，青爽脆口，味道平衡，作為開胃菜很合適。脆炸川海老細細隻炸得酥脆，帶點本身鹹鮮味，滴幾滴檸檬汁更能提鮮。七味燒魚翅此魚翅不同彼魚翅，相信是做刺身後剩下的魚鰭經過廚師的手而重生的食材。口感又硬又脆，佐酒一流。唐揚尤魚翼雖說是翼，其實還有尤魚鬚。炸漿是日式風味，薄薄一層，尤魚一咬即斷，代表食材新鮮而且炸的溫度恰到好處。燒黃魚一夜干（相片不見了><)其實即是燒日式鹹魚，中式鹹魚用鹽醃一段時間加上風乾才可，一夜干名乎其實就是風乾一夜就成，是日本漁民的常用技巧以保存魚鮮。吃這個定要配附上的酸汁，除解膩之外還添鮮，蘸點酸汁使原本悶悶的燒魚變成多層次的味道，為火鍋的到來開一開胃口。澳洲M4和牛肩背+北海道四元豚肉肉紋漂亮，油脂分佈平均，顏色帶點粉紅，一看就是好貨色。在豆漿火鍋輕燙幾下已

最近多出沒在大角咀區，發覺大角咀區真係有好多好野食！朋友話帝盛酒店入面的日本餐廳好抵食（佢試過lunch buffet 都係$88）今晚就黎試下有幾抵啦晚上就唔係食放題既，主要係日式火鍋套餐，最簡單就叫個二人套餐二漁前$598前菜有個櫻花蝦沙律沙律菜新鮮冇苦味，配上蟹籽櫻花蝦口感更爽脆唐揚尤魚翼炸漿夠薄，魷魚唔會乾及韌，仍然保持濕潤七味燒魚翅 及 脆炸川海老兩個小食送酒一流！可惜今日我地冇飲酒，燒魚翅帶點辣味，很脆口，但要快點食，否則會變硬；炸海老則非常香口，肯定可以好好補充我既鈣質另點了響鈐，店員說響鈐是店家即炸，所以可以點酸辣醬食，果然熱辣辣又夠鬆脆，浸唔浸湯都好味主角出場了！鍋物及 黑毛和牛及北海道豚肉鍋湯底選了豆漿湯底，貪佢清清地，有的金菇係入面，豆香不算濃。豬牛拼盤非常吸引，和牛的脂肪與肉成完美比例，紅白相間，牛味非常濃郁，脂肪在口腔溶化，甘香之餘又不覺肥膩；豚肉比和牛厚，質感帶爽，沒有平日豬肉的羶味，由於太好食，兩三下工夫已經清碟同場加映稻庭烏冬，幾彈牙唔錯友善的店員話呢期返左雷暴蚌同鑽石蜆好新鮮，價錢又唔貴問我地試唔試($50 and $68)其實我見識少，唔係好知係咩黎

呢間邊煱位於大角咀一間酒店內, 唔係朋友住附近都唔係好知佢既存在, 甘啱去大角咀探朋友, 大家都話係附近食算, 所以就黎試下啦!! 話晒係酒店內, 裝修同佈局不竟都唔差得去邊, 空間感又非常之好, 坐得好舒服呀!! 我地一行三人, 所以點左呢個自游火鍋餐同散叫左D食物~~我地揀左壽喜燒湯底, 喜歡佢清清地...呢碟係跟餐既澳洲M4 Oyster Blade及牛肩背+日本四完豚肉, 眼見脂花均勻, 食落牛味好濃, 肉質都好嫩, 亦唔覺得好肥膩, 屬於高質牛肉及豚肉~~作為一個海鮮控, 一見到呢盆海鮮併盤當然都會失控啦!! 併盤時令海鮮係視睇當日有乜靚海鮮由餐廳安排的, 今晚有鮑魚, 生蠔, 海蝦, 元貝, 蟶子同貴妃蚌, 每樣都好大隻同好新鮮, 特別喜歡海蝦, 肉質夠彈牙, 而元貝同貴妃蚌又超級鮮甜, 好滿足呀~~跟餐仲有個田園菜籃, 入面有唐苟, 粟米, 蘿蔔, 雞肶菇同冬菇, 除我唔食唐苟, 每樣都OK, 其實都好多人唔食唐苟, 如果可以轉其他菜就更加好啦~~以下就全部另外散叫的...薑汁皮蛋貢丸配椒麻貢丸    HK$68薑汁皮蛋貢丸配椒麻貢丸係必食之一, 兩款丸都係第一次試, 味

身在香港真係的較少入香港酒店，不是朋友介紹，都不用在帝盛酒店用膳。環境服務係高級，係舒適。家人食飯，叫支米酒開心下。服務員遞上多款不同款式的酒杯，真的令我當場呆了。求其選了個就算。服務員幫我們開酒，並且盛滿一個幾特別的器皿。支酒係純米酒 全量山田綿，雖然我不知他講咩，但飲落又幾好飲，透明感十足，酒香高雅，而不粗厚，酸味美妙還引岀緻密甘甜味的酒質，真與超市的米酒確係不同。個藥膳雞湯火鍋，味道充足，原隻嫩雞，鮮嫩肉白。令叫了個炸魚皮，配上些滋味粉，辣辣地，刺激下味蕾最後仲有少少甜品