壹壹漁一 (已結業)

大角咀酒店裏面竟然有間高質素海鮮火鍋，之前朋友約我去壹壹漁一食火鍋，我果日唔舒服去唔到，但係就係WhatsApp見到佢哋好靚嘅豐富晚餐相片，心裏一直耿耿於懷。今次約定老公訂定枱去試菜，果然係環境舒適，食物質素高！最緊要嘅係真係有酒店式嘅服務。佢哋有好多手工啤可以選擇，我揀咗一杯紐西蘭嘅麥士啤！佢嘅套餐有＄200開始，我哋揀咗一個好豐富嘅二人套餐！極上刺身黃牛黑毛豬海鮮火鍋套餐，聽個名都知勁，點知一路食一路食飽到不得了！個刺身拼盤係新鮮到不得了，隻牡丹蝦超巨型，帶子刺身好鮮甜！隻蟹真係好甜好多膏！其餘嘅海鮮火鍋配料都好正！鮑魚大大隻，熟咗仲係好嫰滑！呢餐真係食得好開心！值得encore嘅一間餐廳！