影片
更多
2018-03-26
523 浏览
最近多出沒在大角咀區，發覺大角咀區真係有好多好野食！朋友話帝盛酒店入面的日本餐廳好抵食（佢試過lunch buffet 都係$88）今晚就黎試下有幾抵啦晚上就唔係食放題既，主要係日式火鍋套餐，最簡單就叫個二人套餐二漁前$598前菜有個櫻花蝦沙律沙律菜新鮮冇苦味，配上蟹籽櫻花蝦口感更爽脆唐揚尤魚翼炸漿夠薄，魷魚唔會乾及韌，仍然保持濕潤七味燒魚翅 及 脆炸川海老兩個小食送酒一流！可惜今日我地冇飲酒，燒魚翅帶點辣味，很脆口，但要快點食，否則會變硬；炸海老則非常香口，肯定可以好好補充我既鈣質另點了響鈐，店員說響鈐是店家即炸，所以可以點酸辣醬食，果然熱辣辣又夠鬆脆，浸唔浸湯都好味主角出場了！鍋物及 黑毛和牛及北海道豚肉鍋湯底選了豆漿湯底，貪佢清清地，有的金菇係入面，豆香不算濃。豬牛拼盤非常吸引，和牛的脂肪與肉成完美比例，紅白相間，牛味非常濃郁，脂肪在口腔溶化，甘香之餘又不覺肥膩；豚肉比和牛厚，質感帶爽，沒有平日豬肉的羶味，由於太好食，兩三下工夫已經清碟同場加映稻庭烏冬，幾彈牙唔錯友善的店員話呢期返左雷暴蚌同鑽石蜆好新鮮，價錢又唔貴問我地試唔試($50 and $68)其實我見識少，唔係好知係咩黎
晚上就唔係食放題既，主要係日式火鍋套餐，最簡單就叫個二人套餐
二漁前$598
前菜有個櫻花蝦沙律
沙律菜新鮮冇苦味，配上蟹籽櫻花蝦口感更爽脆
唐揚尤魚翼
炸漿夠薄，魷魚唔會乾及韌，仍然保持濕潤
七味燒魚翅 及 脆炸川海老
兩個小食送酒一流！可惜今日我地冇飲酒，燒魚翅帶點辣味，很脆口，但要快點食，否則會變硬；炸海老則非常香口，肯定可以好好補充我既鈣質
另點了響鈐，店員說響鈐是店家即炸，所以可以點酸辣醬食，果然熱辣辣又夠鬆脆，浸唔浸湯都好味
主角出場了！
鍋物及 黑毛和牛及北海道豚肉鍋
湯底選了豆漿湯底，貪佢清清地，有的金菇係入面，豆香不算濃。
豬牛拼盤非常吸引，和牛的脂肪與肉成完美比例，紅白相間，牛味非常濃郁，脂肪在口腔溶化，甘香之餘又不覺肥膩；豚肉比和牛厚，質感帶爽，沒有平日豬肉的羶味，由於太好食，兩三下工夫已經清碟
同場加映稻庭烏冬，幾彈牙唔錯
友善的店員話呢期返左雷暴蚌同鑽石蜆好新鮮，價錢又唔貴問我地試唔試($50 and $68)
其實我見識少，唔係好知係咩黎，但見佢極力推薦就試下啦！
黎到我地都嘩左一聲！真係成世人未見過咁大隻蚌，有我的手掌般大！蚌肉直頭有tempo紙巾咁大粒！肉質爽口鮮甜；至於鑽石蜆就海水味重一點，要留意唔好煮得過熟，唔係變韌就浪費左喇
燒黃魚一夜干
後來聽同事講話一夜干係日式鹹魚，但食落沒有鹹魚的感覺，而且魚味濃郁得黎唔腥，魚骨唔多，我最中意食的邊位，貪佢更香口
甜品係蕨餅清清地唔太甜
整體黎講真係滿分，環境服務食物都好滿意，我未試過係OpenRice 比滿分，呢間係第一間，希望水準能夠保持
张贴
