影片
更多
2018-04-17
3215 浏览
呢間火鍋店位於酒店裡面，如果一般經過的都唔會留意到，今次都係經朋友介紹先識嚟到呢到搵食。店內環境以日式為主調，裝修也很雅緻，座位寬闊，樓底又高、店內空氣又流通，食完唔怕一唓味。呢度有二人套餐，最岩兩口子嚟打邊爐。我地點左個自游火鍋餐，揀左個壽喜燒湯底，甜甜地嘅醬汁又唔會太濃口味唔錯。呢碟鴛鴦肉拼有豬又有牛，係澳洲M4 Oyster Blade和牛肩背同埋日本四元豚肉。牛肉紋理分佈均衡，食落鬆軟重牛味，少少油脂香食落最過癮豚肉份量也不少，每片肉裡都連著點點脂肪，食落唔會鞋兼香口彈牙。呢個田園菜籃種類都唔少，有唐篙、黃芽白、粟米、菇類、蘿蔔，全部都新鮮，絕不欺場。時令海鮮拼盤亦都唔簡單，有蟶子、元貝、大蜆、大海蝦。啲蝦有手掌咁長呀，個煲都放唔落，食落彈牙新鮮。元貝都好大隻呀，洗得乾乾淨淨，淥到剛離殼就最好，淥完粒元貝都仲好大隻，食落鮮味十足。蟶子同埋蜆都好鮮味，配在壽喜燒湯底，鮮甜得嚟又帶點點鹹度，好正我地再另外加左薑汁皮蛋貢丸拼椒麻貢丸個薑汁皮蛋好有驚喜，咬開中間充滿薑蓉，又有薑汁汁加點肉汁，味道好突出，成粒貢丸即刻唔同晒。至於椒麻貢丸亦都好特別，少少椒味不會太辣，亦略帶點麻兼惹味，口味
呢度有二人套餐，最岩兩口子嚟打邊爐。我地點左個自游火鍋餐，揀左個壽喜燒湯底，甜甜地嘅醬汁又唔會太濃口味唔錯。
呢碟鴛鴦肉拼有豬又有牛，係澳洲M4 Oyster Blade和牛肩背同埋日本四元豚肉。牛肉紋理分佈均衡，食落鬆軟重牛味，少少油脂香食落最過癮
豚肉份量也不少，每片肉裡都連著點點脂肪，食落唔會鞋兼香口彈牙。
呢個田園菜籃種類都唔少，有唐篙、黃芽白、粟米、菇類、蘿蔔，全部都新鮮，絕不欺場。
時令海鮮拼盤亦都唔簡單，有蟶子、元貝、大蜆、大海蝦。啲蝦有手掌咁長呀，個煲都放唔落，食落彈牙新鮮。元貝都好大隻呀，洗得乾乾淨淨，淥到剛離殼就最好，淥完粒元貝都仲好大隻，食落鮮味十足。
蟶子同埋蜆都好鮮味，配在壽喜燒湯底，鮮甜得嚟又帶點點鹹度，好正
我地再另外加左薑汁皮蛋貢丸拼椒麻貢丸個薑汁皮蛋好有驚喜，咬開中間充滿薑蓉，又有薑汁汁加點肉汁，味道好突出，成粒貢丸即刻唔同晒。
至於椒麻貢丸亦都好特別，少少椒味不會太辣，亦略帶點麻兼惹味，口味平均。
手打蝦丸面頭加上蟹子，淥完後蝦滑加蟹子更覺彈牙鮮甜。
七味魚皮即炸兼夠薄夠脆，加埋啲七味粉又香口又惹味，必試之選。
张贴
