士林台灣麵

营业中

休息中

士林台灣麵Ｄ野食好有台灣味喔,我食過幾次了,招牌牛肉麵同你係台灣食果種味道係一樣呀，餃子又係喎皮薄又好滑，最近試過肉燥茄子,都幾好食,又大份,果次食完都好飽呀.　

●去了幾次都是坐門口附近的枱，覺得環境同食物都不錯所以去了幾次。點知，上一次去坐水吧附近，見到有不少蟑螂在廚房門口走來走去，老公即刻拉我走，以後都唔會幫襯。

呢間野D野食都唔錯~特別係佢廚師推介果D~試過佢既過橋雲吞同埋肉燥茄子~好好味~但酥炸雞排太熱氣~好脆~但冇乜雞味~態度OK啦~叫極佢加茶都唔加~要改善

真可惜,昨日中午特地去一試.但係我食嘅雞扒飯就大失所望,雖然D雞扒皮都還說得脆,但係入面就真係唔夠味,D飯又好唸,返之而係淋面D肉燥還可以,正體上真係好失望,唔之係咪出咗名多人食咗,無時間保持住好似D人話以前D水準.失望

其實士林位置確是比較偏僻, 見朋友極力推介, 因此前往一試!朋友強力推介牛肉麵, 說牛肉很「淋」,麵的湯底很濃郁!我那就「專登」不試牛肉麵, 試了那裡的豬手麵!整體上麵本身不很大碗, 麵的份量略少, 麵質不錯, 吃落很有質感!可能是豬手麵的關係, 湯是清湯, 味道略淡, 下次可以問一問可否轉牛肉湯試試!!而豬手相對算多, 入味, 但可以再煮得「淋」一點則更佳!跟餐叫了一個珍珠綠茶, 感覺不錯, 不會太甜, 珍珠夠「軟熟」,不會有「生骨」的情況。店子本身不大, 裝修較一般的茶餐廳為佳, 以三十元左右的價錢, 都值得行去試試!!!

牛肉夠稔,夠入味.排骨&雞排炸得香脆,難得係唔會油"淋淋".而且排骨又有肉汁. 好食. 小食都唔錯,不過都唔算平.飲品相對較為一般.

食完好細碗既好到底，唔夠喉，想起有間士林xx麵，就一於食第二round的下午茶:1. 牛肉麵餐(+蜂蜜綠茶) - 湯夠濃，少少辣，牛肉稔和入味。2. 酥炸排骨- 好香脆，裡面有肉汁，配既醬料都好味。通常出面食的都偏咸，呢間唔會。總體幾好，尤其下午茶係好抵食的。

佢開左冇耐就去食第一次食:湯唔夠味,麵一般,雞扒排骨就尚可第二次開始:湯味夠出, 麵夠Q味道也不俗雞扒排骨比上次炸得出色, 外脆內唔乾另牛肉湯滲出香濃牛肉味,牛肉份量較少但比起切片牛肉其口感比較豐富飲品奶茶類比較淡每款都冇咩味反而草莓紅茶幾好飲而家去到通常都要等一等位野好食你就算開得冇咁就腳傳開去人仍然會黎加油吧

This is a very good noodle shop.The soup base is exceptionally good. No MSG, and you can taste the "Chinese Ham" in the clear soup. The beef soup is also very good, you can drink the whole bowl.Noodle is also great, with good feel (al dente Chinese style).Cannot imagine we can have such good noodle from a small shop like this.Highly recommend!

呢間野一開張我就已經試過，個時覺得d 選擇好少，但d雞扒夠脆又多汁好好味~近日又去食多次，發覺佢多左好多選擇，最後同朋友叫左: 過橋餃子、雞扒乾拌麵&豬手麵過橋餃子:細細"米立"，皮都幾薄，點埋佢d醬，酸酸甜甜，幾開胃雞扒乾拌麵:雞扒同麵分開上，d雞扒依然又脆又多汁!第一次試個乾拌麵，d 醬汁好濃，唔太咸，夏天食幾好，但我諗配米線會好食d~豬手麵: 豬手好稔，炆得好入味，唔太膩，幾好!d麵個湯就清左d(對我黎講)整體黎講都唔錯ar! 分量夠大，味道又好，d服務都唔錯~今次去仲發現原來個師傅係台灣黎ga! 仲拎過下獎ga! 下次要去試下d 金錢肚&茄子，因為見到隔離檯食好似好好味咁。

今日同男友黎食lunch, 我叫佐個酸辣香酥雞翼面加一杯薑母奶茶; 男友叫佐個香酥雞扒面加一杯薄荷綠茶.雞翼同雞扒都好淡, 無咩味道, 但D雞扒就真係好大份好多舊.男友話杯薄荷綠茶好難飲, 我杯薑母奶茶就唔多似薑母奶茶, 都無辣口既感覺既?!非常一般既台灣面, 水準之下.

是日同同事出外食晏，有住嚮元朗嘅同事提議食台灣嘢。個人嚟講我對台灣嘢嘅興趣一般，因為覺得啲嘢好似唔係咁多變化，又唔抵食。嚮元朗區嚟講呢間嘢都好似話幾出名。一行四個人，每人嗌咗一碗麵，我就叫咗碗菜肉雲吞麵清湯底。據說佢地啲清湯不含味精，咁就等我試真啲。麵條我覺得都合格，有口感,，但略嫌唔夠爽口。清湯開頭飲落都對辦，有多少甘甜味，但我皮膚係唔會呃人嘅，一個鐘頭之後出敏感。唉，又有味精。菜肉雲吞可算不俗，有應有嘅鮮味。我仲嗌多碟豬手(因為碗麵細碗咗啲)，炆得幾淋，幾入味，係最滿意嘅一味。埋單大約三十幾，唔係好飽，印証咗我“台灣嘢唔抵食”嘅諗法。不過以台灣嘢嚟講都可以話係水準以上。

"麵是我國傳統食品之一，古稱湯餅，至宋代亦稱索餅。其實不只是我國，日、韓民族都極喜愛麵食。士林麵專研究麵食，為尋求其精髓，跑遍大江南北，日韓各地、遍嗜各種麵食、深入考察探求各類麵的特性，將各種麵的成份加以詳細分析，然後做出滑、爽極具口感的士林麵，誠意與各位分享。"　以上為士林台灣麵餐廳之廣告。多講無謂，即時叫碗招標紅燒牛肉麵同干拌麵食($27@)。一上檯，賣相唔得亦無香味~ 一試，無論湯麵或干拌麵，麵身都係稔o既，一d都唔爽/有口感~ 又，侍應講到湯點落足料，食落只覺當中帶蕃茄味算清新，唔覺牛肉味鮮~ 不過相比之下，湯麵會好過干拌麵少少，因為後者o既肉燥好咸~ 其實，成碗麵中最好係牛肉，因為夠滑幾好食~ 另加，跟麵加$10試埋台式飲品薄荷蜜綠茶，唔甜太苦，又係唔太得~　一言以蔽之：吹水~