士林台灣麵

营业中

休息中

士林店鋪細小,坐得較逼。點了一個牛肉面及香蘇雞排麵。先講牛肉麵，牛肉賣相不錯，牛肉中間有筋，看起來好靚不會太硬。一試之下果然好腍，幾乎不用牙咬。但牛味不重,湯底較清，沒有太多味精。香蘇雞排亦不錯，雞排炸得好脆，味道好好，份量又多。飲品亦不錯，甜度適中，奶茶及綠茶都有茶味。整體不錯,價錢可以平Ｄ更好。

紅燒牛肉面, 正,,,牛肉好鬆化,, 湯又夠味香酥雞排面, 雞排好多呢...成碟都係, 係炸得夠脆,,可惜無咩味但佢地既面真係幾彈牙滷水拼盤, 過咸, 鴨腎有陣味其他都ok, 驚喜位係有鴨舌呢因為雞排好多既關係,,重食剩打包呢

早前曾到過台灣旅行,士林裡的台灣面倒沒吃過,反之六合夜市的著名擔擔面卻吃過了,雖然面質不一樣,不過此間台灣面,不俗,紅燒牛肉,口感淋而不膩,面質亦較有口感,再來它的香酥雞扒,有如台灣的小食般,香脆酥化,值得一試再試的推介!

今日去食左五香牛肉麵同雞扒米線.牛肉夠"淋"又入味.雞扒大大塊又夠脆.水準依舊好食 ^o^如果米線再多d就好~因為真係好細.

名不符實係指招牌台灣麵, 由麵至湯至牛肉都好普通可能因為去台灣食過正宗台灣牛肉麵, 相比之下依個相差甚遠唔係難食, 不過唔係好食不過佢的酥炸小食就真係超正嗌過炸排骨, 炸雞件, 炸魷魚鬚都勁好味, 比起台灣食個時勁香, 同無咁油(不過台灣一向多油多味精, 無計)仲有一個皮蛋炸豆腐, 一般般飲品無咩特別, 同仙跡岩差唔多不過好多人, 要早D去搵位服務OK, 幾禮貌, 雖然有D慢同唔話頭醒尾

一直係元朗好少食麵，原因係元朗實在太多唔同野食，好少機會搵d平凡野食~月頭有一晚入左間日本野order左成半個鐘，當日又無咩客人，但係竟然完全無入到單~ 於是乎決定離開，行去對面間台灣麵食~ 打開餐牌，價錢相當經濟，一碗麵只係$2x， 叫左香酥雞翼同埋酥炸排骨~ 外表唔太吸引，不過原來只係其貌不揚而已~ 兩款都係新鮮炸起，香酥排骨好軟，有少少肉汁，幾好；香酥雞翼嫩滑有汁，兩款都唔會炸過時，真係幾意外呢！ 只獨係個湯底較為遜色，不過以咁既價錢，已經相當滿意了~一定會再去，因為實在太過乎會經濟原則

很久之前的一餐了這裡的牛肉麵一向有保證，牛肉是異常地腍．究竟是怎麼辦到？麵質也不俗總之，這裡的牛肉麵較元朗另一間專賣牛肉麵的店舖好上幾皮，但價錢又是差不多當晚也叫了一吃小食：麻辣豬肚麻辣豬肚是一客冷盤，豬肚淋上一些麻辣醬汁，再放上大量青瓜絲清清的青瓜絲配上微辣的豬肚實是一絕，很快便吃了清光這裡水準keep得很好，以後應該也會時常來

開張至今已幫襯了無數次, 每次的食物質素都保持得好好, 無一次令人失望既. 牛肉又軟又入味, 完全唔會有咬唔開有渣既情況, 入口即化。豬排炸得剛好, 外脆內軟, 即炸即食, 絕不會給你一些返炸或硬到石頭咁既炸豬排。d麵qq軟軟, 又香又好味, 唔會有"hong"味, 質感好好, 個人最鍾意牛肉麵, 百吃不厭, 好好味~希望呢間舖可以一直做下去!

之前係公司太無聊無野做，都好鐘意上開啦睇下有咩好野食SEARCH到士林之後一試難忘，食多好多次都唔記得上黎講下野添。每次必食，就係佢既過橋餃子，皮唔厚，又無肥肉，仲要好抵食$22...近來我至愛既就係佢既豬手面，又淋又入味...湯面既話，個湯真係要試一啖先，好甜好甜。佢既乾伴面都唔錯，我估係因為佢個面條既問題啦。好有咬口，正。食過雞扒都唔錯，大件又香口。鹽酥魷魚都好好食，唔會好UM...好似食香口膠甘我老公就話牛肉面都好食，不過由於本人唔食牛既，就唔知有幾好食啦...仲有一次帶埋佢兩個姨甥食TEA，嘩...原來有我最愛既吐司...姨甥仔一點就點左朱古力吐司，熱辣辣，又香又軟，好味!!珍珠奶茶都好飲呀，仲有呀老闆娘好好架。知姨甥女想ORDER一杯去睇戲飲，佢仲會提醒我地唔可以放過兩個鐘，唔係D珍珠會硬曬唔好食架...細心，抵讚啦!!!

每次晏就同男朋友出到元朗必去士林食個下午茶因為好味同埋好抵食今次同男朋友一齊嗌香酥雞扒麵下午茶黎講 真係好少有咁大碟既雞扒呀如果覺得佢原本既湯底淡左dorder時可以同佢講轉做牛肉湯因為佢d牛肉湯濃得黎又唔口渴

無所事事的【夏至】使人變得懶洋洋，卻又遇上多日來難得的大晴天，總讓人有奪門而出的衝動。不過，無事忙的一天，轉眼就到了傍晚時份。整個天空由清澈的蔚藍一陣陣的染成薄荷酒的顏色，感覺好不浪漫！為了飽腹，還是要驅車到元朗。本來打算到陸記桂林米粉，不過停不了車，最後又到了西菁街......這間士林台灣麵從來沒有光顧過，也沒有看過“食評”。只是懶洋洋的關係，選擇變得比較隨便。看見很早就有一定的食客在內，心想也應該不會太差。也不多想，就點了招牌的紅燒牛肉麵(HK$29)，再加一份滷水拼盤(HK$36)。牛肉麵放了三條牛筋肉、兩條小棠菜，樣子看上去也不錯。但是，細嗅一下，就發覺有一股牛羶味。麵條可以；然而肉吃下卻不覺太有牛肉味，湯也非常普通，頗為失望。反過來，吃罷竟發覺一碗是油(見圖)，十分不健康。以招牌菜式來說，這店有很大改善空間。滷水拼盤有豆腐干、雞翅膀、滷蛋、鴨舌、鴨腎和豬耳朵。味道一般，沒有評語。店內地方不大，連收銀員卻有四至五人在店面 ── 但不代表有服務。可能食物太鹹的關係，喝下不少開水。水喝光了，店員一直都沒有為我添加。相比其他元朗日式食肆，如田中、千之寿等，台式的管理及服務完全比下去。

我就最鐘意下午茶去食佢GE炸雞翼或者炸雞扒米線家啦！因為下午茶會送埋一大杯GE台式飲品，冷熱均可。而個清湯又無味精喎！而碟餸真係大碟到正呀！一般餐廳附送GE菜都係就咁攞去滾水到碌下就算，所以我多數都唔食，因為無味。但士林唔會囉！佢D菜全部都係炒家，又爽又入味喎！(數量都唔少)4隻雞翼隻隻都大大件，而D雞扒就可以擺曬成個碟面，D菜都係擺係下面，真係超級抵食。咁樣都只係$27，超值啦！

第一次幫襯士林 ~ 好似已經係年幾之前既事啦由個次開始已經愛上左佢既香酥雞排麵啦 今日心血來潮同朋友仔去食 tea一如以往 ~ 叫左香酥雞排麵我一向都好鐘意食佢地既雞排個皮幾脆 ~ 但又唔會太油 ~ 味道岩岩好我覺得好食過大雞大個 d 個湯幾清 ~ 麵有咬口 ~ 但分量比較少野飲都會叫珍硃奶茶/朱古力奶茶 ~ 但其實一直都覺得麻麻所以今次試下其他 ~叫左芒果綠茶 ~ 出奇地覺得幾好飲 ~ 唔會太甜 ~ 仲好似 有 d 芒果肉tim ~ 朋仔都話正 tea : $ 27 香酥雞排麵 , + 2 有野飲以前佢一直做開 $ 25 香酥雞排麵連野飲早前就加到 $ 27 麵 連野飲一排無去 ~ 估唔到會再加但依然會去再去幫襯

食物種類唔多, 不過由早到晚經常滿坐!就算等位都唔駛等好耐!!等十分鐘左右就會有位...因為流量快!!屋企冇飯開, 我地全家都會出動去呢度食飯~~通常見d食客會食晒成碟飯, 就算男男女女都食得晒~~份量夠, 有肉有飯有菜, 幾健康...價錢唔貴...總之食完一定唔會彈啦~~

想回味台灣美食的話, 可能會有點失望...只好怪店名又台灣, 又士林, 難免叫人滿懷希望牛肉麵, 牛肉腍, 麵既口感唔錯...但係同台灣, 甚至同大婆都有差距最大問題係, 麵既份量真係少左D...雞排的確有些少士林風味, 但較淡水餃反而最得...(可能冇特別期望)野食其實OK, 濃味D會更好, 可惜過份標榜台灣風味服務一般, 已經明顯準備走人, 仍不斷收野, 剩低杯野飲都要收埋墊檯紙,幾個侍應企起側面等....心諗..走緊啦,唔駛咁呀...