士林台灣麵

营业中

休息中

我係呢度見到士林台灣面好多人都話好食，咁諗住同女朋友去幫襯下啦，例如牛肉面同雞扒面，點知......去到坐底見到餐牌寫得唔係好清楚，跟住我拿住餐牌問下一位女職員，公眾假期(佛誔)有冇下午茶餐價。好聲好氣同佢講，佢竟然話:「喂!有餐牌係度咪即係有囉!冇餐牌係度咪即係無囉!」，個職員咁既態度有冇攪錯!? 餐牌唔清楚顧客問下都有罪!? 如果我係衰聲衰氣兼似大款咁既語氣問佢，我就抵被人話番轉頭，但係事實我有禮貌在先咁問佢野嘛!!我聽到火都黎，我咪同女朋友一齊話番佢!!! 跟住好笑既係，當有新客入黎坐係我地附近，佢可以「180度」態度轉變，勁燎客人講野扮熟咁，見到個兩位新客既表情，佢地好似好驚咁，可能重以為呢間野服務真好~~ 唉......入番正題，牛肉面就覺得麻麻，好多好「冧」既牛筋痴住.....口感同味道普通，面質可能食唔慣(因為有d似咬住橡筋.....)，不過湯底都幾好味。另外，佢地既香酥雞扒面.....D雞扒好多，我係男仔都食唔晒，不過味道似一般普通炸雞，D湯底就係清湯，所以無乜味。總結: 我覺得食物同服務係連成一體的，一間餐廳好與惡都係睇呢樣，「士林台灣麵」係服務就真係「差」到痺! 唔

4/5(2人)香酥雞扒干伴麵 --- 雞扒又多又脆又唔覺油，仲有D肉燥同青瓜絲添！牛肉麵 --- 夠淋！前者好似底D，D麵仲有咬口o既添，2個都掂！

士林真係好好食...餐餐lunch都跑去食!!雞扒好多,又夠脆;牛肉好腍,招牌菜...學生ge野飲重唔使+錢,好抵...

同男友一嚐呢間久仰大名0既士林台灣麵~!男友叫左個紅燒牛肉麵，自己就叫左個鹽酥雞扒麵，仲叫多左個過橋水餃~!牛肉麵（$29）：湯底幾好，牛肉好「林」~!鹽酥雞扒麵（$27）：雞扒真係好大塊，但略嫌皮厚，無乜肉食....過橋水餃（$21/6隻）：味道不俗~! 有鮮甜0既肉味~!

兩個人o黎食晚餐, 好一段時間冇o黎了,今晚發現佢o既生意好o左好多,以前都係小貓三四隻, 而家竟然成間舖頭都full 晒人, 仲有人要等位今次叫o左豬手飯, 豬手炆得夠林又好入味另外的鹽酥雞排麵, 雞排仍然係超大塊, 炸得好香好脆, 一流!埋單發現食物都加o左價, 冇法啦, 原材料乜都貴

紅燒牛肉麵--湯底算合格,不過本人比較喜歡再濃郁d的湯底,麵質好無質感,牛肉大大條,不過煮得太林,無左牛肉本身的質感,味道都OK肉燥茄子--肉燥味道好稚嫩好單薄,無在台灣食到的陳年,茄子勁多油

香酥雞扒麵$27雞扒份量大, 麵就一般紅燒牛肉麵$29湯底很好,牛肉很「林」我也是覺得加價後麵好像少了, 但服務仍然很好。

晚飯來試一下台灣面兩個人點了牛肉面排骨面(豬排來的)牛肉大大條有口感林林地幾好未豬排老實說入面唔夠熱唔知放左幾耐...但個面就好細過仲細過家中即食公仔面...是不是過年加了價貴了? 面也小了? 沒人知下午茶還可以...但晚餐不建議叫面$27+$10 連飲品...在晚市元朗來說不值這價$

好耐之前刀有幫襯過...只係怕熱氣好耐冇去喇!^^香酥雞好好味但真係好似好熱氣!麵是普通的!haha.....被香酥雞搶哂風頭!;>

成日都黎呢到食好正ga .. 雖然間舖算細.. 不過d 侍應好好服務..食完坐係到繼續傾計都唔會趕你走..不過成日都有人等位.. rush hour都費事坐好耐亦都唔收加一推介:1.香酥雞扒干伴麵$26個雞好正好正..係即刻炸所以要等大約5-10分鐘雞既份量係好多好多2.牛肉麵$27個湯底勁正!!嗌其他湯麵都可以免費轉牛肉湯3.肉鬆豆腐皮蛋個豆腐似係百福.. 但兩者好襯係凍食黎..好食!!飲品推介香芋珍珠/ 朱古力奶茶好味過茶軒好多好多!!!下午茶送野飲平時就加$10 有一杯野飲個人認為.. 絕對值得一試!

佢既雞真係整得好好味丫...好似我係台灣食咁...佢好似d材料係台灣入口既...d麵唔同其他台灣麵...好食好多...同埋佢個餃子都好正...記得食....

今天跟同事們去吃士林台灣麵.之前同事們都話好好食,可是一直都沒有時間去試,今日終於可以吃!我當然要試試招牌牛肉麵啦,那碗牛肉麵不同以往食開d牛肉一片片而是一條條,每條牛肉之間都有d筋間住,吃起來好有口感又不會有渣,值得一讚!!至於那個豬手炆得好諗同埋好入味,但又唔同平時食開個d味,正呀!我都有叫珍珠奶茶飲,個d珍珠好好食並不硬!!於是八掛問侍應為何有人話你地d珍珠好硬,好難食,侍應姐姐說因為珍珠一定要係2個鐘頭內吃完,一過鐘就會變硬不好吃!下次一定要試他們的雞扒,超大件同埋睇起來好脆卜卜咁!!

下午時間,買了下午茶,只係大約8點鍾飲杯珍珠奶茶,珍珠硬到爆,好似未煮好o甘!!打番電話番去,有位女人聽電話,極不負責任!佢死口話無可能會硬,佢話係我自己幾個鍾都唔食,無得換過!!幾個鍾食咪一樣係佢地餐廳o既出品,如果食死人,幾個鍾後唔通食死人唔洗陪咩~~!!

四月去過台灣到過士林夜市食豪大大雞排至今仍念念不忘那一種味道我諗每個人去台灣都會去士林夜市我諗每個人去市林夜市都會食豪大大雞排原來唔駛去台灣香港新界元朗都有二人晚餐, 點了a)香酥雞扒麵$25b)紅燒牛肉麵$27c)滷水拼盤$35d)每碗麵加野飲加$10, 揀左芒果紅茶同甘桔綠茶a)香酥雞扒麵: 焦點所在! 雖然比豪大大輕輕淡了一點, 但那脆卜卜的外層, 內裡豐富肉汁的雞肉,雖然切開左細件, 但一啖啖咬落口的感覺亦十分滋味!b)紅燒牛肉麵: 普普通通啦, 跟教育路那間台灣麵吃到的差不多c)滷水拼盤: 味道較淡, 鴨舌來得不夠爽. 食滷味, 還是食元朗多間潮州滷味好d)野飲普通啦Total $107

想試左好耐既牛肉面,今日有機會啦!!同男友兩個人去,我叫紅燒牛肉面...男友叫雞扒飯...再叫左杯百香果紅茶(+$10)其實見到隔離有人食牛肉飯都知d牛肉好林架啦,嘻~牛肉面黎先,d湯唔知有無味精,不過d味幾好...牛肉真係好林,好有味!唔似人地o個d好似湯渣咁...而雞扒飯,一黎到真係不禁「嘩!!」左聲,因為有面大塊...真係好大既雞扒,飯反而唔係太多,上面有d肉燥,都幾好味!!杯百香果紅茶都幾好味架...好似有d新鮮既生果,但係講唔出係咩,又唔會太甜。服務方面,d姐姐都幾nice...係唔錯既選擇!下次再黎..試下d茄子先!!!