增煇大排檔 & 增煇藝廚

营业中

休息中

朋友今次介紹去增輝食燒豬,心諗周圍都有得食啦!原來佢哋係即場用炭爐燒嘅.我哋一行6人坐街邊貪佢可食煙,問侍應有冇半隻燒豬叫怕食唔哂,侍應話哩d唔同酒樓用嘅豬因size較細叫奶豬(即未戒奶嘅豬只得呎半長)6個人一定食得哂,因即焼要等大約20分鐘,嚟到緊係試啦,另叫咗個冷盤撈鮑魚仔辣辣哋好爽口開胃,再叫咗個唔記得咩清湯腩,好得意明明係豬但視覺和口感都好似食緊牛腩真的不錯,睇下隻豬焼好未,見焼豬師傅一隻又一隻係咁燒,原來佢哋每晚只賣10隻最好預訂,上枱喇熱辣辣好脆一d都唔肥,因即燒即食口感俾酒樓好味好多睇住燒有風味,一個字正此時隔離枱想叫都賣哂,好彩我哋早嚟另叫咗2個小炒都不錯服務不錯出品有水準

同事介紹說深水埗區內，這間大排檔很出名，小菜很好食，於是乎今晚收工後便一行八人去吃晚飯。行至石硤尾街，老遠處已見到大大個招排掛在半空。行至招牌底下，才發現街道兩旁分別有一間「增輝藝廚」及一間「增輝菜館」。在增輝菜館對出路邊，還有一個看似是以鐵皮臨時架起的廚房位置，廚師正在猛火爐灶前手執大鑊似是耍雜技般烹調菜餚，很有老香港的大排檔特色!同事說增輝藝廚是新裝修的，內裡環境較舒適些，於是我們就入了這間「分店」。店內冷氣開放，裝修企理，地方不算太迫狹，伙計亦已不像昔日般穿著白色背心底衫、短褲、拖鞋，而耳背還夾著一支香煙，而是個個穿著整齊的制服。時代變遷，大排檔已不是什麼地踎才去的地方了!吃大排檔當然是喝著啤酒，點些熱氣食品，看了看餐牌，除例牌點了椒鹽鮮魷、椒鹽白飯魚、椒絲腐乳通外，亦有較創新的香口小吃如鬼馬油炸鬼、花枝皮蛋等。另外，亦點了一鍋水煮牛肉、口水雞、孜然豬寸骨及金銀蛋莧菜......等等椒鹽鮮魷: 鮮魷很新鮮，炸得很乾身，很香口，一點也不油膩，正!椒鹽白飯魚: 白飯魚同樣是很香口，一點也不油膩，不過味道就偏淡，炸得不夠鬆。椒絲腐乳通: 通菜沾滿腐乳香，帶點微辣。不過，由於有腐乳的關係

約了去深水埗的「泰」吃泰國菜，怎料撞正泰國潑水節而沒開鋪，望門輕嘆。摸了門釘，還是要找地方醫肚，第一時間想起深水埗的大牌檔，而那幾間鋪頭之中，又以增煇最得我心。增煇已由我最初食的小小鋪面，擴展至對面的位置也拿下來，當然街邊的摺檯仍然保持，是同區幾間來說最巴閉的了。由於有食友要加班遲來，大家先叫兩個餸邊吃邊等，是有點不禮貌，不過大家咁熟就唔同佢客氣了。在大牌檔吃炸嘢就最穩陣了，所以先來個椒鹽九肚魚。熱辣辣，夠香口，粉漿不厚，這個脆卜卜的九肚魚，難食極有個譜。麻婆豆腐，單看賣相已知不是四川又麻又辣的那種，絕對是廣東菜的做法。但也無可厚非，來到港式大牌檔，也不該要求吃到四川菜吧！這個豆腐，本身不滑，還有黠酸，大概是榨菜的味道，算不上好送飯。食友來到，再點幾款菜。我仍堅持吃香口東西，建議來一個鬼馬炸油條，也是這店馳名的菜色。鬼馬炸油條即是墨魚釀入油炸鬼入面，剛炸起的油條自然香脆可口，墨魚膠口感也不錯，配上開胃的甜酸汁，個人是收貨的。跟Oli食飯，生炒骨一定走不了。排骨是做得可以，起碼夠脆口，帶點肥肉，可惜醬汁調校得唔好，只得個酸字，生炒骨應該是甜酸甜酸的擺！仲有好久沒見的粟米斑塊，芡汁稀稀的，

最近工作很忙，上週二高速OT個多小時後，很急的由深圳趕到深水埗食飯，怎知原目標泰因而潑水節而關門了，才改到了增輝藝廚。　增輝藝廚是新店新店，就在老店對面；其光鮮環境與一般中菜館無異，在同區算是整潔企理了，但早到的食友竟然見到小強，好恐怖!!不過這區的大排檔，本質都是差不多吧，不理太多，太餓必須要開餐：　椒鹽九肚魚-遲到已經不好意思，來到再發現大家只點了兩個餸等我，更加滿懷歉意呀!九肚魚外層的炸醬薄身不油，熱時水準應該不壞，然而攤凍再吃當然就差好遠了。非戰之罪。 　麻婆豆腐-用的是較粗身的豆腐，口感不滑，理論上是勝在豆味較濃，然而在港式辣汁調味，還有咸香脆口的榨菜夾攻下，豆味一點不覺，不是一道清爽豆腐菜；但論香辣惹味程度，它與麻香辛辣的川式口味又風馬牛不相及，拿來撈飯為的只是填肚!　鬼馬油條-我已餓得沒有意見，之後是食友追加的新鮮熱辣菜式。鬼馬油條是由油條混合墨魚滑再返炸而成，外脆內滑的口感不差，點上甜酸醬更是香口又開胃；但我嫌外層的油條返炸後太脆身，成品也太油膩了點。　粟米班塊-粟米芡做得較淡，而班塊同樣無甚味道，而且炸漿也不薄，在標榜香口惹味的大排檔中，算是很差的出品，雖然我因肚餓也

我住深水埗既~本身都唔知有呢間野存在,直到我個朋友同我講話呢間野都幾好食架d野,咁我咪同男朋友一齊去試下囉~頭幾次都幾好食~不過最近呢2年唔知係咪轉左廚,d野真係麻麻地我上次同4個朋友去食,(o個日好似平日黎)一去到~好好彩唔洗等位,咁就叫左,蝦餅,炸大腸同埋蘭花帶子,頭o個2樣都整得幾好食~之後碟西蘭花黎到,我即刻夾西蘭花啦~唔幾好味,但當我食粒帶子既時候,好似唔係好對路咁既,味道怪怪地,一問之下,原來我d朋友都覺得帶子d味道有d怪,咁我地就同個夥計講話d帶子好似變壞左呀,而個黟計好似唔多信我地講野咁,咁我地就叫佢試下,o係佢想試既時候,隔離枱有一男一女叫佢,原來佢地o個碟鱔唔熟,叫個黟計再拎入廚房蒸蒸佢,之後佢就試我地碟蘭花喇,佢試完之後唔出聲就換過一碟比我地,o個日都唔知點解會咁- -可能真係黑仔啦

今日同班老友提早食團年上openrice揾咗哩間試下因未齊人叫咗D小食醬撈墨魚仔辣辣地好爽口,Wasabi魷魚圈入口好強Wasabi味幾得意, 花技皮旦外脆內軟好香口, 冰鎮鮑片有鮑魚味夠彈牙, 等緊人齊時聞到D好香嘅味揾個侍應問, 原來係頭抽雞打算齊人先叫, 但侍應話係即叫即做制作需時大約要50分鐘建意我哋有興趣就先order, 就叫咗一隻(因無半隻叫)終於齊人叫咗雙蒜牛粒, 蒜片好香牛粒好有肉汁/多手多腳, 即鮑汁炆豬手雞脚好入味/辣酒花螺, 夠野味有辣度/椒鹽賴尿蝦, 好大隻肉質彈牙/上湯龍蝦, 夠鮮甜/蒜蓉芥蘭, 西蘭花帶子,2個都ok啦一般菜無特別/油浸大筍壳, 好好咪/到主角出塲……….頭抽雞, 真係好香成張枱周圍都係頭抽香味, 雞肉入口好嫩滑要等咁耐都抵, 下次再嚟一定要叫, 打算外買一隻頭抽雞但侍應話只限堂食不設外買, 需然好食但唔明點解唔俾外賣囉, 唔通我食唔哂都唔俾打包咩? 我唔信其他地方食唔到, 咁做生意法有D問題.總結:環景俾想象中好坐得舒服夠乾淨侍應態度都好食品有水準, 價錢OK. 成班老友都讚好. 我哋下次食飯唔洗頭痛四圍揾, 增輝可以話係首選. 如果俾外買

去完深水埗電腦節順便到附近搵野食, 增輝門面都好似幾OK第一次見到有人用johhny walker做茶壺...好搞鬼果晚非常多人, 兩層都坐滿, 所以等左好耐D野食先黎, 後加既餸亦都漏單, 不過佢地D waiter好有禮貌食物味道ok, 除左個大羊腩煲(HK$198)睇落大少少之外其他餸都比較小巧, 胡椒豬肚花甲湯味道唔錯, 材料好足, 亦都夠6個人份量好彩果道有電視睇緩和一下等食鼓譟既心情6個人叫左一湯4餸, 每人都唔使100蚊

天氣冷了…才發現冬天的衣服不夠…本來是打算放工之後去買些衣服的…但又有感天氣寒冬…好像應該吃點好東西才會開心一點…所以最後放棄了買衣服…去了深水埗掃街…差不多一個月前已經想來這裡的了…是因為看過食家小連的食評…看到有我想吃的辣酒煮花螺…是晚終於有機會了…來到原來這裡不再叫做增輝大排檔…而是升呢了…叫作增輝藝廚…天氣凍大家都坐在室外…只有室內才有位置…其實坐在街邊更加有風味…只是肚子實在有點餓…所以還是放棄了…一坐下由友人拍板…只要有辣酒花螺就好了…最後點了四個菜…大部份部都是辣的…包括醬撈八爪魚仔…辣酒花螺…麻辣肥牛和口水雞例牌……醬撈八爪魚仔是冷盤…八爪魚仔很爽脆…醬汁帶少許辣…很開胃…令人停不了口…口水雞…雞沒有什麼味道…醬汁一點也不辣呢…比較普通…可以不叫……辣酒花螺…最辣是這一道菜…花螺細細粒…有起碼二十多粒…辣辣的很惹味…不過有點偏鹹…而且那些粉絲很快就已經發脹了…到後期不得不關了火…因為粉絲很容易就會夾斷…要用羮才行….麻辣肥牛…果真有麻的味道…不算很辣…不過麻辣肥牛鍋通常都有金菇…但這裡就轉了椰菜…味道也好…只是這鍋肥牛好像份量少了點….整體來說味道確實不錯的呢…但是價錢

見到增輝既廣告有任食自助餐, 我住深水埗, 好多都來問我, 有無試過增輝, 正唔正, 就係咁, 費事俾人問到口啞啞, 去試下羅!88 元 + 10% = 96.8 確實比其他食店平一二拾啦, 不過, 就食到一肚火, 食物種類少過卡拉 ok 的自助滾下滾下, 大佬, 人地仲有其他好多野食, 仲有得唱歌。入到去, 當然點野食啦, 不過唔好以為種類少就一定快, 齊, 叫牛柏葉 - 無, 叫西洋菜 - 無, 叫粟米 - 無喎, 叫雲吞, 來了一次後就話 - 今晚無雲吞, 咁我地明明剛剛吃了一蝶, 叫豬皮 - 果 D 黑毛 一支支企響度, 好得人驚, 叫鵝腸啦 - D 肥油一舊舊。落了一張單, 來了 - 雞, 肥牛, 鮮牛, 雲吞, 粉絲, 公仔麵, 鳥冬, 之後就無啦, 唸住可以漏單咪再落單, 如是者, 落了四次單, 叫了四次鮮牛, 只係第一張單來了, 但係如果叫公仔麵呢, 就一定上。結果係, 不停追, 不停問, 爐停了火在等, 半小時沒有食物上檯, 已經去到佢俾乜, 上乜, 我地就食乜。 你估有雞有牛呀, 食娃娃菜食公仔麵飽咋。 陰

與友人一年一度既聚會，一行三人相約於深水埗既增輝大排檔﹗呢個老友由於同我生日相近，所以每年都了生日月都一定約佢出來食番餐飯，自己慶祝又好，聚下又好，傾下近況﹗麻甩共聚，啤酒不可少，最近自己熱愛上飲鴛鴦，意即一份健力士溝兩份啤酒，味道比啤酒更濃厚細滑，又不會有黑啤的苦澀味，正﹗先來一個冰鎮鮑片，四十幾蚊都幾大碟，鮑片當然知是素鮑，不過佢口感彈牙，真係有鮑魚味，蘸小小日本豉油加多自己少少幻想，用來送下啤酒也十分不錯﹗花枝皮蛋，以墨魚膠包皮蛋鮮炸，再一開六上碟，外皮炸得香脆，口感富彈性，入面皮蛋質感軟糯，雖不是什麼糖心貨，但那外脆內軟的感受討好，三人也同讚好吃﹗再來是蝦醬骨，呢個就麻麻，蝦醬味不夠，雖然肉多但可更好﹗蒜蓉蒸開邊蝦，中蝦12蚊兩，花竹18蚊，最後要了中蝦，上碟大家已驚叫，因每隻0的蝦膏都係由頭頂到尾，蝦身爽口亦彈牙大隻多肉，味道鮮美，友人最愛吃蝦，次次聚會無蝦不萊，佢話呢次相當滿意﹗試試特別餸菜，堂煎和牛，價錢不便宜$138，一個小小的鑊仔，再配合一碟和牛粒，自煎自吃，牛粒睇樣似安格斯，是不是和牛我唔敢肯定，表面紋理分明，肥瘦有致，於鐵板上每邊輕煎幾十秒放入口，牛味濃郁，口感軟

同三五知己再來晚飯, 保持水準 - 不錯. 來了幾次吃飯, 看見老闆娘的禮貌招呼客人, 今次終有機會讓她介紹了幾款小菜, 果然名不虛傳. 不怪得, 常見客人都同她幾熟及要她代寫菜. 原因是她會因應我的要求而介紹和寫菜, 不會像外面的酒樓侍應, 強介紹一些貴及不飽的菜給我. 今次我點了:1) 雙蒜肥牛粒 - 牛肉粒很嫩滑, 很入味.2) 蒜茸蒸勝瓜 - 保持水準, 叫少油 - 真是少油.3) 豉汁炒聖子皇5大隻 - 依然很大隻, 好食兼抵食.4) 新介紹是"多手多腳" - 鮑汁很香, 手腳份量足, 值得一試.5) 腰果土魷絲 - 一邊飲啤酒一邊吃, 很正.6) 啤酒3大枝最後埋單每人$100都有找. 環境坐得舒服又抵食, 值得一讚.

幾個月前老友睇openrice帶我嚟食過味道不錯.今次輪到我帶其他老友嚟試,一心諗住睇靚女同食好嘢.點知係門口做接待個超有禮貌靚女無做變咗個四眼仔好彩都有禮貌維有尊心食嘢啦.胡椒豬肚花甲湯------------招牌湯好掂夠香花甲大又甜椒鹽瀨尿蝦------------------做得夠火喉D膏好多好香同好大隻肉質夠實唔記得乜牛粒---------------幾得意俾個鐵版仔你自己燒鐘意幾多成熟都得燒雞半隻---------------------個皮做得不錯香脆肉質嫩,但細隻D唔夠食蒜蓉蒸勝瓜------------------清甜但油落多咗D咸蛋黄蝦---------------------蝦身全包住咸蛋黄好香口咕咾肉------------------------夠味唔會齋食粉有肉有骨羗汁介蘭---------------------油多咗D唔覺有羗味啤酒汽水數支幾個老友都覺食品質數不錯選擇算多,美中不足係有個長髮女仕唔知係唔係事頭婆嚟,黑口黑面鬧人幾多粗口,我哋嚟食嘢唔係聽粗口嘛,有小朋友未學壞囉,要鬧收工先鬧唔好影响我哋D食客啦.唔該ps:老闆請返個好似之前咁有質數嘅女接待啦

老友帶我去買黃金買rounter，買完之後就來左呢度吃飯﹗來吃飯亦都主要係老友幫到手，我特登請佢一餐多謝佢，見對面有枱叫左辣酒花螺，就二仔底死跟﹗是日天氣相當焗，一路坐一路流汗，這是坐街之苦，不過我地呢0的地盤工友邊有會走入冷氣地方，叫了幾支獅威都係唔掂﹗辣酒螺跟住個gas爐，一直煲住保持溫度，未吃已聞到酒香，辣味慢慢流出吃至滿頭大汗，螺肉新鮮但較腍身，也許長期煲住會過火吧﹗再來個椒鹽魷魚鬚，夠大碟有份量，椒鹽味濃郁而有嚼勁，送啤酒一流﹗及後老死又放工到來，再啤過吹過，要多個雜菜煲及椒鹽茄子，要提的是茄子切得細細粒容易食，增輝既椒鹽果然是九龍區最出名的，整咩都咁惹味好食﹗埋單340，食物不貴都是啤酒錢吧，我來請客已叫抵食了﹗

知道深水埗同石硤尾一帶有好幾檔大排檔，咪上open rice 搵下，最後決定去增輝但去到時都冇大排檔feel，同一間普通菜館、酒樓冇分別。發現最大分別只不個係在出面煮野、洗碗碟。叫左碟炒蜆，等了又等，來到係殼多肉少有沙「生炒骨」外熱內冷，唔好食班腩煲 - 好普通水準。蠔仔肉鬆煎蛋 - 味道不及廟街。最慘係d伙記企哂係街上吹水，搵個人service下都冇五個人去，叫左六個餸、一個湯、五個飯、三支大啤酒，每人竟要$220，有點吃驚收大酒家的價錢，但換來不合理的服務，計番條數，去鴻星重好食同抵，服務一定好過呢間d伙記，唉！大集團反而比較抵同好食

每逢周末都會約三五知己聚聚. 今次專程駕車來到朋友介紹之增輝大排檔(增輝廚藝), 試試這里之特色小菜. 本以為只是一間大排檔, 菜式一般, 但細看Menu, 原來這里真有很多特色小菜, 由於今次同行只得5人, 故還有很多想試的, 唯有再約下周末及叫多些人一齊來, 這可叫多些海鮮和小菜吃. 當晚, 我們主要點了 :1) 招牌湯 : 胡椒花甲豬肚湯 - 花甲很大隻, 胡椒份量則合到好處, 但另2位女士因怕辣, 她們只喜歡吃豬肚和花甲.2) 小食 : Wasabi魷魚圈 - 很正, 如你吃得Wasabi, 真一定要試試. 3) 鬼馬油炸鬼 - 開支酒啤啤, 用來送酒一流.4) 椒盬瀨尿蝦 - 我們選了要糕這款,很大隻, 自己反而覺得糕太多, 下次要試無糕的, 每隻足足有一支礦泉水樽這麼長.5) 豬蒜骨及唶唶炒通菜都很好味.服務方面 : 我都看到某些食評, 說個公道話. 其實, 若以一間菜館形式來看, 他們的服務態度已很不錯, 要知道, 深水埗始終是老區, 不同尖沙咀及銅鑼灣.