增煇大排檔 & 增煇藝廚

营业中

休息中

星期五晚，約了舊同事食飯吹水，大家都鍾意鑊氣小炒，所以便選了這間店，我們一行5人，點了：胡椒豬肚湯、鬼馬炸油條、椒絲腐乳通菜、辣酒煮花螺、胡椒蟹、招牌頭抽雞 、冰鎮韓國吉品鮑魚和椒鹽軟殼蟹。整體食物質素不錯，夠鑊氣，海鮮夠新鮮，價錢合理。胡椒豬肚湯，足料微辣，胡椒辣味恰到好處招牌頭抽雞 ， 雞肉鮮嫩👍冰鎮韓國吉品鮑魚，味道一般冇驚喜辣酒煮花螺， 螺肉夠新鮮， 辣味和酒味互相輝映夠香濃鬼馬炸油條， 略為油膩，味道一般， 唯蝦肉夠新鮮胡椒蟹， 胡椒味夠香濃帶出蟹肉嘅鮮味，蟹肉夠新鮮肥美椒鹽軟殼蟹， 不會太乾，炸得鬆脆，同時又保留蟹嘅鮮味

5人女仔叫左4個餸，比普通嘅大排檔貴啲啲，但都值得一試。雖然係一般嘅大排檔格局，但都相當有香港風味，不過地方稍為狹窄，而且衛生一般，如晚市多人的話會係路邊擺枱同圓膠櫈。如果喜歡地方寬敞的，就不太合適喇 ! 雖然員工都忙過不停，但都盡量招呼客人，另外上菜速度都比較快，鑊氣好足 ! 最欣賞係蟶子，吃得出十分新鮮 !! 其他餸菜都頗為不錯 ! 份量又足，人少少幾個餸都已經好滿足

After watching a TV show about dai pai dong food, my colleague invited us to join her in trying this one out, which led to a great happy Friday night with amazing food and a few food bellies.Shrimp Toast1. Freshly toasted and served hot. Crunchy bread.2. Shrimps on top are very fresh and delicious!3. The sweet chili sauce on the side tops up the flavour of the shrimp toast. However, the toast is great on its own, so the sauce is a bit optional to me.4. Unlike French toast, this shrimp toast is n

九月份係我同老公嘅生日月，加上中秋要做節，所以屋企人請我地出去食飯，佢地知道我鍾意食中菜，所以揀左尼間增煇，話係米芝蓮推介嘅食店，而且價錢親民，一於去試下店面一般啦，迫迫地，我地六個人安排坐一張唔算大嘅枱，當時我地好懷疑唔夠位擺菜，但店員堅持話ok，咁算啦！照坐餐牌非常清晰，分曬類，都幾有條理，種類繁多，搞到我地都花多眼亂，選擇困難，餐牌內仲有蔡瀾力推嘅文章，好似好勁即燒BB乳豬，好正呀！燒得非常香脆又唔肥，我地一家六口最後ko曬，連頭都食埋誇張開邊蒜蓉蒸蝦，蝦唔夠大隻，味道就教得幾好，好惹味，重點係底部嘅粉絲，分量好多，吸曬蝦嘅鮮味同蒜蓉味，真係回味無窮不過價錢唔平，成4百蚊蝦多士，唔係度度有得食，所以我地都叫碟試下，蝦膠打得好旦牙，有鮮味，但麵包吸得太多油，估計油温控制得不太理想，有進步空間木盆龍躉荷葉飯，龍躉好滑好鮮味蒸嘅時間剛好飯好香蒜蓉味仲慘入左龍躉嘅油份同鮮味，非常美味，但荷葉只用來舖底，根本食唔到荷葉嘅香味，有小小失色士多啤梨骨，一字排煮得好林，味道酸酸甜甜，非常開胃脆皮西施豆腐，表面炸得金黃，裏面豆腐非常嫩滑，調味用左幼椒鹽撒面，辣辣地，非常惹味椒絲腐乳通菜，好夠鑊氣，

看到不少雜誌、報章等等報道這一間餐廳，但是一直沒有嚐過，這個星期五就來試一試。雖然店內沒有坐滿人，但是看到訂枱那本簿上面，寫了很多名字，後來遲少少都已經坐滿了。此店分開兩邊，地下有座位，上樓梯又有更大的位置，亦設有電視機。雖然這店看似是新式小菜食店，但它自稱得意的菜色，例如這個鬼馬油炸鬼（鬼馬，據我所知，正字應該是這樣寫的「鬼衇」）😏以油炸鬼包着墨魚滑然之後再拿去炸，雖然特別，但質地比較乾。雖然不算極之油膩，吃到門口油淋淋，但是溫度不夠熱，也不算格外出色。還有，另一個焗魚腸，魚腸有點兒腥，內裏又覺得比較乾，因此質素也不見得格外出色。 反而，當晚比較出色的，就是兩個比較基本普通的菜色，第一個就是燒腩仔，雖然圖片看起上嚟是一碟分開3行排列，但實際上，端來的時候是以一個長的碟子端上，賣相亦特別，每一件燒肉都差不多大小，肥肉不算太多，瘦肉也不會太乾太鹹，呈現五層肉的感覺，相當不錯。另一個就是蒜蓉蒸勝瓜，勝瓜不算太薄，上邊就鋪滿了蒜粒，然之後拿去蒸，底下的汁醬甜甜的，上邊的蒜蓉非常之香，勝瓜又爽，這個才是最美味的。其餘東西，就好像這個白灼金菇肥牛，都顯得比較普通🤷🏿‍♂️，深水埗區的這些小菜店，就

岩岩過左既週末去左深水埗幫朋友搬屋執野, 辛苦左成日朋友提議去試下依間增輝大排檔,我同老公兩條友平日冇咩機會食, 大排檔梗係要一班食先開心架啦叫左六七碟餸,有幾樣都推介大家試下!!先唻第一樣花皮釀皮蛋, 皮蛋愛好者必吃!之後就係最出名既「招牌頭抽雞,雞滑得唻又入味, 超級推介！再唻砵酒桶蠔煲,一個字:正！個個爭住食, 爭d影唔切相搬左一日野個個都餓鬼上身, 有幾樣餸一上就比人夾哂咁濟, 都影唔切, 最後得返張炒通菜相依間大排檔絕對會再番check

話說今日小弟同一班朋友到增輝一試.6點半到達.見到米芝蓮推薦點都會唔差得去邊掛.一開始我地就出去睇海鮮.d服務幾好既.係咁推薦d雞啊.鵝啊.燒乳豬啊.咁我地話等等.海鮮就得好小.對面咩咩王多d.咁我地叫左條斑（唔熟）13隻賴尿蝦（冇椒鹽位）斤半蝦上下啦最後都試下佢d鵝啦.哇夠曬味道（鹹到喊）其他野就不予置評啦我地13個人一共食左7400左右啦.d賴尿蝦已經45oo我唔知有冇俾人呃啦.就算呃都你情我願既.最後肯定有俾錢啦.（冇嘈到）只下最後同班朋友傾翻d野一下就冇味一係就好鹹.咁既價錢我相信可以食到更加好既野.總結：間野比左米芝蓮幾錢？

深水埗街坊成日話佢屋企附近好多好野食，攪到我鬼咁羨慕😏。好！今晚一於拉隊嚟深水埗, 先試呢間米🐷蓮推介增輝藝廚先得😋😋😋。是晚六點就食晚飯，就係預左食得太飽都有足夠時間消化先至瞓😅。我地點左胡椒豬肚浸花甲， 好濃好夠胡椒辣味；炸大腸， 夠厚但香脆，一路食一路內疚；鬼馬炸油條，油條好味，但墨魚膠有點淡；皮蛋釀花枝，係少爺話要點嘅，但我覺得同鬼馬炸油條有啲類似；砵仔焗魚腸，懷舊嘅味道😋椒鹽墨魚嘴，就係因為佢，我專登叫左支啤酒嚟送同埋金莎炒涼瓜，好金莎味，涼瓜亦係我至愛👍呢餐嘅爆血管指數絕對超過係十級🤣🤣🤣，但番書仔姨甥表示要嚟連食三日，事關今晚我地得四個人食唔到頭抽雞、椒鹽軟殼蟹同冰火脆榴槤等等等等咁話喎🤷‍♀️🙄。但我食完今餐已經要斷食三日喇，再嚟多兩次... OMG😱

哩間小菜年資比較少，同隔離間老牌小菜一直都鬥到你死我活，初時我都唔睇好佢可以生存到，點知經營到今時今日，最初幫襯過一次覺得好差冇鑊氣，但相隔咁多年決定再試一次，今次的確有驚喜，好似脫胎換骨一樣，可以拍得住老牌小菜果間。

聽大食仔講增輝好食聽得多 終於有機會食到啦😆一行8人點左9樣菜📍招牌頭抽雞🐔雞肉好滑 我覺得係9樣野入面最好食既😂同埋佢唔會太鹹👌🏻📍豉汁蒸膳😋😋😋📍豉椒炒大蜆⋯呢個麻麻地📍wasabi蝦球🍤鍾意食wasabi既必點😂好似成支倒左落去咁 不過都幾好食📍金菇肥牛煲😋📍啫啫通菜煲📍鬼馬油炸鬼👍🏻好食過妹記📍椒鹽豆腐📍金銀蛋浸時蔬野食真係唔錯⋯大大碟 又唔洗加一！多人食飯之選啊😇

香港人好難日日食西餐，食日本菜韓國菜，始終食粵菜最啱胃口，特別鐘意食大排檔。不過好食嘅大排檔真係越來越少。幫襯左增煇好多年，最近食左好多間以後出名嘅大排檔都保持唔到水準，真係食到嬲嬲地，琴晚去食增煇，終於食到一間保持到水準，即刻心情大好，一於送你一篇食評，鼓勵下最好食都係螄蚶，出面好少有得食，有都冇咁新鮮鳳尾蝦卷都好好食，好香脆，送酒一流梅菜蒸菜心苗，菜心苗吸左梅菜的甜味，好開胃，即刻想叫幾碗飯。炸大腸又係每枱必叫希望下次去都繼續保持到水準啦！

星期五晚飯四人行，點了五個餸椒絲腐乳通菜，正常椒鹽鮮魷(超好食)薯仔牛柳粒(超好食)梅菜扣肉，啲汁稍為乾咗水，得好少好少，肉都尚算可以水煮牛展上菜速度有啲啲慢但味道是美味的最好打去卜位，好重要

聽聞呢間出名食燒乳豬同燒鵝打黎訂位時，一早留左點知去到落單就有問題！有乳豬無燒鵝啊！無燒鵝！無燒鵝！無燒鵝！留左都無！！轉頭有位服務員4眼瘦叔叔出黎講：係咪你地無留到燒鵝？我地都覆番佢講得清清楚楚話有留，過程係點。訂位時接線生都覆番次留乳豬、燒鵝。呢位叔叔不停話紀錄無 ，無寫到，係你地同聽電話果個問題。唔關我事，你地想點解決。即係甘 ！可以點解決！留左都無燒鵝！係你地解決！唔係我地去諗囉態度又敷衍！講句唔好意思好難咩！果陣先7點幾！無哂燒鵝重點係打電話有留！去到無！留2樣無1樣咩玩法！無下次！！！！到賣單既時候入錯左隔離台既單都有既好彩有check單米芝連？係咪一有米之連光環就會甩色失色其實d野食真係唔覺得有幾好食😂😂😂見識到點不負責任到極點⋯⋯都幾好笑

5月21日我因之前食過好食，所以今次和朋友一起再次用餐。開始時叫了1·脆皮炸大腸2·梅菜蒸菜心苗3·南乳蒜香BB骨一開始來炸大腸，不熱但還有微脆。因炸大腸要炸完後，要稍微吹凍才會脆這次我算。梅菜蒸菜心苗好食的。等了很久個南乳蒜香BB骨還未到就追加了些菜式。4·胡椒豬肚湯5·鼓油皇炒麵6·豆腐火腩煲個火腩煲和胡椒豬肚湯是OK正常。到鼓油皇炒麵有點硬，連牙菜都無多條收＄78。等了很久個南乳蒜香BB骨终於到，原來是由賣完燒乳豬後，把下欄起出來的豬殼來做這小菜！居然原只豬脾骨這樣放上碟。肉質非常乾柴烈火，簡直用垃圾做出來！怪吾知得要等咁 耐，要人家吃完乳豬才做到這餸，還非常、非常咸！我問店員他話這寫明是用豬BB骨做喎！非常失望的一餐！居然所謂的米之蓮是這樣把食物給顧客這餐三個人食了＄593

平平凡凡既舖面，實在有d唔想入去，咪又係一般小炒，心諗：做乜帶我黎lee度😔大圍都入左去，好唔好都一餐啦。7大3小既組合，叫餸都方便，朋友負責發板。之後黎既餸菜，一個字形容：「大」。第一味椒鹽賴尿蝦已經好震撼，手臂咁粗，肉嫩鮮甜，大廚好細心，前開一舊舊，剪兩下就食到大舊肉。半隻燒鵝，隻鵝夠曬大，肥瘦比例啱啱好，味道就一般啦。蒜蓉蒸蟶子，蟶子彈牙爽口，但粉絲就硬硬地，犯左一般餐廳都會犯既毛病，慣左。椒鹽九肚魚，九肚魚入面d肉仲係軟林林，熱食超正，如果可以多d椒鹽味道就更加好。嘩！隻蟹超大，淨係個蟹鉗就成碗玩咁大，雖然大，一d都唔老，食完好飽。蟹身仲炸過黎，食落好香口。老鼠班大就夠大，但火候真係難控制，有部分滑，有部分’鞋‘。咁多餸最貴就係佢，我下次就唔會再叫，唔值。總體黎講，都算高質小炒，其實同價錢成正比。隻蟹一定要再encore。