增煇大排檔 & 增煇藝廚

营业中

休息中

朋友臨急臨忙叫我出嚟試下呢間深水埗區，得到米芝蓮嘅食店，見到菜牌內有，蔡瀾推介。去到餐廳門口即場揀蟹，揀咗隻斤半重嘅，新鮮生猛蟹準備薑蔥炒。跟住坐低等食，環境係酒樓格局，晚上十時祇有兩台有客第一味蒜蓉白菜仔，白菜仔靚食落無根主角就係薑蔥炒蟹。好大隻。但估唔到炒出嚟肉質非常鮮嫩。應該僅僅熟，呢點好考師傅的功夫，味道係薑蔥味，最欣賞係蟹肉肉質鮮嫩。食蟹時，職員細心遞上濕紙巾，和奉上一兜茶用作洗手之用，加分。豆腐魚腩煲。魚腩拉過油再炒，豆腐外皮吸曬醬汁嘅味道。經典送飯菜。另外蝦仁炒蛋的蝦仁爽滑肉眼望落晶瑩剔透。咬落超級無敵爽口呢個反而係最推薦的。

同事聚會一行7人，以為去大排檔會好 「up dup」，原來有新舖開係對面，乾淨舒服。有太多嘢想食，食食下又加餸😆醬撈鮑魚 - 凍食，好入味梅菜蒸菜心苗 - 菜新鮮焗魚腸 - 好香唔腥鬼馬油炸鬼 - 油炸鬼包墨魚挖，好好味金沙白苦瓜 - 好味好脆水煮牛肉紅燒豆腐胡椒豬肚花甲湯 - 好甜（當然也好辣）頭抽雞 - 呢個一定要食！薑蔥撈魚皮 - 好香蔴油味豉汁蒸鱔 - 好好肉，好脆口原來食左咁多嘢😅 飲埋啤酒汽水，埋單無加一 $1886 真係好抵食！😋

Encore幾次增輝了。保持水準。多數野食都好味。今次約多D人可以試多d款。螄蚶同椒鹽九肚魚翻兜。繼續好食。。生蝦正常冇特別。金銀旦豆苗。菜開始不合時了。老了。鬼馬油炸鬼。砵酒桶蠔煲。熱辣辣又香👍辣酒煮花螺就一般。吾夠辣。同根本吾系嗰隻味。胡椒豬肚花甲湯。好正呀。夠味夠胡椒。花甲多又大隻。多人終於可以試到隻頭抽雞。新鮮雞。有埋內臟。冇想像中咁good。吾夠入味。反而d雞內臟仲好味。。豉油皇花竹蝦。時价$30両。人頭隻。我都吾知几$隻。好好味呀。新鮮又大隻又多肉。啖啖肉厚😋😋#飯堂系列#飯店 #飯堂 #大排檔 #港式風味 #坐街邊 #鐵皮屋 #米芝蓮推介食肆 #大排檔風味 #中式 #小菜 #小炒 #中菜館 #中菜 #中式小炒 #海鮮 #seafood #花竹蝦 #新鮮雞 #頭抽雞 #foodstagram #hkinstargram #instargram #instagood #instafood #hkig #hkfoodie #foodie #相機食先

話說男朋友要去深水埗整車，而我又響附近收工，所以就約左響深水埗食飯。由於都比較夜，加上車友介紹，所以就決定響依間度食。我地3個人叫左個椒鹽鮮魷，豬肚蜆湯，同埋梅菜扣肉。 3個菜都超級出色，難怪得獎又有咁多遊客來食。首先講個豬肚湯，超級足料仲要大份,$160左右夠我地3個人每人飲4碗。而個鮮魷就外脆內爽，能夠味，都係相當出色。不過扣肉就要等得比較耐，黎既時候都已經比較飽。最後要提既就係，雖然d野食好重味，但係之後都唔會覺得渴，所以應該冇乜味精！

自從喺米芝蓮上榜之後，增煇成日都大排長龍。就算已經有幾個舖位，週末冇book位的話基本上係食唔到。小炒嘅餐廳當然係多人食先有著數，可以試多幾個菜式!胡椒豬肚湯胡椒味好重，鍾意胡椒嗰種辣嘅朋友值得一試鬼馬脆油條油條入面釀咗花枝，外面脆裏面爽口彈牙魚腸煎蛋今時今日好少地方有得食，工序繁複嘅關係唔係咁多餐廳整。不過魚腸味有啲苦。椒鹽九肚魚炸得鬆脆得黎啲九肚魚好滑同冇乜骨總括而言，食物質素唔錯只係人多比較嘈同埋難落單，上層坐得近樓梯位的話要小心後面不停有伙記上上落落傳菜。小菜份量唔大，但係尙算抵食。

朋友話要嚟試試。我又唔明點解佢要排隊同做到兩個鋪位？炸得脆，蝦膠彈牙，配傳統酸甜汁，但係完全唔熱嘅哩個第一樣比較好，金銀蛋味滿溢你見到應該都係得嗰幾粒肉仔，味道不過不失，尚算脆身，又係唔熱嘅乳豬脆呀，但個陣豬肉羶味真係勁咗啲，都係唔熱，個廚房三條街行過嚟？鹹魚雞粒炒飯，另一樣比較好，第一個原因緊係因為熱啦，第二係因為飯炒得乾身，調味適中美味熱，但又變咗唔脆？媽呀，我好亂。主角即浸雞，豉油係唔錯嘅，加撈兩碗白飯。雞口感係鬆軟的肉感，但雞肉唔入味，要不停點啲汁。哩個價嘅豉油雞真係值？

This one is a very traditional Dai Pai Dong that you can still see their kitchen is in between the streets. You can see how they cook and fry every dish. Under such cold weather, I went out with a gang of friends for Lamb Bowl. One of us introduced this one to us. The lamb bowl cost around 400 HKD but the portion is well enough to feed 4-5 people. The lamb bowl is with a basket of vegetables. We have 4 men to share the big bowl and cannot finish the dish. We ended up takeaway some of the portion

香港的小菜館很多，但水準卻很參差。這家來了幾次都要排隊，是人氣之選。點了個鹵水鵝掌翼（$93）比起一般打冷，這個鹵水偏淡。雖然這樣，反而沒那麼口乾，而且還很入味的。生拆蟹肉趐（$238/每煲）餐牌寫著是二人份量，其實足夠四人每人一碗。不過蟹肉和趐倒是吃不到。沒關係，味覺可以就好了。中菜館好的地方是：炒菜嘛，可以點一些簡單而又不在餐牌裡面的。我們叫了一個蒜蓉炒豆苗，不錯。最重點的是只一個適合寒冬的羊腩煲。羊腩十分入味，而且很腍。而餐廳自家制的醬料配搭起來更加惹味。但相信那醬料混了一點酒精，因為吃久了會有點澀的味道。總結：不太喜歡在這種環境吃飯的我還是覺得美味。

小菜王就食得多～增輝大排檔都係第一次！增輝一直在小菜王隔離，真係一直被本人忽略！完全睇唔到增輝嘅存在！原來增輝榮獲「米芝蓮」評級！真係失敬失敬！「增輝菜館」對面就係「增輝藝廚」，都係同一間食肆，只係名字有啲令人混淆。夜晚嘅石硤尾街選擇坐喺「增輝」門外，大排檔當然要坐門外先夠風味啦！員工態度表現得好親切，算係窩心意外收穫。餐牌菜式好多選擇，樣樣都好似好吸引，樣樣都好想試！結果都係揀了三個小菜～油鹽水煮蜆蜆雖然唔係好大隻，但意外地隻隻都好新鮮，冇一隻係壞蜆！蜆肉肉質嫩滑，清甜！蜆湯亦好清，油鹽比例剛剛好！粉絲吸收曬湯嘅精華，加有芹菜嘅青香，簡單嘅材料，已經可以做出好好嘅味道。椒鹽九肚魚賣相好吸引，濃濃嘅椒鹽蒜香味，非常惹味！第一次食到去魚頭、開肚嘅九肚魚！之前食開都係連頭成條炸，但去頭開肚可以令到魚肉更入味！九肚魚外酥內滑，油炸嘅時間拿捏剛剛好，盡顯大廚功架！好好味！如果有椒鹽田雞嘅話，一定一定更吸引。紅燒斑腩煲魚、豆腐、菜係必備材料，每款都好好味，斑腩啖啖肉，只係略嫌係將煮好咗個菜式先放入個鐵煲度，有失去煲仔菜嘅意義。白飯都煮得唔錯，飯粒軟熟、分明。好美味嘅一餐晚餐！以後會繼續支持！

星期日晚一家大細去增輝藝廚食飯，深水埗大排擋/小菜館黎講算乾淨。可能星期日晚飯時間，滿場⋯⋯完全唔夠人手，起碼叫幾次先有人過來。但好彩食物無令我們失望。螄蚶: 最好味 but ensure u don't mind breaking all your nails 砵仔焗魚腸: 真才實料好多魚腸但我個人覺得多d蛋會好d斑球西蘭花: 小朋友好鍾意客家豆腐: ok一定會回來，再試下其它菜色！

一家人同爸爸慶祝65歲生日食飯，諗住揀啲地道啲嘅大排檔。聽朋友講話增輝大排檔啲食物都唔錯，所以去試吓。打電話book枱嗰時已經訂預定了一隻炭燒乳豬、一隻頭抽雞同半隻燒鵝炭燒乳豬一隻 $538家姐想試下，所以特登預訂一隻。我地大家都覺得價錢略貴，味道一般，沒有特別驚喜招牌頭抽雞一隻 $348 呢個反而有驚喜，大家都覺得好食。肉質幼嫩，唔會太鹹。電話預訂個時話係用新鮮雞🐔兩位小朋友仲叫咗白飯撈汁食 燒鵝半隻 $228比想像中大碟，都好味，肉質唔會太un鬼馬脆油條 $88 剛剛好一人一件，好香脆好食 咕嚕肉 $88老公至愛咕嚕肉，去中菜餐廳一定會叫應該係即叫即整，所以都係香脆好味花枝釀皮蛋 $78 呢個我第一次嘗試，我覺得好好味白色個層係花枝，所以外層香脆，但食落有嚼頭脆皮炸大腸 $78姐夫介紹食炸大腸，我食左一件，都okay無奇怪味老公睇一次食，覺得好味，仲食左幾件只係我自己唔太鍾意食大腸😂😂🤣🤣椒鹽白飯魚 $88香口野都係比較受歡迎，都係香脆好味不過呢個比較鹹d肉絲炒麵本來弟弟想食乾炒牛河，但餐牌冇，轉左要肉絲炒麵面底香脆，都幾好味鹹菜豬肚湯 唔記得影相 😅不過大家都覺得幾好飲，真係勁多

好一般大排檔-原本去諗住食佢地頭抽雞，點知原本冇得叫半隻，sosad😨。唯有叫個薑蔥霸王雞($178)頂住檔先，霸王雞雞肉都幾多，可惜偏鞋身，好一般啊。-另外仲食左三樣野，整體都冇話特別出色😪。椒鹽白飯魚（$88）都算夠鑊氣，好脆口又好夠味，配啤酒一流啊。沙拉焗肉扒（$83），肉既份量都夠，味道不過不失啦。啫啫通菜（$68）調味唔係幾夠，不過大大份。整體以深水埗嘅大排檔來講唔算好出色喎，附近大把好選擇。

一家人提早預祝中秋節,再次舊地重遊去增輝食頭抽雞,質素依然保特到水準,雞肉嫩滑,頭抽汁味道啱啱好,小朋友用嚟撈飯食,一绝。另外第一次食佢個木盤龍躉荷葉飯,鱼油浸入炒飯底度,加上炸蒜蓉撈埋一齊食,簡直冇得輸!

朋友請吃晚飯，因為我家就在深水埗，所以就從 open rice 找了一間評語不錯的大排檔吃晚餐。看了其他食客的評語和照片，很多食物看起來都不錯吃。其中有一道菜肴叫頭抽鷄似乎最多人推薦，於是我們也點了這道菜肴。的確，頭抽鷄是美味的，如果能配上一碗白飯，真是天衣無縫。其它菜肴如，油條釀墨魚膠，這道菜是新加坡/馬來西亞發起的，最近幾年在香港也流行起來。我們一夥六個人因為人數有限，所以食量也有限。看見隔壁台點了我們沒有點的食物，雖然也很想點來品嚐，但也力不從心。只望下次有機會再來增煇廚藝用餐，品嚐其它佳餚。增煇廚藝的菜單豐富，十分吸引人。不過我覺得價格有點高，所以我也只能夠在特別的日子才會找藉口來吃。

✨啫啫時菜今日係通菜，有d肉碎，咸香味重，通菜幾惹味✨豉汁蒸魚雲魚雲嫩滑，豉汁味香濃，而且仲有微微辣椒味，果然唔錯✨魚香茄子煲份量唔少，大條，肉碎入味，咸魚香飄飄，茄子軟硬適中✨福建炒飯有菇、瑤柱、雞絲、芥蘭顆，濕潤度適中，但略嫌偏咸✨北菇滑雞煲唔夠鑊氣，雞肉略嫌肉質唔夠滑此大排擋所有食品偏咸🤔