增煇大排檔 & 增煇藝廚

营业中

休息中

每次一大班人想食中菜都會揀去食增輝原因好簡單款式多 價錢都合理如果你係一大班人去食 都比較建議訂位而且有啲食物嘅款式係要預訂嘅好似呢個豉抽雞都係必食 但係要預訂嘅必食嘅原因係因為佢成隻雞都好入味 但係好滑身 甜甜地 好易送飯呢個鬼馬油炸鬼都係必點嘅菜式 佢炸得好鬆化 同個sauce 味道夾得好好個椒鹽九肚魚都係我必點菜式 佢係即炸好香口不過比較熱氣本身都好喜歡食佢個豬大腸但係今次食 佢啲菠蘿好似變壞咗咁 個味好奇怪至於其他食物都好ok 佢絕對比起其他大排檔抵食夾大件嘅

想食鑊氣小炒而又想坐得舒服嘅話增煇係一個唔錯嘅選擇貴為米芝蓮推介指南嘅鑊氣王餐廳環境乾淨又不失大排檔風味最適合大班朋友聚首一堂******今次點咗5個餸📍羊腩煲 - 羊腩炆得入味而且好腍，羊肉份量好足料，配搭埋腐乳嚟食更加惹味📍鬼馬脆油條 - 油烤鬼中間包住一層墨魚滑嚟炸，墨魚滑好足料，雖然油炸鬼炸得比較硬，但感覺一啲都唔油膩📍胡椒蟹 - 胡椒味夠香濃完全帶出蟹肉嘅鮮味，斤幾重嘅肉蟹夠晒肥味，淡淡蟹肉好入味，值得推介📍餃子釀雞翼 - 不過不失嘅一道餸📍招牌頭抽雞 - 即叫即整，需時40分鐘，想食嘅話就要一坐低即刻叫啦！因為炆得足時，成隻雞都好入味，連雞胸都好滑，算係水算之作，最驚喜係會包埋內臟雞潤、心同腎，吸晒頭抽嘅味道簡直係完美

2019年4月18日(星期四）外國朋友想食大排檔，一於趁復活節長假期前夕，相約飯聚。晚飯時間落大雨，好彩有訂枱，唔駛响外面比雨揼咁狼狽。可能係長假期前緣故，生意好到不得了，樓面唔夠夥計做嘢嘢士多啤梨骨，酸甜汁校得啱啱好，幾好味！金銀蒜蒸勝瓜，上枱有驚喜，認真大堆頭，抵食夾大件！勝瓜清甜軟滑，金銀蒜香口，更加係精華，一致都話頂呱呱👍椒鹽脆豆腐唔單止豆腐外脆內嫩，椒鹽又係香脆美味，無叫錯不過對高價（差唔多$400）豉油雞評價就一般喇！雞肉嫩滑帶甜味，但係豉油香味過淡、唔夠濃，又超細隻，仲要等45分鐘就唔值得！上菜速度超慢，成晚都要催速同等待就麻麻地

大排檔最重要就係鑊氣同風味。今次同班同事fairwell，就去左石硤尾嘅一間大排檔食飯，志在有得一大班人圍埋傾下偈，又可以食到好野。脆皮炸大腸薯仔牛柳粒椒鹽九肚魚西蘭花炒帶子蠔餅咕嚕肉

小菜館食過好多間，香港唔同區都有唔少，不過覺得呢間真係味道唔錯，叫左幾個普通既菜式都整到炒到非一般味道，欣賞西蘭花鮮魷 ，其實出面食都係一般普通不過不失，呢度食既鮮魷味道還好既不過西蘭花食落去口感係趣趣既感覺，所以幾特別幾好味。蜜味薯仔牛柳粒，薯仔口感唔散唔太粉，食落去口感岩岩好，出面少有整到咁加上牛柳粒口感都少少林又夠味道所以呢道菜都好鍾意啊，正。紅燒豆腐煲，豆腐趣趣地加上都有煲既味道，煲都有冬菇同菜，呢種味道真係街食少有，正唔駛寫咁多，呢3道菜足以比好評好味道了。好彩周圍行搵到呢間試下食。總結正

今日晚上 一行四人 。見這食店的名氣大。就去試下。 叫了一份梅菜扣肉煲。一份薯仔牛柳粒。一份椒絲腐乳通菜。一份豆腐火腩煲。薯仔牛柳粒：不過不失椒絲腐乳通菜：一個字 鹹豆腐火腩煲：火腩本身都有鹹味。但依然下了很多鹽去煮。豆腐都鹹到傻。墊底的白菜也是鹹到傻梅菜扣肉煲：來到的時候不是煲上。而是碟上。同是暖的。食了外圍幾淡梅菜。是正常味道。但是中間的梅菜食凍的。扣肉中間是還沒有熟的。肥豬肉部份就明顯見到未熟透的脂肪。繼而立即叫店員過來。交代後。就更換了一個生炒骨但來到的竟然是 咕嚕肉而咕嚕肉，肉霉。粉厚。汁水 過於酸。埋單407元。不貴也不算平 這些菜的水平 低下。夠膽講。大家樂晚市小菜都比 這間垃圾食店要好這間店 沽名釣譽。正宗垃圾 有圖有真相

同我朋友食飯永遠唔使我擔心食咩🥰因為佢係一個食家😋永遠都會去安排的餐廳給我品嚐今次也不例外帶我來到這米之蓮的餐廳🥳其實平時如果我聽到米之蓮餐廳會有啲害怕因為我姐姐成日說米之蓮餐廳都是俾錢便可買回來的😖但係今次唔同跟住一個識食嘅朋友😤就唔怕入到一啲唔好食嘅餐廳好彩我朋友識人一早已經book好位安排好晒佢成日講呢間餐廳要等位好多人食不過好彩可能係平日星期二所以見佢人流唔算多🤕但係嚴重人手不足樓面得個一兩個人🤔見佢啲款式都好多仲見到椒鹽九肚魚都叫左黎食😱因為要食好食嘅椒鹽九肚魚真係唔係間間都整得好食，而且吾係間間都有，見佢米之蓮餐廳當然要試吓我哋仲叫咗個蒜蓉炒豆苗，士多啤梨骨，乳鴿同埋豆腐黎食第一道餸士多啤梨骨:呢個骨我對於佢既評價係一般般，因為佢個肉有啲淋而且唔係好入味。當堂心諗應該米之蓮唔會系(服)掛😅。不過佢個醬汁酸酸甜甜咁幾開胃🤣好彩之後上咗第二道餸係我最鍾意嘅椒鹽九肚魚:呢個好食既程度吾係講笑呢，真係好好好食，見到都口角流涎。香脆脆的外皮，滑溜溜的魚肉，放入口仲要係熱呼呼的，真的是色香味俱 。第三道餸黃金豆腐:炸粉夠薄，內裡夠滑，放入口中會自然滑落食道，鹹鹹辣辣的皮，簡直係物美價廉

同屋企人食生日飯，無特登影相⋯得個頭抽雞算ok，所有野食都一般，又咸、又細碟、豉油王炒麵炒到燶哂，忍唔住要換過碟（好後悔無影低）⋯鮮榨橙汁要$118一榨，但放一陣已經一層水一層橙汁（媽咪係屋企自己榨個啲橙汁放兩日都唔會咁）貴其實唔緊要，但係應該要俾番相應嘅食物質素俾客人。胡椒豬肚花甲湯啲咸酸菜又無浸到，成碗湯咸到不得了，所有餸都偏咸⋯餐飯食到一半已經狂飲野！極力不推薦！無下次！唔想其他人中伏⋯不過可能個人口味唔同不過真係第一次難食到忍唔住要打個劣評。

增煇 星期五放工有咩好做 梗係同同事去食食食食好野啦 大家一人一句 終於諗到食咩 lu 就係之前係夜消磨介紹過嘅餐廳 增煇 !!!! 坐低睇睇個餐牌 全部都好想先 最終一行六人叫左11個餸 竟然有焗魚腸 扁頭嘅油炸鬼好脆 魚腸無腥味 再加少少胡椒就一流啦. 超級好味豉油🐔 好滑. 仲有雞肝腎 . 豉油王鵝腸超好食 . 其他菜式仲有 芥末芝麻蝦球 鬼馬油炸鬼 菠蘿子薑炒牛肉 椒鹽白飯魚 胡椒豬肚花甲 都好有風味 其實餐牌上仲有好多野都想試 已經決定我哋下次再黎食過

香港大排檔已經所淨無己，而呢間可以話係我地其中最鐘意呢一間！雖然已經搬入鋪位，但野食依舊保持住大排檔嘅鑊氣同特色！每年天氣轉涼都會忍唔住黎食佢地嘅枝竹羊腩煲同其他小炒。羊腩煲份量足夠2-3人食，送一碟生菜🥬。出面好多地方整羊腩煲都已經唔再落馬碲、竹筍等配料，但呢度唔會偷工減料，保持足料👍🏻羊腩炆得入味、夠淋，南乳同柱候醬嘅味道調配得好好，唔會死咸，生菜吸左湯汁，真係好正🤤走左油嘅薯仔粒，內軟外脆，牛柳粒非常嫩滑，被香甜嘅蜜糖、香辣嘅黑椒包住，非常惹味😋😋😋用料雖然簡單，但味道卻係非常出色！蒸嘅火候控制好好，海蝦好新鮮，肉質爽口彈牙；全部都開半，食起上黎會方便d。加上蒜蓉、少少辣椒一齊蒸，更加鮮味👍🏻

周日晚上来增辉大排档，一行四人选坐在里面餐厅（吃完饭就觉得这个觉得非常正确，到了傍晚外面的炒锅开始忙碌起来，炊烟袅袅）。- 胡椒猪肚汤： 要求少放胡椒，味道非常不错，胡椒味道过后还能品出一丝甜味，猪肚也非常软嫩，一连喝了两大碗。- 椒盐濑尿虾：35块一两，每只八两，叫了两只，感觉味道一般，炒蒜蓉不够脆，濑尿虾比较新鲜- 蒜蓉粉丝蒸扇贝：口味一般，感觉扇贝是解冻后的，所以不够鲜甜- 半只烤乳猪：口味不错，不沾酱也已经相当够味，皮脆肉嫩- 金银蛋浸豆苗：豆苗很嫩，汤头有少许咸甜味，总体不错- 生牛肉炒饭：牛肉略带咸味，炒饭不油，整体感觉不错

本身當晚諗住食萬發，但排哂長龍又無訂位嘅關係，所以一行8人轉戰增輝等位唔算耐，但張枱細到不得了，4人枱坐8個人。不過都算數，野食ok就得點左個 京都骨，燒腩仔，炒豆苗，炒飯，豆腐火腩煲，椒鹽鮮魷，本身仲想叫多半隻雞 $188半隻 $388兩隻點知啊姐同我地講：個個都叫一隻雞 邊有人同你斬半隻，你地咁多個人，一隻都唔夠食啦！我地R哂頭 咁你餐牌又寫半隻？之後唔知係咪因為我地唔係點貴價菜待遇極差見到左右隔離枱都好快上菜 我地10-20分鐘先上一個 個個都餓到死一上菜就清哂 之後啊姐同我地講燒腩仔無哂 （我親眼見住佢比左最後一塊燒腩仔比隔離枱熟客，但係我地一坐低已經落左單）有一個戴眼鏡啊叔態度極差朋友問可唔可以跟下啲送 啊叔眼尾都唔望我地（啊叔一定聽到，朋友講野好大聲）跟住無茶 叫佢幫手拎 望左一眼扮聽唔到調頭走總括成餐飯都勁谷氣，8點9坐低食到10點最後一個送都未到 cancel左個豆腐火腩煲埋單要計數 啊姐黑哂面眼超超野食偏咸重口味 貼錢買難受

每次黎都一定要叫嘅美食！敢食螄蚶嘅朋友一定要試，加埋佢嘅特製醬油同香蒜，令到螄蚶鮮甜度爆登！可能係世界上最好味嘅海鮮！重叫咗即炒鼓油王炒面，好多人叫，記得預咗要等，唔記得影相，鑊氣度無得輸，好香又唔油，必叫item !重有蒸勝瓜同麻辣鴨腎，都唔錯👍🏻大排擋黎講，暫時至佳之選！

睇完tbb曹永廉介紹呢間大排檔, 梗係搵機會去試下啦. 好彩有訂會, 唔係有排等呀, 勁多人. 大連鮑魚: 冇諗過原來係凍食 但係粒粒都入味, 少少辣又夠彈牙 呢個大蜆胡椒豬肚湯, 胡椒味夠濃喎,好正呀. 凍凍哋飲返碗湯暖胃嘛.嘩,呢個椒鹽鮮魷, 我覺得真係麻麻地喎.  個炸漿多到爆,  好難先搵到啲啲魷. no good.呢個金銀蛋豆苗, 一般般啦, 都冇咩特別驚喜呢一個潮州炸蝦棗: 拳頭咁大粒, 但係蝦棗呢就唔夠爽, 而且仲有少少霉,  同九龍城買返嚟嗰啲差得好遠呀, 失望舖頭推介呢個草莓骨: 又幾好食喎甜甜地,  攞嚟送飯就一流.呢個係主角頭抽雞:  肉夠嫩, 鼓油甜甜地. 但係要成三百又要等三十分鐘, 仲要叫一隻, 因為唔知有冇第二張枱夾到半隻. 我就覺得唔須要咯. 

新年期間同友人相聚去左愛文生點知去到先發現仲未啟市錯有錯着...就試吓增輝啦我哋八點鐘去到但都要等成10張飛左右🤨下次都係book定枱！我哋今次叫咗三樣餸三款都不錯👍🏻1) 炸花枝皮蛋，表面香脆，內裡熱辣辣佐酒小食一流2) 招牌菜豉油雞，好夠味唔知醃左幾耐呢？脾位肉質夠嫩滑，擺盤擺得整齊雖然唔錯，但試一次就夠！3) 炸豬手呢個超有驚喜💜豬手皮炸得脆口，一d都唔乾唔難咬🤘🏻另外肉質juicy，仲有肉汁配上少少炸粉椒鹽增加口感—-本身我哋揀餸諗住黎個第二round因為我哋坐街邊嘅關係突然有隻🐭響我哋腳邊行過我實在冇胃口再食啦唯有轉場啦有機會再戰