塚田農場 (已結業)

今日出開APM行街，到晚飯時間行過塚田農場見唔算太多人，就走咗入去食。佢係用QR Code掃code落單，我地就叫咗個美人鍋同西京燒銀鱈魚。不過佢個美人鍋嘅份量真係少得可憐，冇特別影相，佢份牛肉少到不得了，太概一碟有7片，然後另外有個免治雞肉球嘅東西同一個蔬菜拼盤。西京燒銀鱈魚個餐係唔包白飯，我要另外加錢加個白飯⋯整體來講，雖然佢份量好少，但食物質素係OK嘅，但係我覺得個性價比真係唔係太高，兩個人埋單食咗$350左右，就算我覺得加埋個自助吧呢都唔吸引⋯因為見到佢自助吧啲食物都唔係話咁吸引⋯然後我坐個位天花板又滴水，環境一般

難得去觀塘搵朋友，佢都搵一間坐得舒服嘅日本餐廳傾吓偈午市套餐最平$100有找，semi budfet 包沙律吧、飲品同甜品，真係幾抵食沙律吧有唔同種類嘅沙律同醬汁，可以自己配搭飲品都有差唔多10款，咖啡去到養生飲品，到紙包飲品都有銀鱈西京燒御膳$158西京燒味道無太多調味，健康之選御膳set 跟左多款配菜，每隻碟都細細份，好精緻再加埋個麵噌湯，食完會好飽南蠻炸雞$38小食可以加錢追加，炸雞唔會厚粉，熱辣辣上幾正

係APM收工, 因為落大雨廢事係出面搵野食啦所以就係APM搵間性價比高的, 發現3樓塚田農場DSET都係百幾就有交易環境又唔錯, 所以入左去啦環境係日本風為主, 感覺乾淨舒服安格斯牛小排定食-$148定食係除左有好靚既安格斯牛外, 仲有漬物同麵豉湯。安格斯牛有十塊, 肥廋比例適中, 食落有少少牛脂味, 更能帶起成個牛肉既味道, 用黎送飯真係超一流, D個我覺得係必點的牛肉壽喜燒鍋燒烏冬御膳-$108而除左烏東外, 原來仲有個刺身飯, 點小食咁食都唔錯。D個既牛就偏廋少少, 所以淥既時間要再控制得好D, 如果唔係就好易過鞋口, 而腐皮同烏東甜甜地, 令人好開胃, 有越食越想食既感覺湯烏東-$18食完佢個烏東仲想食多個, 所以叫多個烏東, D個就冇壽喜燒果個咁甜, 但昆布味同烏東永遠都係最好既朋友, 好夾好好味總結我地都覺得必點係安格斯牛小排定食, 真係好好味, 值得一提係位真係好大, 就算餐廳坐滿人, 都覺得仲好有空間感, 好舒服。

聽講呢間餐廳係宮崎縣既人氣居酒屋，係日本已經開左好多分店，今日一於黎試下。呢度好寛敞，坐得好舒服。我地一個打邊爐，一個食燒肉，一次過滿足左我地兩個既口味。美人鍋套餐 $168係呢度招牌菜，可以因應口味自由配搭。揀左骨膠原湯，超正，係用左宮崎縣走地雞嘅骨膠原熬成，一上枱成舊啫喱。肥牛新鮮、明太子芝士免治雞肉，好味，口感唔錯。蔬菜盛合，色彩繽紛。特別啲揀左日本羽衣麵，上枱既時候都係熱，過一過湯底就食得。朴葉味僧牛柳定食 $108呢個係高山著名既料理，用朴葉加味噌，蔬菜、菇、蔥同牛燒到入哂味，再餸白飯食，味道啱啱好。呢度加38蚊就有自助Bar，有果茶、沙律同甜品任食，好抵食，但係我地夠飽就無加啦，下次餓啲就試下先。

呢日放工之後同屋企人去咗APM呢間餐廳度食dinner，餐廳好大間，而且環境好舒適。呢度可以用QR code落單，好方便。打開餐牌見到呢度有好精緻嘅套餐。每位加$38仲可以享用自助吧嘅嘢食同嘢飲。我哋點咗兩個餐，分別係滑蛋鰻魚御膳同埋黑醋炒雞肉野菜御膳。每個餐都跟咗啲小菜、麵豉湯同埋飯，好豐富。滑蛋鰻魚煮到好入味，啲湯汁有鰻魚嘅鮮味，同滑蛋撈埋一齊好正。黑醋雞肉酸酸地，好開胃，入邊仲有唔同嘅蔬菜，例如南瓜、秋葵同埋茄子，好健康。我哋仲加錢要咗個溫泉蛋飯，超吸引。呢個三文魚牛油果美人卷層次豐富，好好味。仲點左雙色雪糕做甜品，有綠茶同焙茶味， Perfect ！

塚田農場經過APM，見到附近有呢間日式美人鍋，好耐都無食過嚕，比佢吸引左入去😍美人鍋套餐~$168午市採取半自助形式，有自助沙律，甜品 ，飲品，定食，我揀咗壽喜燒湯底，壽喜燒湯底濃郁，肥牛略嫌有少少肥，日本農場直送明太子芝士免治肉，鮮嫩好食，配埋爽口彈牙烏冬一齊食，蔬菜盛合，色彩繽紛，蔬菜新鮮翠綠，健康有益，真係好掛住日本😝塚田農場🏠：觀塘觀塘道418號創紀之城五期(apm)3樓L3-L13號舖☎️：35963909

疫症下難搵食…見到呢度個Menu都啱食，就入咗去啦。有我想食嘅烏冬鍋，整體感覺都OK。 不過嗰碗細細的魚生飯，味道就一般啦。呢度勝在係飲品任飲，揀咗杯假嘅sangria味道很像利賓納！飲品選擇都算多，仲有罐裝飲品。雖然佢好似好多種水果茶，但係我目測佢哋嘅味道應該係一樣！ 純粹個人推測，唔好意思。仲有兩款小蛋糕甜品， OK喎！ 企喺門口嗰位店員哥哥，喺呢個疫症之下，態度都可以咁一般。唉… 明明知道有客人企喺佢面前，佢望都唔望一眼，繼續低頭寫嘢，睬你都傻。直至客人開口！不過店內嘅店員係OK的。

Apm有好幾間日本餐廳，見到呢間係有火鍋嘅日本餐廳，又有唔同種類嘅嘢食，所以嚟試吓😆😆叫咗幾款嘅刺身有三文魚，吞拿魚，油甘魚同帆立貝，大部份嘅刺身都新鮮嘅，不過吞拿魚嚟計就食得出係平價野，唔好諗住同壽司郎比😂😂，同埋佢個帆立貝都幾特別，佢叫意式帆立貝， 啲汁酸Maymay 咁， 配埋一齊食幾特別之後嗌咗個海老牛油果美人卷，聽落個名好似幾好食咁，點知咬落去係冇咩味，同埋個牛油果好少，不過個蝦都新鮮嘅，都大嚿最後嗌咗個美人框飯御膳，其實都唔係好明個名係點解，應該佢個飯係木桶裝既，其實若果一個人去嗌一份御膳就已經飽，佢有得俾你揀幾款，但一定要揀兩個框飯，最後我哋揀咗一個麵豉湯，一份炸物，一個鰻魚同埋牛肉飯，再加個沙律，佢個框飯幾特別，不過我唔鍾意佢個飯嘅質感，係好淋，淋到黐埋一嚿嚿咁，同埋佢都冇用竹燒嘅味，不過我都知呢個價錢唔會有咁質素，咁鰻魚同牛肉都可以啦，但個麵豉湯唔得囉，第一啖超鹹，放棄😩，個炸物都OK嘅，唔會好厚

去觀塘行街後醫肚，見到原來塚田有lunch set，仲有自助bar花茶/ 沙律（仲有蛋糕仔！）外面自助bar的飲品選擇好多，有花茶、果茶、啱曬鐘意飲嘢嘅我，同真係好適合同frd食飯慢慢傾計都唔怕口渴～而且每款果茶入面都真材實料好多水果、特別推介甘荀蘋果美人茶，是超清甜重蘋果味中帶點甘荀香。他們的沙律菜雖然是任食，但水準都好，生菜和蘿蔔甜香爽口，好fresh豚肉味噌湯御膳—係抵食之選，$98 就食到好滿足，而且有得任食任飲～冷盤的硬身豆腐滑香，酸酸的味道好開胃。鍋內勁多菜、白蘿蔔、蘿蔔、豆卜、洋蔥、金菇、牛蒡，全部好入味好香味噌，味道不會好鹹，還有彈口蒟蒻，感覺好健康這個炸池魚也是重點之一，超好食！炸得剛剛好之餘好多魚肉，香口得來炸粉薄，脆得好有層次感，好想encore😋銀鱈魚西京燒御膳—銀鱈魚texture香滑，煮得入味，廚師超有心思。而且他們的麵豉湯都勁多菜，超健康食飽後一定要出去攞tiramisu cake，是必食！軟香甜得來甜度剛好，仲好香咖啡朱古力味😋😋😋下次來觀塘再食😍

放假當然要周圍玩周圍食，但沒有晚市的日子真難捱, 所以得返lunch time要食好啲。 咁啱 睇到k.o.l. 介紹 日本shabu shabu， 搞到心癢癢， 即刻 search IG尋找美食。㙇田牧場的美滋鍋很吸引，套包括 一份肉類， 蔬菜拼盤， 米飯或者烏冬， 一人一鍋夠曬衛生。肉類可以選擇豬肉、雞肉 、牛肉。 也可以選擇九州和牛😋😋。九州和牛壽喜燒鍋御膳九州和牛顏色鮮豔奪目， 肥瘦均勻， 肉質淋滑充滿肉味， 配搭雞白湯鍋底， 更顯得肉味香濃。雜錦魚生飯套餐配搭 迷你魚生飯， 有三文魚、吞拿魚、三文魚子、 玉子、青瓜， 材料都幾豐富加埋珍珠米煙煙靭靭， 細細碗份量啱啱好。蔬菜籃材料很豐富，包括：蕃茄 、南瓜、 蘿蔔 、生菜、 翠玉瓜、 紅黃椒、 玉米荀 、生菜 、金茹 、本茹 。 蔬菜 很新鮮， 每款都有少少， 一個人食就啱曬啦。真心覺得最抵係免費自助區， 大量唔同款式嘅果汁 同埋果菜水， 仲有 紙包同埋罐裝飲品 ，可樂、檸檬茶、 無糖茶。甜品係 細細件的 抹茶蛋糕+ 紅豆蛋糕， 蛋糕質地軟滑， 抹茶味香濃 唔會太甜， 紅豆蛋糕甜少少， 但係都幾好味。

趕住系6點前堂食，就選擇左呢間日式餐廳，種類非常繁多！而且仲有小型自助區，有野飲同沙律等三文魚牛油果美人卷 $𝟜𝟛三文魚牛油果美人卷係以越南春卷皮做一個𝕓𝕒𝕤𝕖之後加入主角，牛油果加三文魚，仲有其他材料卷埋一齊，透明晶瑩既皮包住所以材料一覽無遺，美人卷有一個醬汁配上，食之前可以點一下再食，味道就會變得更有層次，係一款好好既前菜-滑蛋豬扒御膳 $𝟡𝟠滑蛋豬扒御膳，就係以定食既形式，滑蛋豬相當嫩口吾會太硬咬吾到，十分喜歡-南蠻炸雞御膳 $𝟠𝟠另外叫左南蠻炸雞御膳同樣係一款定食，超中意食南蠻炸雞，一食落口好𝕁𝕦𝕚𝕔𝕪 ，而且每一件雞都大大件，肉厚又好食，不過略為不足就係個南蠻醬少左少少，如果再多𝔻就𝟙𝟘𝟘𝟘分-梳乎厘玉子燒 $𝟞𝟠玉子燒就食得多，梳乎過梳乎「你」又食過未先，如果係雞蛋狂熱者，呢一款燒完都咁多汁同ℚ彈既玉子燒好岩各位，保證你叫完一定會打卡食完會仲想食喔

因為感覺鍋物類間間都差唔多, 所以專登去試日式餐, 叫左最貴既刺身同壽司餐咩美人刺身/壽司, 唔記得叫咩啦, 好睇唔好食成餐結論就係唔知自己食左D咩, 食後感甚至比爭X壽司更差刺身用料低檔, 拖羅成口渣, 壽司每件都味如嚼蠟最伏係個自助Bar, 冇望就比左錢先, 出到去望一望, E個價錢比ED野是開玩笑嗎? 公平D講, 鍋物未試冇得留評價, 但丼/刺身類絕對可免, 半價都唔值未稱得上好差但收費同質素平衡已去到崩壞級別極少寫食評, 乜都食得落既小弟都忍唔住寫呢篇野, 希望少D人中伏啦

今日同朋友去觀塘食飯，諗起好耐都冇去過呢間餐廳，一於又入去試吓~😝佢主打係一人一鍋火鍋，非常衛生 又可以自己選擇鍾意嘅湯底~我朋友叫咗美人鍋套餐，味增鍋燒烏冬御膳，再加左小食南蠻炸雞🍗如果驚唔夠飽，可以加$38仲可以任食沙律同任飲物飲品添！但我哋今日有啲飽所以就冇加到啦，但係見到出邊沙律都相當豐富~美人鍋套餐叫咗忌廉蕃茄湯底，明太子芝士免治雞肉，豚腩肉，蔬菜盛盒，相當豐富！全部都非常新鮮好吃😋忌廉湯底creamy 並且大有濃郁蕃茄香味，同肉類食相當夾~又夠健康😝我個味增鍋烏冬還配上迷你壽司飯同埋天婦羅，天婦羅炸得啱啱好，有大蝦🍤丶南瓜🎃配上清新丶鮮甜嘅湯底，彈牙嘅烏冬，口感一流另外炸雞炸得熱辣辣好好吃，配上酸酸甜甜丶落咗好多雞蛋嘅醬汁 ，減低肥膩度，吃得非常愉快！

想挑戰牙力就要挑戰佢哋嘅豬扒蛋丼！自問食野真係冇咩高要求，但個餐嘅難食程度驅使我要上嚟寫個食評。蛋同調味好鹹都算，塊豬扒真係不得了，冇肉味又乾又硬，啲粉厚到批蕩咁！咬落去真係感覺到係我暫時食過最難食嘅豬扒丼！為咗唔好浪費，勉強食晒，𡁻完成排牙感覺好軟，想試吓自己啲牙健唔健康，即管來挑戰喇！真心覺得豬扒丼可以難食得有個譜，但呢一個豬扒丼真係超出我想像。個沙律吧極之搵笨，只係得菜同無限添飲，但你又飲得佢幾多杯？

要講塚田農場，相信大家對美人鍋及美人框飯御膳並不陌生，小編同大家一樣，對日本的情意結甚為深厚，今晚來到觀塘amp獨獨樂，目標唔係打邊爐刺身款，反而選擇左塚田人氣推薦之魚肉篇share比大家。一如以往星期一至五的套餐包括有自助吧，沙律吧、冷熱特飲及罐裝汽水任揀任取，天氣凍凍地乾燥最岩飲甘筍蘋果果美人茶滋潤返喉嚨。預備好沙律飲品後就需要耐心待一段時間，迎接即叫即燒的主菜金目鯛。燒金目鯛御膳 $168推介:⭐️⭐️⭐️⭐️⭐️個煮海苔醬飯 +$15金目鯛產地分佈於日本北部冷水海域，眼睛很大，被稱為大眼紅魚。外表色澤鮮紅，品質高而且甚為稀有🥳金目鯛經燒過後肉質仍然保持嫩滑，入口滑溜，柔軟油潤，是刺身壽司之外啖啖香魚肉的推介，而且帶有濃郁鮮甜的魚香味道，十分滋味👏意式生吞拿魚片配牛油果 $78推介:⭐️⭐️⭐️⭐️fusion 款的刺身夾層放了洋蔥及調味香草，將吞拿魚本身的鮮味升級一點再加上片片軟綿牛油果，作為前菜品嗜是一個非日式刺身的體驗。用餐後查找官方資料，原來佢地係使用備長炭去製作所有燒物，為魚肉御膳加多一份炭燒香味感😋同一系列還有炸池魚、燒花魚、燒血鯛都係值得一試。👅美味: 8️⃣ 😮驚喜: 8️⃣✨環境: 9️⃣