塚田農場 (已結業)

第一次去食！本來睇完食評同圖好期望，但一入到去坐底就感到怪怪。hold 唔住張椅！係唔知點解坐在木椅好滑，好似地下好多油咁！職員又話係地磚問題！轉完位都有同樣問題！食物就一般般….

諗左好兩三日，但一回想到呢個畫面就覺得好困擾、好想即刻嘔，所以決定講出黎。-當日同屋企人叫左兩個主食、兩份前菜，其中一份係油金魚刺身。(其他食物冇咩特別，所以唔講lu)-$48油金魚刺魚有5件大大件厚切既。小妹首先食左第1、2件，個人黎講食左2件已經覺得足夠，味道冇特別突出，始終呢個價錢呢個份量，都唔會要求啲咩。-屋企人唔點食生野，所以餐飯既中後期，佢好勉強咁食左半件(佢夾第3件)，但其實一夾起已經見到有血水要流出黎，好彩佢只係食半件。-於是小妹夾起第4件，冇諗啲咩正當想放入口，自己眼角好似望到啲野，於是將個Focus落返件油金魚，就發現圖中既長線、2點半透明白色點同1條纖維。-形容做「長線、半透明白色點、纖維」我覺得已經好厚度，因為個感覺似件食物跌咗落地下再執返上嚟，所以痴左啲野上去，例如頭髮同塵。-小妹即刻搵個疑似經理既男侍應，同佢講見到啲咁既野。個位男士話幫我拎入去問下廚房發生咩事。然後，重點黎啦…-男侍應入左廚房大約5-6分鐘，之後出返黎向我地解釋「個條線係師傅處理刺身個陣，唔小心Hi到係側面處理燒物既野，個條線係『燒網線』」。-心諗：咩係「燒網線」？睇返menu，好似唔覺有咩

食物質素不錯，但自助沙律甜品吧，甜品種類少，只有忌廉蛋糕，而蛋糕上的忌廉微溶，雖然不算很甜，但感覺好難食，自助飲品區內的飲品應凍的不凍，令飲起來感覺古古怪怪….

掃碼落單系統有問題，落左單半個鐘員工先發現原來未落到單。發現問題後也未即刻幫我做，等左差唔多一個鐘先食到飯！差評！發現問題後道歉然後馬上處理是基本態度！希望改進！

今次同老婆過黎食丼飯，假日周圍都好多人，餐廳都排隊，呢間只係等一陣就有位👍🏼生薑燒豚肉飯 ($78)啲豚肉片overcooked左，燒得比較燶同比較油，但味道都可以，都重生薑味，飯軟硬適中，如果唔係啲肉燒到好似煙肉咁，成個丼飯會唔錯。滑蛋豬扒飯 ($88)呢個丼飯麻麻地，豬扒應該炸定左放底左一段時間，豬扒食落唔脆，啲肉都麻麻地，偏軟身，成塊似急凍炸豬扒翻熱。好彩啲滑蛋唔錯，整體味道正常，唔係好食都唔算難食。呢到地方大，枱大凳大都坐得舒服。店員服務都好好👍🏼。只係食物差少少。

黎到apm 見呢間嘢賣相幾好 睇餐牌都覺得好似好好食 叫咗一份鐵板燒牛肉 一份壽喜燒 兩個餐冇樣嘢好食 除咗壽喜燒個烏冬好味之外 其他嘢真係搞唔掂 😞😞😞 好失望壽喜燒個餐配左一碗好細嘅魚生雜錦飯 個三文魚咬都唔使咬就爛咗 人哋入口即溶 佢係入口即爛 🥶 極度懷疑係咪過咗期個鐵板燒牛肉就唔使講啦 啲肉勁肥 叫咗最貴嗰個餐 但係冇啖好食 個飯好似唔識煮咁 啲飯勁乾又硬 牛肉就脂肪多肉少 唔會再有下次Real bad trip no next time

真心呃錢呢間嘢☺️食牛涮鍋都冇咁嬲食大家樂打邊爐都飽過佢$168個鍋你收得我168可唔可以比大份少少呢我係女 食完真係唔飽連嘢飲都唔包 加$38個自助吧咁我加完都$200 不如去但馬屋？一句講晒 價錢與質素份量不成對比

同朋友去食晚餐，叫咗個朴葉味僧牛柳定食（$108）。牛柳大概有10片，沒有任何調味，原汁原味。牛柳底下有菇，定食包有兩個蔬菜小菜+ 白飯+ 味噌湯火很快就熄滅。牛柳要全熟的話，要抓緊時間燒。

第三次踏足尼間，主打火鍋最新仲多日式燒肉set作為美人，當然點左 "美人煱" 份量普通……一人前份量剛剛好值得一讚 👍🍲骨膠原湯底， 膠原味甜甜哋，配搭新鮮蔬菜🥬🍅🥦🍄無得彈+$38/位 可以享用自助吧，任飲，任食salad、甜品 😋😋

疫情放援，突約飯局！因美人鍋名吸引，入內一嚐。餐廳以日式簡約裝修為主，座位主要是卡位，間距足夠、整潔，讓人感覺舒適而不美人鍋：一大鍋菜，一日本粉，肉就叫了肥牛，有一明太子雞肉！其湯是濃濃的豬骨湯，好入味、滑而不油膩美人框飯：自選兩款框飯，再加一款小食！我哋就點咗一份配蟹肉三文魚籽框飯同蒲燒鰻魚框飯。其飯是日本糯米放入竹筒，再加配料蒸裝而成。糯米飯會吸收配料汁變有味飯，餐內配有一炸雞。價格不算貴，味道不錯！

捐血前必先補充好營養！預先經App訂位，賺里數兼唔使排隊！入到去見到一列自助醬汁、沙律、甜品、飲品果茶….以為又要加錢至享用到啦，話曬都貴租吖，點知原來每人叫滿 $78 就吃得，抵喎！自助醬汁自助沙律 （唔使錢唔好要求咁多呀吓！）自助啡、茶（個啡好過茶記）自助花茶 （無飲，自己睇樣）自助甜品，其實係好食嘅！到main dish，珍珠米口感好，肉靚，烤板唔黏，整體質素幾好。呢set一百蚊唔使，肉油好香，一口一塊包飯好味。天婦羅烏冬，會放喺檯上電磁爐加熱，冰烏冬墊底，建議夾起天婦羅先，因為烏冬一熟就會浸淋曬。跟餐個魚生飯同醃漬都唔錯。喺APM用呢個價食到呢個質素算非常好，值得一試！

估唔到喺APM會搵到平民美食，呢個價錢喺商場餐廳真係極少見到!眼見刺身一啲都唔貴，叫咗油甘魚試吓，擺盤好精緻，見到都流口水🤤，可能太多單上枱後都要一啲時間解凍，不過唔影響味道！我同朋友簡單叫咗一個牛肉壽喜燒定食同埋滑蛋鰻魚定食，牛肉壽喜燒定食有好多片牛肉，仲有兩款開胃前菜同埋半熟玉子，將滑嘟嘟嘅半熟玉子放落壽喜燒，感覺特別治愈！湯底濃郁但唔會太鹹，特別鍾意旁邊嘅腐皮件，吸晒湯汁好好味!另外附上一小杯份量嘅刺身飯，令成個定食變得更多樣化更吸引！朋友點讚滑蛋夠嫩，好似「跣」入口咁，鰻魚有厚度燒得又夠香，配上甜甜地嘅鰻魚醬汁，好快就拌完一碗白飯，定食仲配有豆腐、開胃前菜同埋麵豉湯，全部加埋都只係需要$98～其實呢度出名食美人鍋，眼見唔少人都有點，另外加$38嘅都可以去自助吧度任食任煮，真係好抵！商場舖嚟講性價比確係高！

📍#塚田農場 (#觀塘)觀塘觀塘道418號創紀之城五期(apm)3樓L3-L13號舖♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺觀塘APM食肆非常多 完全花多眼亂之前經過見到尖沙田、沙田分店都超多人好彩今次六點幾尚早，見到#塚田農場 咁早無咩人排隊😋😋😋終於試左😝❣️#燒肉定食💰 $98定食包括有味噌湯、漬物、飯而燒肉就有肥牛片、豚肉片，各佔一半肉既份量大概有十片😋燒肉上面有黑椒作調味，亦有燒肉汁 😊❣#炙燒三文魚&明太子飯💰 $88整體不過不失 三文魚已經輕輕炙燒過 好香不過個人覺得三文魚同明太子太少🥹❣#三文魚牛油果美人卷💰 $43推薦✌🏻 總共有三款美人卷😋 外皮係米紙卷皮，晶瑩通透、薄且不韌裡面有紫洋蔥、玉子等沙津菜紫洋蔥味道頗突岀， 個人好鐘意食紫洋蔥正中我口味(๑˃̵ᴗ˂̵) 旁邊個醬汁一定要點精華所在🤓❣#讚岐烏冬💰 $18純粹滿足好想食冷麵類既感覺估唔到又幾好食 烏冬好彈牙 🔺🔺🔺🔺🔺🔺🔺🔺🔺🔺🔺🔺🔺#hkfoodie #foodies #food #igdaily #foodiehk #foodpics #hkig #hongkong #hkfoods #foodie

最近日日都落雨，好想食熱辣辣嘅嘢，諗起塚田農場個美人鍋😆唔知係咪大家都咁諗，晚上7:30後好多人等位。餐廳入面座無虛席，但枱面偏大，每張枱之間都有足夠空位，用餐環境唔錯。原本想食美人鍋但見到其他都好吸引🙈可惜當日冇燒肉…🌟牛肉壽喜燒鍋燒烏冬御膳 $108🍜除咗烏冬，仲有一個迷你刺身飯，漬物，日本温泉蛋 （沙律是自助吧）🍜牛肉唔錯，有肉味，再沾滿蛋汁，入口更嫩滑🍜壽喜燒湯底煮開後，配料好似日式油豆腐，都慢慢吸收湯汁🍜烏冬有咬感，吸收晒湯汁甜甜地，再沾滿蛋汁，更好味！🌟美人框飯御膳 $168🍱每道菜都有幾款可以揀同細細份，岩晒想試唔同嘢食但又怕食唔晒嘅人🍱「框飯」原是一種來自新潟的鄉土料理，將鮭魚卵、鮭魚肉等材料同米飯一齊放入木盒中蒸製而成。🍱塚田所有框飯都採用日本糯米，糯米香甜，食落軟糯。🍱5款口味中揀咗三文魚同蒲燒鰻魚，煎三文魚帶有魚脂香味，配上三文魚子鮮味十足。蒲燒鰻魚加上蛋絲同鰻魚汁，拌飯食又另一種風味🍱小食揀咗天婦羅，份量比想像中多，除咗炸蝦粉漿稍嫌裹得太厚，其他秋葵南瓜等都唔錯另外加咗自助吧（$38/ppl），可以任飲，任食沙律，甜品。飲品種類好多，除咗罐裝飲品，仲有好多果汁同

好耐無同屋企人出去食晚飯，今日放工就同屋企人去食呢間，見到餐牌食物種類都好多，諗好就可以掃QR code自己手機落單，咁我地就叫左三樣野美人鍋套餐 有6個step揀1骨膠原湯 - 都有膠原味甜甜地感覺幾好2明太子芝士免治雞肉 - 有明太子既免治雞肉會有口感多啲，雞肉嫩滑整體幾正3 豚腩肉 - 建議唔洗淥咁耐咁先嫩口4蔬菜盛合 - 色彩鮮艷5 配料和醬汁 - 好多選擇 去自助吧攞就可以 6 日本羽衣麵 - 爽口彈牙，滑嘟嘟都唔錯海老牛油果美人卷外皮晶凝通透簿簿包住，蝦都算新鮮，如果牛油果可以重味啲就更好梳乎厘玉子燒呢個玉子燒就算無餡料都好正，出邊嗰層滑入面個層更加嫩滑，要小心一上枱就食嘅話入邊都幾熱下加$38可以享用自助吧，主要有飲品同甜品可以仼攞，如果一個人加，全枱人都一定要加