塚田農場 (已結業)

當日無訂位，嚟到要排隊等無得攞飛。餐廳坐落海運大廈最盡頭，坐擁無敵海景。不過如果由正門入都要行十分鐘，好似話有自動電梯直接上露天停車場。等位期間已經見到侍應喺客人面前整手切沙律一塊塊菜，牛油角，三文魚即切即撈，到我地食嘅時候反而又無好似咁比兜嘢我地睇又無喺我地面前切，有少少失望。因為朋友隻腳受左傷，帶位員話專登安排我地坐卡位因為驚巴枱坐得唔舒服，幾貼心不過卡位果邊冷氣極大風，吹到紙巾都郁哂。諗住叫個貌似小肥嘅經理果嚟調低小小，佢一嚟就懶熱情咁話好，三秒之後又話一熄要成set熄會好焗，又話工程部之前嚟睇過但未整好，總之就係整唔到之後仲要講句，哈哈呢個位係最凍架，真係有啲唔helpful. 個冷氣真係好影響哂成餐飯，個炭燒鹽味鐡板雞，用塊熱板上，炭燒味濃，雞亦鮮味，不過個冷氣真係太大風，我地已經食雞先過食沙律同埋食得極快，食到一半已經凍哂美人鍋配料幾精致，分兩層放。一嚟先煮融舊骨膠原湯精華，我地之後就先淥菜，講真菜嘅選擇就唔多，得一款菜同啲蔥，菇亦唔係多。牛肉有八塊，都大塊，品質算中上。最好係點埋溫泉蛋一齊食，係正嘅湯呢就偏甜，都幾膠，感覺有啲似飲緊好濃嘅拉麵湯。一試無妨，但性價比略低。

呢到LCX位置，發現咗塚田！坐落嘅位置相當之唔錯因為面向無敵大海景，而我估計價錢應該都唔係好平架啦！不過睇咗個餐牌之後就有少少surprise喎！ 價錢算中上啦！ 可以接受嘅！因為冇定位嘅因素呢，所以我只可以坐到吧枱！而如果有定位嘅話呢我相信就應該坐嘅地方係比較好景觀嘅！ 所以如果要來嘅話，應該訂枱會比較好啲！ 係到Dating係一個唔錯嘅選擇!! 食物質素上邊呢都唔錯嘅！味道都唔錯！ 炸雞有兩種醬汁分別係咖喱汁同埋明太子汁！而我覺得最值得推介就係嗰個粟米塔， 佢上面係一個牛油味嘅雪糕！ 而係個餐牌上面最吸引我呢就係嗰個拉麵因為有一隻雞脾，雖然出嚟個樣同個餐牌有少少出入，不過味道都係好食嘅！ 我哋三個人食咗咁多野都係＄600，咁呢個價錢呢我都覺得OK嘅！值得encore

雞白湯醬油拉麵 $113.位於偏僻既地方但意想不到有咁多人黎食野 想食記住要book枱先 bar台都冇得坐如果唔book.主打鹿兒島走地雞 所以都叫返個雞湯拉麵 我叫的那個是最貴的 因為多左隻雞脾😂個湯底幾濃幾杰下 好濃醬油味多過雞湯味 蛋幾好食 半熟蛋係好食過流心蛋 隻雞脾肉唔鞋不過d肉淋既 唔夠彈牙 我記得係鹿兒島食親d雞肉都好韌🙄🙄🙄拉麵同平時食開既好唔同 唔識形容 但入口係硬身 我覺得可以煮淋少少 .最過份係冇炸雞🙁變左舊豚肉卷飯團👻👻👻仲送杯野飲 講真都唔係咁好食者😂去日本應該好味d呱 仲有d日本人侍應感覺nice d🤔仲有環境嘈過酒樓 講野細聲d都聽唔到隔離講乜 完全破壞左個無敵大海景觀.😂冇乜特別推介完 $113 一個拉麵都接受到既 🤷🏻‍♀️🤷🏻‍♀️🤷🏻‍♀️lunch set 夜晚就唔知.

塚田一直係我去日本必食之選, 得知香港新開咗分店, 心情本是興奮的。一早訂咗8:30pm枱，帶著期待的心情預早少少去到，餐廳職員話要等10分鐘，因為仲有枱埋單中但客人未走..... 之後越嚟越多訂咗枱嘅人出現，每個客人一行到去front desk同個女職員報到，都未話姓乜，已被刻薄表情的女職員截停話要等等。結果門口就出現咗好多人等候。到最後女職員又要喺個booking list度由頭到尾嗌一次人名。點解唔可以一早記低已到嘅客人呢？等咗30分鐘終於入到，眼見餐廳裡面其實仲有數張空枱，即時心裡一沉，實在不明白為何還需要已訂枱的客人久等 餐廳環境確實唔錯，望住維港夜境好舒適，但食物比較普通，遠及不上塚田日本店，加上如此服務質素及態度，真是可一不可再

呢間日式居酒屋有大大個落地玻璃,成個維港景色一眼望哂！簡直無敵！原本雙魚星號泊左岸擋住我視線, 好彩過左陣就開船出發⚓️*美人鍋 ----果然名不虛傳！👍又真係幾好食！骨膠原湯底一開始係好似pudding 咁！之後變成濃濃湯汁！兩層食物架賣相相當吸引!上面蔬菜下面雞！雞肉非常雞肉滑嫩!*炸粟米㙮 -----唔推介👎個人應為炸粟米配vanilla 雪糕唔係好夾,食落口感好怪🙈又凍又熱又甜又咸！好複雜啊啊啊啊啊！唔知其他人有冇共鳴..但我真係麻麻地😐*梳孚厘玉子燒 ---- 可以一試！*三文魚牛油果卷 ----- 好fresh , 可以一試！*炒麵 ----- 推介！話說我本身係好鐘意食炒麵既！👍呢度既炒麵相當討我歡心😍調味相當出色亦不會過咸！有日本既感覺! *peach mocktail ----正常冇伏！不過唔大杯*綠茶啤-----其實綠茶味就真係飲唔到, 不過貪新鮮試下咁lor😂Ps: 兩個人係咪叫左太多野呢🙈🙈🙈🙈

攞咗位入咗餐廳，去完廁所返嚟，張枱其他人坐咗我明明已同餐廳職員講咗去廁所，咁係咩道理。之後，職員仲話下張俾我，好似好快有枱結果等成個鐘都冇枱。若果我冇交代要去廁所，就係我錯，但我有。若果職員講明其他人都冇咁快埋單，有排等，咁等與唔等我決定，就算了，但職員好明顯誤導我，累我白等😡😡😡😡😡😡超級、超級過分.......餐廳食物種類太少，份量亦少，價錢亦唔平，職員態度亦超差，口氣亦差飯冇食，氣就一肚，就算下次俾＄請我，我都唔要從來未見過咁樣架餐廳、咁樣架服務態度😤😤😤PS. 呢個係我坐咗成個鐘，親眼所見所感

The food is worth the money and pricing is reasonable. Definitely will visit again. Perhaps the restaurant is still new in the operations, staff seems to be not tuned in yet and lack of smile. One of the manager look gentleman "Silas" is totally poker face. We wanna change our cup for some reason, Silas didn't say anything or apologize but simply pass the cup to the bartender asking for the change. Quite disappointed that he failed to act professionally even holding such a job ranking. The

慕名去試從日本開過黎嘅塚田農場，先講食物:-DIY SUSHI (要預訂，每日限10份) 自己做壽司, 材料一般不在話下，最重要果塊紫菜係林嘅。失敗。美人牛肉鍋材料份量都很好(仲可以加湯添)。見圖。成件事敗筆在服務。去到餐廳門口，receptionist 唔知去左邊，等左一陣(心諗就算帶位都唔駛咁耐)，咪行入去睇吓我D朋友到未；行到入去有伙記嘅位置；又比人叫番我出去門口等帶位。我地四個人坐張好细嘅四方枱，我地叫左(已預訂嘅)2 份 DIY Sushi及一份美人鍋。先黎兩份DIY Sushi；已經佔據哂成張枱，未食完，有伙記想上個美人鍋，我地話食完個 DIY Sushi 先上個鍋，都無位，個伙記話，幫你執執張枱，執咩呢? 根本無位! 再講，我地想食完一樣先一樣，佢唯有撤退。呢度嘅侍應有本地人同日本人，日本人嘅服務係超班嘅，相比本地人侍應就唔掂。本地人侍應成日都叫你等等 (可能唔夠人手吧)，加湯又只係擺低碗湯你自己加，日本人侍應會幫你加埋，倒嘅時候仲會用隻手遮住，驚D湯彈到你。未試過美人鍋嘅，都可以一試嘅。記得叫日本人幫你 ! 同埋有得揀，要揀窗口位，一流海景。

星期五一朝早已經約好朋友諗住試試呢間新開嘅餐廳。點知打咗全日都唔通，星期六我地一行5人12:45pm到咗餐廳。門口reception 個女士話walk in 5位要2pm後先有，於是我哋就提出分開兩位同三位，然後就排隊。喺等候期間，陸陸續續有好多walk in 客到嚟排隊。點先等到1:35pm, 所有walk in客已經被安排入座，唯獨我哋五個人仲喺度等緊。於是我就上前問返 reception 嗰位女士點解我地講咗分開2人、3人枱，但排喺我地後面（起碼4、5張2人枱）嘅所有客人都反而被安排入座？跟住位女士露出一副不滿嘅表情，然後就叫咗我地搵3位入去坐先。我同另外一位朋友喺門口繼續等，然後望住reception 個男士同個女士講「比咗佢地，solve咗件事先，費事煩。」，跟住條女亦繼續相當不悅咁講咗幾句（佢地以為我聽唔到）。2分鐘後終於入晒去，但入面仲有2張4人吉枱+1張8人枱（可拆開做4張2人枱嗰種），呢幾張枱一直到2:30pm都無人。食物味道ok，但拉麵湯底偏鹹。侍應服務ok（除咗門口嗰1男1女）

一向最鍾意食居酒屋料粴的我,得知有新日本地度品牌在港開分店,當然要去試吓!!位置在海運大層的最入,聽說是新開放的地區!?由於四周都圍版裝飾中,其中以為唔對路一度折返所以大家去ge時候記住一路直入,行到盡頭。一進去有兩台高高的吧枱,一枱對燒爐,一枱對水吧。再走入D竟然是對正一望無際的維港景色  淨係個景已經加晒分!!因為預先予約,被分到窗邊位。Menu種類一都算豐富,簡單易明。我們一行四人差唔多把大半個menu都叫晒XDDD不得不叫,一定是美人煱!! 原個雞湯啫喱咁上,一定好多骨膠原!Menu雖然寫住二人前,但其實我地4個人分岩岩好,食完飯埋D湯都飽咗一半!!第二樣餐廳推薦的炭燒鹿兒島走地雞,雞味及肉質彈力十足!但其炭燒味道可能唔係人人喜歡。(朋友說好似BBQ燒濃咗咁 XD)以上三種熱食,梳乎厘蛋卷,豚肉燒飯團,明太子長芋燒餅~全部推薦!!反而冷盤就無咩驚喜,但清清地食吓都無坊。粟米脆脆塔!!呢個加上雪糕,咸咸甜甜好有趣!!強烈推薦可以當甜品食。反而甜品比較失色,生春卷皮配上蕃薯蓉,抺茶不是人人能接受XD""四人一致認為應該將粟米塔當甜甜,作一個完美的總結。雖然我地沒有叫飲品,但一共食咗

本身諗住食韓國野，不過去到太多人，所以機緣巧合下試左呢間日本料理價錢不貴但係又質素質量高，服務態度同環境都值得讚👏🏻👏🏻👏🏻👯一去到可能係新開張吾洗等位👯👯👯好好味既炒麵 超級夠獲氣又夠味 粉量適中⭐️⭐️⭐️⭐️其實呢度主打美人鍋 下次一定要食拉麵湯底十分濃郁 配料足 麵粉軟硬適中 值得一試⭐️⭐️⭐️⭐️超級超級好好味嘅豚肉卷 外脆內軟外面塊豚肉又夠味仲有鐵板味好香 一個係芝士一個係辣一個係原味 裏面啲飯仲要有埋啲豚肉肉汁 超讚！⭐️⭐️⭐️⭐️⭐️香茅芝士明太子餅 原本對呢個好大期望 不過可能食唔慣日本嘅香芋 佢同秋葵一樣入邊係有一啲滑潺潺嘅液體 但係個味道都OK嘅 係口感就好個人化⭐️⭐️鰻魚芝士卷 鰻魚燒得好香 芝士超級夠味 全件事好夾 卷物都值得一試⭐️⭐️⭐️⭐️⭐️⭐️⭐️⭐️⭐️環境同服務態度滿分 員工不時會主動幫你加水 而且十分有禮貌 係一個傾計嘅好地方 而且環境都好優雅 適合情侶去❤️❤️❤️❤️😚推介！會再去食👯👯👯埋單3個人都係396咋😇👏🏻好飽🕺🏻

有聞宮崎人氣居酒屋在香港試業，今天一於去試試。餐廳位於海港城二樓，是中型大小的餐廳，設有一覧無維的海景位置。午餐時份，陽光普照，窗外的景緻猶如一幅圖畫一様。在海港城而言，這兒午餐定位親民，價錢由$88-$113，火鍋二人份$320-$520， 配沙律同熱飲。由於今曰自己獨行俠，所以未能試人氣美人鍋（二人份）。一於試著diy sushi set$138.（score 4 out of 5)這個set十分豐富！一上枱有兩大盤餐點放在枱上！壽司配料有十二款，而醬料也有七款：有麵豉、wasabi、柚子醬、七味粉、南爪子、櫻花蝦仔，沙律醬、杞子等。另有壽司飯同紫菜作包壽司用。配料方面既有刺身也有熟食：刺身很新鮮，有三款：三文魚、吞拿魚同帶子，各兩片；另外配料還有九款：醬漬茄子、炸蝦、炸雞、忌廉芝士、鰻魚、玉子、紫菜醬牛油果、漬蘿白等。自作業：三文魚配忌廉芝士估唔到三文魚配cream cheese 再加D柚子醬又真係幾夾下！自作業：吞拿魚杞子/紫菜醬牛油果蟹肉：味道也十分不錯自作業：海鰻加櫻花蝦仔，海鰻鰻魚味十足，肉質唔會太稔有口感。咖啡：比較一般，但味道尚可，咖啡唔夠甘香。有得食，有得玩，又真的

宮崎雞場直營。主攻女性市場，骨膠原雞鍋物，型格裝修，面向維港，性價比高，可以一試。Hip Japanese chicken nabe from Miyazaki;Collagen filled nabe;Chicken themed dishes.Modern decor.Recommended.When I first saw the name of this restaurant (Tsukada Farm), I thought it would be some vegetable themed restaurant like Vegi. Fortunately, from a meat-lover's point of view, the farm refers to chicken farm. This Japanese group owns their own chicken farms in Miyazaki, Hokkaido and Kagoshima. The Miyazaki chicken is famous in Japan for their umami a