塚田農場 (已結業)

首先去到舖頭門口 無人招呼人 無人比水 叫左好耐都無人應單純餐廳景色靚 海景 食物一般 炭燒雞上面全部包住炭 成個口都係黑色 食得慣先好嗌魚沙律腥到食吾到 態度差 吾會再去 刺身還可以 都算甜既 但落左單野食好快到

去到海港城好多舖頭都好多人排隊食嘢因為海港城有coupon$100 減50 /$200減100其實有幾等於幾吸引嘅☺️☺️☺️咁就同朋友是但搵間嘢食啦入咗去塚田農場🏠😎嘩好靚嘅海景～又係對住維港嘅餐廳🌃其實見到個景都已經夠飽☺️☺️•叫咗一個shabu shabu·兩set 卷物•每人一杯嘢飲味道都唔錯嘅😋😋不過價錢有啲貴😅😅最後要食其他嘢填飽個肚🙈🙈不過呢個都係一個拍拖勝地😎成個環境都幾浪漫🌹

食過兩次都係無變，服務好一般，可以話叫唔掂，後生仔hea做果款，日式餐廳居然無日本茶供應，話茶要收費，熱水都問先比你，佢人圴消費都二佰幾，食物都係好一般，唯獨有個海景！

It used to be a very good restaurant… my boyfriend and I come here at least once a month.. we really liked it at the beginning, authentic Japanese with a little bit of fusion, serious of what they are servicing, staff is friendly and not overpricing too much. Over these years, food quality are getting worse each time, staff have attitudes and don’t seems to be happy to work here anymore ..Just sad that they can’t maintain the same standards as they used to ..

塚田農場海景餐廳 設有室外室內平日中午時段人不多 不用訂枱環境優美寧靜 喜歡望海的朋友可以來享受一下🌊Lunch set HKD200-250 💰💰平日煩囂的下午來午膳 不錯不錯☺️清酒味噌燒銀鱈魚御膳🐟銀雪魚肉質及肉汁都不錯 😍味道可以再香多少少刺身沙律好食🥬豆腐一般 湯有點咸🍲炭燒黑薩摩走地雞御膳🐓鐵板上 熱辣辣 好食！😋總括 食環境食感覺食物質素ok 🍴推介指數⭐️⭐️⭐️⭐️⭐️性價比⭐️⭐️⭐️

今日午餐去左海港城揾食，俾呢間塚田農場嘅炭燒黑薩摩走地雞吸引左。午餐餐牌有多款選擇，包括美人鍋御膳，走地雞御膳，美人壽司御膳，涮鍋御膳，炭燒定食，框飯御膳，拉麵定食。炭燒黑薩摩走地雞御膳 $258 另加一其實今餐係為左呢個炭燒黑薩摩走地雞而黎，好少有得食日本雞。我哋坐喺炭燒爐前面，睇住師傅燒雞俾我哋食。一客9件雞件放喺鐵板上面上枱，燒到黑哂，食到炭火味，不過唔滑又冇雞味，雞皮有啲脆有啲唔脆，失望。伴有柚子胡椒。配有普通熱白飯一碗，伴有少量漬物。跟餐有天婦羅，分別係蝦，粟米，茄子同番薯。質素算係咁，炸皮唔厚，如果個汁有埋白蘿蔔蓉就更好。跟餐沙律變左豆腐，我哋要求變返沙律。跟餐沙律係普通沙律菜加柚子醋。跟餐味噌汁正常，有少少昆布喺底。美人框飯御膳 $198 另加一美人框飯御膳主角框飯可以五款揀兩款。蒲燒鰻魚飯有鰻魚兩細片，上面灑上白芝麻粒，我哋用烤雞嗰塊鐵板烤一烤先食，仲正。配有蛋絲，酸薑，同菜苗。下底嘅飯寫明用日本糯米飯製作，肉眼見到係淺啡色，食落煙煙韌韌，木桶邊嗰啲有啲飯焦，味道方面其實冇乜味。蟹肉三文魚籽框飯既蟹肉係有蟹味嘅，三文魚籽就細細粒，除左蛋絲，酸薑，同菜苗，仲有少量青豆。鹽

年廿九和同事一行四人食咗一個品質底劣嘅團年午餐！相中嘅炭燒黑蕯摩走地雞配稻庭烏冬，個名就靚啦，但走地雞得三粒size同五蚊銀咁大，味道比煲完湯嘅湯渣雞更難食，碗烏冬係清水湯，係完全冇味嘅清水湯！我唔係第一次幫襯，之前午晚餐都食過，亦向朋友指介過，但今次乜分都扣晒，亦唔會再嚟！請你們好好反醒夠竟乜嘢問題出錯！

嚟呢度，我見好多人都食鐵板燒嘅雞，但我自己鍾意壽司多啲，所以特登叫咗呢度嘅美人壽司御膳。餐廳本身係海運大廈入面，但就係相對比較入嘅位置，由入口行到去餐廳，大概要8分鐘嘅時間，但餐廳唯一嘅優點係，佢係落地大玻璃，而且再加埋有無敵大海景，所以我覺得再辛苦黎都係值得。我自己就係一個好酒之人，所以拎餐牌嘅時候都一定會睇佢哋有咩酒飲，我就俾佢嘅特色清酒所吸引。而我叫咗杯Akayane Natsu (Summer) (Made with Japan Gin)。杯酒嚟到嘅時候，非常清新，我嘅感覺就似係飲緊一杯High Ball，只不過個酒體唔係威士忌，而係日本清酒，加咗橙皮上去，亦都令到成杯酒個層次更加豐富。之後就係成個美人壽司御膳到場，非常豐富，除咗有錢菜之外，亦都有天婦羅、豆腐、各款唔同嘅壽司。呢一味豆腐，酸酸甜甜，而且加咗芽菜喺上面，每一啖食亦都非常開胃。呢度嘅壽司非常豐富，我特別鍾意呢個負評軍艦，有埋三文魚、鰻魚、玉子喺上面，一啖個，非常豐富。佢另外亦都有一啲吞拿魚嘅壽司，每一舊都係精心設計，非常有特色。天婦羅炸得非常香脆，當食壽司嘅時候，略嫌有啲生冷，咬一舊新鮮炸起嘅天婦羅、有大蝦、茄子等

喺海港城行完街，6:00就冇晚市，5:15衝入去呢間「塚田農場」最後衝刺🤣 當日戶外有啲凍，所以我揀咗室內坐。室內座位都好舒適，全部都係落地大玻璃，可以清楚見到出邊嘅海景. 但係室外個海景真係無敵靚，下次真係要坐戶外, 一路食一路欣賞維港海景❤️ 🌟美人壽司御膳 $198~ 賣相幾靚😍有一盤唔同款嘅壽司🍣另外仲有一碟天婦羅🍤同埋前菜。壽司整體全部都幾好食，天婦羅都炸得好香脆😋🌟梳乎厘鰻魚玉子燒 $98 🔥～ 第一眼睇餐牌以為呢個疏乎厘係甜品，睇清楚啲原來可以揀鰻魚或者蟹肉，咁特別一定要試吓啦。梳乎厘一上枱熱辣辣，有成個拳頭咁大，全個梳乎厘用日本雞蛋製造，口感好軟熟，好香蛋味，食落好有層次感，真係一試難忘。中間切開有鰻魚，加上香甜嘅湯汁，食完真係大滿足💜🌟菠蘿汁 （壽司餐包嘅飲品)~ 菠蘿汁少少酸酸甜甜，幾醒胃🌟Cranberry Juice $42～ 呢杯蔓越莓汁，味道好清新，有好鮮甜嘅蔓越莓味道，幾好飲📍塚田農場 (尖沙咀)尖沙咀廣東道3-27號海港城海運大廈2樓OTE 202號舖

今日行街經過海港城順便搵間餐廳食飯，經過呢間塚田農場，位於尖沙咀海港城盡頭，絕對係靚景配美食，所以心思思想試吓。由於晏晝時段，仲有比較多位置淨，店員帶左我地坐靠近海邊嘅窗口位。餐廳仲可以揀坐戶外既，飽覽整個維港景色，對住咁靚既景食野真係心曠神怡🥰🥰由於今日天氣較凍，我哋都係揀返室內，一樣無遮擋的🤩我同朋友叫咗兩個午餐分係美人框飯定食同雞白湯辣味噌拉麵。首先我嘅美人框飯套餐揀左牛肉時雨煮框飯即係牛蒡牛肉飯，用竹筒盛載住，米飯係好食既、粒粒分明，而且牛蒡牛肉嘅配搭煮得好好，香味完全滲透係飯粒之中，唔錯！套餐仲配有另一個框飯、沙律、麵豉湯同燒豚肉排。我就揀左三文魚子蟹肉飯，呢個飯都係熱食既，雖然細細碗但相當多蟹肉，食落有鮮味，一個套餐包咁多嘢食真抵食！雞白湯辣味噌拉麵，個賣相絕對豐富，落左超多白蔥，碗內有一整隻雞腿，米白色湯底味道非常濃郁，面條亦掛上濃濃湯汁，配上蔥白亦沒有搶走湯味，唯獨面質較淋身，不過都收貨既。

呢間簡直係平價之選嘅日式餐廳🍜主打打邊爐嘅，今次終於試咗佢哋嘅邊爐，果然無揀錯，和牛入口即溶😍豬腩肉厚薄適中，淥10秒已經食得，我另外上次已經好想試吓佢哋嘅免治雞肉，好驚喜呀，醬汁甜甜地，好想配一碗白飯🍚去得呢度一定要叫美人卷！餡料分配得好好，味道好加分👍🏻👍🏻-好鍾意尖沙咀分店嘅環境，仲有室內位置可以坐，望住維港嘅海景好梳乎🥰🤤仲有少量吧枱位可以坐添！

午膳約了女朋友食晏，現在禁晚市堂食，唯有午市食好啲。揀選了這間環境舒適、坐擁維港無敵景觀、出品超受女友喜愛的塚田農場。兩個人叫了一份午市和牛美人鍋，這個美人鍋的湯底是由日本直送，用雞骨熬8小時後骨膠原爆棚，冷凍後變成晶瑩剔透的布甸狀。湯底加熱後，雞味濃郁鮮甜。套餐包括日本及本地有機耕菜，一份有10種不同品種的新鮮有機蔬菜，色彩豐富，營養夠全面。和牛當然是主角，一大碟雪花和牛片，肉質細緻，雪花均勻，入口鬆軟即化，超満足。套餐還再追加2份免治雞肉，雞肉又鮮又嫩，放在雞湯裏烚下烚下後食落口，雞味在口腔爆發出來。塚田的美人鍋果然實至名歸，骨膠原豐富，又配上色彩繽紛新鮮蔬菜，食完都感覺皮膚靚靚。

16.01.2022 星期日塚田農場原本約好在文化中心欣賞話劇，豈料疫情影響，這個月三套話劇也告吹了；一早在塚田農場訂了枱，連晚市也暫停，猶豫不決之下最後改了下午四時食晚餐，沒有看錯，在下午四時下午茶時段吃晚餐😂。來到餐廳門外，已經有人龍，幸好預早訂了枱，可以直接入座；而且一早訂了戶外座位，長長的地方，所以一排每處只放一張枱，大家背對背，在疫情下這樣坐，又不需加隔鄰膠板，感覺又安全又舒適。當然惟一坐戶外，有機會遇上吸煙人士，這一天幸好只是一段很短時間離遠座位有人吸煙。坐在戶外，欣賞著對岸的景色，由陽光普照直至夕陽斜照，這樣環境下心情特別舒暢愉快，無論吃甚麼也特別美味可口，實在賞心樂事。最初是有一點曬，幸好一直有風，所以又不會太熱。餐廳出名是美人鍋，而且還有各款御膳套餐，例如美人壽司御膳、炭燒黑蕯摩走地雞御膳、清酒味噌燒銀鱈魚御膳。其中美人涮鍋御膳可配烏冬、麵或飯，可選擇豬腩肉、澳洲牛肉、和牛、豬腩肉同澳洲牛肉、豬腩肉同和牛；湯底可原味和壽喜燒。美人涮鍋和牛壽喜燒配烏冬上枱涮涮鍋一大個圓形盆，圓邊圍著和牛，下有厚厚的菜碎，真的很吸晴，漂亮得不得了。湯底壽喜燒很濃味，和牛鮮甜美味，份量二人

必定要唱衰依間野,嬲到一個點1️⃣美人鍋, 揀左澳洲牛肉 望落好似好厚咁,點知得第一層係牛肉,下面全部都係生菜🤬🤬XXXX 過份到一個點 即係$720 得6片牛,仲要係勁薄. $120一片的牛肉,質素應該好好啦, xxx你老闆 嘩,同大家樂打邊爐質素唔係差好遠🖕🏻🖕🏻🖕🏻🖕🏻湯底又係勁普通. 我究竟食左d咩呀,完全比佢搵苯7.佢餐牌圖冇顯示幾多g,圖都睇唔到下面原來係生菜👿 食完即刻過隔離金不換食返d正常野 💰HKD$7202️⃣鹿兒島鰹魚他他😅😅我去食爭鮮唔好?💰HKD$148叫佢比水,佢仲要話得熱水,同埋我地冇得refill😒斐濟水黎? 茶記一黎都自動比水你啦,垃圾餐廳,仲要開到分店我真係笑左

呢間日本餐廳既鍋物 平時睇相好新新鮮 好正 所以一直都好想試。海港城呢間分店係海港成既盡頭，但一入到去就比佢個海景吸引，有呢個景食飯已經加分。其實仲可以坐出去架，不過當天都有D 凍，惟有放棄。餐牌都好多嘢食，好難簡。因為之前試過Bijin nabe美人山鍋，今次就試下美人涮鍋。叫左和風雞白湯/~~湯底同之前一樣香港，好夠味，但又口口無味精既鹹。我地叫左豬肉。豬肉拎上黎色澤粉紅，厚薄均勻，十分新鮮。淥完之後爽口，配埋湯底十分正~