城寨風味 (已搬遷) 新店位置

夜晚去九龍城呢間門口掛上紅燈籠的餐廳食飯，店名叫 "城寨風味"。入面裝潢得古色古香。呢餐有脆香乳豬，係店舖既招牌菜，好正。鮑魚仔，雖然唔大隻，但味道鮮甜，好有咬感。燕窩，煮到好似魚翅咁，唔錯。大海蝦， 大大隻，煮得夠惹味。最唔話得係侍廳阿姐服務殷勤，不時地收碟和添茶水，座位又坐得舒服。 店內不間斷地播放著九十年代經典歌，張學友，許志安等人的歌曲，配合店舖懷舊主題。

＊脆皮即燒乳豬＊(半隻)即叫即燒的乳豬！皮薄，輕脆，比薯片 更香口（即叫即燒要等十分鐘）外間較少有的是即叫即燒即使一 個例牌，也是即燒給你，所以入口熱辣辣，乳豬皮呈現粒粒的芝麻狀，又薄又脆，入口更有點點炭香，單吃脆卜卜的皮已很滿足，豬肉亦燒得鹹香嫩滑！＊賽螃蟹＊今次係我第二次呢度既賽螃蟹！依然係美味無窮的我最欣賞這裡的賽螃蟹炒得好滑！唔會太多油！佢裡面有蝦仁，撈埋Ｄ又滑又白既蛋,，入口半ＣＲＥＡＭＹ，食到想加碗白飯送黎食！個個都讚！＊蟹皇翅＊＞惹人唾延與一般翅湯相比，它不會水汪汪，顏色就如附圖的一樣。。配料十足！味道夠濃！ＹＵＭＭＹ！ＹＵＭＭＹ！ＹＵＭＭＹ絕對值得細味品嚐＊瑤柱扒豆苗＊帶有韌度的瑤柱，自然有一定口感！配上滲有瑤柱香味的豆苗，味道香濃，絕對一等一美味菜餚！＊清蒸鮮魚＊這一盤蒸魚一上桌，馬上又要再來一碗白飯清蒸新鮮的食材用最簡單煮法，已經最能襯托出食物的原始鮮味！呢款清蒸鮮魚賣相雖然不討好，卻好食到。。大家都吃的津津有味最後，當然是甜品啦！！＊＊冰塘燉燕窩＊＊ 俗話說葯補不如食補，葯食同源，只要合理配合，就能對人體產生良好的功效！冰塘燉燕窩含多種氨基酸及鑛物質，能促進細胞再

突然去左九龍城食飯, 屋企人話食lei間,因為佢食左幾次都話幾好...咁好丫,試試丫...樓下入到去都好似幾中國d客棧feel, 出面掛左好多個大紅燈籠, 就睇下佢有幾城寨o既風味...上到去坐窗邊, 係望住條南角道, 大大個燈籠, 入面燈光好暗, 卡位o既凳都大大張, 都係紅凳木台, 磚牆, 黑色茶壺,都有d古裝大陸feel...屋企人話份食個乳豬, 三個人食,叫左個四份一豬啦, 個乳豬皮確實幾香口,又簿又脆, 肥膏都唔多, 都唔錯...淆肉, 我第一次見d jelly多過d肉, 雖然個jelly都有味, 入面o既豬肉都淋身入味, 不過jelly多左d喇...啫啫芥蘭, 一心想食菜又鍾意食啫啫煲,不過...lei隻芥蘭都唔係我想食o個隻, 好似mix左菜心咁, lei隻爽唔係我想要o個隻爽, 又超大條,都唔好食...粉絲蝦煲(蒜香味), 原來有得揀蒜香or沙嗲,試試蒜香..超多粉絲,可惜都唔係我鍾意食o個隻, lei隻粉絲係煙煙韌韌o個隻, 雖然係索晒d蝦味,但係d蝦味好腥, 唔係新鮮o個d蝦味,d蝦係好似o個d激素蝦...麻麻地....失望...個白飯用木桶仔裝就幾得意o既...吾

我咁多年來都只係一個open rice讀者，估唔到要為左一餐咁普通嘅飯開個account呢間餐廳喺九龍城只能算中等，可惜服務態度十分求其，侍應同全店最高級嘅經理都不理會客人嘅感受。我點了一味田雞煲，等了四十五分鐘，經理只係話＂仲整緊，今晚人多"，不過去過的人都知該餐廳根本不大，而且連比我晚到的客人的煲也早到很多，明顯是漏單。我同經理表達不滿，我話咁等落去我可能被逼埋單食等二間（我地三個人，點左三個餸，但另一個餸也等左十分耐），佢即刻話＂咁我而家幫你埋單＂。我聽完，十分不解點解一個經理可以咁不理人感受，就問有冇人比你高級，佢話＂我就係呢度最高級的了。＂我唔明點解一間公司肯花錢整網頁，整facebook page，但係卻聘請這樣的人經營餐廳。我好肯定以後都唔會再幫襯，如果你去食，就祝你好運啦。

九龍城，我不是常客，但有時都會到訪為家中添一些食品…今次經同事推介這食店，因要挑選九龍城是晚要遷就一位回港好朋友又要帶著小孩，所以找一個地方要在她家附近。羨慕她家附近食市多如星數，隨時食指動都不用愁,恐怕愁只為挑那家食市合胃口吧！這小店也算濶落，裝修亦算雅緻，服務也殷勤隨意點了幾味小菜…乳豬－似乎是它的推介，但皮不夠脆口，太薄了吧！沒有經過牙縫就到胃了蠔仔煎蛋－雖然普通小菜一道，但勝在夠熱。川味藕片－小朋友就不太適合，但我們大人就食清碟子。爽口亦川辣味適中.麵醬魚雲－大濃味，麵醬蓋過魚雲味，但一定要跟飯同享。風味炒飯－本人一句對白飯無甚興趣，所以得服務員推介這炒飯，份量十足，但欠決熱騰騰感,飯亦太冧身。魚湯素菌浸魚腐－素菜可以，但魚腐不夠滑，炸得過了火又外面炸漿做得太厚。霸皇雞－可選冰鮮雞或新鮮雞，價錢有分別，選擇了新鮮雞，亦食得出新鮮雞味。做得香，亦夠熱口。這裡甜品，絕對不是食店賣店…是日甜品－紫米露，＄１０/碗菠蘿雪巴，就要$68/一個其實食店價格相宜，跟朋友一般聚會亦可以…

一家四口到城寨風味吃晚飯，我們住附近的，經常路過看它挺有特色的，今晚又不用等位，就一試吧。但，實在感到失望！可能因為它的招牌菜是小炒，是我們點不中好吃的吧。首先餸菜一盤盤上的，吃了一碟雞才來一碟菜，吃完了菜乳豬才上到，每次起筷都只吃到一樣款式，令人食欲大減!另外，份量極少。大蝦皇盛惠＄138只有四隻；蟹粥＄328只有5碗；羔蟹粥完全不值＄328!！！！！！！！貴不是問題，但這完全是無誠意之作，收客人三百多都不給好一點的貨，不但粥底不夠味，粥裡還吃到有羔狀的飯，證明可能是未夠時間或者用冷飯煲的粥!羔蟹的甜鮮味也沒有散發出來，令人懷疑蟹跟粥是分開煲的!城寨招牌雞挺嫩的，感覺新鮮啫啫雜菜煲菜本身夠味，但可能因為沒有炒過，蝦膏等醬汁跟菜感覺又是分開的蒜頭大蝦皇＄138四隻，沒有特別。因為羔蟹粥已經食到一肚氣乳豬聽聞是即燒的，但不夠熱，味道不錯的埋單700多，說實話，在九龍城可以吃到更好更平的。

一行8人訂了星期六8:30pm, 8:20pm分左右黎到, 等到8:30pm先有得入~果然準時! 服務 門口阿姐同落單阿姐都幾有禮貌。 環境 都不錯, 坐得幾舒服, 門口仲可以見到師傅即燒乳豬。 即燒乳豬 講到必食, 當然要試下啦! 8個人叫左半隻 (不過個份量一d都唔似半隻, 似例牌多d囉!)不過都幾好味, 外皮燒得又香又脆, 而且不太肥膩! 雞煲好香, d雞又入哂味粉絲蝦煲d粉線好入味, 蝦就麻麻地, 有d"霉", 而且好細隻!蟹肉扒豆苗還可以, 因為有很多蟹肉。椒鹽豬頸肉麻麻地, 唔太夠味! 蝦多士 面頭不是蝦膠, 而是一隻蝦放係多士面, 我都係鐘意食蝦膠多d~栗米魚肚羹麻麻地, 魚肚好腥! !什錦鍋巴個鍋巴好脆, 不過個什錦鍋唔係太夠味, 太淡啦! ! !

不知這裡跟城寨風情有沒有關係,只知向來對這類做"多國菜"的店舖興趣不大.這天在咐近有點事要辦,完成剛好到晚飯時間,友人提議不如試試這裡.在自己又沒有心水之下亦無可不可,想不到在平日的晚上也頗熱鬧,客人坐滿了九成.看看餐牌上有日式刺身,水煮菜式,粵式燒味果然是有聯合國風味.餐具感覺有點怪怪乳豬例牌$68----餐牌上說是現烤,以這價錢有七件也算合理.皮層下的脂肪已盡去,剩下皮還皮肉還肉的砌在碟上,不是沙皮而溫度是微暖,入口脆而不鬆化,肉質味道偏咸.水準只屬一般.薑蔥火腩桶蠔煲$138----桶蠔是正常的肥大肉厚型,面層拍了生粉再泡油回鑊加薑蔥略炒.粉上得薄吃起來微脆,蠔吸收不到半點薑蔥的味道.最神奇是吃到煲底看不見火腩的踪影!找來侍應一問答案是:咁咪抵囉!師傅唔記得落吓哇?說完轉頭便走.思考了侍應這句話的玄機,得出的可能性有ニ:一)抵 = 抵你死無得食!ニ)師傅會因為知道無落火腩而特別比多一隻蠔落個煲度.咁咪抵囉!啫啫芥蘭煲$42----煲仔燒得夠熱收乾了汁水,菜嫩綠入味爽脆無渣.水煮手切肥牛$98----麻辣的味道調較得不錯,有大量軟淋欠彈性的薯粉墊底,另有芽菜,豬紅及沒經化學處理,天

呢間食店好耐無黎，尋日本來想去食南記無位、改去洋一又無位，於是就黎呢到。裝修仍然無變燈好暗玩浪漫feel，其實食中菜又唔係西餐玩乜鬼嗟。坐低睇左好menu好耐，最後叫左下面既野：1. 0者0者豬潤排骨煲：- 個煲拿到黎先倒碟送落去，咋咋聲一輪就食得，排骨好霖唔硬，豬潤趁熱食就幾正，一凍左就變硬。2. 薑蔥霸皇雞半隻：雞好滑，但味比較啖，明顯用既係冰鮮貨，D京蔥都幾香。3. 沙薑雞腳：唔點野都夠味，仲要唔係急凍巴西貨，正。4. 螺頭雞腳煲瘦肉湯(1位)：湯味清甜，雖然一位，但都免強夠兩個人用。食物質素唔算特別出色，但整體唔差，服務都尚算幾好，加左個飯同米粉，埋單唔使三舊，唔貴又幾抵，下次可以再黎。

上星期師傅約左封筆食家"今餐食乜好", 大粒墨同埋師妹一齊睇畫劇, 地點係位於樂富同九龍城交界, 當睇完畫劇後時間已經接近晚上十一點, 由於大家都未食晚飯, 所以鬼死咁肚餓; 師傅就問下封筆食家"今餐食乜好"有咩好介紹, 而封筆食家"今餐食乜好"就提議呢間食店, 由於師傅從未試過所以當然唔會拒絕啦, 而大粒墨同埋師妹一向都係順德人, 所以喺冇反對嘅情況下決定去馬!由於都幾夜, 所以去到都唔需要等位! 坐底後當然要睇下有咩好食啦, 最後決定一人揀一個餸啦; 當行緊去食店時封筆食家"今餐食乜好"已經不斷話呢間食店嘅乳豬好好味, 所以招牌乳豬好明顯比佢揀左啦; 而師傅見到呢道菜個名咁得意, 於是亦決定柯打, 而個名堂就係熱沙律蝦球, 至於大粒墨就揀左蜜椒會鱔球, 師妹份人就懶得可憐, 揀都唔揀, 最後還是由封筆食家"今餐食乜好"繼續揸旗, 再揀多兩個餸, 分別係啫啫芥蘭煲同海皇豆腐羹!冇幾耐搶閘登場嘅係招牌乳豬, 廢話少講即刻開餐; 乳豬皮真的燒得好脆, 又香又脆, 入口卜卜聲, 勁正, 而肉身鬆軟但略肥, 不過又絕對影響唔到個質素, 封筆食家"今餐食乜好"果然冇介紹錯; 再黎試下海皇豆腐羹

今天為細佬慶祝生日, 諗來諗去唔知食咩好, 最終來了九龍城, 今日沒有去食泰國野, 選擇了中式座位不算闊落, 但環境尚可以, 門口有個窗可以見到即燒乳豬即燒乳豬 - 皮真的很脆及不肥, 味道也很可口, 正魚湯魚腐浸什菌 - 真的很咸, 什菌亦有苦味0者0者芥蘭 - 沒有什麼驚喜, 菜亦偏硬香骨手撕雞(半隻) - 失敗之作, 一雞兩味, 一部份做西芹雞柳, 一部份上粉炸, 但炸皮索了西芹雞柳汁, 變淋了醬骨刀削面 - 很大碗, 還可以, 但又係偏咸, D骨就冇咩肉

同39寸白朱古力胸進行左一場既激烈又輕鬆嘅羽毛球賽，我以實力取勝因此贏得一餐晚飯。假如沒有打假波的話......甫坐下待應便送上花生一小碟。當我在埋頭苦幹決定點什麼菜色之際，朋友仔停唔到口咁係咁食花生。花生只是一般酒樓貨色，無咩特別。但有兩個唔知係無聊定係童心未泯嘅大人，竟然係到玩用筷子搶夾花生。搶到就有得食！可以如此旁若無人的，我想應該是童心未泯才對。我們點了：1) 招牌菜即燒乳豬(例牌) - 乳豬皮十分爽脆香口，冷熱適中。招牌菜沒有令人失望！2) 魚湯魚腐浸什菌 - 我好喜歡魚湯魚腐之類的菜色。可惜呢道菜味道略嫌偏咸，什菌味道偏苦又難咬。3) 煙燻鴨胸 - 味道剛好，沒有過咸。只是那個Wasabi醬無咩味，有點多餘。4) 菜莆蠔仔煎蛋 - 味道剛好，沒有過咸。三款材料的份量配合得剛剛好，誰也沒有搶風頭。有位服務員姨姨招呼很貼心，值得一讚。全部都是簡單菜色，卻別有一番滋味在心頭。當乳豬肉只餘下兩塊時，朋友仔夾起了一塊放低又再夾起另一塊。當我以為朋友仔是在搗蛋時，他說是要把肉多的一塊給我。差不多每次夾餸，朋友仔總是會先照顧我的。聽來是很簡單的事情，但又有多少人是由心的細心體貼呢？不如人

太座的多年好友忽然來電說聚頭吃飯，兩口子自然是奉陪到底，最驚喜的是好友竟携眷出席，一行四人談得不亦樂乎。一向認為此時此刻，吃了什麼倒是不太重要，所以就算店方因其中一個爐頭壞掉而令到上菜的速度有如"超龜速"，我們倒是不太介懷，反而有多些時間騰出來好好聊一聊，這才是樂事嘛....傾談了差不多二十多分鐘後即燒乳豬才端來。說明是即燒的，等多一陣子本應不是什麼大問題，但最大的弊處是吃落是不太夠熱的，甚至是暖的感覺也讓人感受不到，這就有負即燒之名了。儘管皮是片得薄如紙之餘也是夠脆，底層的肉亦不過肥且有很重的五香味，不過就是因熱度不足，滋味因此也就打了莫大的一個折扣.....蜜糖豆炒牛舌的鑊氣稍嫌不足，吃上口有點温温吞吞之感，而且有點油。幸好蜜糖豆尚算爽口，牛舌也沒有因炒得過老而變得韌如柴皮，而且掌勺的還下了不少切片紅綠椒進內，色澤既多添了之餘味覺又多了些新意，所以算是跟前述的缺點扯平了吧....啫啫雞煲的主角雞件質地很嚡，配角如豬潤亦是弄得甚硬且帶苦味，而且吃至煲底時是剩下一大砵油的，看見也有些心驚。唯獨一個好處便是下了很多葱頭，而且端上枱時亦是火滾熱辣，葱味因而散發得淋漓盡致.....若要吃最好

呢晚山長水又遠去到九龍城呢間野食飯行到好累.....終於到LA上到去好有城寨味道,全部裝修有特色咁求其點D野E肚叫左三樣野, 樣樣都OK好味GA, 不過炸野就油D,OK香口但個個豆腐真的好好味, 值得去食價錢就貴左D,都成2百幾蚊2個GA

一行四人, 晚飯後要去睇戲, 由於六點半咁早食, 所以沒有訂枱, 即時有位, 但八點半要交枱, 心諗有無咁多人嚟食呀 ! 無問題照入座, 樓面在樓上, 裝修較中國化, 燈光較暗些, 感覺舒服, 被安排窗口卡位, 餐具夠別緻。 時間其實都尚算早, 但坐下已不停有客到, 大部份是已訂枱, 七點多鐘已經滿座, 真估唔到。 喬頭及炸蠶豆小食 (蠶豆夠脆, 喬頭好好食, 味道不太酸兼帶甜)炸豆腐 (細細粒, 很香口, 即叫即炸)乳豬 (皮薄兼脆, 好味)炸金菇 (夠香脆, 食落唔似金菇)蜜蜂豆炒牛舌 (好多蜜糖豆和青椒, 牛舌切得好薄, 好好味)生根田雞煲 (田雞夠滑又大隻, 好好味)魚湯魚腐浸雜菌 (湯味濃, 魚腐夠滑, 好多雜菌)啫啫芥蘭煲 (用個大瓦煲上, 但份量亦唔少, 好濃蝦膏味, 但味道剛剛好, 夠鑊氣, 好惹味, 好多枱都叫此味菜)食物整體好好, 夠鑊氣, 味道濃淡適中, 餸菜可能不是落太多味精, 或許並沒有落, 因為吃完之後, 一直沒有口乾感覺 服務亦好好 有下次呢