坐忘

营业中

休息中

這天趁著盛夏當前，與朋友到沙灘吸收維他命D和檢視大家健身的成果，歇了一整個下午還是敵不過肚餓，腦中忽然閃過早前在social media征服過大小食家的日式小店坐忘。因為名字很特別，所以不知不覺就記住了，心想剛好在東區，目標清晰就是它了。位置也相當好找，一轉入內街就看到了，門前排了好幾對情侶，等了一會才知道這裏是要拿籌的，不像一般的拉麵店要排隊。等的時候看到門前的牌子寫著不含味精和人造色素，而且所有醬汁都是自家調配的，之前看過報導介紹知道這店是標榜健康飲食的，其實香港很少這種店，還未進去已經在心裏加很多分。店子雖然不大，位子卻劃得蠻多的，與鄰桌的距離也不多不少，不會很有搭枱的感覺，裝潢簡單，牆身的大鏡子畫了一些圖畫和店子的概念，頗有日式家庭小店的風格。餐牌選擇不算很多，主打日式家庭料理，定食、咖喱、拉麵、烏冬和沙律，但所有食物都有一個共通點，就是野菜的份量一定不會少。在其中一邊的牆上還有幾款推介的餐牌，但我們去的時候也看不到太多人點，所以也沒有特別想試。而說到這店最招牌的一定是很多人都推介過的野菜豬軟骨咖喱飯，幾乎每一兩枱客人就有一位點這個。上碟時的伴菜非常多，大概是一般茶餐廳的四至五

我跟先生每次若只想到附近來一個簡單但美味的午餐，必定想起坐忘。不單價廉物美，想吃素的可以點signature十五種野菜飯/拉麵/烏冬，想吃肉的亦有各類日式定食式拉麵等。先生是日點了豬軟骨拉麵，我點的是十五種野菜咖哩飯。無聊使至，數了一下是否真的有十五種不同的蔬菜瓜類，是齊了！要把十五種瓜菜烹煮得同樣好吃亦不易，咖哩汁是一貫日式甜咖哩的味道。順帶一提，慢煮豬軟骨亦是一流，是家的味道啊。這間是會一吃再吃的店！

食材新鮮, 日本咖哩味道香噴噴.  曾經在日本都食過呢間舖頭, 裝修味道都是和日本一樣, 食物分量剛剛好,而且每碟食物都是熱辣辣拎出嚟,  除了咖哩蔬菜飯, 還有豬軟骨,雞肉 同牛選擇.  不過, 我特別喜歡呢度嘅日本蔬菜, 因為好難得可以食飯咁green.不過, 可惜座位安排得很差, 就有點令人吃不消! 因為一張四人座位, 好多時都要坐五個人, 食得好唔自在,很有壓力. 如果能夠改善就好啦! 等候時間.....實在太受歡迎午餐時間去真的要預大約25分鐘以上

自從第一次食過佢既豬軟骨之後就好難忘，今次已經係第n次食。豬軟骨定食佢既豬軟骨燘得好淋好入味，連啲軟骨都燘到溶晒，真係好好食。除此之外，個飯有沙律同椰菜，肉菜比例均衡。呢個餐好夠飽，甚至係食唔晒。溏心蛋豬軟骨烏冬溏心蛋好入味，做到溏心效果。烏冬係日本稻庭/讚岐烏冬個款好煙韌，配埋豬骨湯，好味。豬軟骨份量比豬軟骨定食少啲，女仔可以食得晒。同樣地，麵入面都有好多椰菜同粟米，肉菜比例均衡。食物質素好，而且價錢唔貴，真係令人食過返尋味。

星期五中午同同事出去食坐忘 之前黎 曾經因為太多人排隊而食唔到 但星期五都係可以早少少出黎 馬上選擇經常好多人既坐忘～同事同我都order左 溏心蛋豬軟骨烏冬 大愛佢個溏心蛋 少少鹹但都幾鐘意佢個口感 有多粒就好了$69一個 連埋熱茶 其實性價比都比較高 唔加一而且料多菜多 烏冬質感都唔錯 幾彈牙 湯味都幾鮮同豬軟骨炆得好入味 會再返黎食💪🏻今日12點30到左 兩位都好快入左 見到其他飯類 例如咖哩飯都好香好大份 下次回頭再試其他

下午要過海開會，所以早些過來搵好野食。坐低已經2點，但客人仍有好多！見到menu, 牆上都有好多食物選擇, 最後揀左一個新口味!玄米凍茶份量好足, 好大碗! 好耐冇見過食物入面有咁多蔬茶, 有薯仔, 翠玉瓜, 紅蘿蔔, 西蘭花, 豆等, 淨係食蔬菜都飽左了.湯底係奶白色, 好好味, 完全冇味精! 烏冬好煙靭! 雞肉都好嫰滑 , 佢用香草煎香雞塊, 所以食落味道入到雞肉入面.好努力食晒成碗烏冬, 真係飽到暈!仲有好多款式都好想試埋!我會再黎架! 

男朋友知我鍾意食忌廉烏冬，話鰂魚涌有間日式小店好好食，難得過開海～就順便去一試啦～平日晚飯時間，店外都有人排隊等緊唔洗等太耐已經可以入去喇～餐廳標榜無添加，無味精，多蔬菜，少油好健康～ menu 選擇好多～好多都想試，不過專登黎食忌廉烏冬～就叫左依個先～烤雞野菌忌廉湯烏冬一黎到就試左個湯先～忌廉湯係稀身嘅～唔稠～味道濃郁有少少咸好足料，好多野菌同bacon雞好嫩滑～烏冬夠爽滑，食完好滿足！果然冇介紹錯～豬軟骨咖哩野菜飯男朋友嘅～佢推介話d 豬軟骨好正～夾左一舊黎試～真係好好味～好入味同軟腍～ d 雜菜份量好多～食完之後ge感覺係...下次要再黎試埋其他野！！

難得來到鰂魚涌，便決定一試朋友介紹的日式咖哩餐廳 - 坐忘。坐車時看了餐廳一些資料，根據坐忘的官網介紹”本店主廚 Fujita Kenta 在日本本川崎經營「坐忘」十七 年, 烹飪注重無添加, 無味精, 多蔬菜, 少油。” 看得出餐廳經營者在飲食業經驗豐富，而食物亦以健康為賣點，令我更加期待！我和朋友中午到達，等了約20分鐘有位。我選擇了牛肋野菜咖哩飯。當中有不同的野菜，紅蘿白、西蘭花、芹菜等等，我平時都好喜歡食蔬菜，所以見到碟飯立即心心眼，大約有五六種蔬菜！牛肋亦煮得入味。而咖哩由於因爲係日式，所以會偏甜，亦有小小辣，不過應該大部份人都接受到，因為只是微辣。咖哩汁的確”野味” , 真係食唔停口！總括來說，餐廳有心思，不但制作有水準的咖哩，還加了不同種類的蔬菜(我的私心哈哈), 值得一試!!

$64早排食完個CoCo壹番屋嘅超鹹咖喱之後有心理陰影勁驚呢到嘅咖喱都係得個鹹字🤣結果我嘅擔心係多餘嘅呢個咖喱好食好多🤘🏻咖喱入面仲混入咗粒粒粟米所以會甜甜地用嚟送飯真係好好好好正🤤啲雞都烤得幾香仲有成四大舊咁多其實呢到其中一個賣點係野菜但係對我嚟講佢地已經變咗配角👅

每次午市經過都很多人在門口等位，是否真的好味呢🤔終於有機會試著。一個人都等了半小時，而且人齊才可入內。店內不是大，所以都較窄，大多數同人share枱。午餐都有很多選擇，不只有咖哩，湯烏冬也有。咖哩可配合豬軟骨、雞、牛肉也有雜菜。我選擇了雜菜咖哩飯，汁味濃而且見到隔離枱，大部分人都沒有剩下食物，怪不得咁多人等。

考試後放電之旅，玩前先去醫肚，放學乘巴士去到都未到開門時間，不過見店內店員在執緊一份份食材，剛巧一位女店員返工，同我講不好意思未開，我笑一笑話知道無問題！去附近行下，半小時後開店先返！店內淺木加啲露營⛺️用品，鏡上畫了啲卡通公仔介紹呢間餐廳用新鮮食材！健康為上！午餐款式以日式為主！落單食物好快到！15種野菜咖哩烏冬🍛（$62+$10轉烏冬）茄子🍆紅蘿蔔🥕薯仔🥔西蘭花🥦椰菜花、紫洋蔥、三色椒、小蕃茄🍅、蓮藕、南瓜🎃、翠肉瓜、西芹，材料好多，一碗上晒，淋上黃色咖哩汁，好鮮艷奪目，蔬菜們都好新鮮，有脆口嘅西芹、翠肉瓜等，甜美嘅南瓜同三色椒，每種味道獨特又平衡到，日本咖哩唔辣，做得幾香同杰身！烏冬扁身煙韌，索晒啲咖哩汁，撈烏冬掛汁唔錯！好味！份量男士都夠食（多到我食唔晒）熱茶（跟餐）夠晒熱，有茶香（飲落似麥茶）豬軟骨定食（$63）肥髀食溏心蛋見牛烏冬（$66）同學仔蘋果汁🍹（跟餐加$5）同學仔橙汁（跟餐加$5）肥髀飲店員有禮斯文，午市時間一到，餐廳即刻滿座了，連單丁位都要坐，預咗要搭枱！店員爆場都唔會催促！（不過我哋一食完都走，唔好阻人做生意！食材有心嘅餐廳！

一個人放工經過呢間鋪，就會不自覺入去食晚飯本身想食個豬軟骨咖喱雜糧飯，但係嗰時冇咁肚餓，所以叫咗個豬軟骨烏冬同樣有兩大舊豬軟骨！軟骨炆到變啫喱狀，而且超入味，d肉都好稔！個烏冬都好煙韌，好好味呀！而且每個餐點都會有好多雜菜，可能係提倡健康飲食，有菜有肉就夠曬均衡！我見其他食客仲可能會叫豬軟骨沙律或者16款蔬菜咖哩飯等等，都係好多蔬菜嘅選擇，等我下次都試下先！埋單78蚊，加埋杯濃濃嘅焙茶，晚餐如此，真係超值

自己吾係話太好肉類，知道公司附近有一間出名多菜小肉餐廳同標榜小味精，所以我就試下。我嗌左個九種野菜湯烏冬，烏冬好彈牙完全吾馬灰，湯底清淡，九種野菜分別有粟米，西蘭花，椰菜花，脆肉瓜，椰菜，紅蘿蔔，豆角，西芹同薯仔，所有材料都好新鮮，分量好充足。食完好飽但知道佢係蔬菜類吾會好guilty。每個野菜你會感覺到係每日新鮮送到，吾會擺到第二日，到食材保持新鮮已經值得去試。加上食完吾會好口渴，證明無咩味精加左落去。下次會再試埋佢既咖哩飯，听聞好出名

一直長期午餐時間見到很多人在等位。 在門口一看才知他們是吃日本咖哩的專門店。他們提供很多蔬菜的咖哩飯，比一般食肆健康。還送你一杯日本茶，咖哩配蔬菜比肉類還要好味，蔬菜不是一般的，他們會把15種蔬菜放在咖哩蔬菜飯裏面，令到營養十分均衡。咖哩汁相對不是日本的那樣甜，少少辣味令到咖哩飯更加惹味。

我諗有唔少鍾意食素嘅朋友都會知道呢間餐廳，雖然佢唔係主要淨係賣素食，不過佢嘅野菜都比較出名。尤其是15種野菜飯， 包含咗好多唔同款式嘅蔬菜， 足夠一日嘅營養。不過作為食肉獸嘅我當然要喺食材之餘亦都要加少少肉啦呢一個係 咖哩野菜牛坑腩 配上南瓜蕃薯粟米飯。咖哩有少少辣，非常之引起食慾，加上野菜都分別有輕輕烤過，非常香口，軟綿綿咁，吸收曬咖哩汁嘅味道，撈飯一流。 反而牛坑腩有少少失色，唔夠野菜好味。其次我亦都非常鍾意呢一個飯，係因為佢將南瓜蕃薯粟米等等 ，煮到好濃，撈埋米飯入面，感覺就好似食緊鹹蛋黃撈飯一樣咁，但估唔到佢全部都係蔬菜，質地厚實，就算唔撈咖哩食，都一樣好味。