坐忘

营业中

休息中

其實開左OPENRICE account咁耐都無留過comment第一個真係要留番比呢一間所謂嘅好評熱門小店 今晚約左兩位朋友食晚飯，因為工作關係，本人around 8:35pm到店既時候佢地都仲未嚟到知道今日打住3號風波，拎住把滴住水嘅遮都唔好意思整濕人地舖頭，入店之前都慢慢收番好自己遮入自己袋，正好就見到門口寫住繁忙時間要齊人先可以入座。咁都明白同覺得合理，但眼見店面其實仲有一張四人枱同一兩張單人或二人枱，就打開門試下問企係門口收銀嘅短髮帶眼鏡姐仔: 「唔好意思，想問未齊人係唔係唔可以入座？定係要係出面等？我都ｏｋ」點知呢位姐仔黑住面一句就話：「拿。而家就得番一張四人枱，如果你要坐唔係唔得，不過如果有人嚟我一定會比人囉、唔會比你唔會理你囉，你鍾意咪自己入嚟坐囉，我真係唔會比你囉」 其實聽到呢到已經心諗咩事，其實我唔介意係出面等、亦明白你要做生意嘅道理，但係今日落住大雨、入面亦都好明顯係未full客，有無需要用一個擺明係唔在意做你生意、亦唔休做、仲當你係乞衣比個位嘅態度去答你。 或者你真係咁在意，你咪叫我係出面等，其實我OK。如果真係有三四人早過我入，我都係當等位排隊，最多咪去第間。

在鰂魚涌工作其中一個好處就係可以成日食到一啲質素高又性價比高嘅餐廳，呢間 “坐忘Camper’s”日式咖喱餐廳就係其中一間非常有心而且好味嘅餐廳！👍 佢嘅位置響太古坊行入少少，午餐時間我和同事要早少少去拎位，否則有排等位🤦🏼‍♂️，因為呢間野都好出名，一到lunch時間門口爆多人。今次拎咗位之後大概等了20分鐘就入到，比我地想像快👍😝開心佢係由一對日本夫婦🇯🇵主理，想把日式美味和健康帶到香港，最出名嘅係15種咖喱野菜飯和咖哩豬軟骨飯，聽講佢個咖喱野菜係有15種蔬菜，足足有350 g足夠一個人一日攝取嘅蔬菜量，另外豬軟骨網上食評都話要一定要食，所以我就揀咗佢的咖喱豬軟骨飯，朋友就揀咗15種蔬菜咖喱野菜飯。當我地嘅咖喱飯到咗，咁睇上去份量非常大和豐富（尤其是豬軟骨份量好多），黃米飯堆成對成菱形，旁邊淋上大量野菜咖喱，真係好似日本食嘅咖喱飯🍛而且加上這裏的環境，真的好似係置身日本食嘅一餐咖哩飯。食物味道方面更加係不得了！！😋👍因為我嘅豬軟骨本身已經配左9種咖喱野菜，所以我個餐可以一次試到佢嘅咖喱野菜同埋豬軟骨，好抵！😂佢嘅甜日式咖喱味道香濃係有少少辣，唔食得辣嘅人都可以接受，加上佢嘅咖哩甜味係

太古一向盛产美食，今日和朋友来这家坐忘的拉面小店体验下。晚市六点开张，我们六点就冲进店中，店面干净整洁，冷气很足，最主要的是很宽敞。menu超可爱的，我们都点了很招牌的咖喱拉面或是饭。猪软骨咖喱拉面超级好评!味道超赞，肉质软且细腻是在香港食过最佳的拉面。朋友的汁涮肥牛饭味道也极佳，主要是肥牛肉质嫩很新鲜。还有这份咖喱饭也是非常不错的温泉蛋是亮点。坐忘真的不愧是网红店，最后三人埋单只有220，又平又靓

今天和朋友去了吃日本菜。白芝麻湯溏心蛋肥牛烏冬：一上來已經覺得貌相好一般。個白芝麻湯完全沒味，吃不出有芝麻味，只覺得是味精。肥牛量不多，質素和味道似吉野家的肥牛，甚至比吉野家更差。溏心蛋是凍的，要自己再浸在湯裡先得，味道也一般。這種價錢吃這種質素，不如食吉野家好過。番茄湯一日野菜拉麵：貌相一睇已經唔得，食落更加是垃圾。好難食，番茄湯好酸，d雜菜味道好淡，拉麵好難食，個質感好淋。埋單2人共153元，晚餐來說價錢不算很貴，但味道太難吃，不會再來。

依間店舖既concept好得意，大概意思都係坐低感受眼前一切，其他野就放低啦，好似有啲禪味咁。之前陪叮叮做野行過，見到7點幾排哂隊。叮叮又話間野都出名，決定今日試一試。我地不約而同叫左豬軟骨咖喱飯(5/5)依個真係5粒聲，佢個咖喱汁特別餚制，食到有少少薑茸口感，配上兩大舊豬軟骨，會可以解去食肉既油膩感。而且配菜都好豐富，成個presentation係好既。我地貪心叫感一份兩件烤雞share，有煎香外皮但食唔到有油，very nice。Ummmmmm，係依度因爲掛住望周圍既人食野而得罪左叮叮，真係嚇死me。叮叮話依度既感覺似apartment，我都認同依度好舒服既。好彩美食征服左叮叮既心，如果唔係我就無機會再寫食評，橫屍街頭。「我嬲㗎，不過食咩喇？」叮叮既金句。身於坐忘，目空一切。眼前只有美食跟叮叮，可以好好享受恬靜的一晚。

成日見到啲人推薦，今日終於去試下。舖頭係keep住滿座，所以預左一定要等位。我地嗌左十五種溫野菜飯、豬軟骨咖哩烏冬同白芝麻豬軟骨湯烏冬。每樣上枱時我地都雙眼發光🤩🤩🤩因爲望落真係好正，好豐富，好大碟！咖哩同烏冬簡直係絕配！而且野菜份量都好多，感覺都健康啲😂 呢度既豬軟骨係我食過最好食既，煮得好稔，骨好軟，而且食落充滿膠原既感覺，好惹味🤤🤤重要份量勁多，又好食又超足料。相反呢款湯底就較為失色，淡味啲，不過用料一樣係咁豐富。勁大碟唔同種類既蔬菜😂😂😂 佢係用燒汁煮成既，每一舊都勁入味，冇諗過菜都可以咁好食😂有碗蘿蔔湯，味道同中式青紅蘿蔔湯好似😂所有野都好滿意！一定會再食！

今日啱啱見完工，見就嚟到午餐時間，就同朋友一齊起附近搵野食。由於諗唔到食咩好，於是決定跟朋友嚟佢推薦嘅餐廳食咖哩。因為未到附近公司嘅放飯時間，我地唔駛排隊就入到去，朋友話依度嘅豬軟骨好好食，雞扒就麻麻，於是決定聽佢講，叫咗豬軟軟骨咖哩飯。飯會跟一杯熱或者凍嘅煎茶，其他野飲就另外加錢。唔駛5分鐘咖哩飯就送到，睇落份量十足，有成3-4舊豬軟骨，舊舊都炆得好淋，蔬菜嘅份量同種類亦唔少。飯唔係普通嘅白飯，而係加咗粟米同蕃薯。咖哩係平時食開嘅日式咖哩，唔會好辣。成碟飯嘅份量好多，最後我地都食唔曬。個飯原本要$69，但係12：45前離坐有95折，所以埋單$66。

星期日同媽咪去街，佢上網睇咗啲報道話好想食呢間餐廳，大概兩點鐘，我哋到達坐忘，要留意番呢間餐廳係有落場時間，記住睇清楚先好黎，如果唔係閂左門。去到既時候唔使等位，由於睇左報道所以個心已經諗住嗌豬軟骨。為咗兩個人可以試多啲嘢食，所以我就嗌咗豬軟骨野菜咖哩飯，我媽咪就帶咗雜菇茄子牛肋咖哩飯。豬軟骨野菜咖喱飯 - 嗌完之後好快就上菜，有兩大舊豬軟骨，豬軟骨燜到非常軟冧，啖啖都好似食到骨膠原咁，啲骨係完全軟晒，碟上仲有啲蔬菜，好新鮮，一啲都唔係煮到爛晒，飯係南瓜飯，食到一嚿嚿嘅南瓜，最後講下啲汁，我反而覺得有啲偏鹹，如果可以少汁或汁另上，會更健康。雜菇茄子牛肋飯 - 牛肋非常林，有大量雜菇，都好味。

多謝朋友請來呢度食晏我已經好想喺呢度好耐㗎啦！成日都好多人有聽聞佢嘅野菜咖喱飯好好味今日終於試到喇！早早12點嚟到，即刻嗌咗個15種一日野菜咖喱飯加溫泉蛋，唔好意思轉個頭就食晒！唔好睇小淨係食菜，都好飽同好好味，尤其是佢真係好有家庭feel。而且佢真係樣樣都有啲，番茄仔茄子薯仔豆西蘭花椰菜花紫色洋蔥蓮藕蘿蔔等等，樣樣都好健康。朋友就食咗個咖喱雞飯，佢話都好好味。仲隨餐附送熱茶或者冰茶，梗係要冰茶好好味呀！12:45前埋單仲有九五折，多謝晒！

《坐忘》📍鰂魚涌濱海街13號中興大廈地下———————————————🔹溏心蛋豬軟骨烏冬($69)湯底係普通豉油湯底✅豬軟骨-份量十足，兩大塊佔滿碗的一半，令肉食愛好者充滿滿足感。肉酥軟，充滿骨膠原、蛋白質🤤🤤🤤🤤但食到一半會有啲膩✅烏冬-滑滑滑！較一般烏冬薄身，柔軟度十足，好容易唔小心成條冼左落去❗值得一提的是：粟米🌽飽滿結實、鮮甜且帶有牛油香😍作為配菜都叫唔話得👏🏻👏🏻👏🏻-🔹15種一日野茶350g!咖哩飯($62)飯係加左番薯🍠既特色飯，但可能比例太少，所以冇咩特別，但份量岩岩好。咖哩係普通日本🇯🇵甜咖哩，都係冇咩特別。😑🍆🥦蔬菜新鮮鮮甜🥕🥔15種蔬菜根據其本身「體質」，以不同的時間烹煮，唔會好似坊間野菜咖哩咁全部煮到軟曬，未入口都化左。建議自行配加温泉蛋🍳食用(+$8)-🔻其他:來也匆匆去也匆匆待應姐姐會因應店內情況安排你提前下單，再極速上菜。而面臨食客用膳完畢、坐談言歡，待應姐姐都會禮貌地請食客讓坐。☺———————————————ByZ:9/10

今日同家人去完登高，就去咗太古買野。野完野就去鰂魚涌食晚餐。見到這間不是很大，但乾淨簡潔的日本小店Camper's(坐忘），好特別的設計，大部分用木制的餐桌及餐椅，加上背包及露營的物品作擺設，好舒服的感覺！餐單也是簡單人手畫寫成，有定食、沙律、咖哩及烏冬選擇，每位客人最底消費60。我們3人叫了2個定食及一個烏冬。1. 黑豚肉生姜燒定食份量都幾多，生姜好薄好入味，豚肉好多片，腍但乾了點，洋蔥好香好吸汁，腍身又好味；好多沙律菜，新鮮好食2. 豬軟骨定食豬軟骨好入味，寫著是煮了7小時，好腍好香，雖然有點肥，但真的太好味！汁好香好濃，也是有大量沙律菜，增加健康度3. 餐湯蘿蔔湯：有姜的味道，材料豐富，但咸了一點4. 九種溫野菜湯烏冬好多種蔬菜，如：翠肉瓜、番茄、豆、薯仔、西蘭花、椰菜花等等，好健康清淡之選、顏色鮮豔服務生態度都可以，中規中矩

以前響呢頭返工，成日見到坐忘一lunch hour就會好多人等，另外都成日響不同媒體見到佢既出現，今日趁公眾假期呢頭會少d人，終於可以唔洗等位就有得食我地一行三人分別叫咗‘14種野菜溫沙律’，‘黑芝麻牛肋咖哩飯’同‘溏心蛋雞排湯烏冬’個沙律一上枱，就令我有d失望因為佢只係將所有菜用水煮埋一碟，然後再淋上大量胡麻醬，熱到出哂煙嘅菜配上胡麻醬.... 配搭奇怪之餘仲要毫無烹飪技巧可言之後嘅咖喱飯味道確實唔錯，碟飯整體好大，可惜牛肋只得兩三舊，份量少得可憐最後嘅湯烏冬係三樣入面我最中意麵條雖然幼身但幾彈牙，溏心蛋都煮得恰到好處成碗麵都有好多椰菜絲，值得一讚嘅係麵上面有一大堆薑蓉，令味道層次更豐富總括黎講，可能係睇得太多報導，令我對餐廳嘅期望太大，食完之後我真係覺得無咩特別，試一次就夠了～

What a hearty meal. I had the black pepper ribs with vegetables and added an onsen egg + sweet corn.  The black pepper ribs sauce was delicious and great seasoning for the rice, and while eating I had an enjoyable peppery burn at the back of my throat. I couldn’t stop eating as it was so delicious and so it was nice to have the side salad & corn as a cooling complement to the peppery taste. It was also good to have an iced yuzu lemon drink on the side. I can totally see why this place has so man

唔記得究竟點解會食呢間野，定係有邊位朋友介紹，而呢間餐廳亦都冇任何會令我主動想食嘅野，但偏偏就去咗呢度食過幾次，每次都咁有驚喜❤️🍛今次嗌咗呢個係豬軟骨咖喱烏冬，豬軟骨係佢哋嘅招牌菜，啲豬軟骨唔知煮咗幾耐煮到好腍，咬落去成舊肉即刻散晒，而且成舊肉都咁入味，咁好味嘅豬軟骨喺香港冇乜地方食過，除咗一間係太子嘅米線舖。烏冬係煙韌嘅稻庭烏冬，熱辣辣嘅咖喱淋喺面，完全冇令到啲烏冬變腍。另外啲菜都煮到好腍，寫滿嘅咖喱汁都好足夠可以撈晒成個烏冬，成個嘢食可以話係超晒班！👍🏿另外都介紹呢間鋪頭比食素嘅朋友，佢嘅蔬菜煮得好好食，有一款餸叫做溫野菜，有一次都食過！入面有茄子、西芹、蘿蔔、薯仔等等，全部都煮得好入味價錢黎講覺得呢個質素係非常之值嘅💋

一直想試坐忘好耐，但幾次都擦身而過，一係未開店一係就關門。 今日終於有緣一試，晚上7點幾唔洗等位就入得。 入到去好有日式家庭小店既溫暖感覺，連餐牌都係全人手寫。 最特別既係註明左邊d食物無麩質，部分更可轉為素食或禁五葷，感覺好新奇又窩心。豬軟骨野菜咖哩飯 ($69) 加烤雞 (+$15)原塊手板咁大既豬軟骨炆得軟腍入味，厚厚既嫩肉間有類似牛筋既透明膠質相間，入口甘香幼滑。 意外地豬軟骨帶黑醋味，食落似豬腳薑，但有少少搶味，變相只係食到少少日式咖哩既香辣，成個飯既主調都偏酸。野菜絕不欺場，翠玉瓜、椰菜花、蘿蔔、薯仔同西芹等煮得岩岩好，每種都好清甜。 貪心地加配烤雞，雖然燒得香口，但油煙味幾重，可以不吃。 成個飯足料到爆，豬軟骨都有2、3大塊，我食左大半就十成飽。白芝麻湯糖心蛋肥牛烏冬 ($75)湯底濃郁鮮甜，但芝麻味唔太突出，似豬骨濃湯多d。 肥牛似薯仔燉肉個種薄切肉片，面頭仲灑左鰹魚片，配合大量爽甜椰菜，整體好有誠意。食物大份足料，選材、烹調用心，完全係大滿足！