坐忘

营业中

休息中

經朋友推薦下去左鰂魚涌間camper諗住試下🤘🏻一入到去見到個menu已經覺得好驚喜 每一份menu都係毛筆字書法 好有feel😎 經過朋友同埋店員介紹 就試左個signature 慢煮七小時豬軟骨定食 再加左個溏心蛋同蘋果汁🤣 份豬軟骨定食hkd69 但份量十足 性價比好高！ 個豬軟骨'燉'到好淋好入味🤤d軟骨係煮到入口即化 同時d肉亦唔會柴👍🏻 同時值得一讚既係除左肉既份量夠之外 亦包好多蔬菜 可以食得健康👍🏻順帶一提 個糖心蛋加配hkd8 但真係好好食！個蛋黃係流心架！

This is one of the few restaurants in Quarry bay that has a long queue everyday. Given its price tag and quality of food, it’s quite unbeatable in the area. They are famous for not using MSG and all the dishes comes with plenty of veggies for a balanced diet. Their veggie curry rice is one of my favourite which I would always go for my green Monday.

睇食評見到呢間sell 7小時慢煮豬軟骨好吸引就去左試lu叫左個 7小時慢煮豬軟骨定食 $69包一碗湯應該係清湯黎既再有一杯茶一黎到個飯超大個成座山咁既豬軟骨haha係好正既不過一見到就肯定自己食唔曬啦豬軟骨的確煮到軟骨都呈膠質既狀態好腍好正但肉質部分就比較韌唔算食過最好既豬軟骨佢其實下面舖左d椰菜係底所以顯得更多但我總共都食左3大舊豬軟骨份量一d都唔少細食真係食唔曬而飯佢可以加錢轉特色飯有d栗子椰菜咁今次冇留意冇試到添仲有沙律🥗不過唔太鍾意d醬同豬軟骨d汁夾埋有d漏但佢話係自家調製既醬汁應該都比出面有質素同健康d既💚湯就係d雜菜清湯咁有少少蘿蔔唔知係咪日日一樣茶都普通冇味可以叫番熱水😂總括黎講唔係話太特別不過認真幾抵食大食既人都一定夠滿足欣賞佢都有菜 沙律健康d不過d醬汁就唔岩我個人口味啦一試無妨

平日放飯如果同幾個同事一齊呢，你都幾難可以喺呢間揾到位！間野吾係大，人齊致入得。不過依然日日都好多人等住食……最鍾意一定係豬軟骨定食！呢間啲豬軟骨真係“淋"，真係滑，仲“張"住個口㗎！好正！大量骨膠原大啖大啖咁食，好痛快呢！！！出面好多其他地方嘅豬軟骨根本仲係硬身嘅，又臣入味。不如叫排骨算啦…… 呢間就吾同！又大件又入味就連啲陪碟沙律菜都fresh過人。食過一次會上癮，一定會！如果你想試下，我提議你一條友去。吾駛等位嘅機會大好多。

日日出街食，唔想食咁味精，又想食追多啲蔬菜，咁就要食佢喇。。。唔同嘅menu會配番唔同嘅蔬菜,例如沙律菜，茄子，翠玉瓜。。。等等，有啲menu 會有野菌。而且唔算貴，八九十蚊食到好食材，好過你俾四五十蚊食啲不明內路嘅食材啦係咪先。不過呢間野啲牛肋肉就偏淡味嘅，而豬軟骨呢就飄忽，有時好淋好正，有時會好韌，睇彩數~我最近就中意揀個個茄子牛肋肉咖啡飯，啲茄子好香口，仲有野菌，唔錯。而家香港要食無msg / 有心 嘅餐廳真係好難，難得有呢啲餐廳一定要比番個 credit 佢。

星期四晚上，竟然都要等位。一入到去見到份手寫菜單，就覺得自己去左日本旅行，好有日本味道好喜歡咖哩多菜少肉，配上南瓜飯，味道好香，小朋友都好鐘意食。牛肉烏冬湯底香滑，豬軟骨好淋好似食jelly咁糖心蛋好入味剩係食佢地小店份人情味加上用心製作，已經係超值！

周一晚上的八点门庭若市的小店热腾腾的猪软骨面面还有健康的烤鸡芥末salad后面加送一盘时蔬大拼盘讲真上班族可以好好吃一份套餐再上楼加班也可以加班完吃了回家对于好友聚会也很有氛围喔饮配的好茶很解腻真的好好味很正喔

突然好想食烏冬，於是找左幾間餐廳比朋友挑選，最後㨂左平時無咩機會經過既鰂魚涌。其實本身我都無特別留意有d咩好食，不過一路等位，傳出黎既咖哩味真係好香好香好香，令我有d 心癢癢～又愛又恨。餐廳環境唔算好大，唔想等位就真係早d 黎喇。最後決定黎個咖哩飯，其實平時我唔會點食咖哩，因為我好唔受得辣，好易會喉嚨痛，不過算啦死就死食左先算🙈。所以叫左杯蘋果汁打定抵先，跟餐加$5 ,size 細細杯✨軟煮牛肋黑芝麻咖哩飯：超大碟！真係餸多過d 飯，唔好睇佢六十零蚊，肉既份量都幾多。牛肋肉真係炆得好腍同入味，咖哩汁微微辣好惹味，唔食得辣既我都接受到，而且仲散發住陣陣芝麻既香🤤，真係好特別。Ps. 不過d 芝麻會結埋一舊舊，所以記得要撈散佢先食。佢既蔬菜種類勁多，有薯仔，紅蘿白，車厘茄，西蘭花，西芹，椰菜花，豆角，翠肉瓜。真正多菜多肉，超級飽。唯一最可惜係個飯，其實入邊撈左粟米都幾好味，可惜個飯太腍太粘，未能粒粒分明。✨溏心蛋豬軟骨烏冬： 可能食完咖哩太濃味，呢個湯底相對比較清淡，所以最好都係先食烏冬。不過呢個烏冬絕對係健康之選，超多菜同粟米。烏冬好滑，帶點煙韌，個溏心蛋又好夠味。不過最正一定係豬軟骨，

朋友推介抵食咖哩飯！「豬軟骨野菜咖哩飯」一上已經證明朋友無介紹錯！三件豬軟骨都超大塊，簡直係鋸扒既size！咖哩汁都十分惹味！不過食到最後真係有小小漏😅😅朋友食既「牛肋野菜咖哩飯」都係份量滿滿架～平均都只係60至70蚊左右，性價比超高👍🏻Lunch menu仲包埋野飲添～

由陽明山莊行完山到鰂魚涌，一落山行兩條街就到咗呢間由朋友介紹嘅Camper’s！呢度主打無味精，多蔬菜，啱晒鍾意食菜嘅朋友！我哋一行四人都係叫咗招牌豬軟骨野菜咖喱飯。呢度嘅嘢食份量好足，有成四五舊煮得好淋嘅豬軟骨，野菜都好豐富，有西蘭花、翠玉瓜、紅蘿蔔、薯仔，夠晒送飯呀！個豬軟骨汁甜甜地好好送飯。同行朋友就鍾意呢度嘅咖喱汁多啲，下次可以試吓野菜咖喱飯試下佢嘅咖哩先！飲品方面，加錢可以跟餐。呢度選擇唔多，我就揀咗佢哋嘅有機咖啡，味道唔苦，好易入口。Overall，呢度方便近地鐵站，食物質素唔錯，值得一試!$69+12

經過五天，實際上其實只是三天左右時間的韓國首爾旅行之後，我跟隨旅行團坐飛機回到香港。旅行團實際只有三天是去旅遊，是因為航班安排的問題所致，基本上旅行團是「午機去，午機返」，頭尾兩日都是沒有什麼節目的。總結首爾旅行團的主要三日的，我在韓國想吃的東西，其實我都已經食到，韓國炸雞、韓國雪奶冰、春川炒雞柳、參雞湯、魚糕串，甚至韓國原裝「百X堂」的牛奶軟雪糕，我都終於食得到，基本上我都沒有太大遺憾了。晚上回到香港的時候，正值香港處於星期日的日子，即是又到了我的「星期日拉麵時間」，我亦是時候出發，趕去找晚上可以食的日本拉麵店。結果我去到香港島那邊的「鰂魚涌區」，趕得及光顧很平民化的日本家常菜食堂「坐忘」。「坐忘」的店名設計，真的很符合我現在的身體狀況，大腦記憶在病後，記憶力已經大不如前，經常記不起事，呆「坐」地「忘」記了。當時我已經視「坐忘」，是我當晚的晚餐必然選擇。有點始料不及的是，「坐忘」店內看似有不少客人在食飯，實際上其實快要打烊休息。店員出來跟我說，店舖快要準備關門，所以只能造一些相對簡單的菜。對我來說，「坐忘」你要九點左右休息，我反而不會介意，因為我媽在西貢的泰國菜餐廳，都是去到九點左右

同事早前提及鰂魚涌有間幾出名食日式咖啡的餐廳，之後一直心思思都試，但又唔記得問間餐廳叫咩名。所以今日就邀請同事帶我去食，餐廳原來位於常常經過的濱海街，名為「坐忘」，好特別的名字，是不是要坐在店中想想自己有沒有忘記什麼！一時三十分，都仲有小量排隊的人龍，大概等左十分鐘。店內人山人海，全場坐滿，人多關係環境有點吵。餐牌是手寫的，份外有親切感，選擇也不少，最後點了日式烤雞野菜咖喱飯，餐飲送日式焙茶，有凍熱可選。外貌看似平平無其，但濃濃的咖喱味卻芳香撲鼻，而是是熱騰騰的感覺。飯是帶黃色的，混入了栗米和南瓜粒，好健康！咖哩味香甜，食落少少辣，而且好多汁！雞扒是大大塊的，大概有四件，而且配大量唔同蔬菜，倒如西蘭花、山紅蘿蔔、西芹、荷子、脆玉瓜、椰菜花、四季豆，超級多蔬菜！很少在餐廳能有這麼多種類的菜在一個飯中。不得不提是，有波浪造型的薯條，很有心思。紅蘿蔔和薯仔是在日式咖哩日不能少的元素！份量方面，午餐係絕對夠飽，不過有少少愈食愈辣的感覺。

朋友好好好好鍾意帶我去天后或鰂魚涌去食咖哩，尤其這間日式咖哩，之前成日想他提，想不到有次坐完丁丁捉怪獸，剛好就在附近，肚又餓了，當然心動要試試！門口早已有人排隊，又冇得訂位，店內坐滿人了，怎麼辦？唯有繼續等！大部份人都係食咖哩，當然有些配燒雞、或食烏冬，但朋友話他中過伏，還是簡單野菜口味最為妥當。15道野菜日或咖哩飯，第1時間真係數數有幾多種野菜，哈哈！有椰菜花、紅蘿蔔、翠肉瓜、薯仔、蕃薯飯（計嗎？）、洋蔥、西蘭花、蓮藕（超級好味）等等，野菜全是烤過再處理，好香口的。好味又飽肚，大家話呢？！

Lunch time 12pm 去，要等一陣，3分鐘到就有位。中午粉麵食包一杯凍或熱焙茶。我叫咗個9種野菜湯烏冬同彩菜牛肋黑椒燒汁定食。9種野菜湯烏冬，烏冬麵質彈牙，湯底偏清淡，人面有粟米，西蘭花，椰菜花，脆肉瓜，椰菜，紅蘿蔔，豆角，西芹同薯仔，所以材料都好新鮮，分量好足夠。彩菜牛肋黑椒燒汁飯，醬汁偏甜，好好味同彩菜好夾。牛肉好淋，彩菜好多好豐富。有蓮藕，南瓜，茄子，紫洋蔥，旁邊有啲生菜。牛肉飯一樣，材料好新鮮，蔬菜多，飯同烏冬份量不少。12:45前付款有95折。.9種野菜湯烏冬 $68彩菜牛肋黑椒燒汁定食 $84.

住喺太古，放工翻來去附近搵食， 來到坐忘， 已是今個月來第3次幫襯。上次嗌左個豬軟骨咖哩野菜飯。 係就係好味，但豬軟骨個咩太強，同個咖哩味打晒交。 今次試左個黑芝麻牛肋咖哩野菜飯。 黑芝麻滿布牛肋粒，牛肋相信應該是煮左好多個鐘用足心機，係極冧！冇韌柴， 同咖哩汁出奇咁夾！ 下次再來會encore 呢個牛肋！！！