坐忘 (已搬遷) 新店位置

Camper標榜天然食材，不添加味精，幫襯過一次之後，隔三五七時都會再過來回味一番，但唔係次次都好彩等到位，所以每次都要準時放lunch hour就衝過去，唔係就大排長龍！每次光顧Camper，必選本店熱選-豬軟骨野菜咖哩飯($65)，有兩大塊豬肉，肉身用七小時慢煮，肉身非常腍，軟骨位都煮到好腍。野菜非常豐富，有我喜歡的翠肉瓜、紅蘿蔔、椰菜花。咖哩係日式咖哩，唔會辣，味道唔太濃👍🏻同事order另一款豬軟骨定食，肉都是一樣，配滿滿沙律菜和味噌湯，湯夠清！次次都食都食唔哂😋！

好食到想喊🤤豬軟骨野菜咖哩烏冬加溏心蛋🥚煮左7個鐘既豬軟骨好淋好入味！！2塊都大大舊 一路食一路講好好味 但食唔哂😂😂價錢又唔貴😋I will be back!😍🖐🏿$69 + $10轉烏冬+ $10糖心蛋一隻

郊遊完，身心舒暢。和老公漫無目的地去了天后選餐廳，天后真的好多餐廳選擇，上OpenRice 見到呢間好評特多的一間小店，好，我們最愛小店。而且這裡賣點是”no MSG “ 當時8:15pm左右，店裡還滿滿的，很受年輕人歡迎，還見到有外國人慕名而來吃咖哩🤭我點了牛油燒汁雜菇白芝麻烏冬，香菇切得很薄 牛油炒得很香！湯底有點重味（咸）🙃 但無味精的話算很不錯了。老公點了是日精選-柚子燒雞親子蓋飯（無影相）每一口都充滿柚子味🤭🤭挺有趣下次有機會會試咖哩：）

和朋友吃飯，腦中就想起了坐忘，朋友未試過，就決定來吃了。到埗時餐廳門口有六七個人在等位，因餐廳內座位不多，原以為要等起碼二十分鐘，怎知道幾分鐘後就可以入座了！和朋友一人叫了一個飯，豬軟骨飯及牛油野菌飯。豬軟骨煮得很淋，軟骨和肉的比例適當，不會太肥膩，由於是慢煮的關係，豬軟骨十分入味。野菌有十分香的牛油味，加上一粒粒的芝麻，味道很好，只是略嫌鹹了少許，但拌著飯吃很不錯！兩個飯都有配沙律菜，口感爽脆，感覺更加清新健康！

坐忘。每次諗起豬軟骨一定會黎呢到，未食坐忘之前一直以為食豬軟骨爽脆先叫好食。原來我太天真呢到的慢煮豬軟骨一試難忘今次已經第三次光顧，但依然忘記影餐牌😅收工同男朋友兩個人黎到我公司附近的天后分店，因為時間仲早唔洗排隊。平時lunch time,排返半個鐘係基本。今日又想食飯又想食烏冬，岩哂可以叫兩個share食主要係我成日見到佢個碗想食佢既咖哩豬頸肉飯值得一讚既係，無論任何菜式都會配有好多不同種類的蔬菜，夠哂營養圴衡餐廳老闆賣的就係無味精日本家常料理。另外豬頸肉份量多，至少有八塊最中意佢個飯有粟米，增加口感。萬眾期待的豬軟骨湯底係胡麻，帶有啲甘甘的味道，個人就麻麻地。但加上木魚同蔥又幾香口半熟蛋，夠流心唔係拉麵店食到甜甜的個種。但蛋黃汁加上烏冬，細滑的口感。麵條非常彈牙，係稻庭烏冬的扁身麵條。豬軟骨依舊入味，入口即溶感覺到骨膠原充斥住口腔皮膚彈返黎服務依舊一般，不過食物質素保持有水準。

在光顧這餐廳前都已略有所聞這裡的咖哩是不錯的，所以也抱有希望來一嚐美味的日式咖哩！剛剛到步店內還未滿座，但因要齊人才可入座而友人也未到來，所以在店外一邊等友人一邊看餐牌。餐牌上有分前菜，咖哩類食物及其他麵類。有林林種種的選擇。我一心就想著要點燒雞芥末汁沙津，之後便心大心細不知應點牛油燒雞咖哩飯或是豬頸肉咖哩飯！最後友人點了雞的咖哩飯而我便點了豬頸肉的那個。先講那個燒雞沙津，分量算大，雞件分量亦多，最重要的是蔬菜新鮮，沙津醬分量剛好，每一口菜都能沾到醬汁。主角是豬頸肉飯，飯、菜、肉和汁的分量適中，最欣賞的是菜的分量多，豬頸肉不肥不膩，但如果飯是用日式珍珠米會更提升整碟飯！最後嚐了一件友人點的牛油雞，入口香而雞肉是嫩滑，很滿足呢！價錢非常合理，而且食物質素良好，是間良心食店呢！

一直都想去天后這間坐忘試試這裡的咖哩飯今天終於和朋友一起去吃吧！這間小店是日籍老闆兼大廚來自日本川崎開設日式健康料理，食物也一樣跟日本差不多，強調少肉多菜、無味精，好健康的咖喱飯啊！門口也貼上了很多報章介紹小店的咖喱飯，裡面裝潢好有日本feel既感覺，都是以木為主配搭一些精緻的擺設，還有一塊很大的玻璃窗可以望到廚房的。Menu設有中文，英文和日文的都很細心，我點有一個15種野菜咖喱飯，試試吧！15種野菜咖喱飯就有茄子蓮藕南瓜椰菜花西蘭花薯仔紅蘿蔔三色椒翠玉瓜等等，好多蔬菜好健康鮮甜又美味，配甜而不辣的日本咖喱汁。飯側用了番薯和粟米煮過，入口香甜。朋友點了一個 Meal Set 豬軟骨7小時煮定食，定食跟一個湯和伴有新鮮沙拉菜配上白飯，豬軟骨夠軟腍很入味，食落口有一入口即溶的感覺， 而且好夠份量!!

I only come by the area occasionally, and so when I do I usually look for new places. This is one of these new places I've found that I will consciously drop by again.Ordered the beef brisket rice set. The generous portions, presence of more than traces of vegetables (love veges), and a homemade feel and taste to it makes for a filling and satisfying lunch on a cold day. Look of the dish is in line with taste. This place can appeal to the health conscious and vege-loving.Not familiar with the ar

跟這兩位朋友本來去年年尾約了吃飯，但因為一些原因延到18年1月，來到這間朋友推介的小店。想不到位置不算方便（天后站出向炮台山方向行5-10分鐘），但依然大排長龍。辛苦先來到的朋友幫我們排隊呢哈哈標榜天然無食物添加劑。手寫的餐牌感覺可愛呢。份量極。大。 豬軟骨有兩大舊，野菜也有很多不同種類，有翠玉瓜、蘿白、椰菜花等等。豬軟骨夠味也腍，但兩大舊吃完真的有點膩，幸好有多種類的疏菜平衡。咖喱汁香但不辣，貫徹日式咖喱味道，雖比不上日本的質素，但質素依然極高。飯是有點淋，超級飽肚朋友點的，眼見蠔的數量不少，見他吃得一滴不淨，相信醬汁配飯也十分惹味再添加一份野菜，新鮮健康埋單每人百多，食材用料新鮮不欺場，咖喱香口之餘不太辣，若想再吃日式咖喱的話會再想來吃，畢竟城中好吃的日式咖喱不多呢。

在鰂魚涌工作時常光顧坐忘，很喜歡吃他們的豬軟骨，由第一代師傅做出來的味道直到現在，雖然有少少改變了，但還是食材健康味道不錯，有時還特意駕車去濱海街買外賣。今次很錯！衰貪方便，就朋友坐車回元朗，所以便選擇來天后晚飯，我還特意帶同朋友來天后坐忘試（原本打算到天后的玩具屋或新開的道北工房），誰不知預到很差的服務品質，把整個晚餐都破壞！！黑面，嗅串，惡劣服務，十分很可惜，把整個餐廳型像降至成極低層次大排檔服務品質。失望！不會再來。可能大排擋服務質素還好。（沒有拍照食物，一肚氣）

呢間餐廳本身我好欣賞 可惜態度問題 影響我對佢既觀感 話說我晏就去左呢間餐廳等位一個短呢間餐廳本身我好欣賞 可惜態度問題 影響我對佢既觀感 話說我晏就去左呢間餐廳等位一個短位髮女職員同排緊我前面等位果對男女講 ：「我地2:45 last order 只可坐到3點令」朋友未到 我聽到都即刻問我朋友仲食唔食 朋友話：「先點餐 我趕緊黎 」 去到2:40 我見有好多客出左黎 都未叫我入去 我就問果位短頭髮既女仕係咪有位 可以坐住先 之後佢就唔耐煩咁答我 ：「我地要齊人先入座 門口有寫」跟住我就問 ：「你地2:45就last order 我可唔可以入黎點左餐先」 果位短髮女職員就繼續佢既悔氣態度話：「咁你未齊人我都幫你唔到架喎」呢啲係咪叫大把生意唔休做？！ 我唔覺得比錢食餐飯 我要受呢啲氣 就係因為你呢一句說話 我短期內都唔會再幫襯!!!

多年前已經bookmark左呢間食店想試，當時還在觀塘返工，亦未有北角分店，懶得過去鰂魚涌😂而家喺中環返工，收工當然要過來一嘗心儀食店啦！係OpenRice已經得知呢間店招牌菜係慢煮豬軟骨飯，但當睇左餐牌之後發覺樣樣都想食😂最後我點左椰香烤雞野菜咖喱飯🍛朋友就點左番茄牛肋野菜咖喱飯🍅椰香烤雞飯有濃郁既椰汁味，咖喱味偏淡，但我鍾意！烤雞肉嫩滑，伴飯食好好吃😋當中有七色野菜，感覺上冇咁罪惡，亦健康好多😆朋友既蕃茄牛肋飯都好好食！蕃茄味濃，牛肋軟身入味🐮不過我都係鍾意自己個椰香烤雞飯多d🙊

去天后本想揾—間潮洲食店…点知揾唔到…路過 Camper's, 見餐牌dinner 價位唔貴…装飾又好似山中小木屋…搏一鋪心態…日式小食堂～staff is polite with warm welcome. 曰式焼雞咖喱飯親子丼 定食…(湯唔得…淡黄色塩水)

每次想食日式咖喱時，都會到這裡過下癮☺️今次點了一個豬軟骨野菜咖喱烏冬🍜豬軟骨醃得十分入味，口感嫩滑，入口即溶，而且份量一點也不小氣。而炒過的野菜放在咖喱入面，令咖喱的味道多了一份蔬菜的甜味，惹味得來又中和了豬軟骨的肥膩感。愛吃日式咖喱的朋友不妨試試👍🏻👍🏻

午餐時間，人很多，但亦做了兩輪。豬軟骨是7小時慢煮，所以夠腍。煮得耐，十分入味，而且是好好味! 定食包了蔬菜沙律及湯，令菜肉得到平衡。味道，口感及健康兼備，值得再來並推介朋友