坐忘 (已搬遷) 新店位置

多年前已經bookmark左呢間食店想試，當時還在觀塘返工，亦未有北角分店，懶得過去鰂魚涌😂而家喺中環返工，收工當然要過來一嘗心儀食店啦！係OpenRice已經得知呢間店招牌菜係慢煮豬軟骨飯，但當睇左餐牌之後發覺樣樣都想食😂最後我點左椰香烤雞野菜咖喱飯🍛朋友就點左番茄牛肋野菜咖喱飯🍅椰香烤雞飯有濃郁既椰汁味，咖喱味偏淡，但我鍾意！烤雞肉嫩滑，伴飯食好好吃😋當中有七色野菜，感覺上冇咁罪惡，亦健康好多😆朋友既蕃茄牛肋飯都好好食！蕃茄味濃，牛肋軟身入味🐮不過我都係鍾意自己個椰香烤雞飯多d🙊