坐忘 (已搬遷) 新店位置

環境有點擠迫，人多要等位。好彩兩個人唔算等好耐。不過野食就好快到。好開心既係呢到叫咩到會有一堆配菜，唔會淨係得舊肉勁唔健康。而且唔係得幾條菜咁簡單，又有翠玉瓜，甘筍仔，西蘭花，薯仔.... 牛肋骨既肉質好林，份量好足另外加左隻溫泉蛋，不過就普普通通，可以唔加。咖哩豬軟骨真係好好食，肥瘦位都有，炆得好林，好入味超大件豬軟骨！呢到既汁係偏甜，可能係日式關係掛！可以接受既甜黎既！值得推介👍🏻👍🏻咖喱牛肋骨飯咖喱七小時豬軟骨飯

好好食既🐷🐷軟骨呀！！....今日lunch又去左試新野都係果句番工咁辛苦緊係要食好啲慰勞下自己啦😂幾個同事一行入左呢間「坐忘」先先係俾佢個名attract左所以先入黎試結果又真係有驚喜喎！點左個🐷軟骨慢煮7小時定食先唔講野食質素以一個定食連埋野飲黎講$65都算抵食啦！當個定食上枱大份而且望住舊🐷軟骨都已經覺得好好食流晒口水喇！佢同平時食到既🐷軟骨好唔同佢既軟骨真係煮到啫喱狀好有骨膠原feel🐷肉超入味真係好想encore多舊！一定要番兜呀！又抵食又好食！

我去銅鑼灣維園行工展會，行完先去天后食野，其實天后都好多野食，但我地記得雜誌有講過D間＂坐忘＂既舖頭，個老闆原來係日本人，過左黎香港開舖，所以想去試下。一去到原來都好多人等緊位，都有八個人左右，都冇所謂，好彩天氣唔係好熱。(ps 要齊晒人先入得，因為佢地方唔係太大，沒有飛可以攞，只有排隊)我就攞餐牌睇下有咩食，原來D間出名係豬軟骨飯，咁把心一環試下先。【豬軟骨野菜咖哩飯】+溏心蛋   值得推介~~~豬軟骨有普通版或咖哩版，我選了咖喱版，野菜咖哩飯嘅飯係粟米飯，而且配上份量勁多嘅蔬菜，翠玉瓜、西蘭花、紅蘿蔔等等。兩大件又煮得非常入味又腍嘅豬軟骨已經夠我送飯了，老闆娘仲好好同我地講豬軟骨經過七小時慢煮，所以軟骨已經變哂啫喱咁嘅樣，口感嘅軟骨係近乎入口即融。

一直都好想試坐忘 今次終於有朋友提議一齊去食😗未坐低我就已經諗好要食十五種野菜飯啲飯嚟到嘅時候我都有好認真咁數究竟佢有冇齊15種 點知我一數數16種出嚟😂😂💗西蘭花💗茄子💗椰菜花💗洋蔥💗紅蘿蔔💗青椒💗紅椒💗黃椒💗西芹💗蓮藕💗四季豆💗洋蔥💗南瓜💗薯仔💗粟米💗脆肉瓜本身好鐘意食菜既我 依個飯真係令到我好滿足同滿意☺️首先講下佢d米飯 係圓形一粒粒好飽滿既日本米 唔同平時有d餐廳扮日本野但又用泰國米😂d咖哩都非常日本風 🇯🇵 係我之前係東京食到既一樣架😍佢係有少少辣 真係好少辣 主要係甜為主 就係日本風既感覺😗佢用既所有蔬菜都非常新鮮 而且烹調既時間易都係岩岩好 令你食落去個時d蔬菜吸哂d咖哩汁 而d蔬菜都冇overcooked 蔬菜既份量真係好多 我食哂d菜個時 個胃已經冇位食埋d飯😂下次一定要再黎依到食烏冬至得😌

昨天和朋友特登去坐忘到食飯，其實我係第一次去食，之前見朋友都推介呢間野，所以特意抽空前往。我哋比較早去到，因為我哋都知中午時間人會多，果然食完走嗰時，門口已經有好多人排隊。其實menu選擇唔多，我就簡咗烤雞野菜咖喱飯，朋友簡咗烤雞沙律配胡麻烏冬。佢d餸比飯仲多，野菜有5,6款，再配幾塊雞排，d飯仲要有d蕃薯係入面，甜甜地，配埋個咖哩汁，好鬼match。朋友個沙律佢都滿意，不過我哋一致認為塊雞肥咗d，同埋唔算好入味，如果入味d會更好。

我以前喺鰂魚涌已經有去Camper’s 食晏，當時成日要等因為好多人排隊。知道佢喺天后開咗分店所以去試吓回味一番。今次叫咗豬軟骨丼、豬軟骨烏冬同茄子薯仔沙律。Camper’s 標榜係日本家庭料理佢真係做到：食品美味健康、餐廳氣氛輕鬆。豬軟骨煮咗七個鐘頭好嫩但仍可以𡁻，烏冬嘅胡麻湯底很香、沙律蔬菜豐富新鮮。最令我喜歡嘅係我太太唔係好舒服我俾必利痛佢店員就即刻唔駛叫就俾咗一杯熱一杯凍水俾佢食藥。實在令人感動。依家咁嘅服務態度都好少啦。實在令人感動 。下次要再去。

大家好評嘅餐廳，一定要去試試啦！餐廳標明係天然無添加，No MSG，好，就試試有無誤導食客。第一個試嘅就係雜菇茄子牛肋咖哩飯，第一下入口嘅感覺係：無言，好味道出唔到聲。日本咖哩香味好好，香料十足，濃度剛好，無論辣鹹甜嘅味道都調得好balanced，所有配菜都有咖哩香味，個牛甚至有先煎過嘅香味添。個係珍珠米，溝左一d番薯，加上咖哩汁，甜香無得頂！第二個試嘅係7小時慢煮豬軟骨，唯一一個大問題嘅係應該先食呢個，後食咖哩，因為咖哩味道比較濃，而豬軟骨味道比較清，所以感覺有d反差。豬軟骨味道好好，入口即溶，唯一希望嘅就係可以多小小汁可以撈飯。飯都係用左珍珠米，好一粒一粒黏黏嘅感覺，口感好好。食後感：用心製作，係天然食材，新鮮材料，份量十足，價錢平民，味道滿分，一定再去！

坐忘位於天后，門面不起眼，但每逢lunch hour，總是大排長龍。真係心郁郁想試吓有咩吸引。今日放假，可以早D落樓lunch12:00未見人龍，就把握機會，入去試吓。我地叫咗2個set lunch慢煮7小時豬軟骨定食：好味到暈！！！豬軟骨又稔又多膠質，咬一口，就痴住個咀。肉質鮮嫩，又夠入味，真係好好食呀！烤雞野菜咖喱定食：咖喱香口，又不會太辣，烤雞好滑，野菜豐富，都好好味呀。定食配有飲品、沙律菜，整體感覺幾好。

食完呢間野既感覺係 我太遲發現呢間野啦! 標榜食物零味精 無添加 而且食物賣相好 又多菜重點係$100都唔洗既日本菜! 邊度搵😱😱😱呢度以日式咖喱飯為主打 仲有沙律同烏冬食既第一次黎就梗係要試咖喱飯啦😎豬軟骨七小時煮野菜咖哩飯 ($69)呢款都算係全店最受歡迎既一款!❤黎到既時後見到豬軟骨既份量真係嚇左一跳 好多😨食落好淋好淋 又入味果然係煮左七小時!👅咖喱汁微辣 撈埋豬軟骨啲汁食落又係另一個層次😋野菜方面一啲都唔hea有薯仔 翠肉瓜 紅蘿蔔 西蘭花 西芹 等等比起出面好多餐廳黎講係十分有營養仲有個飯 心機十足居然係南瓜粟米飯🌽無論係賣相定營養都加曬分👍雜菇茄子牛肋咖哩飯 ($69)飯同咖喱汁都同上面一樣😋雜菇都睇得出有三四款🍄茄子煮到淋身 吸曬咖喱汁🍆牛肋肉煮得好淋 入口即溶☺底下仲有啲四季豆 呢度都幾重視食客既營養😂😂

幾年前泥天后電氣道搵食，成條街都有唔少餐廳，偶然地就入左呢間用心經營既小店，試過一次之後就keep住得閒就帶唔同既朋友泥試下西班長黑豚豬頸肉野菜咖哩飯今次再encore，就試左黑豚豬頸肉野菜咖喱飯，豬頸肉既味道不錯，再配埋一如以往地好味既咖喱汁平時出街食飯，十居其九都係多肉少菜，不過呢間餐廳最有心思既，係考慮埋飲食均衡，適量既肉配合番有咁上下分量既蔬菜，蔬菜既配搭仲有唔同款式，仲撈埋係飯入面。偶然唔想食太多肉，又想食得健康啲，呢間都係唔錯既選擇

心血來潮事件簿(9)😋今次係本尊第四次帶朋友黎依到食，次次黎親朋友都話好食，估依到應該都係難得一間係港島比較平同埋高質嘅餐廳😎今次叫左依個牛油烤雞野菜咖喱飯，依道菜雖然唔係依間鋪最出名的，但係係各方面都會食過返尋味😊一黎就見到佢個飯真係好足料，不論係菜，烤雞定係飯都好，之後試埋個咖喱汁，落左牛油之後好滑，同普通嘅唔同，而且D烤雞食落都好易入口，佢依種配搭簡直完美👍可惜論環境黎講可能就會窄少少，如果人數係單丁（今次三個）多人會有機會要搭枱，但係都係一個可以傾到耐計嘅好地方，而且服務就認真好，店員嘅態度好之如，佢基本上每張凳底下都有個籃俾你放野，認真貼心☺️如果去港島又唔知食咩嘅朋友，不妨試下依間「坐忘」，包你一次難忘😎👍多啦😼

第二次拜訪坐忘，一定要繼續叫豬軟骨飯食😍基本上豬軟骨就只有兩款，普通版或咖哩版。上次試咗普通版嘅豬軟骨飯，今次就試咖哩㗎啦！野菜咖哩飯嘅飯係粟米飯，而且配上份量不少嘅蔬菜，例如翠玉瓜、西蘭花🥦、椰菜花等等。呢到嘅咖哩都幾特別，同平時食開嘅咖哩幾唔同。咖哩汁係好液體的，食落唔辣，又唔係平時日式甜咖哩嘅味😂對我嚟講就係多個汁送飯嘅感覺。呢個咖哩可以一試嘅，但下次再嚟嘅話，我會叫番上次食嘅普通版豬軟骨飯，因為兩大件煮得入味又腍嘅豬軟骨已經夠我送飯了🤤.經過七小時慢煮嘅豬軟骨，軟骨已經變哂啫喱咁嘅樣，食落口好似食緊啖啖肥膏咁，肥膏般口感嘅軟骨係近乎入口即融🤤不過今次豬軟骨嘅肉位食落有啲鞋🤔但唔緊要，我仍然有想專登嚟港島呢邊再食坐忘豬軟骨飯嘅衝動！🤣

百日偷生一日閒是日放假獨自周圍遊走適逢早前女友同朋友食完呢間極力推薦還掂呢日下午無野搞一於黎天后食個lunch啦！我2點半先到但人流依然好多因為單支公食所以即刻入到席如果朋友們係結伴食記得預啲時間等位啦呢度環境簡約以木裝修為主雖然坐位唔多但勝在夠寬敞而呢度食物款式都幾多有啲都幾有特式餐牌亦經手寫手畫精心設計可圈可點椰香烤雞野菜咖哩飯（另加溫泉蛋）咖哩採用日本咖哩帶微甜之餘椰香味濃郁烤雞燒得剛剛好唔會過燶淋上咖哩汁亦好入味可圈可點既係飯拌以粟米粒一齊煲有微微粟米香拌以溫泉蛋一齊食另一番風味

一向好鐘意食豬軟骨飯嘅我，終於搵到機會嚟食大獲好評嘅坐忘豬軟骨😍😍果然，真係好正呀😍😍價錢又不高，絕對推薦給同樣鐘意食豬軟骨嘅你！🙆🏻‍♀️同行朋友一食就話：「點解冇舊骨嘅？😱」事關經過七小時慢煮嘅豬軟骨，軟骨已經變哂啫喱😏呢到嘅豬軟骨煮到又入味又腍，食落完全係啖啖骨膠原😆😆已煮到變成啫喱texture嘅軟骨係近乎入口即融，真係世界級豬軟骨😋食完之後抹嘴時發現嘴邊黏黏的🤤係滿滿膠質嘅證據🤤豬軟骨定食同豬軟骨丼嘅分別就係前者係有兩件豬軟骨，後者有一件豬軟骨。我就梗係食兩件㗎啦😈

豬軟骨野菜咖哩飯($65) (轉烏冬+$10)烤雞椰菜咖喱飯 ($58)唔敢話佢係全香港最好食既豬軟骨，唯有戴頭盔話佢一定係全香港性價比最高既豬軟骨！一話食豬軟骨我第一時間諗起佢(ps 要齊晒人先入得，因為佢唔係太大，咁齊人先入都make sense既。仲有，天后唔係派飛等枱，而係要真排隊)豬軟骨煮得很淋，軟骨和肉的比例適當，又唔會太肥膩。仲會有好多好多蔬菜，因為呢間野好注重健康既飲食，堅持無味精&多菜少油而咖喱係日式咖喱，唔會辣我兩間都食過，覺得鰂魚涌總店係好食D總店個豬軟骨煮得比較好，成塊豬軟骨都唔會有少少嚡既感覺有朋友話佢好似香港既碟頭飯咁，因為枱枱都係食果幾碟，咁一人一碟又幾似既但佢好比心機咁煮，大家真係要去試下btw 烤雞飯個烤雞都好滑好正，唔食豬軟骨既話可以try try 朋友話烏冬好食D，大家有錢就轉烏冬試下啦