坐忘 (已搬遷) 新店位置

忘記男友幾個月前介紹時是因為排名，還是喜歡菜多過肉?說笑啦。。一直都說要來吃看看，最近見素食青年的朋友們又提起它。終於約男友特地跑一趟天後站來朝拜美食。鋪頭細細間，廚房是透明的。可看到師傅們的忙碌，2-3名員工(包括老闆)。比較少見有餐廳會有南非國寶茶。之前朋友說這茶好喝，跟餐+$12/單點$24。當你單完餐，單咖啡和國寶茶時，侍應會同你温馨提示:2杯飲品都是熱飲。食物不錯，牛肋條肉比較入味，柚子烤雞唔會太老。下次再光顧會想嘗試猪軟骨和烏冬。

#天后sis朋友熱烈推介之下 食左兩次都重想encore 店鋪由日本人開 冇味精 多菜少油-青芥牛肋溫泉蛋沙律$89牛肋份量多 青芥味都幾重 加溫泉蛋撈埋沙律一齊 好開胃#豬軟骨野菜咖喱飯$69七小時慢煮嘅豬軟骨啖啖肉鬆軟美味 醬汁配飯一流-牛油燒汁雜菇白芝麻湯烏冬$68雜菇放入口好大浸牛油味 應該係炒過 真係好香 同白芝麻湯好夾 稻庭烏冬口感彈牙-牛油烤雞野菜咖喱飯$62 醬汁美味 蔬菜份量不吝嗇 加咗粟米既飯更可口-坐忘 (天后)天后電氣道127號地舖

放工去左天后食，朋友介紹豬軟骨定食我以為自己食緊豬扒，好厚好大塊，滑而唔膩定食有個湯送下飯幾好廣島蠔雜菇咖哩飯唔好睇佢賣相麻麻，蠔都唔係好”in”,配淡咖哩唔會搶左蠔味

健康L必去——Happy Friday 就同老友一聚，去左間天后知名既日本家庭料理餐廳。聽聞真係日本人廚師由日本黎到香港開架。店既設計風格好靚，好vintage 風，值得一讚，環境燈光好柔和。 ——細心睇下餐牌，原來佢標榜無味精同每份餐要有350g 既蔬果。嘩，真係好少見。😂😂d 細路應該好憎依間野。最岩返工辛苦又少食住家飯既打工狗。🐶🐶 🤗講返野食先，叫左《7⃣小時慢煮咖哩豬軟骨飯》 （$69） 同忌廉雞扒烏冬。咖哩味道好香濃，同肉質嫩滑既豬軟骨配埋好夾，而且比左兩大大塊既豬軟骨，再加埋真.350g 菜😂係真多菜。🤤🤤🤤依個係必食，惟一美中不足既係酸左少少，可能係無味精關係。——不過《忌廉雞扒烏冬》($68) 就失色左少少，個忌廉湯咸左D，忌廉脂肪味略嫌太重。🤫係雞扒都幾好食，唔會超老，肉質有口感夠彈牙，又係勁多雜菇，勁大碗。😯😯😯 港島區黎講$70蚊樓下既晚餐，咁大份量，有咁既氣氛同質素，真係一級棒！！！小編朋友已經再約下一次去食過。😋 ——為食指數：7/10推介程度：8/10打卡指數： 8/10性價比： 7.5/10

老公話之前同朋友嚟食過一次，覺得唔錯，所以今次帶我嚟食。門口望完餐牌首先感覺唔貴，望入去感覺像家庭式經營，而且亦標示所有食物都係無加味精，冇落食物添加劑，淨係甘已經加曬分，還有不收加一服務費添。晚餐時間好繁忙，不時見到有食客係餐廳外等位，幸好我地比較早入座。餐牌好特別，係全手寫，中英日三款語言對照，每款食物價錢唔貴，加五蚊可以有飲品。我叫左黑芝麻咖哩牛肋肉丼，米飯方面完全睇得出店主嘅心思，除左用日本珍珠米之外，仲混合左南瓜蓉同粟米粒係入面，頓時覺得健康指數提升不了。黑芝麻咖哩非常好味，微辣，見到超級多黑芝麻粉係咖喱入面，無諗過呢2樣野係甘夾，平時唔多食米飯嘅我都食到唔停口。牛肋肉煮得好淋滑，入口即溶，而且仲配上好多蔬菜，yummy。老公叫左七小時慢煮豬軟骨飯，豬軟骨份量非常大份，經過七小時慢煮，豬軟骨非常夠味，入口即溶，老公話上次嚟都係見呢個，佢話呢個係佢食過煮得最好食嘅豬軟骨。菜方面，佢就配左好大份嘅沙律菜，新鮮爽脆。平時出街食飯好少食到足夠蔬菜，但呢到就會顧及顧客嘅均衡飲食，每一份餐都會有大量蔬菜，老闆係為顧客嘅健康方面一定花左唔少心思以六十幾至七十幾蚊食到一份高質素嘅晚餐，性價比

不知和朋友吃甚麼好，最後挑了天后有名的《坐忘》也很久沒吃過了。很早去到還要等位😱幸好也很快就可以入去了。朋友他點了黑椒牛肋骨，說黑椒很辣😆(他不太能吃辣的)、說牛肋骨不會韌。我點了野菜慢煮豬軟骨咖哩飯、外加了醬油塘心蛋。蛋對我有點甜了一點、但很嫩！豬軟骨比我想像中少啊😂我看到隔離桌的豬軟骨份量多點，不過我這樣子也真的超飽的了。豬軟骨肉的部份挺多的，但有點韌了一點，軟骨可能都融化了所以沒有特別吃到(只吃到一條幼幼的) 咖哩比我想像中辣😍因以為日本咖哩也是很甜的，很啱我口味，野菜清淡無負擔但沒南瓜和蓮藕有點失望~ 不過在飯中找到玉米和南瓜

IG成日被坐忘呢間小店洗版好吸引 睇到我都好心郁郁 要專程黎試下~軟骨位仲軟過食啫喱 超重骨膠原既感覺超正💕 岩我呢d老人家!! 肉質經過7小時慢煮好淋好入味!!! 尋尋找找終於搵得返呢種感覺😍😢正式宣佈佢超越榮少 成為我食過最好食既豬軟骨😇份量有厚厚的三大件 好滿足!!😌不過豬軟骨既醬汁太鹹太濃 掩蓋左本身已經唔算好香濃既咖哩 有點喧賓奪主😂野菜都佔左三分一 平日出街食飯好少有咁多菜食 食完自我感覺良好飲品要左凍焙茶 涼浸浸幾清香 可以減低頭先食豬軟骨既罪惡感lunch早d去食 唔洗等位之餘 12:45前離座有95折 原價$69

Generous portions and really tasty food that reminds you of home cooked meals. Lots of healthy options available. Make sure you order the slow cooked beef, roasted vegetables, or curry options. Consistently good every time I come. No reservations but the queue moves quick, if any. A little bit squishy as it’s a small restaurant but nonetheless a really great meal.

最近做緊一個有關素食嘅專題，因此可以接觸到唔同嘅素食。呢日工作嚟咗呢間非素食店，不過店裏提供多款素食，其中一樣名菜-15種一日野菜咖哩飯玫因係肉食者都like!每到中午同埋晚飯時間，坐忘都會大排長龍；呢間餐廳總有佢吸引嘅地方！先生係日本人，太太係香港人，早六年前回流咗返香港，就決心經營呢間餐廳。鰂魚涌總店係喺2012年6月開，先生以前係日本做廚師，返到嚟香港親自為鋪頭菜式研究食譜。佢哋嘅開業理念係因為外出食飯時，蔬菜選擇唔多，所以餐廳嘅食物以健康，好味為主，更加重要嘅係天然，冇其他化學成份。呢間餐廳嘅蔬菜菜式每日用新鮮材料製作，調味料則用上日本貨，就譬如咖喱，佢哋用幾種唔同嘅日本咖喱磚配咖喱粉調配出嚟。呢間鋪頭我有機會試到蓮藕薯仔茄子金比羅沙律，350g 15種一日野菜咖喱飯同埋牛油燒汁雜菇沙律烏冬。蓮藕薯仔茄子金比羅沙律 $78金比羅本身係一個日本傳統嘅家庭料理，呢個沙律落咗金比羅醬汁，係經過特別調配，鹹鹹地；沙律主要由蓮藕、薯仔同埋茄子煮成，薯仔設成波浪紋條，更加容易沾上醬汁！切成薄片，經過半煎炸嘅蓮藕香脆可口；茄子都經過油泡，但食落唔油，吸晒啲醬汁，軟腍入味。15種一日野菜咖喱飯

獨特嘅黑椒芝麻咖哩飯2018/05/18星期五的晚上，店外排起了一條人龍，因著名嘅8個鐘慢煮豬軟骨而特別黎試試。點了店內嘅豬軟骨8小時慢煮野菜咖哩飯，同時點了黑芝麻野菜咖哩飯。豬軟骨啖啖肉鬆軟美味，一碟已有三大舊😮，咖哩有點平凡。黑芝麻咖哩飯非常香😌，配飯食讓人忍不住口，蔬菜清甜👍，個人覺得店中嘅蔬菜比豬更美味。食肉獸聖地🐂🐖，整餐飯豬的份量較多，蔬菜🌿有點不足。飯量剛好，整碟飯看似好大碟，但我和友人也不知不覺間食咗大半碟😲。总括黎講，黑芝麻咖哩好香😋，作為招牌多說好有特色，大家有機會可以試試👍。

👁‍🗨 豬軟骨七小時煮野菜咖喱飯（7.5/10）💲69餐牌上熱賣既都應該係呢個飯，野菜有蔥、甘荀、薯仔、西芹、西蘭花、翠玉瓜、紅蘿蔔、椰菜花，淨係聽到咁多款式都覺得健康，食落更加唔駛講🥦至於個飯有別於平時既普通白飯，而係加左南瓜同玉米蓉既飯🌽豬軟骨經過七小時既慢煮，軟骨位好軟腍，骨膠原出曬黎，係略嫌肉位比較鞋，同埋咖喱比較稀，不過撈埋飯都夠味，唔太甜唔太辣，都尚算唔錯😛👁‍🗨 牛油燒汁雜菇丼（7.5/10）💲58呢個汁比想像中有驚喜得多😍雜菇雖則切到好薄身，但係食落有滿滿既牛油香，再加埋燒汁，撈飯食絕對夠曬入味，甚至會鹹左些少😳不過旁邊有啲沙律醬既生菜，夠清新可以平衡返下，越食越滿足🥗🔛 整體評分（7.5/10）

和風小店🏮食物不過不失👌🏻👌🏻 豬軟骨野菜咖哩飯 Slow cook pork cartilage curry $69：肉份量好多⋯⋯但係無咩軟骨而且肉質非常老，好失望耶😭 反而配菜更可口唷，野菜種類頗多🥒飯更混入左黃金番薯🍠 依然有興趣食既話可以試下雞牛，可能會有驚喜☺️後來另外有朋友試完話雞肉幾唔錯👍🏻.今次同行朋友點了湯烏冬，可是湯讓豬軟骨汁味道更淡，比飯遜色。.週末夜市都頗多人，好快坐滿嗮！

小編係炮台山番工 相信識搵食嘅朋友都知炮台山好多野食今日要介紹嘅就係近天后方向嘅CAMPUS坐忘！由日本人開 主打加入大量蔬菜嘅咖哩菜式，無論係咖哩飯定沙律 總有一款啱你口味！不過小編最愛嘅都係店家嘅豬軟骨！經7個小時嘅慢煮 肉質入口即溶 而且份量極大件小編份工好遲先放飯 食完呢個lunch夜晚真係唔洗再食加上佢地嘅飯並唔係普通嘅白飯 而係加入南瓜蓉嘅飯配合咖哩汁同吃 最高享受！值得一提嘅係佢地嘅「雜菇咖哩飯 」 充滿煎炒過嘅牛油香好可惜店家無提供雜菇豬軟骨飯...要再另追加強烈要求加入！

之前有朋友介紹過呢一個日式curry 餐廳, 咁就去試一試. 鋪頭地方唔大, 好多時都要搭檯. 但係食物質素非常之高.先講講個飯, 唔係普通白飯, 係有D南瓜同corns 既飯我覺得呢間鋪最大既賣點係D菜, 佢每一種main dish 既配菜都有好多種蔬菜, 仲要唔係是但整, 全部都好比心機整,好多都係爽口,味道非常好. 絕對推薦大家一試.As regards the curry sauce , not spicy but a little bit sweet. I think that it is  a really good restaurant for those who are not into spicy food and are fond of having a meal with a lot of vegetables. 

朋友介紹呢間日本餐廳都有一排，今日特意入黎試下。好彩自己一個黎，出面排哂長龍都好快有位！叫左個最多人推介既咖哩豬軟骨飯($65)。賣相唔錯既，但食落覺得只係一般，啲汁太多，食完個飯都仲有好多汁剩，有啲似湯飯。豬軟骨唔夠「淋」，可以再煮耐啲。飯既份量較少，好在有啲配菜！另外再加左杯蜂蜜檸檬水(跟餐+$10)，味道過甜。抵讚既地方係上菜好快，地方乾淨！服務方面都覺得佢地有禮貌，可以接受！下次未必會再專程去食了，有點名過於實。