坐忘 (已搬遷) 新店位置

平時鮮有在港島區出沒，如非朋友有「好西」推介，我未必會試到坐忘。而坐忘亦沒有令我失望，給了我一碟「忘不了」的日式碟頭飯。.「坐忘」這店名頗有譂意，令我不禁聯想到「平靜」、「靜謐」。可是店裏的氣氛和店名卻完全不相符。店內非常熱鬧，人頭湧湧，枱與枱之間沒有大多空間。空間小，自然聲音也大，絕不是聊天的好地方，可見客人都是為「食」而來。.小鋪位於天后站A2出口的「食街」—— 電氣道，人流當然不少，但能夠在街上屹立不倒多年，總有「兩把擦子」吧～.朋友千叮萬囑要試其豬軟骨野菜咖哩飯，我便毫不猶豫點了它。甫上枱便嚇了一跳：「嘩！這是二人份的豬軟骨吧！」足足有兩大塊光澤油潤的咖喱豬軟骨，附上南瓜蕃薯黃薑飯和五彩繽紛的野菜，有翠玉瓜、 青豆、紅蘿蔔⋯⋯令人胃口大開、狂吞口水，加上陣陣的咖喱香，立刻拿起勺子試試其滋味。.豬軟骨用勺子一撥就散，軟骨就如啫喱一樣，肉和軟骨之間夾著點肥肉，沾了點醬汁放入口中，入口即融，不用咬也能滑進喉嚨，令人欲罷不能。咖喱甜而不辣，咸味適中，是日本咖喱的風味，同時汁水不會太濃稠，不會太膩。.將咖喱拌上米飯，飯中有玉米增加口感，南瓜蕃薯吸收汁液，十分惹味。略嫌米粒煮得太爛，可能是

已經唔知第幾次黎幫襯啦~仲記得第一次黎嘅時候係我best fd介紹嘅~店子小小，充滿日系家庭感覺，好有個人特色。今次叫咗15種野菜咖哩配白飯轉稻庭烏冬加糖心蛋，食材好新鮮!廚師採用左3種唔同既方法處理野菜，充分突出每種野菜應有既口感，口感層次分明!-走油: 蓮藕、茄子恰: 薯仔、紅蘿白、南瓜、西籣花、椰菜花、蕃茄仔、西芹炒: 四季豆、翠肉瓜、白洋蔥、紅洋蔥、青椒、紅椒-咖哩味道偏辛辣而不太甜，野菜烏冬撈埋咖哩一齊食，味道非常夾!雖然加左少少價 ，不過都係非常值得幫襯既，品嚐一下廚子既用心。鐘意食素嘅朋友不妨試下!

呢排成日都好想食日式咖喱飯🍛而位於港島區嘅哩間日式小店一直都好想試成日俾佢啲豬軟骨野菜咖喱飯吸引左囉，見到都好想食今晚決定付諸實行，去到門口竟然要排隊，不過流量又好快喎，見仲飽飽地，所以最後就揀咗一日野菜咖哩飯，呢個飯有350g，15種嘅蔬菜，足夠一日嘅蔬菜份量，再配埋日式咖喱汁啲飯原來係番薯🍠+粟米飯嚟嘅，侍應極力推薦，話好好味喎🤩🤩🤩咁啱我安排嘅位置隔離就係一個透明玻璃廚房，我完全可以望住廚師整嘅咖喱飯，喺度拋鑊，炸野菜等等話咁快我啲一日野菜咖喱飯上枱啦，我揀咗烚野菜，好似健康啲，佢仲有得選擇炸野菜架，可能會更加入味啲嘅，我已經急不及待食啖野菜配咖喱飯，啲嘢菜係整得幾好嘅，因為都仲係硬身，爽口，不過又未至於去到好好味，可能我期待太過高啦🤫🤫🤫🤫最後加咗兩隻流心蛋，呢度嘅蛋係用鴨蛋整出嚟，所以個蛋白會比較鹹少少既，然後再飲埋杯咖啡☕️

同事不停話依間日式小店既豬軟骨好好味放工後就叫佢帶我去試試啦店鋪環境細，有啲迫而且都多人排隊等位排左10分鐘就位都唔算等得耐我地叫左4樣食物都好快到黑豚豬頸肉炒烏冬烏冬彈牙豬頸肉肥瘦適中味道岩岩好唔會太鹹彩菜牛肋燒汁定食牛肋份量算多煮得岩岩好唔會太硬一日野菜溫沙律蔬菜用水煮配上二種醬簡單得黎味道都唔錯健康之選咖喱野菜豬軟骨飯豬軟骨炆得好淋，入口即融又煮得超入味而且配上多種蔬菜總結：平民價錢！份量十足！味道唔錯！一定會再去！

食物：⭐️⭐️⭐️⭐️環境：⭐️⭐️⭐️衛生：⭐️⭐️⭐️服務：⭐️⭐️⭐️抵食：⭐️⭐️⭐️⭐️環境有feel,情侶去食不錯。唯座位夠窄，略扣分。我地叫左一個七小時慢煮豬軟骨飯，一個雜菇牛肋咖哩飯。就買相而論，的確極具日本家庭菜風格，外家入味溏心蛋，有額外再加分。就味道而言，七小時慢煮豬軟骨相當入味，醬料較濃，如不太喜好濃味醬汁可能不太適合，因豬軟骨與汁既味道已二為一體。而豬軟骨入口即溶，骨、肉在口中瞬間分離，確係難得😆價錢方面人均約$70埋單，綜合而言水準中上，值得一試再試。

今日同男朋友係天后剪完髮 就搵地方食晚飯醫醫肚 街經呢間餐廳甘多人排隊 先知呢度出夠豬軟骨飯 甘緊係試試佢啦我叫左個咖哩豬軟骨飯 個豬軟骨好腍 好大塊 我都食唔晒丫 但咖哩汁無入到個豬軟骨 係就甘放碟側 同我原本expect既咖哩飯有少少分別 男朋友就叫左個豬軟骨飯 原汁原味 完全試倒炆呢舊豬軟骨既醬料味 正 連d軟骨都好腍 無牙都食倒啦

【又名：如何引誘你的肉食朋友一齊開心食菜】雖然我自詡食肉動物一名，但其實我都超鍾意食菜🍃，一日唔補充青菜個人就會即刻精神枯萎😪眾所週知「食菜健康」，但如果食菜只為健康而食，而不懂得像享受肉食一樣去品嚐，亦都非常之可悲。而坐忘細心料理、搭配不同蔬菜的手法，不僅絕不會令食客產生「逼人食草」的感覺，或許還打開一道新的大門，叫你重新領略煮菜、食菜的樂趣。今次既重點推介 就係呢個🌈彩菜牛肋燒汁定食！除左沙律菜之外，入面既蔬菜有蓮藕、南瓜、茄子、彩椒同紫洋蔥。每一種食材都有唔同個性同風味，是但一鑊熟豈不浪費。一邊食一邊推測還原料理過程也真的很有趣：茄子切成條炸到吸飽油脂香氣，一咬幾乎要爆漿，差少少就可以贏過牛肉；南瓜別出心裁地片成長片，疑似是和甜椒一道先烤過再炒，可以品嚐澱粉質的甘美又不至於食滯；而切成薄紙再煎炸的蓮藕片可謂一絕，將蒜香燒汁精華全數濃縮，如果單獨炒埋一碟一定係惹味下酒菜😍最佳客串之洋蔥炒到啱啱好熟，爽甜多汁，相信是為了平衡其他蔬菜綿軟甜糯的風格。牛肋肉同豬軟骨一樣都係慢煮而成，蒜香誘人，咬落肥肉到，一陣幸福的牛奶醇香充滿口腔，說明這牛真心不錯～～～呢味彩菜牛肉真係名副其實咁多「滋」

看見網上食評寫到個豬軟骨好好味，於是特地來試試。 我選了咖喱豬軟骨飯，咖喱是日本咖喱。可能本人本身是重口味，所以覺得個豬軟骨唔夠味。雖然好淋，但始終會有啲渣，只係近軟骨部分既肉會好淋。可能比左較高期望，而且$65都算貴，所以覺得唔係咁值得再回頭吃。但食完之後真係唔口渴既。

星期五收工來到天后搵野食，其實之前都有睇過呢間日式咖哩飯嘅介紹，都有打算去試下。店舖個位置介乎天后港鐵站同炮台山站之間，附近都有好多大大小小唔同口味嘅食肆，街頭小食，糖水任君選擇。去到舖頭門口已經見到有4－5個人聚集，本以為要等一陣先可以安排到位置，但原來都可以即刻有位(2人晚餐)。本身在附近買了一杯台式奶茶，點知佢唔俾外帶飲品，咁算啦，交俾佢處置反正都幾乎飲曬。坐位位置都尚可，唔算太逼，但都唔寬闊。枱上已經擺放好兩份Menu，兩杯水。咁都好快就點咗兩份餐，分別係豬軟骨定食，黑芝麻咖哩牛肋。期間望下店入裝飾，走嘅係文藝風。同埋頭先佢個菜單都係以人手寫嘅，介紹得好清晰，係咪素，又或者邊個餐可以轉素食咁。又有自家制嘅飲品。等咗大概5分鐘左右，上咗一個豬軟骨定食先，上面有兩塊豬軟骨，上面有D燒汁，份量都夠嘅，但佢都有幾多菜，可以話係香港出街食飯好少有咁多菜，菜上面有D沙律醬。佢D碗碟應該係由植物纖維造成的，乎合佢地環保嘅風格。等多一陣就上黑芝麻咖哩牛肋，個飯係加咗料，應該係南瓜同粟米，個咖啡入面好多黑色粒粒係搞碎嘅芝麻，入面一樣勁多菜，起碼有5-6樣，牛肉都唔少。味道方面，豬軟骨佢用慢煮嘅方

餐廳晚市六點開始六點半已經近乎滿座兩個人分別叫咗：豬軟骨野菜咖哩飯 追加野菜，牛油燒雜菇沙律烏冬🍛豬軟骨兩大嚿 好淋好入味 yummmmm咖哩野菜好好味，係日式既甜咖哩 唔會好辣美中不足係個飯只係暖 個人覺得唔夠熱既咖哩飯食落比較滯 扣咗分🥗啲雜菇燒得好香 有好多沙律菜 好fresh不過個烏冬既汁咸咗啲啲 所以扣咗啲啲分好健康好多菜既晚餐真係好難得！仲要又好味又唔貴，免加一埋單$160難怪咁多人幫襯絕對會再嚟

今日終於二訪期待已久的坐忘😍一個半小時的車程和黃雨，都無阻我去食豬軟骨😈.🍛豬軟骨煮七小時野菜咖哩飯$69🍛必點的招牌菜😏❤️豬軟骨份量比我上次去多，好滿足😱肉質一如既往的煮到軟淋淋，軟骨入口即化😳😱變到膠質一樣，漿住你成個嘴🤤🤤🤤世界級好食！野菜份量多又多樣化，搭配南瓜玉米飯，好健康👍🏻咖哩也是高質之作，是帶有一點點辣的日式甜咖哩🤩.加配❗️今次特地多點了烤雞$15跟溏心蛋$6😈兩大件烤雞皮脆肉嫩，多汁又香，有驚喜🤩下次必encore❗️溏心蛋就相對上普通，但也不錯~.食物質素: 🌕🌕🌕🌕🌖食物顏值: 🌕🌕🌕🌕🌗性價比: 🌕🌕🌕🌕🌘回頭率: 🌕🌕🌕🌕🌕

As a curry and japanese food lover, I have been noticing this restaurant for a while.When I stepped in the restaurant at 12:30pm, the savory smell of the food had hit my sensation right away and made me even more hungry.The owner of the restaurant is apparently a Japanese as the menu is written in Japanese and English as well.Back to the main point, we have ordered a pork cartilage curry and a black pepper teriyaki beef donburi. Both of them were literally decent!👌🏼 We have also got 2 iced honey

因工作關係這陣子經常到港島，工作之餘亦不忘發掘一下這裡有什麼秘店。坐忘在openrice裡評價很高，想必食物質素一定不錯。在云云選擇中點了大家力推的豬軟骨野菜飯，平心而論，豬軟骨好淋好入味，而且份量很足夠；飯用了粟米去煮，誠意滿分。而且野菜亦炒過，有陣陣牛油香，很新鮮。咖哩很香甜，而且咖哩汁亦很多，撈飯一流。真的好好食。如此好的食物，本來值得有90分，可是侍應的態度卻不敢恭維，這天見到三個侍應，一男一女後生的，沒什麼特別，但有一名中年男侍應卻拖低了整間食店的分數。事緣是對我旁邊的有一個4人家庭，爸爸媽媽帶著一對孖女，3、4歲左右，一家四口點了兩個飯，然後中年男侍應就告訴他們要抱著兩個細路，因為一份餐點佔一個位置。我明白鋪頭細細，當然有最低消費及它們的規矩，但當時已是下午2點多，店內已沒什麼人，姑且暫時讓父母放低一對女坐一陣亦不足為過吧？ 我相信這不是一間以家庭式日式小店作招徠的餐廳應有態度吧？

最初認識呢間舖頭是在鰂魚涌，食過一次就難忘至今，難忘係因為佢嘅經營概念，還有廚房裡頭的日本廚師，以及用蔬菜為主去設計的膳食。|早前知道他們擴充開店到天后，確實有點萬分期待，直到正式開業，自己郤一直未能抽空前來品嚐。今日機會終於來了，趁著手上工作不太繁重，便偷偷溜走到天后，店舖位置距離地鐵站約步行6分鐘。|由於是偷偷溜走出來，所以要把握時間，幸好我在12:05到達，店內未出現擠擁情況，大概12:30店外排隊等候的人越來越多了。豬軟骨7小時慢煮定食 $65：好味 好味 好好味！食個午飯姐，賣相已經咁討好，豬軟骨入口味濃用來伴飯一流，慢煮的成果使豬骨肉質柔軟而腍身，再看看豬軟骨旁邊的菜，絕非大陸菜，健康又可愛。注意均衡飲食的社會下，呢個碟頭飯，有齊肉類、穀類及足夠蔬菜，食完都覺得自己健康快樂咗。(P.S. 碟頭飯有跟湯水，健康，無味精，喝光。)如果覺得唔夠候點呢？可以加$5-12元會有杯飲品可以加$5-29元添多份餸菜(P.S. 餐牌有列明，可以睇下再決定)餐廳四四方方，間隔實用，全店使用方枱方櫈，每個坐位下都有一個籃子，方便擺放隨身物品，如：背包外套等，讓你食得輕鬆又安心。店內後方是煮食區

camper's @ 天后終於特登過左黎天后試下傳說中既“坐忘”🙂🙂👉一間標榜健康無味精少鹽少油又多蔬菜既日本餐廳…7點前到達…雖然未至於排長龍但都全院滿座。不過都好快就安排到坐位。我地點左最出名既“豬軟骨”配咖哩 $64, daily special既蕃茄牛肋條野菜咖哩 $69再加$10既凍原味乳酸出餐既速度好快…因為order既野都係就咁“but”出黎。 豬軟骨真係好稔同好入味又唔會覺得老…最緊要係好味👍👍。牛肋條…呢個我就覺得一般…咖哩就應該加入左蕃茄帶微微帶酸都幾開胃…咖哩係好日本既黑媽媽咖哩😂…蔬菜份量都幾多…入面有薯仔, 蕃茄, 翠肉瓜, 豆角, 西蘭花, 椰菜花同紅蘿蔔…所有都煮得啱啱好仲好爽口。個飯就好似加左黃薑同蕃薯(都係睇到人地咁講...😛). 個飯個人覺得麻麻…有d“行行”地既味。總括黎講食完真係感覺好健康同價錢好合理…收$64咁大舊好味既豬軟骨又咁多菜…