土司工坊 (創紀之城五期(apm)) (已結業)

平時我是只愛咖啡好少飲奶茶的人☕️當我心情不好的時候就會想轉下口味，今天路過想起這裡唯一是我喜歡的奶茶☕️加多件介央多士同煎雞蛋是我本人非常治癒的食物，吃完心情即時好返曬

我在上班午飯時間來買外賣。付完款後收銀姐姐叫我站在餐廳外等，我等了好一段時間也沒有人出來給我外賣。我過去詢問，才發現那個一早放在餐廳櫃上的外賣是我的。全程沒人出來叫過我的號碼，讓我在上班有限的午飯時間呆等。

今日由早到晚執屋一直忙忙忙，忙到8點幾終於可以坐定定食個飯啦。由於太攰，我地都想黎個速食就早d返去休息下。Toast box 係採取自助形式既，自己去點餐再會有服務員送餐。唔知係咪太餓既關係，我地好快就揀到心頭愛啦。🤣1） 椰漿飯拼豬排個個辣醬真係不得之了，完全係將一個普通既碟頭飯提升左咁2） 咖哩豬排配油麵無錯又係豬排🤣，個咖哩湯夠濃好香，但食完之後就有d 口渴.... 以速食黎講算係唔錯👍🏻

下午茶時段，少少餓，揾個地方坐下食少少嘢，見土司工坊下午茶有土司套餐都幾吸引，而份量又唔多不妨一試。下午茶時段人不太多，容易揾位。肉鬆吐司麵包夠厚，有輕微烘底，搽上少少牛油，肉鬆份量多，面加上煉奶，鹹鹹甜甜，味道不錯。半熟蛋兩隻，加上醬油，蛋黃香，不過蛋白好水，要加少少醬油先有味。南洋奶茶，紅茶加上煉奶及花奶。茶味濃，夠香滑，味道不錯。

今日約左朋友在這聚餐，這間餐廳幾特別，逢星期五就是無飲管日第一次來食，有士司，麵，飯，價錢合理自助式，自己買食物，半取半送餐，自己搵位這個套餐好好食，士司脆口，花生醬夠香，煎蛋流心這杯恐龍外形一盆泥土，但我朋友食得好香好香芝士味，火腿煎得夠香，蛋不流心，多士脆口，套餐加4元就有瑋杯凍檸茶

🔥土司工坊 (觀塘)觀塘觀塘道418號創紀之城五期(apm)4樓18號舖～～斑斕蛋糕（$76）個個去新加坡都喜歡帶斑斕蛋糕做手信 前陣子爸媽去新加坡 也買了個斑斕蛋糕回來 可是因為路途遙遠 帶回的路上 已經被隨身行李壓到變形 然後我就告訴他們 其實土司工房的斑斕蛋糕就很好吃 用不著這麼遠帶回來呢 土司工房的斑斕蛋糕柔軟 質感像個海綿寶寶似的 16塊而已 體積就非常大 斑斕味道也很重～～～～推薦度：🔥🔥🔥🔥（5🔥為最高）

之前係新加坡食過都不錯，諗住反黎香港再食。點知早餐食傳統吐司，個吐司係凍冰冰，凍奶茶十分難飲，有點失望😞😔😔😔😔😔😔😔😔😔😔😔😔😔😔

其實係APM真係食到好悶, 平時都諗唔到食咩好, 本身想食錦麗既, 但真係勁多人排隊, 見到都嬲左, 咁點知再行行下見到土司工坊出左新野, 有新加波蝦麵同馬來西亞肉骨茶, 咁見口淡淡食下馬來西亞野都好既, 咁我就再行一陣, 等埋朋友先食啦, 點知都係多等15分鐘姐, 蝦麵就賣哂, 哭…….咁最後就叫左馬來西亞肉骨茶套餐及星洲叻沙套餐, 叫左D小吃, 必吃半熟蛋, 半熟蛋加甜醬油, 真係好味….馬來西亞肉骨茶, 正常, 沒有驚喜, 但都冇咩失望, 所以就唔洗特別吃下次, 另外星洲叻沙, 都同平時一樣, 又係唔洗特別吃多次

🔅🔅🔅做完運動行下apm 剛好途徑土司工坊店我倆腳步好自然地停下被厚切的班蘭蛋糕所吸引二話不說即刻買返件食下～🔸<班蘭蛋糕> 高度超過10厘米海綿質感超級鬆軟班蘭味超香濃好突出蛋糕入口融化甜度適中我一人食兩件都得呀👻👻值得推薦超值得推薦👍🏻👍🏻個人覺得比君X更好食🤤🔹<香蕉蛋糕> 香蕉味好香好濃很誘人蛋糕係厚實的質感～而且係濕潤既口感甜度剛好很不錯🤩愛香蕉人必食😋🔸<總結>買兩件仲有得便$2真係性價比超高呀🤩🔅🔅🔅

土司工房所有分店的設計都是比較簡潔，光猛。買完餐之後，記得拎野埋杯飲品先埋位坐。等待飲品期間，順便睇下負責水吧的職員如果冲製你order 的飲品，其實一杯南洋奶茶的茶膽，由職員由一個壺拉到另一個壺，重重覆覆的拉左起碼四次，一杯南洋奶茶先拉完，備用。其實我很喜歡這裡的土司及熱飲，因為土司很有當地特色，而熱飲除了薏米水，其他都夠哂熱。今日叫左娘惹米線套餐配熱美祿。娘惹米線其實是米粉，因為視覺並食落口嘅質感同去茶餐餐食的米粉係零分別嫁😂上面其實無咩料，只有兩隻蝦，半隻蛋，同有D葱同豆腐卜碎伴埋個醬汁湯。個湯其實比較「結」身，不是稀湯，也不是水汪汪，味道主要是咸味，配合少許酸，少許辣，同少許花生醬定麻醬味。這不是我最喜歡的口味，不過好耐無食，又想重溫一下。今日最享受的就是熱美祿，因為夠熱夠濃，而且杯子比以前的大左好多。睇下，其實真係好濃，如果仲用以前的小杯，咁少水又點先可以溶解曬D粉？

年初三晨早约左朋友行山，由太和行去粉嶺，途中經過許願樹，既然經過，不須耍係大埔迫巴士。於是一班人改往抛寶牒作新年許願。到左許願樹附近一带，真係人山人海，我們狂一會就坐巴士離去。係觀塘APM落車，整個商場好有新年氣氛。行左一會，覺得有些肚餓，於是去左吐司工房食件多士。傳統多士+二隻生熟雞蛋+一杯奶茶 - 多士是用一片麵包一開二，夾住一片鮮牛油，多士烤得好脆，食落真係好脆口。奶口加練奶好香濃。生熟蛋好軟滑。這天是年初三，價錢比平時略高，但都值得。

今日返工前見有d時間，就去觀塘apm行吓順便慢慢食個午飯先返工經常見到吐司工坊都好多人，d嘢食又好吸引，今日得閒有時間就入去試吓先我就叫左個娘惹米線餐，餐飲要左熱咖啡，呢度係首先去櫃檯俾錢，然後找位，有食物再自取，見到佢哋沖咖啡時，已經聞到好香當等埋個米線返埋位，我急不及待試左杯咖啡，味道真係好香濃潤滑可能係加左煉奶，之後就試吓個米線，味道幾好，有d花生和麻醬味，青檸味酸味味提起食慾，蝦幾爽，有d豆po粒增加囗感，隻蛋幾滑，整體上幾好可惜係份量少左d和價錢貴左d，不過都可以再去。

前幾日下晝兩點幾鐘約咗人喺觀塘apm傾嘢，因爲我同對方都未食晏，所以就決定搵個地方一邊食一邊傾。最後我哋揀左位於4/F嘅 Toast Box。我同佢都叫咗個星洲叻沙米線，跟餐飲凍啡走及熱檸水。星洲那沙米線湯底味道唔錯幾惹味，椰汁味適中。配料有蝦肉、札肉、豆卜、烚蛋同芽菜。蝦肉都幾新鮮，爽口彈牙，札肉味道唔錯，米線滑溜。不過$60一碗嘅價錢我就真心覺得有啲貴。凍啡走跟餐加$4，味道正常。熱檸水跟餐免費，正常貨色。

係APM等朋友之際，晏就又食得唔飽，就去咗土司工房叫咗個下午茶食住等。地方唔算太大，但勝在一個人易搵位。先點餐，如果你有嗌飲品，就等佢沖埋然後拎等候牌搵位坐，店員會送餐比你。🔹傳統土司套餐 $41多士唔太脆口，有少少偏淋；咖央醬偏小，如果多啲會較好，相反牛油好大舊好邪惡。套餐包埋煎蛋，不過不失。杯凍檸茶可能茶底好熱，啲冰好快溶哂，由凍變咗暖...怪怪地。📍土司工房觀塘觀塘道418號創紀之城五期(apm)4樓18號舖．．環境分數：7/10食物分數：5.8/10Encore分數：5.8/10

屋企附近間toast box執咗好幾年了成日都好想食喇沙都附近總係冇就算有但都麻麻地或者配料好不足黎到觀塘見到有就食啦先要咗個㗎咉多士因為我冇食過但朋友有食我就唔太適合評論喇沙咁耐冇食過依然好好食湯底即喇沙味好濃配料好足有魚片蝦豆腐卜蛋芽菜最鐘意既都係佢仲會有d肉鬆係底不過有度唔好就係喇沙份量太少我唔夠飽TT所以如果好似我咁係屬大食個類就要要多少少野或者出去食過其他野先夠啦另外就係飲料保持一貫水準.回頭度：8.5/10