土司工坊 (創紀之城五期(apm)) (已結業)

問侍應拿辣椒醬猶如乞兒，叫幾次後黑面大力塞俾我，大叫「我邊度得閒呀！」不是吧，食新加坡野想拎碟辣椒咁淒涼，點解要去你度食。食物一般，魚蛋粉好淡味，以後絕不再光顧

第一次食土司工坊😳個餐牌有曬食物圖，都會更我容易啲選擇🤓#星洲叻沙套餐+熱奶茶 （$60）賣相幾精緻同好吸引！配菜分量尚可接受，有魚蛋片、豆卜，蝦，芽菜，半隻蛋（非溏心）豆卜吸曬啲湯非常入味👍👍👍👍👍其他既配菜味道都係普通蛋🥚如果係半熟會更好！奶白色既湯底非常creamy，但味道比較淡。米線太淋🍜奶茶好甜，可能要落單前話比個staff知要甜，因為唔係自己放砂糖好味指數：😋😋😋 （五分為滿分）

經過APM想食個tea，就嚟咗Toast Box，見到個肉鬆厚吐司係鋪頭推介嘅，所以就叫咗嚟食🍞平時嚟食就會叫喇沙套餐嘅，佢哋嘅喇沙套餐正正常常，肚餓嘅時侯可以醫下肚，材料有蝦，豆卜嗰啲，湯底都有陣椰奶香味，屬於正常嘅喇沙🍜但我今次唔係話好肚餓，所以就諗住叫個toast食😊肉鬆厚吐司套餐嘅價錢:$35肉鬆有咸香味，配咗甜甜地嘅糖漿，中規中矩，唔係話有好大嘅驚喜🙈想食少少嘢，又唔想食喇沙套餐咁飽，都可以試下叫個肉鬆厚土司，唔會太飽😊

放工揾食主要係因為得佢唔洗等位，加上佢有美綠恐龍比完錢拎左飲品就可以坐定定有人會幫忙送餐到位置上，煎雙蛋美綠恐龍煉奶花生醬厚多士菜下次可以唔洗加錢食油菜可能佢唔係整開

想要輕食，便隨便進了一家。APM 裡這家餐廳算大的，座位幾乎可以任選。看著餐牌的圖案，點了一個傳統土司（$35）加了凍奶茶（+$3）不到$40，挺便宜的。餐到來的時候把我嚇了一跳，餐牌的圖片明明是雞蛋，而且拍得像火腿蛋治一樣，怎知是片牛油都怪自己沒看字牛油還是凍的，根本不會溶。最後我把牛油拿走。至於那個像火腿的，其實就是醬，說不上是什麼口味，就不太喜歡。至於包，是烘得不錯，就不夠熱。凍奶茶還好！是正常的。總結：不會再吃同一個餐。

呢間連鎖店我都成日係街見到，不過就未試過，所以今日行apm揾餐廳食晚餐既時候望到，就決定去試下。星洲叻沙呢個叻沙係米線底，煮得比較淋，超索汁，食到最後其實冇咩湯。我比較中意佢d豆腐卜，佢吸哂d 湯汁。配料都ok多，又唔會太辣，正正常常叻沙味，都算合格既。咖哩雞翼配白飯呢個咖哩我就覺得唔多ok，佢最大問題係d咖哩唔夠熱，唔夠熱真係唔夠好食，雞翼就偏油，而且d雞翼似白烚再加落去煮..... 明顯唔入味喎，唔多想試第二次。又唔係話難食，但同樣價錢，我可以有更好既選擇。

約左強積金經理去幫我做整合，於是約左係觀塘APM見面。見面嘅時候已經係2點幾，又怕食完之後食唔落晚餐，於是就簡左土司工坊，貪佢有D套餐唔算太飽肚，又可以坐得比較耐，又唔會俾人趕。叫左傳統土司套餐($37)，野飲加錢轉左做熱美祿($4)。叫完餐拎左杯美祿走之後，就等侍應生拎我個土司同一對煎蛋俾我。 等左大約15分鐘左右，土司終於上檯，雖然今日唔趕，但佢出餐真心有D慢，好彩唔係午餐時間黎，如果唔係分分鐘會遲大到。好彩個土司熱辣辣，新鮮烘起，出間夾住咖央同牛油。牛油因為受熱，處係半溶嘅狀態，食落甜甜地、咸咸地，好正。再等多一陣，對雙蛋都上埋啦。D蛋係岩岩煎起，除此之外，味道無咩特別。美祿都係平時係屋企沖開果D，都係無驚喜。旨在有地方舒舒服服坐下，不過不失啦。

今日做完運動，諗住是但係 apm 搵間餐廳食野番屋企，咁諗住快既就入黎土司工坊。咁黎到冇理由唔叫喇沙架，仲有我最愛既美綠恐龍 🤣🤣 碗野黎到發覺好似細份量左...湯底亦唔夠之前蝦味濃...仲俾人話我選錯野 😓 好在杯美綠恐龍仲對味！唔係失望死我 🤧

早幾日約左朋友去apm食晏，之前行過見到呢間嘅餐都幾啱食，所以今次就揀左喺度食飯呢個芝士炸雞撈麵好正呀芝士好香好濃食得咁heavy就要配番杯檸檬薏米水，中和下芝士嘅肥膩感整體食物同環境都ok,下次約朋友都可以揀嚟呢度食

每日一點門口經常要排長龍。通常揀下牛茶去食都唔洗等位了。我就係咁架啦。這裡位置好，在公司附近而在這商舖黎講下午茶時間可以walk in就坐底仲唔迫又唔嘈餐牌有好多選擇，我揀左叻沙套餐...一出場賣相都不得了。好濃郁的湯底，見到口水都流惹味湯底帶沙嗲味道...陣陣椰香，好正宗湯底配料好豐富，豆卜入味！魚腐彈牙。蝦仁大隻，好滿足。湯有小小辣，幾乎不怎麼辣！一啖米線一啖湯，真係好滋味米線份量剛好不錯...晤食得辣既朋友其實都...可以嘗試一下。

同朋友在APM 食完晚飯！各自歸家，時間尚早突然好想飲杯奶茶！就走咗嚟土司工坊。呢度係自取形式既，搵完位就去買野食！我發現呢度既奶茶係拉茶。係現場表現拉茶技術咁。佢杯奶茶比平時茶餐廳細少少但好好飲，我鍾意飲有茶味既奶茶.好多時奶茶一係多奶無哂茶味.一係茶味太濃，苦澀得滯！呢度既剛剛好。最特別係佢杯奶茶已有甜奶。無需落糖！我喜歡吐司工坊！主要是因為他們的奶茶真的很香很滑。而且沖茶的會在杯子外用滾水澆一圈。令熱奶茶真的是倒進熱的杯子內。真是貼心的做法。

哩間吐司工坊經常都係來食下吐司麵包，西多士之類，今日午飯時間，餓餓地，就決定一試佢個巴東牛肉黃薑飯等左差唔多八分鐘就來啦，D飯夠曬香口呀，飯上面鋪滿肉鬆同埋黃薑碎，一上台已經聞到濃濃既香味入口有D薑粒有薑味，唔會太辣，旁邊有些許酸既青瓜紅蘿蔔，令人胃口大開還有兩片炸蝦片裝飾，夠脆，就係普通正常蝦片，無乜特別D牛肉唔錯，好入味，瘦肉多，有少少硬，D黃薑飯配埋個牛肉既汁一齊吃真係好味！估唔到除左吐司之外，飯都唔錯喎！

放工後趕上堂，得返半個鐘醫肚，我會去我的速食飯堂。1. 晚市一般唔使等位，而且都多如我這般的獨食客，就算搭枱都冇咁尷尬。2.貪佢上菜快，order 完轉頭就攞得，有連鎖快餐的節奏。3. 主要吃星洲馬拉野， menu 選擇唔算多但款款都拿手，暫時沒有失手過。而且星馬菜出面都唔多有得食架！ 4. 價錢 ok , 套餐五十蚊左右有交易，加個菜都係加多十幾蚊。5. 環境一般啦，寸金尺土的快餐格局，枱很迫的。今次食左我最愛的 H1 叻沙套餐，叻沙好香濃，麵亦夠入味，有響星洲當地吃的風味，絕對無投訴。奶茶好香，係用煉奶冲的，偏甜。要少甜的人仕要提早揚聲。菜就一滴油都冇，係就係健康D，不過好唔習慣 唯有放埋入叻沙湯入面食。

星期六晚上要係觀塘搵食 都有一點點難 度度都多人到痴線惟獨土司工房唔洗等位為了醫肚 當然要去幫襯 食完先發現有撈面食 咁多年第一次見有新嘗試 係好事 下次要試埋佢講真 味道唔會係十分好但整體而言唔錯 又幾岩香港人口味 唔會太辣另外一個重點 係唔會趕你走果日差不多坐左成兩個鐘 但果個薏米水 真心一般 無回頭就薏米水而言 我喜歡坤記的 每次去尖沙咀都會食 講番土司工房 真心係無得揀的情況下 比較好的選擇 起碼唔會令你失望 你又有個預算 一定唔係伏

在觀塘工作好一陣子，同事們都鍾情去飯堂，無法去附近的工廈食店闖闖。突然想飲南洋咖啡(kopi)，只想起APM的土司工坊。咖央多先來件咖央多。 烤得不夠香，而且不夠新鮮熱辣，咖央醬也少得可憐。 娘惹麵線 麵線剛上枱已經糊作一團⋯⋯ 雖說圖片只作參考，但這個現成品也劣得太過分吧？ 未吃，麵已經吸滿水，似撈麵多過湯麵。麵線吸滿水，成"pat"野咁。 配料當然也強差人意，蝦又乾又鞋，完全難以入口。 南洋咖啡 只剩下南洋咖啡是味道正常，下次我還是選公仔麵算了。