土司工坊 (創紀之城五期(apm)) (已結業)

因為去咗兩間都冇位，所以喺呢度試吓。果然中伏！冇咩選擇，唯有揀咗呢間，揀咗個雞扒飯...... 來到嘅時候，覺得它實在比茶餐廳碟頭飯更差。味道是可以的，賣相就.... 唔知關唔關佢事，食完我拉肚子！見到前面有人comment，話嗰位收銀姐姐態度差，都有同感。其實呢度嘅安排實在有啲問題，收銀姐姐要沖埋嘢飲，同佢講嘢第一句就叫我「等等」！佢嘅態度真係好似叫你收聲咁樣！ 明白佢要收銀又要沖嘢飲係忙，其實佢公司咁樣嘅安排的確係有啲問題～ 收銀會接觸到現金（雖然依家好多人都電子付款或者信用卡），佢收完銀又去沖嘢飲，疫症期間真係有感染風險！真係要改善一下..... 我好少比差評，不過今次真係要比一比.....

見到有肉骨茶就決定食佢啦，因為平時好少地方有馬來西亞野食。肉骨茶套餐 $80肉骨茶好大碗，入面有啲豆卜、豬骨，啲料都多。味道同正宗果啲好似有啲出入，依碗味道偏咸。不過如果湯撈飯咁食，就會中和左啲咸味。雖然味道唔係好正宗，不過如果經過真係好想食肉骨茶都可以試下既。傳統土司套餐 $38有咖央多同煎蛋。我最中意食依度既咖央多，因為無正宗咖央多會有既椰絲味。不過如果啲醬可以再多小小就好啦。炸魚蛋 $10$10有六粒都幾抵，配埋啲泰式辣醬幾好食。炸雞扒 $10好脆口，岩曬中意食煎炸野既人。凍蘆薈蘋果茶 +$8入邊有一啲蘋果蓉，又有一啲蘆薈粒，飲落都幾有口感。美祿恐龍 +$8上面加咗好多美祿粉，因為杯嘢飲係凍既所以啲粉唔會溶，邊飲邊咬啲粉幾得意。

一直都係土司工坊常客， 因疫情好耐都無黎， 唸住今日黎食個傳統吐司早餐， 點知， 個吐司一上到黎， 好似mini版 ， 縮水縮到咁明顯， 真係躁底咯。 同個蛋一樣size， 再加杯野飲，$38， 真心覺得中伏到貼地。

那位收銀兼茶水部的小姐，擺出一幅不想做，不耐煩的無尾音聲調與顧客落單，我以為只是我一個係咁，點之我食左15分鐘時間觀察所得，佢對每個顧客都係這樣，搞杯野飲就好似打仗咁搞到蹦蹦聲，好似同杯野飲有仇咁！宜家呢個時勢有份工做已經好好，應該要珍惜！作為前線接觸顧客俾返少少專業的對客態度，相信能令顧客購物體驗產生正面影響。值得一讚是食物方面，我是吃當日特價$38 喇沙米線，味道及賣相很好👍🏽，餸都比想像多，不會因為特價而偷工減料。

大型商塲(APM),竟然有$32~42的下午茶餐， 以為都是一般茶餐廳行貨的配搭，但最终有驚喜厚西多一大件，牛油一大片，仲要包兩隻炸雞翼，還有一杯馬拉奶茶,$38,超抵 西多不太甜，再附上一片大牛油，邪惡得來味道又剛剛好炸雞翼，即叫即炸，上枱熱辣辣，咬開仍然霧煙，而且味道非常香口好味馬拉奶茶落煉奶，配上淡淡的茶葉香味， 濃淡適中，甜度也是剛剛好。簡單的一個下午茶，完全感覺到餐廳及厨司用心及誠意，决不將貨就價，取巧，絕對值得一試再試。

好耐無食，竟然有肉骨茶都唔知添😅呢隻係馬來西亞風味，即係好藥材味果款好多料又夠味，真係好驚喜比較之下，雖然我都係中意新加坡風味有胡椒果夠d，不過換下口味都好好算係夠足料，有肉仲有肉丸，豆腐卜索晒汁配埋白飯認真夾呀另外要左魚丸河粉，魚丸好彈牙套餐加$12 就有一款小食，分別加左菜同埋炸雞奕菜既份量都唔輸蝕架，夠晒炸雞亦好香脆，擺左一陣都仲好熱辣辣嚟到點少得飲南洋咖啡夠奶香，咖啡味又濃郁先用熱水整熱個杯，keep 住個温度真係好

星洲叻沙🍲湯底雖然呈奶白色，但椰香🥥唔出面頭加左辣油🍾有輕微辣味🌶屬於無記憶點既湯底💨米線偏淋、無咬口😥蝦仁🍤有四隻急凍蝦仁無蝦既鮮甜味🙊口感亦唔夠爽彈🥴魚腐份量多，吸湯力十足👍🏻·魚片🐠有五、六片口感彈牙·芽菜🥙爽脆，增加口感👌🏻·蛋🥚正常·整體而言，係一碗味道不過不失、食材豐富但質量一般既叻沙🤔但勝在份量十足，好似食極都仲有咁，唔會食唔飽🤣個人唔會再encore🙅🏻‍♀️

琴日見到今日招牌星級叻沙有買一送一優惠，平均$30一碗，咁抵梗係要試下啦！其實都係第一次幫襯呢間連鎖店~滿心期待佢個laksa，我哋叫左外賣。等呀等等呀等，等左20幾分鐘都未有，但就不停出堂食，遲過我地好多嘅堂食客都已經食緊，我地仲未有，催左都無立即跟進，真係等得太耐喇！食物方面，熱辣辣可見佢係岩岩整好，而唔係放左係廚房好耐。顏色方面，好colorful，個樣好吸引到人。味道方面，就遜色不少，湯底得個辣字，唔夠香味。但麵條好有口感，軟硬程度適中，蝦都好新鮮，肉質彈牙，豆腐卜吸左d湯，好好食。值得一讚，可惜湯底有待改善。

叫左個喇沙米線及南洋咖啡午餐，黎到個樣同張相一樣，個喇沙好油，個米線係好淋好淋，個湯底係有喇沙味，但成碗野係好求其，杯咖啡可能因為走甜原因，係好淡，淡到唔似咖啡，希望佢地可以改善質素

想行街，諗住兩個人食個快飯又要有位，搭𨋢行過見到土司工坊有位就入去啦。周圍都坐左一兩個，幸好有食客見到我哋兩個，佢自己坐過隔離就即刻有位啦。環境一般，不過樓面唔算多人，都收唔切盤。咁我諗住拎俾櫃檯職員，佢個樣黑哂面。。。其實佢可以講句叫我拎去另外一邊，我有講左幾次唔好意思，但照舊黑。。。😅食物選擇唔多，朋友叫魚丸湯河，上左餸再食食下，有另外一個食客坐底，又係同一碗先發現少左魚蛋，朋友有啲唔開心。。。我就叫咗咖喱雞扒麵，64元。雞扒肉算ok，麵粉厚左小小，湯底適中，唔會辣，但如果香料多啲會好啲。奶茶一般，都可以。

有段時間冇黎食晏喇！見Menu出咗個升級版海鮮喇沙面。有啲失望，因為個湯底唔夠香同淡味，整體失色左，好在餸嘅份量足夠。蝦有三隻爽口彈牙，多塊魚片都幾好味，豆卜索晒湯底，芽菜索索聲，配合埋杯每次必飲嘅越南咖啡，都OKAY 嘅。

土司工坊，設計簡約，門面開揚， 站在店外已經可以望到店內的坐位情況。因上星期日太多人嘅關係，所以無食到，今日特意來試下此店嘅早餐，但比預期有點失望😥。服務員不足，一個店員要分身兩項工作，既要負責茶水也要負責收銀。 當時個店員正在處理沖茶工作，要待她完成手上工作才可幫我落單收錢。點了個芝士火腿蛋土司套餐 $38 包含熱飲，再加 $5 有個火腿通心粉，整個餐合共 $42。明明係西式嘅火腿通心粉，但湯底用了公仔麵味粉再加左啲青葱粒，無論味道、視覺都有點奇怪😑。芝士火腿蛋土司是即叫即做，但切開多士後，芝士並沒有圖中的拉絲效果。食物方便唯一能夠讚賞的地方就是芝士，味道濃郁，份量十足，厚度有如煎熟後嘅雞蛋黃一樣。

上星期同小朋友上完playgroup ，去了APM 的Toast box 食下午茶，很容易就有位，但並沒有提供high chair, Toast Box 是採取自助形式的點餐，之後會有服務員送餐。因為今日食不到午餐，Toast Box 下午茶竟然有飯，絕對令我和小朋友都夠吃。我點了小魚椰漿飯配炸雞翼，南洋即叫即做的奶茶＋油菜。買相都幾吸引，有一隻蛋及三隻雞翼，份量對下午茶來講剛剛好，因為係「茶走」，所以奶茶較甜，可能是我習慣了無糖奶茶。整體味道適中，價錢合理，美中不足是沒有提供high chair!

去apm睇戲前想食個下午茶 睇左幾間決定土司工坊 價格中等 一個餐要三十幾蚊 不過賣相都幾吸引 腿蛋土司很值得一試芝士很多 非常濃的芝士味通心粉不過不失 好左份量剛剛好👍🏻不太飽也不太少

A nice little pit stop in apm for you to sit down to grab a light snack and a drink without leaving apm.Based on Harvard’s published guide to healthy eating, it is advised to eat more greens. So, this pandan cake is perfect. It’s green and it’s a cake. Killing two birds with one stone.HK style milk tea with no sugar is the way to go.