土司工坊 (創紀之城五期(apm)) (已結業)

前幾日下晝兩點幾鐘約咗人喺觀塘apm傾嘢，因爲我同對方都未食晏，所以就決定搵個地方一邊食一邊傾。最後我哋揀左位於4/F嘅 Toast Box。我同佢都叫咗個星洲叻沙米線，跟餐飲凍啡走及熱檸水。星洲那沙米線湯底味道唔錯幾惹味，椰汁味適中。配料有蝦肉、札肉、豆卜、烚蛋同芽菜。蝦肉都幾新鮮，爽口彈牙，札肉味道唔錯，米線滑溜。不過$60一碗嘅價錢我就真心覺得有啲貴。凍啡走跟餐加$4，味道正常。熱檸水跟餐免費，正常貨色。