土司工坊 (創紀之城五期(apm)) (已結業)

土司工房需然分店遍佈全港九新界，但一直沒有衝動光顧。直至早兩晚放工後在apn正為晚餐煩惱之際行經餐廳門外，看到喇沙餐牌忽然勾起喇沙癮，抱住一次心態就點了個海鮮喇沙。湯底入口係超濃厚椰奶味，之後散發鹹香，是本人喜愛的喇沙味道！相當有驚喜！唯配料不怎麼出色，麵底方面若非米線而是本人較愛的油麵相信會更佳！

去到APM， 除左有好多行街shopping既店舖，美味既食店都唔少，而小弟今次就去左Toastbox(主打新加坡美食)。我叫左個巴東牛肉黃薑飯套餐 (HKD 58) 配以南洋紅茶。個餐既賣相唔錯同埋材料非常豐富。個餐有巴東牛肉 2件，芝麻青瓜蘿蔔，蝦片 2塊同埋黃薑飯。巴東牛肉係用椰奶同香料熬製而成既，我覺得係幾香既而個惹味醬汁亦令到個口感幾唔錯，不過牛肉略為有啲韌。個醬汁既咖哩味都幾重。芝麻青瓜蘿蔔味道唔錯，涼涼地既口感平衡番巴東牛肉醬汁火辣辣既味道。 蝦片就不過不失。 個黃薑飯炒得幾乾身，分量又算大。杯紅茶夠哂濃味，啱哂我呢啲愛茶之人。整體黎講，個餐算係抵食又好味。

自從上個月去完新加坡，就好掛住阿坤個多士；土司工房進駐左香港都一段時間，今日終於都第一次幫襯下。星洲叻沙$56味道同我係新加坡食既一樣，豆卜夠淋又入味；蝦好爽口，但冰鮮蝦當然就無咩味；魚蛋彈牙，如果可以厚返少少就好，太薄；但湯底好濃郁好味娘惹麵線$53酸酸辣辣既味道，似撈面無湯既，面質幾彈牙，但份量好似少左d，可能無湯關係🤔凍好立克/美祿跟餐+$6恐龍好立克/美祿就加+$10爭$4試恐龍，濃味好多，冰溶左再搞搞佢又可以keep返濃味，但粉多自然甜少少，怕甜就留意😎但我唔怕就好鐘意😂😂傳統多士$16，呢道兩份黎係$32好奇怪，一齊上枱，但面頭果份無咁脆，底果份脆d，但整體都算係脆咬落去好脆口，加埋牛油係中間口感好滑唔會覺乾，配合得好好，咖央味濃連埋兩份多士埋單$161講真整體阿坤好食d，但以異地黎食，都算係咁😎後尾再單叫左杯奶茶，茶味好香好香，但唔夠滑，爭左少少。

今次試娘惹麵線, 估5到係酸酸的, 幾醒胃WOR, 有幾隻蝦, 有D 肉碎同花生碎, 麵線好幼, 好似台灣果D咁, 如果變番粗物金邊粉就好了。不過較細碗, 唔係太抵食。

食左咁多次toast box 第一次叫公仔麪餐套餐價$36比起咖哩雞餐/喇沙餐黎講平左一大半不過真係叫一次就夠 雖然坐低等左5-10分鍾上菜 但個公仔麪仲係硬成個麪餅個形都仲係到 麪身比一般公仔麪淡味 至於雞翼大小適中 但個味偏咸係個凍美祿補番數 夠晒濃Between 一個公仔麪餐吾夠喉加多個咖央多士 呢個皇牌都算永無失望珈央醬加上成塊牛油 兩者絕配好香口多士脆卜卜 可惜太細件兩三啖就食晒下次再食toast box都係吾好貪平揀公仔麪

工作晚了，想食麵，要點南洋風味的，還在營業的，附近只有這一間。到店10點50分，問一下還有食物提供，心裏暗喜，卻不知道即將中伏。沒有娘惹麵，就點了叻沙蝦麵，熱的檸檬薏米水。薏米水先取，坐著等麵。飲品還不過不失，只是熱飲不熱。差不多等了十分鐘，麵上來了，卻是惡夢的開始。先說湯，早已談不上溫暖，只比室溫熱一點，大概廚師早早收檔，湯也一早冷了。再說麵，自然也是室溫的，米線也未熟透，夾生，除了不知所謂，沒有形容詞了。店員自顧聊天，只有一位小妹在忙碌，請他跟廚師説，把麵翻熱一下。不到三分鐘，麵又回來了，沒有變動，溫度是有了，大概放進微波爐兩分鐘吧。到此，我還能說甚麼？既然顧不了出品，何不乾脆早點關門，客人沒有食到熱的冷麵，心情不好的員工也好早點休息，皆大歡喜。

久違了的新加坡式茶餐廳， 已經忘了上次去 toast box日子。 今晚打完波， 和朋友苦愁食咩呢!? 最想飲杯凍飲。 平時客常滿， 此時竟然有半桌位， 即刻坐下。這裡快餐式自助購買， 到收銀機前付款後， 可以先取所買到的飲料， 至於食品，店員給一個號碼座， 只要放回自己餐枱， 當食物準備好， 侍應就送上。今晚收銀員帶著親切笑容， 想食的娘的飲惹麵線售罄， 她很有禮介可以選食其他， 我選了叻沙和一杯薏米水。 現在好味容易友善難， 香港人時趕迫， 令很多員工也只顧工作運作， 而忽略人情味。待客之道， 賓至如歸。

其實都不知道他們的主打是什麼，看到餐牌沒有土司只有上方的廣告牌寫了很多土司的餐牌。門口招牌主打larsa在大馬經常吃，就嘗試下咯，朋友點了三份小吃，加兩杯飲品。飲品很貴一份薏米水要23港幣，荔枝水其實是7up加多兩顆荔枝肉同檸檬片，😂仲要12紋。larsa很大一碗，擺盤適合拍照湯汁味道不錯，不過麵條都不是地道的種類，感覺像粗米粉口感不好不入味。三份小點都不錯春捲青菜OK，娘惹沙律可口脆爽。店面不大裝修簡約時尚給人很乾淨的感覺。

今日同靚仔同事食lunch,他提意去食Toast Box, 我係順德人……無問題……有時經過都不像初開業時這麽多人。我點了星洲叻沙……湯底熱騰騰,很香。可惜D配菜是冷冷的……莫非南洋人是這樣吃的……同事竟然選了港式五香肉丁蛋麵……這是他茶餐廳至愛的食物……靚仔話完全唔掂，湯底不熱，麵好硬……唉還點一份雞翼…………不過不失。每個餐都跟一杯飲品，我選了奶茶……味道很不錯同事點了咖啡……佢話ok 咖啡和奶茶都係用煉奶冲的

約咗朋友喺附近晚膳，未夠鐘，又有啲肚餓，搵搵食先……叫咗個花生醬厚土司(包2隻煎蛋)套餐及雞翼蛋公仔麵全日餐，只需$71花生醬有花生粒，咸咸地，土司凍冰冰，感覺麻麻地；雞翼公仔麵ok，雞翼味道一般，而麵則煮得恰到好處，不太硬不太腍餐飲點了熱奶茶，不過個人不懂欣賞這兒嘅熱奶茶，無茶味，無奶味，只覺得好甜

一個人上完堂, 行咗去APM食LUNCH, 好想食新加坡野, 就見到土司工坊, 它有土司, 但驚LUNCH唔夠飽, 最後點了個非套餐的娘惹米線$47,  拿著牌等送黎, 大概5分鐘之後店員送來, 個碗好大, 很香,  份量少少, 有2隻蝦, 一隻係凍, 另一隻暖, 唔知係咪因為撈麵, 所以唔會好熱呢, 見佢熟, 我冇問店員喇.  整體黎講, 味道好食, 汁份量剛剛好, 食落口即時有東南亞美食FEEL, 令我回想番新加坡之旅, 但係個米線份量太少, 我一個女子都唔係好夠飽. 

又是一間一直在左右，但重沒有光顧的餐廳。。。難得過了午膳時間，便去試試。這次的餐點是 新加波叻沙套餐，飲品是奶茶，另加1份叻咉多士。等待的時間不長，侍應也有禮，奶茶不用加糖，很香濃(我不愛多奶的，所以很對我的口味)。叻沙湯底有香濃的蝦味，是那種“海味”的味道，蝦膏蝦油很重，麵是很滑身米線，配爽口的芽菜很不錯，可惜芽菜份量十分少。配菜方面，是蝦仁、潮式魚片、豆卜，這裡最棒的應該是豆卜，吸收了湯汁後非常惹味。多士很好吃，很鬆脆，內裡配料合到好處，份量很少。感覺整個餐點也很棒，但！！！ 吃到最後才發現湯裡有小蟲子，不知道自己有沒有吃到，但整體分數全扣了。

好鐘意食佢的飯，而且又不用等太久。餐肉大大片厚切！我每次想吃餐肉都會想到這裏吃，而且好像是梅林餐肉，好懷念的感覺。小魚又好吃，最愛拿來拌飯。快快手簡單食下都幾滿足。椰槳飯的味道比以前淡了，希望可以做回以前的味道。辛辣醬分開放很細心，因為以前都直接放到飯邊的，如果有人不想吃太多辛辣醬就比較麻煩， 不過我本人是整碟吃光光的所以沒所謂。之前一直有吃這間的，裝修完後店面沒有太大分別。飲品我喜歡"奶茶撈咖啡".

After movie we came here for a tea set. We ordered French toast with honey. The toast was not very thick, but still ok. Outer part still crispy, it smell very good and delicious. The level of sweet was just perfect. I think it would be better if the toast with condensed milk.

食下午茶，去左apm的Toast box，套餐都幾抵食，而且keep住多人。Tea set分飽類和飯麵類。傳統土司套餐($35)的半熟蛋要加醬油和胡椒食，蛋漿好美味。牛油咖椰多烘得很好味道，脆脆的，咖椰醬適中，不會太甜，成個餐作為下午茶份量剛好。友人食五香肉丁煎蛋麵套餐($36)，煎蛋不錯，沒有太熟，肉份量ok，麵質也不會太稔。飲品唔想成日飲奶茶，美祿恐龍加$10、薏米水加$6，好大杯喔！朱古力味濃郁，薏米水好健康。