影片
港铁观塘站 A2 出口, 步行约2分钟
继续阅读
开饭介绍
在店内能品尝到香浓南洋咖啡、传统咖椰土司及星洲叻沙等各款传统美食。
继续阅读
营业时间
星期一至日
09:00 - 21:30
公众假期
09:00 - 21:30
公众假期前夕
09:00 - 21:30
以上资料只供参考，请与餐厅确认详情
相关文章
成个APM几乎冇乜餐厅有下午茶提供或者价位都好贵走到4楼见到toast box记得以前系有下午茶嘅但之前又停咗一排碰碰运气点知有返下午茶新menu无左以前食开嘅鱼蛋粉不过都有餐蛋面呀以为普普通通一餐谂住呢到既餐蛋面一定无乜特别点知就系咁先有惊喜！首先卖相真系好靓葱花洒上面已经系加左分要求全熟蛋都真系有全熟！午餐肉溅到好香脆最喜欢呢啲切到薄薄嘅午餐肉比厚切更香而且无咁快淋面质地面好适中最想介绍系佢个汤底咁第一啖嘅时候点解好似有种肉骨茶嘅味道嘅？所以好特别几乎将个汤饮晒吐司工房既南洋奶茶面是必选这个下午茶餐成为$36好抵食呀！
继续阅读
我第一次写食评，因为真系姨间野真系前所未有咁夸张收银个阿姐对啲客呼呼喝喝，但系其实我听到每个客都好有礼貌，唔该前唔该后，客客气气咁。企系水吧个妹妹仔发吽豆多过做嘢。因为杯薏米水真系几全无味，我忍唔住问佢拎咗啲糖（期间亦都有其他客人问佢拎糖水）。个妹妹仔比完我之后，个收银阿姐大大声喺度讲饮薏米水落乜鬼嘢糖？ 净系见到有个出餐嘅姐姐不停系咁做同埋几好礼貌。其实70几蚊食碗面饮杯嘢，唔会期望啲乜嘢，但系比起食过几次嘅将军澳分店真系差太远。
继续阅读
系观塘站出黎念住食个快餐，openrice搜寻下，未试过哩间土司工坊，又见有肉骨茶，都几怀念肉骨茶嘅味道，一出站就直接揾到间舖堂食，落单时阿姐态度都未见异常，虽然都几恶下，但哩个系餐饮服务业常态，仍在可接受范围内，俾钱时问，可否Alipay，佢非常之不耐烦咁答到：可以，扫完code后系砰一声咁将部scanner掟出去，果一刻我都唔知系佢同Alipay有仇口，或与使用Alipay之食客有牙齿印，定系觉得我哩位戴住口罩嘅新客面目可憎，一定要掟嘢先可以出到啖气。有时觉得系香港食嘢真系好可悲，又唔系食颓饭，俾钱仲要受气，仲惨过乞食。Anyway, 自己揾位入座，上餐好快，汤本身唔够热，味道真系好麻麻地，肉骨茶个汤淡得黎得个咸字，少少甘咁样啦，肉骨得两条又唔腍，又唔香，数埋里面最多嘅系原粒蒜头，有四粒咁多呀！食嘢期间，都有听到其他食客低声下气咁同收银兼水吧阿姐，系咁讲唔该/唔好意思，真系心念，食餐饭嗟使唔使咁呀。仲有呀，个匙羹好似用开就无洗过咁，出晒包浆，过多几年可以当古玩把玩添呀。总之，我的话就一定唔会再帮衬，不论apm或其他分店，bye bye。
继续阅读
以前一向有食开喇沙，次次都好好食！除左今次，完全唔得！我无系其他大舖食到呢间既水准！完全无喇沙应该有既咸香同椰汁味，味道淡如水，只系得辣味！真系比个卖样呃咗！返嚟睇返以下嘅食评先知唔系只系今日失手，系失手咗好耐！价钱平可以有其他选择。
继续阅读
今朝嚟咗apm嘅土司工坊食早餐 早餐都主要系食土司 仲有配通粉或者米粉 烚蛋或煎蛋 同饮品☕️肉松厚土司肉松嘅份量都好多 土司都烘得好脆 亦都食得出土司系搽咗牛油嘅 最钟意呢碟🍞芝士火腿蛋土司呢个土司就冇厚土司咁松脆🥪 佢比较软熟一啲 煎蛋有啲过熟 我期望切开会有蛋汁流出嚟 芝士嘅味道有少少酸 唔系我喜欢嘅味道🧀炼奶花生酱厚土司呢个正正常常 冇咩特别 主要都系厚土司好松脆😂火腿通粉通粉份量唔多 汤底亦都比较咸 唔系太推荐😮饮品系由收钱𠮶位店员负责冲 有少少担心卫生嘅问题🤣餐厅嘅土司系有水准嘅 不过价钱偏高 加上其他食物唔系太出色 应该都唔会有下次😮💨
继续阅读