圓山台灣料理 (已結業)

除咗日本菜之，其次比較喜歡食嘅就係台灣菜。朋友今晚提議去尖沙咀嘅呢間台灣餐廳食飯。喜歡台灣菜的我，當然不會反對。呢間餐廳都好容易搵，就係美麗華商場隔離，入到餐廳，環境都好靚好舒適。佢哋嘅餐牌好大本好厚，有好多唔同嘅台灣菜式。今日同朋友兩個人，食唔到好多，所以就點左鹽酥雞，干扁四季豆同埋滷肉。鹽酥雞嘅份量好大，味道好好，好正宗，適合配啤酒。滷肉都做得好好，另外要提吓配菜嘅滷水豆腐，好入味。這個配白飯一流。干扁四季豆都做得好出色，四季豆好入味。下次再來試試他們的套餐，星期一至四供應睇嚟好超值！

圓山嘅套餐真係抵到冇朋友，今日又來呢度lunch，餐廳位於金巴利道，好近美麗華，門面顯眼。面積都幾大，雖然話係台灣料理，其實比較似酒樓嘅裝潢同招待，店員都好有禮。好快幫我地開左茶。menu有2人、4人、6人商務套餐，價錢係288/498/698蚊，性價比超高！套餐自由度都大，唔會話得好少選擇。就以2人餐為例，包左點心兩款/涼菜小食一款；小菜兩款、老火湯兩位、肉燥飯或擔仔麵兩位、甜品，非常豐富，甚至乎我覺得係夠三個人食，分分鐘四個人來再加點心，都一樣夠而且佢跟餐嘅點心同小菜唔會馬虎，眼見都左蝦餃鳳爪、小籠包、叉燒包等選擇。小菜仲有超多款式，比較台式嘅有三杯雞、紅燒豆腐、A菜、滷肉、鹽酥雞咁。點左個二人餐，再加兩款點心，上菜速度夠快，如果食得慢嘅朋友，建議慢慢追加，唔怕D點心凍。老火湯係菜乾豬肺湯，熱辣辣，好足料，清潤。點心方面選擇左水晶鮮蝦餃同自家醬鳳爪，兩款都推薦！蝦餃一份五粒，一口份量，加少少辣椒油，爽。皮夠薄身，蝦肉明顯，夠新鮮自家醬鳳爪唔錯，夠大隻，而且好入味小菜我地揀左口水雞同金銀蛋浸油麥菜，兩款都係完整份量，冇話因為套餐就俾少。金銀蛋菜就唔洗講啦，菜夠新鮮，湯底唔會太鹹口水雞

「圓山台灣料理」就位於尖沙咀美麗華旁，即上諾士佛臺的斜坡旁邊，是一家蠻傳統的台灣餐廳，感覺好像有點歷史，但品質也蠻穩妥。最划算的肯定是優惠自選菜式，$388/4道菜、$588/6道菜、$768/8道菜，菜式本身有平有貴，可以自行計算菜式的原有價值來找出Best Offer台式雙拼 - 鹽水鴨及鹽水雞 ($148): 鹽水鴨處理得不錯，微咸且肉滑，鹽巴味道不會過重；而鹽水雞卻像切雞，咸味亦不重，店方給搭配薑蓉。蒜片黃花魚 ($198): 蒜香醬汁十分濃郁稠結，其香甜美味，亦帶濃郁蒜香。而黃花魚皮脆肉嫩，蒜汁令為其提升不少。咕嚕黑豚肉: 咕嚕肉肯採用黑豚肉已經成功了一半，肉香而幼嫩有肉汁。另外醬汁酸甜度適中，能牢牢鎖在肉中。魯肉飯 ($28/碗): 每碗均有兩件厚切豬腩肉，肥瘦分明炆得十分軟腍且入味，至於醬汁比正宗台灣魯肉飯稍濃，正合港人口味。現在讚好「圓山台灣料理」的Facebook專頁也獲是日甜品一客。

一年一度天文台開放日，全家參觀後，順道在這家老字號午餐。今天座無虛席，只是家庭客比例較多。真的多得天文台的開放日！　細看餐牌，有午市套餐有點心。不過大家久久未曾食籠籠點心了，所以午餐想要點心！　枱面紙巾，餐牌，牙籤，基本餐具皆有。筷子托，子有所托，我喜歡。下單後，著小米先去洗手間清潔雙手。　　　秘製酒香豬潤燒賣　　　點心之中，有豬膶腸粉及豬潤燒賣，最後選擇較少見豬潤燒賣。2塊豬膶約1CM厚，顏色較淡，表面平滑，每一個肝小葉都是脹卜卜。爽口彈牙脆口又帶甜。本身很喜歡肝／膶的食物，可說是食豬膶食到成精了！　個人覺得：這塊豬膶洗得十分乾淨，把豬膶內的血塊徹底清除，才會有如此彈滑爽甜的豬膶。除了豬膶，就連下方的肉丸也是又彈又滑。　　　清灼唐生菜　　每餐總要來一碟青菜，有膳食纖維才覺得安心。　香煎外婆蘿蔔糕　小米點的外婆蘿蔔糕，中間軟綿綿的部份，真係阿無牙阿婆都食到。　　　台式胡椒餅　　這個細小的胡椒餅，並非饒河街福州ＸＸ胡椒餅的結構和口感。縮小版胡椒餅，中間滿滿的，很實在。餅皮油分較多，不算太乾爽，而胡椒肉餡較濕潤，肉餡跟餅皮都緊貼在一起，没有任何空間。口感內濕外粘，黑椒肉餡味道當然是香辣。總

今日同朋友黎食晚飯，本身打算叫二人餐，但原來假期唔供應，只好散叫。餐廳有茶樓feel，又的確有點心叫～不過一場黎到都係想食返台式小菜入座後就會送上小食，蒜味青瓜好開胃！見唔少評語都推介三杯雞，就揀左佢黎一試，上檯時仲係炸炸聲～味道的確唔錯，醬汁濃稠，帶有九層塔嘅香味，食落好香口，雞肉肉質亦算嫩滑。醉雞食得多，醉乳鴿係第一次食，有啖啖酒香之餘, 亦食到乳鴿肉的味道，一人半隻唔夠喉呀哈哈主食叫左台南擔仔麵，麵質彈牙，湯底濃郁，配埋面頭既肉燥，好快就清哂最後叫左份炒蜆，味道濃郁，都好好食，但比較多沙，希望餐廳留意一下。餐廳附送既湯水，芋頭西米露，唔會過甜，幾好食～

今日食咗一個非一般嘅生日飯，不是慣常的鮑蔘翅肥，試試台式的。食物質素高，出品有序，先吃冷盤（ 我最鍾意食肉鬆皮蛋豆腐)、幾款頭盤、魚湯、幾款主菜，最後花雕蒸羔蟹，這味菜好吃到不得了，蟹新鮮多羔又肥美多肉，我們還用蟹蓋裝飯食，真是高級享受，客人食完一個菜式，不會急急的上另一個菜，侍應生有禮貌，態度好。因為我們這桌的朋友喜歡吃辣，主人家特别將清蒸龍躉，改為水煮魚做法，嘩！香辣魚新鮮，好吃到不得了。尾枱是炒長壽麵蓮蓉蛋黄大壽包、另外還有甜點、糖水和水果盤。好美滿幸福的生日宴

一直都知公司附近有間台灣菜館但睇名會覺得好貴所以一直都無諗過去食但今晚有朋友從遠方來港他們想吃台灣食物好吧！門口的姐姐好快帶我們上樓坐抵即時沖茶我好鐘意飲茶葉茶架當然覺得好舒爽然後是點餐實在有太多選擇睇左十五分鐘都無共識😂😂好吧四人餐囉老公話點個好少少！好呀最好餐餐食好少少囉涼伴海蜇、蠔油生腸⭐️⭐️⭐️⭐️個生腸好得意，切到少少的好爽口麻辣鴨舌⭐️⭐️⭐️⭐️超級辣我食唔到但朋友狂讚好辣好正😂😂秘製麻油雞湯⭐️⭐️⭐️⭐️⭐️⭐️呢口湯四人一飲完第一淡都激讚絕對不能錯過！勁濃味！勁有媽媽的味道平時我唔食湯渣都忍唔住食左我史無前例比⭐️⭐️⭐️⭐️⭐️⭐️溫室南瓜鮮鮑⭐️⭐️⭐️⭐️個南瓜好好好鮮甜！我食左好多南瓜😂😂翡翠鬆子蝦仁⭐️⭐️⭐️⭐️蝦係好大隻及新鮮架再加我鐘意的西蘭花只係咸左少少台式忟游水沙巴龍躉⭐️⭐️⭐️⭐️生猛即劏加涼瓜抆好入味！成日清蒸可以試新嘢章茶鴨半隻⭐️⭐️⭐️⭐️⭐️都係四人一致大讚的菜式肉好嫩台灣炒A菜⭐️⭐️⭐️⭐️原來這個菜叫A菜，長知識擔心麵/燥肉飯⭐️⭐️⭐️⭐️兩款兩碗超級多食物食左兩個鐘先食得晒其實份量真係好多六人食都夠食👏🏻👏🏻👏🏻👏🏻連加一埋單$1200確實超值特別想讚下店員服務好好好細心及有禮最開心係朋友表示好滿意😘

圓山就在公司附近, 一直未有機會品嚐呢間開了多年既台式料理, 今次就同朋友黎食到飽一飽😂 餐廳就位於諾士佛台斜路底, 一個小小入口, 一樓就像中式酒樓圓枱, 二樓就係VIP房。 香港一般台式料理都會像小店細枱多, 但圓山就好似中式酒樓一樣圍住坐圓枱，多人一齊食都無問題。 望見餐牌都好多選擇，而且價錢都幾抵食，自選小菜套餐同晚巿精選套餐，我地4個人最後揀咗好豐富既晚巿精選4人套餐($998)。🔸拼盤：涼伴海蜇、蠔油生腸、麻辣鴨舌🔸我個人幾鍾意個海蜇有木耳一齊，爽口又好味。男人就鍾意食鴨舌，但味道都真係幾辣好惹味。🔸秘制麻油雞湯🔸去過台灣好多次，知道台灣人坐月都會飲，但我第一次飲麻油雞湯，原來係咁好味～ 非常濃郁既麻油香同雞湯既精華，雞肉仲好嫩, 而且仲好滋補，估唔到喺香港都有得飲仲要咁好味，推薦！🔸溫室南瓜鮮鮑🔸甜甜既南瓜仲有大大隻既新鮮鮑魚，鮑魚都煮得入味，而且剛剛好又易咬。🔸翡翠鬆子蝦仁🔸用左好多松子炒西蘭花同大蝦，大蝦仲好新鮮彈牙。🔸台式炆游水沙巴龍躉🔸平時多食清蒸，黎到台灣料理當然試下台式炆煮法，係用涼瓜炆炸好既龍躉，份量十足，味道唔會過苦，連我唔食涼瓜都差不多清哂成條魚。🔸樟茶

香港好少食到正宗台灣菜，圓山可以說是當中的老牌。媽媽成日睇美食節目，好想去台灣掃街但係又冇時間飛，所以專程約他們出尖沙咀飲茶，不用飛去台灣都食到台式特色小食！餐廳就在美麗華商場旁邊，地點好方便，餐廳內空間感強，寬敞舒適。假日午餐時間食物款式超級多選擇。我就選擇了各款各樣的台灣點心、小菜、甜品，全部味道都挺好的。餐牌有推介很多正宗台灣小菜，彰化鹽水鴨、台式鴨舌、台灣花雕醉乳鴿、台灣花雕蟹、皮蛋肉鬆豆腐等等。最先奉上的是台粵點心，有我們最常喜歡的極品流沙包，熱辣辣入口香濃蛋黃味道，瀑布般的流沙，滿口滋味！招牌台式胡椒餅，胡椒餅是去台灣夜市必吃首選，好香的胡椒味道。紅油抄手果然夠辣，香口惹味。台式小籠包，肉香多汁，一口咬下會有爆汁的感覺。小菜當中我最喜歡台灣滷肉，滷肉味道香濃，肉質就好似廣東嘅東坡肉，一層肥一層瘦，入口柔軟充滿油脂香。五味鮮魚，名副其實應該有五種味道～哈哈！我就食到甜、酸、辣⋯加上魚嘅鮮味，魚肉香滑多汁，脆脆的差點兒魚骨都可以吃掉。甜品有椰香棗茸糕，熱辣辣入口就最好食，這款甜品是新年人氣熱賣之選，香甜軟糯很討人歡喜的。

週未中午約了家人去飲茶，這裡就確實十分抵食同質素高！這裡位置都算方便，在兩大商場附近，行條樓梯就係到店內，店內位置都算寬敞，而且還有一個大魚池，有好多新鮮海鮮！打開餐牌，裡面有張精選套餐，4個人就點了個午市商務4人套餐$498，有三款點心或涼菜，三款精美預菜，老火靚湯，即炒一款炒粉麵飯，還甜品，一個價錢，而且週未還有，就係咁點了三款點心，水晶鮮蝦餃，皮薄軟滑包住大大隻嘅彈牙爽口鮮蝦肉，正！台式小籠包，入口多汁，啖啖肉，配埋個醋汁味道更鮮！極品流沙飽，外面軟熟包住了熱盪盪嘅流沙，一咬開就不停流出，流沙餡料十足！而今日嘅老火湯就係豬肺煲菜乾，入口清新鮮甜，唔會覺得好油膩，而店員會再湯內嘅材料放在碟上，而主食點了個刺激嘅宮保雞丁，雞丁味道十足，肉質嫩滑，配埋香口嘅腰果，幾種口感一齊入口感覺超正！台灣滷肉，滷肉炆得十分之軟綿綿，入口只有在口中容化嘅感覺都十分好味！加埋個汁，送飯一流！屏東小炒皇亦十分出色，小炒皇樣樣有啲，蝦米乾，臘肉，魷魚等必有嘅食物，加埋啲爽口嘅九菜十分有口感！跟住上埋個酸菜桂魚片湯米，十分足料，整碗湯米上都放滿了酸菜同魚片，米粉加埋個湯入口十分開胃，酸菜亦十分爽口，魚片肉質

今晚和家人一起吃飯，她們提議來到尖沙咀的圓山。這間位於金巴里道的食肆，每次經過美麗華商場都會看到，終於有機會一試。豆酥蒸海斑$268，廚師先將海班蒸熟，再將豆酥鋪面，我第一次吃這個做法，豆酥的醎香帶起了魚的鮮味，是新的嘗試。胡椒海中蝦$228，原來胡椒除了炒蟹，還是非常配合炒蝦的。蝦肉吸收了胡椒的香味，變得更鮮甜。台式鹵肉$128，肥美的鹵肉，扣煮得很腍，連皮都軟化了，脂肪入口溶化，雖然明知有點邪惡，忍不住吃了幾塊。炒A菜$75，我每次吃台灣菜，都必點A菜，因為味道鮮甜爽口，是一道健康的選擇。台式蒜燒香腸$88，香腸加上蒜片和蔥片，味道層次豐富。極品流沙包$38，𠝹開包皮，內𥚃的蛋黃，如瀑布般流出，而且香味濃郁。

之前食過圓山下午茶覺得好抵食今日係尖咀美麗華商埸shopping難得出到黎 緊係約朋友encore圓山啦夜晚有套餐或者散叫小菜 經過店員一輪推介後我地㨂左自選風味菜餐 當中有成三、四十款式小菜可以㨂 真係花多眼亂我覺得沙茶牛肉同咕嚕黑䐁肉最好味沙菜牛肉 入口唔會太靱 配埋酒樓特色沙菜醬好惹味 當然芥蘭都係不可或缺啦 夠爽口咕嚕黑䐁肉除左平時嘅菠蘿外 呢度重加左蜜桃 黑豚肉炸過口感香脆 食落唔會太肥或太瘦 正另外蠔仔煎都唔錯 蛋味濃蠔肉鮮最後叫埋夜市必食嘅三杯雞 大滿足

趁假期就最啱中午去飲番個茶，品嚐到精美點心之餘仲有可以食埋特色菜式優哉游哉食番一餐，是日去左呢間台灣料理店享受一餐特色美食，食完順路去埋另一個地方啱啱好講番呢度餐牌除左同基本酒樓一樣外，另一賣點之一係可以食到正宗台灣風味料理，而且仲有午市商務套餐價錢超值，三五知己或一大班人最佳選擇等左一輪終於開始品嚐是日午餐，先來係紅油抄手，抄手入口夠滑溜之餘帶點微辣正，輪到另一款係台式胡椒餅，外層份外酥脆內裏食到啖啖香甜肉汁之餘仲有嗰陣胡椒辣味其後有精美點心新會陳皮牛肉球，食到啖啖牛肉外仲有陳皮，會提升肉嘅鮮味終於到精美小菜出場，有台灣滷肉同宮保雞丁，鐘意食肉嘅朋友呢款台灣滷肉一定必吃，一看已知腩肉滷得好入味，而且肉質層次分明，入口已食到肉質香軟加上脂肪香味，滿囗油香都係口內夠晒原汁原味輪到宮保雞丁未食已聞到香辣味，先食番粒雞丁炒得夠香嫩又多汁，再食埋脆卜卜腰果粒，配埋碗白飯食就最最後梗係要食埋甜品先至滿足，我就點左呂宋香芒滑布甸，布甸滑溜之餘又食到大大粒呂宋香甜果肉用料超足，眨眼又品嚐一餐台灣風味美食。

依間台式餐廳以小菜同小炒為主,裝修格調有D似中式酒樓,小菜嘅款式多樣,有好多唔同嘅選擇。蚵仔煎係我每次只要去到台灣都必食嘅夜市美食,估唔到依度都有,諗都唔使諗當我大左。不過就同台灣嘅有少少分別,依度嘅比較似蚵仔煎蛋,不過蛋味好香,蚵仔份量超多,每一啖都食到,仲加大量蔥粒令口感味道更有層次。三杯雞又係另一道台灣名菜,比較重口味嘅一道菜,好香麻油同薑蔥味。雞肉嫩滑,醬汁香濃,仲有九層塔嘅獨特香氣。屏東小炒王好豐富,有韭菜花,蝦乾,魷魚鬚,鹹肉,夠晒有鑊氣,用嚟送飯一流。脆皮大腸同平時係街邊食開嘅炸大腸味道差唔多,不過裏邊嘅脂肪被清理過,冇咁多。食落更香脆而且冇咁邪惡。當然唔少得食滷肉飯,滷肉大大嚿又入味,肥肉同廋肉比例啱啱好,滷肉嘅脂肪入口即溶,雖然感覺好邪惡但係食落一D都唔膩。

圓山台灣料理一向都是我的最愛，今晚家人飯聚，我便提議來吃晚餐。來到時已經坐無虛席，高朋滿座了。水煮桂花魚$298，內有青瓜、鴨血、薯粉和荀片，是我每次來到都會點的一道菜餚，因為魚肉夠多又夠嫩滑，水煮的辣和麻又夠，最重要連不愛吃辣的家人，開始時都說不吃，而結果最後她們説不夠吃想追加，証明是一道很美味的菜色。台式鹽水鴨$90，鴨肉經過處理後，不會有羶味，而鹽水帶起了鴨的鮮味，是一道正宗的台灣菜。台灣啤酒🍻$38，有別於其他地方的啤酒，麥味不算太濃，容易入口。台灣擔仔麵$28，味道正宗，麵質軟硬適中。台式鹵肉飯$28，鹵肉肥美，入口溶化，味道帶少許甜，佐飯一流。