四點金飯店

营业中

休息中

難得經過見到綠豆餅有貨，價錢又唔貴（$28），就排隊買咗一條。一打開就見到上面兩塊綠豆餅發霉，就算其他表面無事的，味道都怪怪哋，最後成包掉晒！嘥錢，嘥心機。估唔到呢間食店連最基本的衛生都做唔好，唔會再幫襯嚕～怕食壞人！

今日同朋友去左四點金飯店，全港有兩間分店，位於將軍澳同土瓜灣，今次我地就去將軍澳分店。將軍澳店裝修唔錯，等位處可以見到開放式廚房，拎外賣都係響呢度等。之前只能做外賣， 試左個抵食二人餐加左錢要杏汁白肺湯，味道都幾香， 而且好足料，係白肺的味道略嫌淡左啲！食潮州野，當然要試滷水拼盤！肉質彈牙， 調得好入味， 真心可以一試！另外要左家鄉煎蠔烙。雖然因為外賣個樣冇咁靚仔，但蠔烙煎得香、料夠足，粉少，卜卜脆。整個蠔烙外脆內柔軟，蠔仔新鮮，咬落有海水味又多汁，唔會腥個餐仲可以有海鮮類，我就要左凍烏頭！開頭都驚唔好食，但點知係好有驚喜！啲骨起好哂，每一啖肉都好甜，好好味！果然，潮式凍魚係唔會令人失望～今次四點金飯店體驗極佳，即使外賣都冇影響食物質素，而且份量好足，價錢好抵！同朋友食得暢快，推介比大家！

好耐冇出去食過啦，最近致力於嘗試各種店舖外賣，今日就同朋友去試將軍澳四點金飯店。店面裝修幾新，可惜無緣堂食，等外賣時順道望下廚房，望下師傅點煮，肉眼可見內衛生情況唔錯。先黎個炸小食，酥炸蝦蟹丸，好香口，蝦蟹味好香！而且配左自家既柑桔醬，甜甜酸酸好開胃！跟住到蠔仔肉碎粥，包裝分開左兩份，分別係粥同湯水。我地食時撈埋加熱，完全同堂食冇分別。粥水香濃，充滿鮮味，蠔仔好多，同配料非常夾，肉碎成功吊出鮮味，令每一口都口感濃郁。家鄉煎蠔仔烙。外賣賣相自然冇堂食咁好，但無減美味，仍然外脆內嫩，咬落去啖啖蠔仔肉汁，蠔仔肉同粉比例恰當，調味剛好，脆卜卜，蠔仔味道好鮮，令人眼前一亮，非常美味。四點金飯店食物唔錯，性價比幾高，下次等疫情好少少，會約埋朋友去大快朵頤！

疫情期間令我多咗上網買野，今日約咗起新都城交收，順便起呢度買埋外賣回家吃。上一層電梯就有好幾間餐廳, 最後選了"四點金飯店"名字很有趣, 不是潮州人的我, 上網搜尋過原來是源自潮州人的傳统，是男方送给女方的聘禮之一餐廳的門面可以看到廚房, 現在疫情期間變了一個外賣Corner主力是賣滷水食品而內裡的裝潢也古色古香, 用了中國傳統的燈籠來佈置抗疫外賣套餐也很抵吃, 3餸1湯連甜品都只是$268不過因為想食"地道d"嘅潮州菜, 所以我們決定散叫餐牌上的我說的地道潮州菜, 不是一般打冷食開的蠔餅, 蠔仔粥, 鵝片等很易吃到的而是點了家鄉潮和骨和芋茸香酥鴨件呢2款是較少吃得到先講講其份量, 大家有眼看到的, 外賣也不會呃秤家鄉潮和骨的醬汁更是四點金自製的看似像廣東菜的咕嚕肉, 都是橙紅色的但它比咕嚕肉多了點辣味, 但都是酸甜的吃到很開胃, 早知多點一個白飯而我很怕太多肥膏的, 基本上吃到每件都有肉和骨, 少少肥膏當然都有的, 是接受到的程度而每件骨和醬汁都炒得很均勻夠哂味道!另一款傳統潮州菜芋茸香酥鴨件面頭好似芋角, 超鐘意食呀!!坊間已經唔多酒樓點心出芋角架啦而芋茸香酥鴨件上面就似芋角, 中

今日做足全日，收工已經好攰，唔想煮飯，嚟位於將軍澳新都城中心嘅「四點金飯店」買外賣。其實嚟之前已經 whatsapp 預訂咗個特價「自選三餸一湯」套餐，個價錢真係好吸引，每份只係 $268，外賣仲加送白飯一盒，咁豐富嘅套餐，真係好難喺第二度搵到！個套餐一啲都唔 Hea，單係湯羹就已經有 4 款可以揀，另外仲有 8 款海鮮類同 20 款地道家鄉小菜可供選擇。先試下個杏汁燉白肺湯 (+$20)，分量真的不少，足夠三個人分享。平日自己唔會燉白肺湯，因為做法既複雜又費時。有人話好耐無飲過白肺湯，湯水鮮香滋潤，入口杏香馥郁，撈起見到入面有好多件豬肺同白菜膽，足料又美味。至於盒咕嚕燴魚柳，賣相亦很不錯，色澤繽紛吸引。魚塊分量十足，面層的粉漿唔會過厚，入口外脆內嫩。另外個糖醋汁亦調校得很有水準，酸甜合度，而彩椒與菠蘿等配菜也很清新爽口，用來送飯一流。餐廳主打潮州菜，當然要試下佢個鹵水鵝拼盤，呢盒分量雖然唔多，但勝在樣樣有齊。除了主角鹵水鵝，還有紅腸、腎片、豬脷、豆腐。鵝肉鹵得好入味，肉嫩鮮香。餘下幾款味道亦唔錯，紅腸軟腍又有滷水香，而腎片食落亦爽口有嚼勁，無渣兼唔會過硬，鹵水味清香而不太濃。另外個沙

而家晚上6點後沒有堂食，平時冇煮飯習慣就要周圍搵外賣，當然要揀一間多人排隊先有保證。呢度6點已經好多人買外賣，小菜館都有推出優惠食物。如果想食好d，餐牌上的招牌小菜一樣有外供應。揀左三個小菜，全部即叫即整，拎到番屋企都仲係熱辣辣，而且整作不馬虎。豉油皇煎封龍利魚 $118原條龍利魚都幾大條，香口多肉，配上豉油汁，亦唔會太油膩。鳳梨梅羔一字骨 $92份量都幾多，一字骨酸中帶香甜，醬汁豐富，，而且一字骨也很多肉，餸飯一流。手打魚腐浸時菜 $78最後當然唔小得叫番個菜，手打魚腐大大件好足料，湯頭鮮甜。禁堂食下在家小菜的好選擇。

疫情持續，但晚飯始終也是懶得煮，所以放工後也會買外賣回家食，快靚正。路過四點金飯店，看到餐牌的特價套餐只是$268, 有湯有海鮮有2款小菜還有蛋散一份，相當心動。店內擺放的鹵水掌翼鹵水蛋色水吸引。夜晚不能堂食，就算裝修得再靚也只能叫外賣。鹵水鴨拼盤鹵水做得有水準，色澤均勻，醃得入味，鴨肉嫩滑無比。還有紅腸，鹵豆腐也很好味道。杏汁燉白肺湯很久也沒有飲過燉湯了，火候足夠用料豐富，而且不含味精，健康又美味。潮州凍烏頭正宗潮洲做法的凍烏頭，把魚蒸熟後醃製然後再冷藏，有效保持鮮甜味之餘，冰涼的口感也很消暑。鳳梨梅羔骨豬扒炸得香脆，配合秘制的醬汁，酸酸甜甜很醒神開胃，鳳梨亦很清甜。招牌蛋散吃了這麼多餸菜，竟然還送一客蛋散。蛋散炸至金黃色非常香脆，灑上香噴噴的芝麻及黃糖，令人吃不停口。

今日8號風球除下後便趕住返工，很多野做🙃都差不多7點才收得工，在家附近見到四點金飯店，主打潮州食品，想食下滷水鵝，就入去落單買回家嘆下先🤭。-正宗澄海滷水獅頭鵝（下裝）鵝肉肉質結實，雖然個皮都帶肥肉，但淋了醋減了油膩感，咬落很開胃，唔會有渣，滷水味十足，亦都唔會好鹹，十分之好味。-豆醬薑絲蒸黃花魚黃花魚大條夾肉質鮮嫩，用豆醬蒸令條魚提鮮，更加好味😋而家門口位置還放了準備好嘅小菜盒，款式大約有6至8款，而且價錢為40-60多元，咁都好抵食啊，下次都要買些回家加餸至得☺️

暫時未能可以出外晚飯，唯有嘗試外賣中式套餐，睇吓掂唔掂先！ 四點金飯店的$268套餐有很多選擇，我揀好：杏汁燉白肺湯、韭菜花炒鮮魷、燒腸墨魚、鳳梨梅羔骨、絲苗白飯一盒。甜品：蛋散一份 。 $168金沙焗大蝦王 （四隻）外賣中式套餐，回家後立刻可以開飯了！很有綿密口感的白肺湯，滿滿香濃的杏汁香，具潤肺、生津開胃作用，大家都喜歡的燉湯。冷盤：燒腸墨魚，燒腸味道較濃，墨魚很鮮味，還有入味的鹵豆腐。小炒：韭菜花炒鮮魷，鮮魷肉質夠鮮，有爽滑口感。小炒：鳳梨梅羔骨，潮陽梅羔骨是傳統的潮州菜，味的關鍵在於梅羔醬酸中帶甜，能中和油膩，清甜醒胃，令胃口大開。金沙焗大蝦王：越邪惡越受歡迎的金沙焗大蝦王，金沙（蛋黃）鹹香惹味蝦肉爽甜，用焗烹調減少油膩。甜品：鬆化的蛋散沾上黃糖與炒香吃，完好又完美！

今晚去咗新都城四點金飯店買外賣。四點金飯店出名潮州菜。 鹵水鵝 鹵水大腸，鹵水墨魚，鹵水鵝腎，沙茶醬牛肉炒芥蘭， 欖菜肉碎四季豆 ，韭菜豬紅 ，凍烏頭， 方魚肉碎粥，蠔仔肉碎粥，煎蠔餅，煎蝦餅， 凍蟹，鹹菜胡椒豬肚湯，咸檸檬燉鴨湯， 反沙芋，福果芋泥，福果綠豆爽清心丸…………。仲有好多好多，講唔晒今晚我叫咗四個小菜，當然唔少得出名嘅 餸菜啦！鹵水鵝肉拼豬大腸， 鹵水鵝肉夠入味，鵝肉又唔“鞋”肉汁豐富。 鹵水豬大腸洗得夠乾淨冇“壓”味，夠“淋”。 底部有大大件嘅豆腐，起碼有3-4件， 豆腐又滑又入味。沙茶醬牛肉炒芥蘭， 牛肉大大片，大概有10-15片， 而且牛肉又淋又滑又好味， 芥蘭又嫩又爽口。鳳梨梅糕一字骨，酸酸甜甜夠醒胃。一字骨有8件，配上香甜菠蘿，好味到停唔到口。正嘅煎蠔餅，四點金飯店嘅蠔餅，大大件。而且跟其他店嘅唔同。係用煎嘅做法，所以唔會食到一口油，蠔味夠突出，蛋味濃。 仲有一個韭菜豬紅, 徹辣, 入味, 豬紅滑啫啫最後我仲買咗一條綠豆餅，一條有10個，酥皮面， 純綠豆蓉餡，味道剛好，唔會太甜。夠鬆化。戴眼鏡黑衫職員姐姐服務一流, 見佢忙到團團轉, 但跟單冇甩拖. 

外賣抵食，3餸1湯，外賣送白飯一盒，還有甜品蛋散！都只是$268疫情下將軍澳都有不少中餐廳，但佢就偏偏多人！因佢都有早已預備好既滷水盒和小菜盒在門口，很多人在門口排隊方便不用等就有！賣相還不錯開飯喇～～～～潮州打冷菜已必的魚- 凍烏頭冇細骨、啖啖肉～岩晒我骨很粗大～唔洗小心翼翼咁食！沙茶炒牛肉- 有菜有肉唔洗咁單調，其他款式多是全是菜或全是肉，咁就不用分開叫多個餸喇！又可試多款～沙茶味雖看似多汁但絕對不會太咸，剛剛好，超欣賞這個而且很入味～非常好‘送’飯牛肉肉質出奇有驚喜～一般都是硬硬有根，這是很軟身的！推介～蠔餅- 夠足料，好多蠔！5大塊左右～附有魚露汁，不過得一小兜！有點不夠～粟米魚肚羹- 返到家還熱燙燙！大湯碗盒～份量一點都唔少！味道不錯～甜品蛋散- 第一次吃，抱著期待的心態吃，有點似馬仔味道，但口感就脆脆的，表面有點白芝麻和似黃糖的東西！幾好～不錯！3人吃絕對可以的。在家吃還可以自己煮白飯～大約等10-15分鐘～可以響附近逛一逛為確保免出錯～店員主動打開給我對清楚，非常細心

買咗啲嘢拎去將軍澳比阿媽，免佢老人家在疫症時間周圍去，我重去咗新都城中心的四點金飯店買外賣，佢哋老人家喜歡食呢間嘅小菜。飯店菜式有好多選揀，但我比較喜歡佢哋嘅套餐，三餸一湯，內有多款不同口味選擇。粟米魚肚羹：魚肚含有豐富膠原蛋白，與香甜的粟米湯簡直是絕配，美味可口。乾撈海皇粉絲煲：炒得又香又乾身，海鮮蝦仁、小貝柱、鮮魷等很鮮甜，粉絲和蔬菜爽口美味！紅燒豆腐肉片煲：炸過的豆腐炆得入味滑溜，肉片滑嫩，醬汁調得好惹味！鳳梨梅羔骨：排骨肉質比較嫩，而且肥瘦適中。 醬汁濃稠，還有添加菠蘿，味道甜甜酸酸好開胃。配埋白飯，飯味香又軟熟。還有一份甜品招牌蛋散送，蛋散，廣東省著名的傳統小吃，是以麵粉、筋粉、雞蛋和豬油搓成落油鑊炸，炸到淺黃色時便撈起，蘸麥芽糖或糖霜食，脆卜卜味道香甜可口。

因為要抗疫，呢排餐廳嘅晚市都冇堂食，只可以叫外賣～行開見到呢間係屋企附近嘅餐廳推出外賣優惠，自選三餸一湯套餐，特價$268：個套餐可以揀嘅餸都幾多，仲有埋甜品送，見到都多街坊好似我哋咁，一於叫返屋企開餐！我哋叫咗以下幾樣嘢：1）粟米魚肚羹：呢個平時屋企食唔到，梗係要叫 😋2）滑蛋炒蝦仁：無蛋不歡嘅我指定叫嘅菜式 😋3）卥水鴨拼盤：卥水入味！質素都係一如既往嘅好！4）沙茶炒牛肉：呢個牛肉連埋菜芯炒，感覺健康啲 😋5）招牌蛋散：呢個係屋企人至愛，上面係黃糖同煉奶，好脆，雖然係炸，但都唔會感覺好油膩 😋呢個餐咁多嘢食真係幾抵食，我哋三個人share都食到好飽！

今日去左新都城行街，行到夜一夜，因為冇堂食既關係，只好去搵間餐廳買外賣返屋企食啦。我地去左呢間四點金飯店，門面好大好靚，套餐又掋又多選擇，所以我地選擇左佢！！揀好款式，去行個街，一陣就可以拎啦，都好快手喎～不過關門關得早，我地冇留意，8點半去拎野食，人地其他員工已經走曬，好彩經理仲係到等我地，真係唔好意思。二百幾蚊有一湯一飯三餸一甜品，超抵！飯仲要咁滿滿，夠三個人食啦。湯我叫左粟米魚肚羹，粟米味好重，冇味精，食完唔會口喝，魚肚吸曬粟米羹既味，好好味。香煎龍利魚，魚肉仲好嫩滑，外面岩岩好煎到脆口。魚腐浸時蔬，今次佢地用左白菜仔，好甜，魚腐好仲魚蛋味，加個菜湯，岩岩好可以配飯。鳳梨梅羔骨，酸酸甜甜，好易入口，排骨岩岩好，唔會太肥唔會太瘦，骨細細，啖啖肉，岩曬屋企既男人！最後就係好耐冇食既蛋散，蜜糖好多，蛋散夠鬆脆，好正！！

防疫措施禁晚市堂食又delay一星期, 放工順便買埋外賣返屋企開餐。媽咪提到新都城有間打冷小菜外賣好似幾抵食, 一於去望望, 自選三餸一湯 外賣套餐價只係HK268, 唔怪得咁多街坊幫襯! 從廚窗望入, 處理食物透明度高, 整潔衛生自選湯: 揀左粟米魚肚羹雖然個湯唔係好杰, 但算係幾清甜, 蛋香味偏淡, 主要味道黎自清甜粟米粒, 有少少幾彈牙既魚肚韭菜花炒鮮魷: 很有穫氣, 鮮魷爽而不硬, 夾住大量韭菜食, 更加濃郁香口鹵水鵝拼盤: 份量唔多, 但勝在一個拼盤款式多, 包括有鹵水鵝件、紅腸、腎片、豬脷、豆腐。鹵水鵝肉質軟糯keep到肉汁, 豬脷夠林而且入味, 腎片有咬口。川椒炒雞球: 呢款原來唔辣, 係一款炒無骨雞柳, 不過肉質不太嫩滑套餐跟一盒飯, 足夠兩個人食甜品: 蛋散 - 非常鬆脆, 灑左少少芝麻同埋糖, 食落很有芝麻香, 甜甜地, 超喜歡!