四點金飯店 (已結業)

防疫措施禁晚市堂食又delay一星期, 放工順便買埋外賣返屋企開餐。媽咪提到新都城有間打冷小菜外賣好似幾抵食, 一於去望望, 自選三餸一湯 外賣套餐價只係HK268, 唔怪得咁多街坊幫襯! 從廚窗望入, 處理食物透明度高, 整潔衛生自選湯: 揀左粟米魚肚羹雖然個湯唔係好杰, 但算係幾清甜, 蛋香味偏淡, 主要味道黎自清甜粟米粒, 有少少幾彈牙既魚肚韭菜花炒鮮魷: 很有穫氣, 鮮魷爽而不硬, 夾住大量韭菜食, 更加濃郁香口鹵水鵝拼盤: 份量唔多, 但勝在一個拼盤款式多, 包括有鹵水鵝件、紅腸、腎片、豬脷、豆腐。鹵水鵝肉質軟糯keep到肉汁, 豬脷夠林而且入味, 腎片有咬口。川椒炒雞球: 呢款原來唔辣, 係一款炒無骨雞柳, 不過肉質不太嫩滑套餐跟一盒飯, 足夠兩個人食甜品: 蛋散 - 非常鬆脆, 灑左少少芝麻同埋糖, 食落很有芝麻香, 甜甜地, 超喜歡!

平日晚餐無飯夫妻都是買外賣，今天經過四點金看到有套餐便試一試套餐有湯，海鮮類一款，小菜兩款和炸蛋散作甜品杏汁炖白肺湯 - 乳白色的湯底帶有香濃的杏仁味，豬肺是超多的，弄這個湯工夫很多，十分滿意潮州凍烏頭 - 平時食潮州烏頭都要百幾蚊，此套餐有得吃真的很划算！吃烏頭一定要配豆醬，豆醬帶出了魚的鮮味，鹹鹹香香，非常好吃滷水鴨拼盤 - 有滷水鴨，紅腸，豬耳，豬脷。滷水味香濃，令人吃不停口鳳梨梅羔骨- 即是一字骨，醬汁酸酸甜甜十分開胃！一字骨肉質鮮嫩和軟腍招牌蛋散- 炸得非常香脆可口，最重要是沒有痴牙的感覺整個套餐食物質素很高，三餸一湯一甜品，絕對值得一試

平常經過四點金都見客似雲來，心想這裡食物水平應該不差，於是約齊飯腳去開餐。點了菜膽杏汁白肺湯，蠔烙，蠔仔粥，潮州炒麵，手撕鹽焗雞，普寧豆腐，沙茶牛肉及梅羔骨。本來還想試滷水墨魚及糯米大腸，但這兩道菜都已賣完。很納悶的是我們明明是吃晚市第一輪，卻已賣完，難道這兩個餸菜都不受歡迎，所以貨量很少？說回我們點的菜肴，賣相基本上都可以，但是食下去只有3道令人滿意，分別是普寧豆腐，杏汁白肺湯及蠔仔粥。普寧豆腐炸得外酥內軟，令人一塊接一塊的吃過不停。杏汁白肺湯的杏汁味既香且濃，豬肺清洗的很乾淨，咬下去豬肺口感很好。蠔仔粥很鮮，裡面亦加了方魚，整個粥的味道豐厚。蠔烙，潮州炒麵和手撕雞尚可，不過太普通，沒有任何深刻印象。最差的是沙茶牛肉和梅羔骨。沙茶牛肉，沙茶醬太鹹，濃稠度不均，牛肉不夠鮮嫰，友人說跟地道的潮州沙茶的味道差十萬八千里。而梅羔骨又硬又靭，像是柴一般，大家都很後悔叫了它。這裡最令人滿意的是服務，但食物水準不平均，對我來說回頭意慾很低。

今天與老公寶寶、爸爸和娘親一家人一行四人來到寶林吃個晚膳，因家人突然心血來潮想吃潮州菜，我便提意來這間四點金飯店用膳，皆因我以往有光顧過，感覺食材足料，味道正宗，這次正好再來回味一番。滷水雜錦拼盤滷水雜錦拼盤份量充足，材料有紅腸、豬耳、鵝肉，紅腸口感鹹香緊實，醇厚鮮美，豬耳柔韌脆口，鮮香不膩，鵝肉肉質細緻肥美，肉味濃郁，食材均滷得香濃入味。凍大眼雞這道是潮州很有名的餸菜，是一款凍食，大眼雞份量大條，肉質飽滿，口感結實，且魚骨甚少，師傅簡單地只使用鹽作調味，以務求更帶出魚肉的鮮味。乾撈海皇粉絲煲乾撈海王粉絲煲使用了蟹肉、蝦米、乾貝、蔬菜等與粉絲一同炒製，色澤金黃鮮亮，粉絲口感柔軟彈牙，乾濕適中，整體味道鹹香鮮美，惹味可口，且絲毫沒有油膩感。XO醬蘿蔔糕炒蝦球上桌可見菜式鮮艷奪目，香氣撲鼻，入口鑊氣十足，蘿蔔糕口感煙韌清甜，有蘿蔔絲於內餡之中，蝦球肥美飽滿，爽口彈牙，配搭 XO 醬炒製，整道菜更香辣惹味。招牌紅燒潮州翅紅燒潮州翅色澤深啡，頂層放有大量芫荽作點綴，與一般廣東翅不同的是這裏整碗均是魚翅，並沒有加入其他配料，所以魚翅分量十足，入口鹹香幼身，柔嫩腴滑，且湯汁充滿豐富濃厚的膠原。經典

作為潮州人，我對潮州菜要求好嚴格，今晚朋友同我黎佢屋企附近推介既打冷鋪。普寧炸豆腐外脆內嫩，韮菜汁雖然淡味但都幾香，無論熱辣辣定攤凍少少都好味。 食過唔少普寧豆腐，呢度真係整得幾有水準。滷水獅頭鵝鵝味幾濃，滷水入味，雖然未算有好特別既滷水香，整體黎講都合格，太多食唔哂，帶左d返去俾屋企人試下。 鵝肉比底下既豆腐多好幾倍，真材實料。家鄉煎蠔烙老實講同正宗蠔烙完全唔同，正宗係濕濕地用麵糊同蛋煎成，當係食港式改良版都可以接受，幾香口，蠔仔夠足料。

#將軍澳 #寶琳 #四點金 #四點金飯店今日同屋企人去到寶琳食飯，祖籍潮洲嘅我哋今晚就揀咗間潮州高級餐廳「四點金飯店」。呢間餐廳位置都算方便，佢喺寶琳地鐵站一出嘅新都城商場，好多巴士都黎到。Btw, 土瓜環都有分店咖！開胃小菜酸酸甜甜，上面仲舖咗啲南薑粉😋🦆 正宗澄海滷水獅頭鵝 （$178）首先上枱嘅係呢碟正宗澄海滷水獅頭鵝，師傅將佢排列得整整齊齊，上面放咗芫茜做香菜，另外附上白醋加紅椒粒。鵝肉超多，有部分鵝皮偏厚，皮肉一齊食真係好滋味。雖然比我平時食開嘅斬料肥少少，但肉質腍滑，而且肉汁豐富，真係會連減肥嘅人都忍唔住一啖又一啖咁食曬佢😆🐠 半煎煮黃花魚 （$128）半煎煮嘅黃花魚放入上湯之中，伴隨住仲有冬菇、白蘿蔔、蒜、葱、中國芹菜、薑絲、紅椒等多種香菜。個魚非常之腍滑，而且仲去曬骨，好正呀☺️☺️🦪 家鄉煎蚵仔煎 （$92）呢個係我食過最好食嘅蠔餅，沒有之一。食落去完全唔會覺得食緊麵粉，而係真係每一啖都係蠔仔！底面兩層之間嘅饀料就全部都係蠔仔同蠔膏🤤 好香口、啖啖蠔，呢個價錢真心抵，唔怪得左右兩枱都叫曬黎食😆🍲 金銀蛋莧菜 （$88）Waitress姐姐介紹今日新出嘅金銀蛋莧菜，價錢都好

今晚和非常久才能重聚的友人吃飯，非常掛念中菜的他，我帶他去了四點金飯店。由於我們都有選擇困難症，看到一個非常划算的自選三菜一湯套餐，我們毫不猶豫就選擇了。胡椒豬肚湯，味道非常清填，喝完整個人暖暖的。乾撈海皇粉絲煲份量非常足。幸虧友人胃口大！粉絲煲不會太乾，乾濕適中。一品貴妃雞的雞肉非常鮮嫩，而且很嫩滑。家鄉煎蚝烙的味道出乎意料之外的好吃！明顯看到餐廳落足料！最後送的招牌蛋散非常好吃，酥脆可口，而且散發出淡淡的蛋香。餐廳整體的服務跟環境都非常好，餐廳職員也非常熱心去服務。

之前父親節就同阿爸阿媽去咗樓下食飯，之前行街都經過呢間餐廳見到平時都好多人喺度排緊隊食晚飯入到去見到有套餐食可以揀三個餸一個湯我哋就揀咗胡椒豬肚湯，湯好好飲，料頭充足，特別鍾意食佢哋嘅酸菜，又有味，又大件咬落有口感小菜方面我哋揀咗條潮州凍烏頭，見到條芋頭好肥美，個肚有少少黃，肉質結實，佢仲會俾埋個川寧醬提鮮，喺街邊都好難食得到咁好味嘅烏頭沙茶炒牛肉，牛肉比沙茶醬濃厚嘅味道重重包圍着，再配以下面嘅芥蘭墊底，龍口得來帶點清新的，配合得唔錯唔錯蛋散，喺度食甜品就梗係要食佢哋最出名嘅蛋散，睇個樣就知道極邪惡又有砂糖又有煉奶而且蛋散咬落去非常鬆脆

今晚和家人到將軍澳新都城中心購物，在四點金晚饍，吃個正宗潮州菜。食店地方寬敞，店員有禮貌。點了二人套餐:胡椒豬肚湯上湯入口清香，胡椒不太辣，咸菜夠正宗，豬肚夠爽脆。韮菜花炒鲜魷翠綠韮菜花切短整齊，鲜魷爽脆可口，夠晒鑊氣，清香味美。鹵水鹅拚盤鵝肉鲜甜嫩滑，豬脷爽滑夠嚼口，鹵水咸度亦啱啱好。煎蚝烙這道潮州小吃很出色，薯粉煎脆有鴨蛋焦香，正宗蚝餅風味。蛋散這甜品是食店嘅招牌菜，非常鬆化，充滿蜜糖蛋香。加多碟沙茶牛肉炒河，河粉夠爽滑，沙茶味足夠，食多碗也不覺油腻。

打冷癮起又怕一般打冷鋪坐到密密麻麻又搭台，今晚搵左間格局似酒樓既潮州鋪頭過口癮。滷水獅頭鵝 下裝 ($178)首先要讚下份量好足，除左上層有起左肉既鵝脾，下層仲有好多鵝件同豆腐，物有所值。 獅頭鵝都幾有鵝味、滷水入味，想啖啖肉就叫上裝起片好D。家鄉煎蠔烙 ($92)熱辣辣、微脆唔油膩，蠔仔份量多又新鮮。 朋友話正宗煎蠔烙係似台灣蚵仔煎多D，口感較軟糯濕潤，但我就習慣食呢種港式改良版多D。XO醬蘿蔔糕炒蝦球 ($138)香口惹味有鑊氣既小菜，蝦球大隻彈牙，但蘿蔔糕係我心目中反而更勝一籌，食到蘿蔔絲既甜香，係一家大細都岩食既味道。普寧炸豆腐 ($60)外皮夠薄又酥脆，豆腐軟滑清新，配埋韮菜汁好特別，即使平時少食豆腐都接受到。整體未算驚為天人，但近近地又好坐，不失為家庭聚餐既好選擇。

四點金乃潮汕獨特的建築，在住處內一家人樂也融融，所吃的家常菜，正是現今人追尋的「古早味」。這碟小小的鹹酸菜，就是正宗潮州餐館的指標。酸酸甜甜，開胃小前菜，吊胃口的魔鬼。胡椒豬肚湯一上桌，看到鹹菜和豬肚，恰好的胡椒味，順喉而下，誰不想來一碗！蠔烙是不能錯過的，香氣撲鼻，灑上魚露和胡椒粉，加上加入鴨蛋和薯粉的誠意，一塊是不夠的。韮菜花炒鮮魷，韮菜花嫩綠，鮮魷爽脆，惹味非常。自家製蛋散，即點即做，別家沒有的風味啊！邊吃邊聊，一家人吃飯也不過如此......這味道無價，也最難得！

好耐無食潮州菜，今次就同好耐無見的朋友去食潮州菜啦，哈哈｡｡｡ 今期又有特價優惠，三餸一湯套餐，非常抵食｡ 杏汁炖白肺湯 - 白白的杏汁，非常香濃，有很多豬肺，用料十足，很好味。潮州凍烏頭 - 烏頭味道剛好，不太咸，可以帶出魚的鮮味。鹵水鵝併盤 - 當然有鹵水鵝片，還有紅腸，鴨腎，大腸及蓮藕片加上鹵水汁，非常入味。鳳梨梅羔骨 - 金沙骨煮得剛好，肉質嫩，沾上酸酸甜甜汁，非常醒胃。朋友好想食煎蠔餅，所以加了一份，蠔餅內非常多蠔仔，很新鮮，而蠔餅煎得很軟，很香口。

父親節將近，我們一家都習慣預早少少慶祝晚飯。爸爸又沒有特別想吃的，話事權給了媽媽，就揀了她最愛的潮洲菜。在將軍澳區內的潮洲菜餐廳真不多，在寶琳的這間「四點金」算是區內出名的街坊餐廳。既然經常聽到餐廳的好評，擇日不如撞日，近近地，我決定帶爸媽來食餐正宗潮州菜。遠處行近都已經清楚看到大門外的招牌，浩浩蕩蕩的「四點金」，「點」字形寫得好特別，心想名字改得好，「點」真是由四點金造成。潮洲馳名的綠豆餅，這裡都有售，價錢都只是$28因為每次經過餐廳都會買來食，可惜當日已售罄，唯再等下次先買。餐廳內環境十分有中式古典風，防疫期間，可見台與台之間餐廳都置了中式味的屏風，我們一家進食都更安心。疫情期間，餐廳推出了限定的超特價套餐優惠，自選三菜一湯套餐。眼看每台都參不多食這份套餐，二話不說，當然我們都不走輸點了一份套餐和加點一碟炒飯。*自選三菜一湯套餐*⇉ 1. 胡椒豬肚湯很驚喜地，套餐的湯是一壺地上。員工的服務很好，都替我們盛湯。湯的胡椒味十分濃郁，但又不過辣。這湯份量十分足料，都可以啖啖豬肚地食，而且我們三人分都完全不怕不夠，每人喝過一碗竟然還有剩余可以之後再添喝。⇉ 2. 潮州凍烏頭來到吃潮菜當然要

現在疫情好一點、出外吃飯的人都多了。不少餐廳推出堂食外賣優惠、今晚跟爸媽來到新都城的四點金飯店、空間感幾大幾舒服、枱與枱之間加了屏風、食得更衛生安心。三菜一湯套餐$268 款式多、幾吸引！每次見有就必點的杏汁炖白肺湯、養顏滋潤｜之前食潮洲菜打冷試過凍魚覺得很好吃、這裡也有潮洲凍烏頭也點來一試。魚肉結實、凍凍的清涼醒胃、伴上普寧豆醬更添美味。鹵水鵝拼盤 的鵝片幾入味、仲有爽口的豬耳、紅腸等、配上酸汁鮮香可口、夏天吃就最適合。家鄉煎𤐶烙 煎得脆脆地、蠔仔幾大隻。招牌手撕鹽焗雞 $150 半隻 亦份量十足、手撕雞肉嫩滑、味道鹹香不錯。套餐附送甜品 蛋散 一客。

上星期的禮拜日，一家人去了這家四點金飯店吃晚餐。這家餐廳位於寶琳的新都城，離港鐵站非常近，很容易找到。我和家人都很滿意，因為這裡的潮州小菜很有水準！香煎咸牙帶魚傳統的潮州打冷小吃，魚肉帶咸香，外面魚皮煎得金黃色，配啤酒一流。家鄉煎蠔烙我食潮州菜必點的煎蠔餅，蠔仔夠新鮮，而且外皮很酥脆，建議上菜就立即襯熱吃，外脆內軟。正宗鹵水獅頭鵝（上裝起片）鹵水鵝鹵得非常入味，鵝肉很嫩很香，也有配鹵水豆腐很適合配白飯吃。方魚炒芥蘭炒菜的選擇不多，最後點了炒芥蘭。炒得很有鑊氣也不會太油，口感很爽剛剛好。整體來說，小菜水準高，坐位很舒服，一家人來吃就剛好。