影片
更多
2020-08-27
1089 浏览
今日做足全日，收工已經好攰，唔想煮飯，嚟位於將軍澳新都城中心嘅「四點金飯店」買外賣。其實嚟之前已經 whatsapp 預訂咗個特價「自選三餸一湯」套餐，個價錢真係好吸引，每份只係 $268，外賣仲加送白飯一盒，咁豐富嘅套餐，真係好難喺第二度搵到！個套餐一啲都唔 Hea，單係湯羹就已經有 4 款可以揀，另外仲有 8 款海鮮類同 20 款地道家鄉小菜可供選擇。先試下個杏汁燉白肺湯 (+$20)，分量真的不少，足夠三個人分享。平日自己唔會燉白肺湯，因為做法既複雜又費時。有人話好耐無飲過白肺湯，湯水鮮香滋潤，入口杏香馥郁，撈起見到入面有好多件豬肺同白菜膽，足料又美味。至於盒咕嚕燴魚柳，賣相亦很不錯，色澤繽紛吸引。魚塊分量十足，面層的粉漿唔會過厚，入口外脆內嫩。另外個糖醋汁亦調校得很有水準，酸甜合度，而彩椒與菠蘿等配菜也很清新爽口，用來送飯一流。餐廳主打潮州菜，當然要試下佢個鹵水鵝拼盤，呢盒分量雖然唔多，但勝在樣樣有齊。除了主角鹵水鵝，還有紅腸、腎片、豬脷、豆腐。鵝肉鹵得好入味，肉嫩鮮香。餘下幾款味道亦唔錯，紅腸軟腍又有滷水香，而腎片食落亦爽口有嚼勁，無渣兼唔會過硬，鹵水味清香而不太濃。另外個沙
今日做足全日，收工已經好攰，唔想煮飯，嚟位於將軍澳新都城中心嘅「四點金飯店」買外賣。
其實嚟之前已經 whatsapp 預訂咗個特價「自選三餸一湯」套餐，個價錢真係好吸引，每份只係 $268，外賣仲加送白飯一盒，咁豐富嘅套餐，真係好難喺第二度搵到！
個套餐一啲都唔 Hea，單係湯羹就已經有 4 款可以揀，另外仲有 8 款海鮮類同 20 款地道家鄉小菜可供選擇。
先試下個杏汁燉白肺湯 (+$20)，分量真的不少，足夠三個人分享。平日自己唔會燉白肺湯，因為做法既複雜又費時。有人話好耐無飲過白肺湯，湯水鮮香滋潤，入口杏香馥郁，撈起見到入面有好多件豬肺同白菜膽，足料又美味。
至於盒咕嚕燴魚柳，賣相亦很不錯，色澤繽紛吸引。魚塊分量十足，面層的粉漿唔會過厚，入口外脆內嫩。另外個糖醋汁亦調校得很有水準，酸甜合度，而彩椒與菠蘿等配菜也很清新爽口，用來送飯一流。
餐廳主打潮州菜，當然要試下佢個鹵水鵝拼盤，呢盒分量雖然唔多，但勝在樣樣有齊。除了主角鹵水鵝，還有紅腸、腎片、豬脷、豆腐。鵝肉鹵得好入味，肉嫩鮮香。餘下幾款味道亦唔錯，紅腸軟腍又有滷水香，而腎片食落亦爽口有嚼勁，無渣兼唔會過硬，鹵水味清香而不太濃。
另外個沙茶炒牛肉亦很惹味，芥蘭翠綠爽口，牛肉軟腍嫩滑，沙茶味鹹香微甜，有菜有肉，有鐵有鈣，仲有纖維同蛋白質，一盒已經足夠曬營養。
跟餐甜品係餐廳嘅招牌蛋散，每入可以分到兩大件。蛋散沾滿芝麻粒，質感好鬆化，不會吃得滿嘴沾油，入口香脆甜膩又誘人，是久違了的傳統味道，食完超飽肚，好滿足。
张贴
