四爺車仔麵專門店 (已結業)

Noticed this new cart noodle joint a few weeks ago but as it had just newly opened, there was not much to offer.Went past again a month later and they had more noodles so went in to give it a try.As well as the usual noodle selection they had spinach and tomato to choose from.The thing that really impressed me were the toppings, they are served in dishes like tapas which make it great for sharing.For some toppings, I prefer them being served separately like sweet and sour gluten because the soup

星期日下午三時許，從跑馬地打完羽毛球返回灣仔，幾位朋友思前想後提議食個tea，但又吾想又食茶餐廳，其中一個住附近的朋友提議食車仔面，心諗車仔面。。。唉，去到間野，咦，有裝修，地下乾乾淨淨，冷氣又夠，一邊全卡位，另一邊可活動桌椅，我地揀左六人卡位就坐。未點餐前見到枱面有用我鍾意食既醋浸蘿蔔，我地幾個男仔即時倒晒成樽食（打完波食好開胃），想再食直接叫個男員工倒多一兜比我地，居然都得！點餐表有1-5項，標明價錢，我地各自選左自己餐（我自己餐影左相），d送分開一碟碟，應該係吾想d味混埋一齊，我個碗牛骨湯好清甜，麻辣牛柏葉、牛肚幾好味，碟尢魚未泌晒水所以味道淡左，麻辣豬大腸一流，厚又無肥膏，餐送熱飲我叫左熱檸水。食到一半有個男員工拎左兜瑞士雞翼五隻送比我地食，哇！吾通賣吾晒？點都好多謝人地熱情款待！下次想食車仔面要試試e間，我地幾個下次打完波都會再食！

紅日假期懶洋洋睡至下午茶時間, 再落街走走找都東西吃。在店外看了一陣, 見到這間新開車仔麵感覺十分舒適, 決定入去一試!看牆上和餐牌介紹, 這裡賣的就是車仔麵最原始的風味。基本上舊時會吃的麵和配搭餸料都可以在菜單紙上找到!清清淡淡的點了波菜麵、水餃、蘿蔔和墨魚丸。份量夠大連沒有吃早午餐的我都覺得極足夠!波夠鮮, 麵沒有煮過火太淋, 最最最好吃是蘿蔔!!! 超級清甜, 入口即溶!!!!!!就這樣我游游閒的在這裡渡過了一整個下午，好不寫意~

lunch time 灣仔搵餐廳食飯，周圍餐廳都要等位，咁啱經過呢間新開嘅車仔麵，唔駛等位，於是入咗去試試！一坐低，待應好快手畀點餸紙我，剛才喺門口我已經一早諗定食乜，三兩下就圈咗餸菜交畀待應。呢間車仔麵絕對唔平，淨麵24蚊，每個餸15蚊起跳，每人至少嗌3餸，包一杯熱飲，人均消費至少69蚊！餸菜同麵分開上，我見隔離枱嗌咗冬菇，只有兩件 😑等咗十幾分鐘，飲品未送來，連入單紙都無畀我哋，成張枱嘅人開始懷疑阿姐未入單！周圍觀察下店鋪嘅員工，其實樓面同廚房員工多的是，但佢哋動作可以用龜速來形容！入單速度每分鐘入一張，隔離枱食完野，員工無野做都唔會執！等了20分鐘，員工終於把飲品一杯一杯龜速地送上啦！😂 等食物其間，見到周圍枱嘅人不停同待應催促麵仲未到。大家都要趕 lunch time 後返工。等下等下，結果足足等咗 45分鐘，麵仲未到呀！！😤 我哋不停問侍應，侍應同廚房態度仍然好「姿悠」。成張枱嘅人已經燥了！所有人 lunch time 後都要趕返公司繼續上班，浪費時間在無謂嘅等候。若果唔催促佢哋，恐怕這碗麵要等候一個小時先送上！太離譜啦！大家都講下次唔會再幫襯！亦絕對不會推介畀其它人！

灣仔lunch time 周圍搵野食四爺車仔麵一聽就知新派霸氣風格但看台面餐墊紙寫的故事 關於車仔麵檔如何變地鋪的故事用的是 女人「她」背後是四爺還是四嫂 還是存有疑問哈哈是日點了菜底 沒有叫麵食湯底是豬骨加麻辣配料是豬腩通菜及豬紅對於打著車仔麵的稱號但將所有配菜甚至麻辣 / 加色 都另上的方式我認為是對車仔麵文化的一個破壞作為一個地道香港人，車仔麵的回憶一定是麵檔前挑選配料 或者 寫紙仔店家急促執碼後整碗送上 ，最後加色為神來之筆，每啖都有腩汁，味道甚濃，謂之一碗雜錦車仔麵，四爺這種做法，是擺明居馬將車仔麵改成三餸飯制式，本人看來對車仔麵文化是毁滅性的如果你是香港人，帶外國朋友食車仔麵，四爺是否你的選擇？我怕被外國朋友問有咩特別時我唔識答。你問點解做餐廳要負責維持大家共識的車仔麵文化，慳時間 免做錯 又有彈性 灣仔區又一向客似雲來，何不搞搞新意思我答 因為想話比人知閣下以車仔麵發跡，餸菜味道深受歡迎的人，是你自己。我以為你是葉問，可惜還是擔不到大旗的沙憎。順帶一提，豬骨湯味道不錯，但菜底的菜心極老。 見圖。豬血用豬骨湯底烚出來，沒有入味豬腩肉很好吃對面座位男士，牛筋腩一份$15

和朋友在灣仔做完美甲，已經八點多，肚子很餓，有間開了不算很久的車仔麵店，環境頗大又乾淨，便入去醫醫肚！本身我都很喜歡吃車仔麵，畢竟也是香港特色，可以挑選自己喜歡的餸！看看點餐紙，湯底有3款，我選了牛骨湯，可以加腩汁！粉麵的種類有很多，有特別的，如蕃茄麵，傳統車仔麵是沒有的！我選了菠菜麵！餸料的選擇更多，還分了不同系列，主要是不同煮法，如滷水、柱侯、咖哩等！我選了4款，牛肚、豆卜、墨魚丸和牛筋丸！套餐還包一杯飲品！餐枱放了兩瓶自家醃製的伴麵料，有酸蘿蔔和辣菜莆！湯底沒有味精，清甜！還有些木耳絲！特別喜歡牛肚，好入味，很香的花椒味，煮得好淋！墨魚丸和牛筋丸同樣彈牙！菠菜麵的質地厚身有質感，有點煙韌！朋友說她的也很不錯！下次還可以再試！

環境走時尚格調, 地方乾淨利落, 點菜紙都花左心思, 食選湯底, 有豬骨湯底同埋青紅蘿白湯底麵底有菠菜麵之餘, 仲有黑松露麵, 配料方面, 餐廳分類好有條理, 分左瑞士汁系列, 滷水系列, 麻辣系列, 柱侯系列, 咖喱系列, 港式系列, 合共有差不多40款選擇, 岩晒多多要求既我呀等左大約幾分鐘, 車仔麵就送上, 有別於其他車仔麵店, 餐廳將每碟配料都無分上, 目的係怕唔同既醬汁撈埋一齊會影響味道, 真係有心思!黑松露麵幾香滑, 慢慢滲出黑松露味, 幾特別, 咖喱魷魚好Q彈, 柱侯牛筋大大件, 最正係瑞士汁大冬菇, 大大件, 配上瑞士汁, JUICY 非常!

車仔麵都可以難食到一個點，請我都唔會再去。個地獄雞翼尖，地獄係解超難食，唔係辣㗎！豬紅實蹦蹦，一D味都無。檯上個樽所謂自家製XO醬，有石仔，離晒譜！唯一好處係杯檸水大大杯，有4片檸檬

在未開舖時，濃厚中國氣息既店面已吸引了我。不只外表，食物更保存中國特色既如豬手，牛筋什或豬大腸。湯底是自己整既， 麵底絕對是細心挑選過，感受到他們對食物既堅持。再食落口，味道什為風味，由於他們用小碟把餸分開盛載，所以，原汁原味。我點了豬手，牛筋，豬大腸，豬手夠淋味濃；牛筋也夠淋好味，連豬大腸竟然也讓我心動，是失傳已久的味道（因為一般不是漂味就是臭味。連白蘿白你看 清甜沒渣連你的飲品 都不求其 本身甜度就不太甜 味道是有調過。最後 老闆既街坊式熱情關懷既款客之道，讓我感到窩心。到來你會感受到店主對食物滿心熱誠。 我必定會再回來。

今日嚟到灣仔呢間試業中的車仔麵檔。可能係試業中，晚飯時間，我進來時只得小貓兩三隻，地方非常企理，亦很寬敞 ，看了餐牌後，實在嚇一跳，齋麵24蚊 ，每個餸要15蚊 ，最低消費三個餸。點了瑞士汁豬腩肉 ，咖哩牛筋腩，麻辣豬大腸和米粉，送熱奶茶一杯。回覆說沒瑞士汁， 鹵水汁可以嗎？其實沒所謂，味道差不多。車仔麵的精髓是將幾個不同款式的餸，放在一個碗內 ，百味紛陳，口味獨特。食物送上來， 超大碗的米粉，另外有三小碟放在食物盆內， 原來每一個餸都分別放在小碟上，這還是車仔麵嗎？ 好吧，只是賣相的問題，希望食物好味，補回分數。鹵水豬腩肉 - 除了鹹，還是鹹， 豬腩肉肥而立口咖哩牛筋腩 - 形狀模糊，要問侍應才知這是咖哩牛筋腩，味道一般，太諗沒有咬口麻辣豬大腸 - 沒辣味，豬腸太諗贈送的熱奶茶又是很奇怪，沒茶味，沒奶味，還要是暖的。發現枱面有兩瓶醬料，問侍應是什麼，他說一瓶應該是辣，另一瓶應該是酸的，我跟住問用醋浸住白蘿蔔的，我應該是食蘿蔔，還是食醋呢？他有點猶疑答不上來。這樣一個餐，要69個大洋，真是永冇下次。

第一次聽到這間餐廳名字時，即時聯想到鼎爺(雖然事實是沒關係的)，並且引起了我的興趣去嘗試。它位於電車路旁，教會的對面便是了。一進去準備點食物的事候，哇了一聲。為何車仔麵會那麼貴？凈麵連湯都要24，而每款餸料都要10元起跳，最少要有3款配料。即是最低消費是要54元。無奈來到這裡又不想離開，於是與朋友各自點了自己喜歡的食物。但是，職員不是漏單，就是點錯，而且不只是我們一檯，還有其他檯都是。更糟糕的是，當上飲品時，杯子非常黐粒粒，令我們雙手沾污了，非常不滿。食品方面，餸料味道及份量可接受。但麵底就有點硬，而且有點貨不對辦。蕃茄麵都沒有蕃茄元素的，湯又不是蕃茄湯。(已看單，麵底是沒下錯)。真的不建議去嘗試。