四爺車仔麵專門店 (已結業)

今日黎到湾仔呢间车仔面专门店食车仔面🤩 汤底、面底同𩠌菜嘅选择有好多，应该可以连续食几日都唔会闷！今次拣咗秘制芫茜皮蛋汤底～ 汤底几清，饮落有淡淡嘅芫茜味好香，饮完唔会口渴、应该唔多味精～ 😚除咗一般常见嘅面底之外，仲有菠菜面/ 银针粉/ 印尼捞面等更有特色嘅选项～我拣咗白菜饺、竹笙同白萝卜呢三款𩠌，萝卜超清甜，吸收晒汤汁好好食！竹笙嘅份量好足、好食又健康😍 白菜饺都唔错～下次黎开湾仔可以再试埋其他汤底～😋…查看更多

午饭时段湾仔区周围都咁多人，揾个好位，唔好太多人，又要好味，真系几难，行过见呢间有午市饭餐，又见门口无人等位，可以直入，非常好。点餐纸上有几款饭餐拣，见隔离几枱都系食同款饭餐，所以选了柱候牛筋腩饭(少饭/多汁)，套餐有汤和菜，牛筋腩不算出色，碗汤就几好饮，系生菜皮旦汤，跟餐包热饮，不需收加一服务费，总数$63~，以这样宽阔的环境都算几抵食👍。但系最搞笑系，食完成餐饭出去埋单先至发现呢间「四爷」的招牌菜系「车仔面」🤣，唯有下次再试。…查看更多

今日食评有✍🏻四爷车仔面专门店试食指数⭐️⭐️⭐️⭐️店舖卫生⭐️⭐️⭐侍应态度⭐️⭐️⭐⭐️⭐((每项5⭐️为满分)) ·我哋点了2️⃣碗车仔面因为夜食嘅关系我饿到一个点𩠌菜有不同价钱我不客气地想食就点🤤多谢林生请客🤣🙏🏻·沙嗲汁腩汁都好正·菠菜面弹牙米粉爽口面底好高质呀·配料都好靓仔靓囡放得靓食得都开胃啲·饮品点了热柠茶及热豆浆正常水准唯一要挑剔嘅系热豆浆如果唔落糖就更加好·599•Eat疫情下的食肆怕多人辛苦排得嚟又唔好食食外卖食到闷想岀去揾食又惊唔卫生·我哋599•Eat帮到你无论大铺小店我哋都会尽试尽讲…查看更多

今次要介绍的车仔面，讲真价格唔算平，系同区有好多更便宜的选择，可以话系贵价车仔面，但系食完真系会想番转头再食。/皇牌猪腩仔🌟肥膏瘦肉分明的猪腩肉，肥膏位食落唔油腻，炆到肉质好易咬开。/招牌瑞士卤豆腐🌟豆腐卤水煮完入哂味，卤水汁唔会一味咸有少少甜。/清甜萝卜🌟萝卜煮透，而且好清甜，大大旧必食。四爷秘制芫茜皮蛋汤、配菠菜面🌟推荐知汤底，钟意食芫茜人士之选，好味得黎又清热解毒，岩哂成煎炸野食到热气既我，而且菠菜面好特别，平时好少见，又唔会话菜青味好劲，值得一试。/…查看更多

第一次特登上OpenRice写好评,之前就算写都系因为比啲餐厅服务或食物质素激到要写劣评，但今日真系忍唔住赞爆呢间餐厅🤣其实以车仔面来讲佢一定唔系算平，但坐得好舒服，食物唔算得上样样都超级好食，但个萝卜真系非常出色，好入味，而且完全冇渣好清甜，而且有得加$6加芫荽，对于芫荽迷来讲确实系一大喜讯。食物好食都算，重点系点解啲Waitress点解可以咁sweet态度咁好？次次我哋问野、落单、送餐、埋单，都系语气态度好好而且好好笑容，其实身为顾客，隔住个口罩都会感受到你服务好诚恳，已经好耐冇试过喺香港遇到咁亲切嘅侍应🥺而且佢哋提醒咗我对待工作系要时时刻刻都要认真，先会有人尊重你！我怕羞唔敢当面赞你哋，但希望你哋会睇到呢篇食评啦，多谢你哋咁用心去待人接物，做自己嘅工作，香港仲有你哋真系好💛💛💛…查看更多