四爺車仔麵專門店 (已結業)

朋友是一個麵控，餐餐都要食麵，對車仔麵特別喜愛！佢公司附近有間車仔麵店，佢今日約我食飯特登帶我去試下！環境好有特色，食物選擇都好特別，湯底款式好吸引，用餐體驗都好驚喜！麵底和餸菜分開上碟，保持餸菜原始味道。仲可以比同朋友互相share好貼心呀！我叫左青紅蘿蔔雪耳湯，菠菜麵。餸菜叫左溏心蛋、柱侯牛肚、墨魚丸、魚腐、咖哩牛柏葉，小食有瑞士雞中翼。好霸氣上枱呀！湯底好足料味道好清甜滋補，菠菜麵爽口彈牙！最愛魚腐吸哂湯底味道，咖哩牛柏葉好爽口唔會好鞋口，咖哩濃香入味，雞翼入味入口好熱！朋友叫左傳統牛骨湯，出前不丁。餸菜叫左柱候牛筋腩、水餃、麻辣豬耳，小食叫左腐乳通菜。麻辣豬耳超級好食，爽脆麻香，配出前一丁好正！牛筋爽口牛腩鬆化入味！高質素車仔麵，多謝朋友帶路呀！

2018年11月3日星期六難得有假期放便決定出外坐電車逛逛，去到灣仔附近覺得有點肚餓，看一看錶原來已經下午三時，所以便下車找找有什麼東西吃走到這間店前，突然想起好像很久沒有吃車仔麵，看見門口頗為光鮮，裡面又好像很多人光顧，於是走近一點看看餐牌。首先最令我留意是”全日免收加一”，而且麵和大部分配料的價錢都不太貴，難得在灣仔這個黃金地段也能夠吃到經濟價錢的食物。而且餐牌中有幾樣配料都吸引了我注意，包括蘿蔔、糖心蛋、魷魚等，於是便進去一試究竟。進去後店員細心安排位置，坐下後發現餐廳內的裝修簡約得來使人感到舒服，而且枱與枱之間有很多空間，不會太逼夾。枱面上已經放置了點餐紙，應該是每個人點一張，以免混亂。細心留意便發現店舖簡述了每一個湯底，讓我們知道更多詳情，最後我選擇了金牌豬骨老火湯，希望唔會失望。首先到的是凍檸蜜，杯上有店舖的名字，飲下去不太甜，剛剛好有檸檬和蜜糖的味道。不久食物便送上，面和配料是分開上的，那便可以嘗試到湯底的真正味道，不怕配料會影響到湯底， 十分貼心。面的份量很大，足夠一個成年人份量，上面的韭菜餃吃得出是人手包的，因為份量很足，裏面的餡包得滿滿的。配料方面，首先有咖喱魷魚，

有天經過灣仔修頓球埸, 一心唸住行落金鐘，行下行下行到灣仔尾見到新店  硏究一下門外餐牌，除了車仔麵外還有客飯供應。種類當然不及茶餐廳多，但比一般的車仔麵檔選擇較多，最開心有水吧提供咖啡奶茶，最憎無選擇只得汽水。 男友話好耐無食過車仔麵，今晚一於試下四爺的出品。店員態度唔錯，有禮 。以車仔麵店而言, 這裡地方相當寬敞，只有兩邊卡位，坐得好舒服，設計時尚。自己的麵自己點亦是車仔麵引人入勝之處， 先選湯底加麵 $24 最小選三餸 @$9 起, 細分汁料，滷水汁、咖哩汁、瑞士汁、柱侯、麻辣等配肉類為主。 餸方面選擇十分多， 小見的陳皮魚蛋、鮑魚菇、 豬仔腩、鮮淮山、連邊爐之寶 都有喎。 車仔麵套餐送熱飲一杯， 凍飲加$5 男友的大碗車仔麵湯底：傳統牛骨湯配粗麵$24餸： 清湯牛筋腩 $15 、咖哩豬皮$12、糖心蛋$12凍菜蜜  共$68因為醬汁不同所以餸和湯麵是分開上，防上醬汁太多令味道變得混淆。 這裡出品的湯底是自家用心烹調，牛骨湯清而濃郁，較重口味，和較有咬口粗麵幾襯。我們一致推薦瑞士汁糖心蛋，香甜入味, 雞蛋黃半流心，簡單又好味。 咖哩豬皮重點當然是咖哩汁，咖哩汁香而不辣，豬皮煮得入

晚上7時多左右同老公第一次食四爺，進店感覺環境不錯，坐位寛敞，本人是很喜歡食車仔麵，於是希望試一試新開的車仔麵店，開始點了最低消費三餸加牛骨湯底，感覺湯底味道一般，沒甚麼特別，瑞士雞亦15蚊得2隻，魚腐都ok，但豬大腸很稔和很多肥膏，勉強地吃下，雖然餸是分碟上，但整體感覺賣相多於味道，很一般，沒有期望般好食，老公試了咖哩牛根腩飯，味道可以還好大蝶，而車仔麵方面希望它們能改善一下，因為灣仔車仔麵還有很多選擇

對麵食情有獨鍾的我，常以車仔麵作午餐，偶然發現這間四爺車仔麵專門店登陸湾仔，在一個外出工的下午便前往一試。稱得上專門店，當然有所期望，但吃後只能說句"平平無奇"。伴麵的餸選擇不算太多，由$9-$15元不等，筆者選了油麵配青紅蘿蔔雪耳湯，而餸分別選了推介的麻辣牛肚、青甜蘿蔔及魚腐。麻辣牛肚以小碟另上，牛肚不太稔，醬汁較杰身但味道一般，不麻亦不算辣、而且不知何解有小許羊羶味，蘿蔔硬身亦有渣，以上兩款屬推介都不合格，魚腐就更可以不提。說回車仔麵的湯底其實是一碗麵的靈魂，而四爺亦在其單張中特别介绍其三款招牌湯底，故筆者亦抱了一定的期望，可惜我真唔覺有甚麼味道，清清淡淡，可能就是沒有加味精的味道吧，但和老火湯就完全不是朋友囉。

今日同朋友經過灣仔，想快食個午餐但又唔想食快餐，於是揀左食車仔麵首先湯底有三款揀，三款都係自家製冇味精嘅健康湯底 唔想要湯仲有撈車仔麵嘅選擇~之後餸都有好多唔同嘅選擇，分咗唔同嘅系列，唔同嘅味道，例如淨係牛筋腩你都可以揀柱侯系列或者係咖哩系列~我今次就揀咗青紅蘿蔔湯底拼蕃茄麵配蘿蔔，菜心，柱侯牛筋腩首先湯底就咁飲真係非常清甜， 飲得出係平時煲青紅蘿蔔嗰陣味！ 第一次食車仔麵唔係撈腩汁或者咖哩汁， 而且仲係止咳潤肺嘅湯底相對冇咁熱氣比較健康推介嘅蘿蔔非常清甜，而且煮得好淋好入味，咬落多汁，而且冇根菜心新鮮爽口推介嘅柱侯牛腩真係冇揀錯 牛腩煮得好淋， 近乎入口即溶！冇牙都食到！ 最重要係牛筋都煮到每一啖都充滿膠質果然介紹錯跟熱飲唔使加錢，57蚊埋單，同普通係茶記食個lunch差唔多價錢~

在灣仔下午時間，唔想食茶餐廳碟頭飯，但又唔想去啲懶高級嘅餐廳用成個鐘去食個午餐，左望右望，在雲雲食肆中發現一間大大招牌寫住車仔麵嘅鋪頭，即管入去試一試吧！到達時間約2:00，可能剛過了午膳高峰時段，店內唔算多人，有大卡位，坐六至八個人綽綽有餘，但似乎都係搭枱嘅，整體地方其理乾淨。裝修具工業風格，但播放著中式笛聲嘅音樂，感覺舒適。我揀左牛骨湯底🐂，番茄麵🍅，麻辣牛肚，咖喱魷魚🦑，同埋韭菜餃🥟。上菜時侍應將所有食物用一個餐盤呈上，除左水餃同湯麵一齊，其餘都係用少碟分別載着，這個諗法好細心，咁樣做就可以避免唔同嘅醬汁混入湯裏面，唔會溝淡醬汁嘅味道，又唔會整到個湯底不倫不類！抵讚！味道方面，湯底冇驚喜，味道偏鹹，失望！番茄麵唔覺有咩番茄嘅感覺，純粹係啲粗麵，口感偏硬，本人唔太鍾意。但湯麵配上少量芽菜同木耳絲，提升口感。配料方面，可以話係真材實料。雖然每個餸要$9至$12，但分量可接受。水餃係用手切豬肉做餡料，有口感夠實淨！咖喱魷魚一碟有八件，好香咖喱味但唔會好辣；麻辣牛肚好重香料味，夠辣但唔麻。整體感覺良好，真係冇加味精喎！總結，灣仔區60幾蚊食一個面有咁嘅質素同份量，送埋飲品，都算唔錯。地方

家附近新开不久的一家车仔面，一直没有打卡。周末没什么胃口，跑来尝试一下。店内环境还是挺不错的，在吃车仔面的店里算是很好的了。菜单看着也简洁明了，选择也还算丰富。点了萝卜雪耳汤底，配粗面。加上大肠，腩肉，萝卜，热饮配的热鸳鸯。从面到各种配菜都挺好吃的。汤底非常不错，配菜的口感也值得夸奖。服务态度很好的，热情主动。总体而言值得再次光顾的一家店。

車仔麵呢樣嘢，我相信大家一定有食過，一碗熱辣辣嘅車仔麵，碗上面放滿3至4樣自己鍾意食嘅配料。而每次落單前，我都會同M佬夾好，你叫呢幾樣，我就叫嗰幾樣，務求食得最多款！但如果同朋友食，唔通食食吓先叉隻筷子去人哋嗰度咩？而呢間位於灣仔嘅四爺車仔麵專門店，就將麵同餸分開上，除咗方便大家share，我覺得更重要係每款配料都有唔同嘅味道，於埋一齊可能會怪怪的哦。食車仔麵最重要就係個醬汁，呢度就有麻辣、咖哩同腩汁；而湯底絕不含味精，仲可以揀金牌豬骨老火湯、傳統牛骨湯底、青紅蘿蔔雪耳湯或者車仔撈麵喇。而配料方面，分為唔同左系列，好似有瑞士汁系列、古法滷水系列、麻辣系列、柱侯系列、咖喱系列、港式系列等，有超過40款選擇。青紅蘿蔔雪耳湯菠菜麵（瑞士汁珍珠冬菇、咖喱陳皮魚蛋、咖喱魷魚、清甜蘿蔔）用上青紅蘿蔔、蜜棗、老陳皮、龍牙杏、雞肉同豬展等材料，煲6小時而成嘅青紅蘿蔔雪耳湯，無味精，夠晒清甜滋潤，真係好有家嘅感覺。而為咗怕配料影響湯嘅原味，所以麵同餸分開上。少有車仔麵檔會提供菠菜麵選擇，淡淡嘅菠菜麵好有新鮮。而瑞士汁珍珠冬菇炆得軟腍入味；而咖喱陳皮魚蛋同咖喱魷魚，夠彈牙，而且咖喱味超香濃；最好味係清甜蘿

每次喺炮台山Air fitness做完gym，都會好苦惱唔知食d咩黎補充體力，又唔可以太肥膩又唔可以太無營養。喺朋友介紹下，特別去左一間灣仔嘅車仔麵試下！四爺車仔麵專門店裝潢設計走工業風，地方寬闊，富有空間感。牆身以貨櫃鐵皮搭建，非常有特色。一般食車仔麵，湯底唔係清湯就係咖哩汁湯，最多加多個腩汁底！但四爺車仔麵既湯底，竟然有得揀自家熬製，無落任何味精既老火湯做湯底！好驚喜！我就揀左青紅蘿蔔雪耳湯+菠菜麵，餸方面就揀左魚蛋、白蘿蔔、韮菜餃、溏心蛋同豬紅！等左10分鐘左右，車仔麵到啦！湯底非常清甜，飲完一d口渴既感覺都冇！菠菜麵條略粗有咬口，係我喜歡既口感！韭菜餃屬於中size，味道不過不失，餡料尚算豐富！豬紅更加係食車仔麵必叫既餸！好味！滷水溏心蛋反而第一次試，滷水汁成功滲入蛋中，非常入味！最後飲埋杯凍檸茶，就非常滿足！

估唔估到車仔麵都可以咁多配搭呢？呢間舖可以話係顛覆左港🐷對車仔麵嘅諗法😂----------最特別一定係呢度嘅餸多數都係分開上嘅😂 係因為選擇夠多 即使同一樣餸都有唔同汁嘅煮法 滷水 麻辣 咖哩 如果撈埋一碗就會唔知咩味咁😂 自己揀中意嘅餸 呢度嘅湯都係冇味精 所以飲完都唔會口乾～ 湯底有豬骨老火湯、牛骨湯及青紅蘿蔔雪耳湯😋 港🐷試嘅咖哩魷魚 滷水大腸 柱侯牛腩 夠濃味入味但唔過鹹 都唔錯嫁😙-另外呢度嘅酸蘿蔔同辣菜脯都好正 用黎配麵食一流😬 嗌一個麵會送埋熱飲係$24 不過就必須揀3餸個起 每款平均$12 所以計計埋埋價錢都會比平時食車仔麵貴少少

暫時食過最難食嘅車仔麵.....湯底已經係咁多樣嘢入面最好，但都只係不過不失... 蕃茄麵無味又太淋，蘿蔔，豬紅，豬腸，魚片頭全部都白烚，無味嘅... 點咗腩汁，佢俾咗一滴喺舊蘿蔔上面 ... 朋友叫個青紅蘿蔔雪耳湯底，一樣都係淡而無味，啲餸都係... 咁啱隔離枱有個上咗年紀嘅女人都點咗呢個湯底，問待應有無俾錯佢，話唔似嘅 ..唔怪得 lunch time 都要出嚟派傳單。想食嘢，真心唔好食呢間，想食車仔麵，去附近笑面虎或者車仔麵之家，又好食又平過佢..呢間一定無下次！

車仔麵係我由細食到大, 生命中不可或缺的一種食物。每一間車仔麵通常都有其獨特之處，如湯底、配料等。今日行過灣仔見到此新店，豈可不嘗？最鍾意車仔麵嗰啲點單紙，我總會花上幾分鐘細讀他們的推介/人冇佢有的元素/新鮮的食材。而在這店的點單紙上，我先看到青紅蘿蔔雪耳湯底，比一般其他店的‘清湯’‘腩汁’等有心思！多想一會決定今次先試‘金牌豬骨湯’。麵方面除一般的還有番茄麵和波菜麵，最後都係叫返我至愛-米粉。配料方面，我偏好食顯功夫的，自製的，新鮮的，如豬大腸雞翼等。之後看蔬菜飲品等，他們都特意加入人冇佢有的元素，如蘆筍，淮山，特飲等。上枱是有別於一般全部一碗上。他們把配料獨立放於小碟中，除精緻外亦啱晒我，因為咁就唔怕啲湯同不同汁撈埋一堆，可以食到配料自己的味，不受影響。味道方面,雞翼算是香甜嫩，不至於滑，但合格。豬大腸明顯較淡味，喜歡原汁原味的人會啱，算合格。響鈴不油，但配豬骨湯似乎太淡味，換濃湯會更滋味。米粉好大碗，我食唔完，有心思的加了木耳絲及芽菜。整體不過不失，看到他們努力突出自己，會再返去試埋個青紅蘿蔔湯底及豬手。有一點扣分就係佢哋用紙杯上奶茶......

我去了兩次。第一次是早上11點半左右，舖頭入面大概得7-8個客人。我點了一般車仔麵嘅餸菜，米粉加底，居然要等成20分鐘先有得食。碗麵陣係好大，面底可以俾麥奀記用來做八碗面，成碗麵久係得麵同餸，啲湯唔見曬。我叫加底嗻，唔使咁厚禮啵。一食落去就覺得唔妥，所謂牛骨湯原來就係用味精沖出來，咩肉味都冇。牛肚就俾啲化學嘢浸到鞋曬，個魚片頭就有啲酸咗。我本身係一個唔鍾意浪費食物嘅人，但只係食咗1/3碗就被逼埋單走人。臨走前我同收銀講，你地做車仔麵店點可以要客人等20分鐘㗎，跟住我俾埋其他食物意見後離開。兩個月後嘅今晚，咁我路經間嘢啦，想入去試試啲嘢有冇好到，我差唔多叫咗啲一模一樣嘅食物，仲叫多咗一碟腐乳通菜。今晚人多咗小小，大概12-3人左右。同上次一樣，又係落咗單之後，我開始玩睇蘋果即時新聞，結果我睇曬今日本地、兩岸、國際，連啲留言都睇曬之後都未有嘢食，整段時間大概20-25分鐘。佢地真係冇令我失望，一碗全碗high density 米粉連全味精湯奉上。我能力有限，只可以完成1/3碗同埋個通菜就走。間嘢裝修到成個後現代主義茶餐廳咁，應該擺咗唔少錢，點解唔俾多少少請個好啲嘅師傅，或者煲多啲湯試到最好

全香港應該有好多間車仔麵，不過今日食既呢間我印象較為深刻，因為不但坐得舒服，環境光鮮企理，而且餐廳對食物是有要求的檯面上既酸蘿蔔好好味，差唔多成樽都俾我食哂有3種湯底選擇，我就揀左「金牌豬骨老火湯」個湯好正呀完全無落味精的而且一啲油膩既感覺都無我起碼飲左一半既湯而且有醬汁既餸，都會另外送上的，唔會影響到個湯本身既味道真係諗得好細心南乳豬手炆得好淋好入味好耐無食過咖哩魷魚喇，咖哩味超香而且份量都唔少韮菜餃係自家製的，個餃子皮好薄呀鹵水豬仔腩，肉質好軟腍，而且一啲都唔肥瑞士汁雞翼呢個雞翼唔會整得好咸，雞翼都好肥美呢間店既檸蜜係與眾不同，因為係用百花蜜整的，係好清甜既蜜糖味同平時係茶餐廳飲開既西洋菜蜜真係唔同啲，西洋菜蜜一點也不好飲而家新店期內仲有七五折優惠埋單兩碗都唔駛$100