四寶食堂 (已結業)

🇭🇰四寶食堂 有打卡位的茶記以前👩🏻係港島返工都食過佢地既lunch食物做得不錯 而且格局又靚😍今次見到佢係旺角開左好大間分店 就入去試下晚餐🐽山渣汁菠蘿咕嚕黑毛豬(💰$78 + $10白飯🍚) 👍🏻推薦乜茶記野食咁靚既😍😍豬肉好香口 有油香味👄肉質唔會炸到太乾 爽身而且好厚肉山渣汁酸酸甜甜 有種山渣天然既酸味同香味 幾開胃特別醬汁杰身到好似怪獸鼻涕 🧫佈滿成件豬肉 拉絲效果勁明顯😂菠蘿🍍用火槍燒 幾特別 仲要用哂心機排位味道及油香味好配合👍🏻👍🏻外貌再加分🍤韭皇滑蛋炒大蝦球(💰$68 跟餐湯+熱飲)特選晚餐黎講質素不過不失蛋同蝦球既份量就合理但覺得可以落多少少鹽就好啦🤏🏻🧂-不過晚市冇人等位不停收野 感覺想催人走 差少少

已經在屋企同買外賣多日的情況下，今日同女友出旺角行街加食晚飯先到信和看看至愛的FIGURES 後，就去左揾野食，見都幾多人食，所以入去試試。第一次食，都幾多不同的款式，又有中式又有西式。蜆香意大利粉味道唔會太辣，所以十分適合我。而且有一個很好的地方，平日我食的時候，總是蜆只有很少量，而這裡剛好相反，我無特別點算，但真的比在其他地方食的多食多。而且味道也很好。咸蛋松露醬雞翼女友見到咸蛋松露醬就已經好想試試。味道好好味。我個人覺得如果可以自由選擇醬的份量會更好，因為我超鍾意食濃味，所以如果超多醬肯定非常好味道。薯條因為點了一個牛，所以跟SET有配薯條，味道酷似平日去酒吧食薯條的味道，可能平日比較少食到這種味道，所以覺得特別好味道，而且熱辣辣咁食好好味。燒封門柳我地點７成熟，但我個人覺得有少少 Overcook，所以在外觀上有少少失望，但牛味幾出，有機會下次點5成熟會好一點燉湯　（我只記得日日都唔同，但唔記得星期六當天的全名）女友超鍾意飲湯，都算足料，味道很清

近日行經旺角，赫然見到在豉油街通菜街的交界處，出現了一間外觀與內櫳都塗上了 Tiffany Blue色調的型格茶餐廳。原來這間名為「四寶食堂」的茶記在港島銅鑼灣和北角都有營業，這間分店則是九龍區的第一間。初次到訪，我吃的是早餐，而我的選擇，是在店子外面宣傳易拉架上寫著的「泰式餐」（$37）。這特色早餐包括「香葉辣肉碎米粉」、「嫩滑沙蛋」和「丹麥牛油厚多士」，看來頗為吸引，價錢又不貴，正好讓多年沒有到泰國旅遊，沒吃過泰式早餐的我幻想一番。彷泰國風味的「香葉辣肉碎米粉」雖然只得其形，未得其實，但香辣的肉碎，配以爽滑的銀絲米粉，份量不少，質也不差；「嫩滑沙蛋」果真十分嫩滑，沒有騙人；「丹麥牛油厚多士」亦貨真價實，夠厚，也夠牛油香，質素甚佳。配以一杯香濃「熱奶茶」，是早上的一份上佳禮物。這間「四寶食堂」，這份「泰式早餐」，水準不錯，下次可再幫襯。

可能係近期食過最有誠意嘅常餐🤤呢間仲要喺旺角以後想食好食常餐又多個選擇喇💁🏼‍♀️✨炒蛋✨炒蛋我比💯分🍳份量比勁多👍🏻口感非常幼滑creamy😍👅蛋汁爆哂出嚟😈✨沙嗲牛肉通粉✨出乎意料嘅好食🤤沙爹汁好香濃惹味牛肉好食過一般茶餐廳🐂份量又係比得多👍🏻✨凍奶茶✨奶茶我叫左少甜茶味比奶味重🍵飲落都好香滑唔鞋口😻好飲‼️☺️呢度d裝修好少女心（圖三）🤩坐得都幾舒服😌食一個常餐好難得會飽到反艇🤣呢間會再去😎

之前喺北角食過一次，覺得質素唔錯，今次嚟呢度食下午茶，福建炒飯幾有鑊氣，飯上面都有唔少帶子，感覺幾足料又大份。常餐味道正常，凍咖啡偏苦不過可以接受。整體來講我覺得唔錯，收得唔貴環境又靚！

疫情之下好多食肆都場面冷清，不過四寶食堂就「疫巿」下開新店，咁受歡迎一定好食。今晚就去咗旺角豉油街店，入面滿座不過排一陣隊就有位啦～餐廳以Tiffany blue配搭粉色嘅色調，少女風x現代感，唔怪得咁多年青人嚟食啦。睇睇餐牌都色彩繽紛，仲好多選擇，西式有意粉、burger、all day breakfast、steak等等；中式有家常小菜、養生燉湯；亦有港式茶仔美食：雞脾、西多士、沙律，一家大細都啱食。港式茶餐廳一定要有特飲啦～【阿華田雲朵】同【紫薯雪糕Latte】賣相都好得，相機先飲。兩杯特飲都甜度適中，特別鍾意紫薯雪糕Latte嘅紫薯甜味夠天然。燉湯每日都唔同款，今日係【五指毛桃燉雞湯】，都幾足料㗎。港式茶餐廳另一特色就係特餐。兩款晚巿特餐揀咗【喜哥蔥油豬扒】嗰款。【喜哥蔥油豬扒】係招牌菜之一，肉質軟腍又夠晒厚切，蔥油又香又惹味。【冰火菠蘿油】嘅牛油係用冰鎮住，夾落菠蘿油度再大啖咬，冰凍牛油嘅少少刺激感同牛油香，係邪惡但好好食。 仲有呢度好出名嘅【嫩滑炒蛋】，望落已經睇到好正好嫩。 蛋香超濃郁，每一啖都充滿蛋汁，特別香滑，絕對係必食之選。【脆皮安格斯牛肉伴泰式甜酸醬】用呢種方法整

💚 門面好光猛，好吸睛👀💚 入到去原來中餐西餐都有，勁多選擇👍🏼 而座位都幾舒服，仲有靚靚花牆🌸🌺💚 慢煮嫩雞胸蘋果藜麥沙律 $78，好鍾意呢個！健康得黎又好食！叫咗餐廳汁另上，鍾意幾多自己加☺️💚 叉燒滑蛋飯 $62，加一主打滑蛋叉燒飯！嗰日破戒，食咗滑滑嘅雞蛋🤭💚 燒美國頂級封門柳，配海鹽薯條 $138，薯條揸得好香好脆，不過牛柳就乾左少少💚 是日燉湯 $38，每日都有唔同靚湯！當日係雙蓮鮮百合燉湯😊鐘意飲中湯！不錯喔 💚 利賓納檸檬梳打 $15，有氣梳打加利賓納好飲😚🍹

2人中午試吓新開店eh⋯⋯裝修外內幾特別所以約友人入去吃午飯，先讚沙嗲牛肉汁和肉，汁內混合蒜粒花生醬竟然吃得出、難得牛肉仍然新鮮，因為好多其他餐廳沙嗲牛肉的牛肉用牙齒咬也咬不到，但抄蛋無味無滑feel.只係得colour 黃色，奶茶叫少奶仍然多奶，無茶味，午餐炸蠔，友人話算合價wor

旺角新店以 Tiffany blue色調為主色, 大理石紋牆身, 仲有粉紅色打卡花牆, 充滿少女心💓👍🏻經典必食推介: 招牌沙嗲牛肉公仔麵、炒蛋多士、奶茶《晚市特餐》招牌沙嗲牛肉通粉配炒蛋、火腿及丹麥牛油厚多士沙嗲湯底香濃, 沙嗲牛肉好入味。滑蛋炒得夠金黃, 好嫩滑, 富蛋香; 丹麥多士鬆化, 帶有牛油香, 跟炒蛋一齊食, 大滿足😋! 跟餐揀咗紅豆冰, 紅豆超多, 佔大半杯! 紅豆飽滿, 大大粒, 香甜又夠腍瑞士雞髀 - 好大件! 瑞士汁香濃入味, 肉質嫩滑, 肉汁豐富。

餐廳：四寶食堂 (旺角)地址：旺角豉油街23號地舖晚上走到旺角街頭，鬧市境況再次浮現，今次被呢間四寶食堂吸引咗入去😍，湖水綠同埋打卡花花牆，加埋中西合璧嘅嘢食，比你有別樹一格嘅食飯享受，打破傳統茶餐廳嘅框框「安唔安心？唔安心你仲有選擇可以揀嘅！」晚市堂食開始恢復，最多人擔心嘅都係驚食得唔安心，準備入去果陣店員問到，咁我就緊係拒用安心出行啦🙅‍♂️今次同朋友點咗下面嘅食物🍴：經典叉燒滑蛋飯 $62燒美國頂級封門柳 $138小食拼盤 $128估唔到可以左一啖叉燒滑蛋飯，右一啖五成熟封門柳🤣。滑蛋同叉燒嘅份量都幾多，滑蛋唔係全熟，仲有少少蛋汁嘅香滑質感，叉燒原片上，半肥瘦叉燒惹味之餘仲可以保留原片食嘅口感；封門柳揀咗五成熟，喺牛橫隔膜嘅肌肉，每隻牛得一條，肉味較濃郁，油花唔多，切開肉汁豐富，so juicy😋，配埋餐湯同埋夠待別、份量又多嘅松露海鹽薯條，果然連薯條都唔馬虎😎，大愛佢地呢款香口唔鹹嘅薯條小食拼盤有兩款雞翼、香草豬肉腸、洋蔥圈同炸薯條，鍾意食香口小食嘅人叫呢個拼盤就啱晒🤤，我特別鍾意佢用竹籤拮住嘅香辣雞翼，唔知呢度有冇雞翼控呢😆？洋蔥圈賣相吸引，不過就有啲厚粉🤏，蘸埋辣醬食就會好啲

四寶雖然冇龍門開咁多分店，但貴精不貴多，而家終於等到佢開分店嚟旺角，裝修仲要靚過其他分店喎，點都入去踩旺個場佢啦冇諗過茶記會有黑毛豬等西餐食，咁有趣就試吓先切起嚟好容易，肉質奇嫩，配上黃梅果又夾又醒胃仲有勁大舊黑蒜同西蘭花，好balance口痕又想咩都試，小食拼盤啱晒！但估唔到咁大碟，淨係雞翼都已經有8隻其他肉腸呀、炸洋蔥圈呀都勁大份，而且炸得卜卜脆，好彩有啲沙律維返吓食呢度嘅招牌蔥油豬扒，但又唔想食飯咁飽，呢個餐超抵，有埋炒蛋同菠蘿油。豬扒都係幾嫩口，炒蛋亦係滑到令人收唔到掣牛油嘅冰遇上菠蘿包嘅火，感覺好奇妙跟餐沙律都係好大兜，仲有羽衣甘藍同蟹籽，呢度真係茶記嚟？紫薯latte唔會淡茂茂，好重紫薯味，撈埋雪糕好有奶昔嘅感覺呢度連熱飲都係大大杯，真係蝕住畀你咁喺月球下共餐，別有一番滋味

今日行經旺角豉油街，發現新開門面吸睛的四寶食堂，餐廳內一大片打卡花海牆，鮮明的裝潢顏色，明亮有氣氛，坐得十分舒適。正正下午茶時間，正可嘆個Tea Set，有幾個Tea Set都想試。松露鹹蛋醬雞中翼(3隻)配薯條 $35這個松露鹹蛋醬夠邪惡，配雞翼薯條不錯，薯條鮮炸夠脆又夠熱。炸魚薯條 $48魚扒夠曬厚，炸得金黃酥脆，蘸上鮮檸檬汁，更美味。美式燒牛肉酸種麵包 $58燒牛肉牛味香濃，酸種麵包質感不錯。瑞士汁炒牛河 $46火喉十足，乾身不油膩，份量也足夠2人，好抵食，用上瑞士汁比平時食到的乾炒牛河更香濃。棉花糖朱古力 $15奶茶雪糕紅豆冰 $15

呢個真心抵食過d連鎖店環境：絕不是一般茶餐廳的座位是以Tiffany blue作主色的梳化更配上花牆 打卡一流食物質素：D松露味好濃炒蛋好滑個包一般建議加少少鹽上面兩隻蝦好爽口

四寶食堂吸引我望到係因為綠色外醬，哈哈！行左幾次，今日去行山前，大家嚟係mk集合先食野先。依度嘅餐牌有茶餐廳嘅風格，有文青打卡嘅菜式。女仔勁愛大花場！一點咋，都爆場！三重芝士M5和牛肉醬焗薯條 $58點解有豆苗係上面既，咁健康？！三重芝士都好厚本，牛肉醬岩岩好佈滿一層。薯友唔瘦size就一叉一大舊咁啦，都多多地！泰式冬陰功醬雞翼 $48炸雞翼配醬！比飲冬陰功刺辣，上火小食，又炸又辣野野地味！挪威煙三文魚班尼廸蛋 $78煙三文魚份量super多！好抵食，比平常平近一半！兩大隻班尼廸蛋多蛋黃醬，呵呵！一切開大流汁，鮮香入麵包！喜哥蔥油豬扒煎蛋飯 $59勁大件豬扒，多蔥！豬扒加一啖飯加一啖蔥，完美之飯。豬扒厚肉都唔老肉！太陽蛋正正子，蛋黃汁入飯！蒜片橄欖油辣椒蜆肉意大利粉 $62蒜片、三色椒、洋蔥整全！蜆肉全無沙少少微辣。港式意粉，胡椒味重！午餐個意粉包埋熱奶茶 有晒茶餐廳嘅奶茶茶底香濃，醒神必飲！棉花糖朱古力 +$15一開始仲以為係細細粒棉花糖嗰隻棉花糖朱古力，好彩係超大粒棉花糖，yeah！足料朱古力！

之前都介紹過銅鑼灣四寶平靚正下午茶餐今次再食 不過唔使過海啦 係旺角開左分店星期日要排隊但好快已經有位下午茶餐同樣有齊各類小食三文治亦有迷你粉麵飯 仲有包熱飲 都係$30-$50好抵食🤩蔥花鹹牛肉炒蛋潛艇 $38 (配熱飲)超巨型潛艇🤩 爆餡炒滑蛋夾在包中間滿到瀉炒蛋好滑超級熱辣辣 上枱時仲出煙 蛋味香濃鹹牛肉同蔥花都好足料配上軟包食真係大滿足唯一係偏油左少少同個包如果烘脆會更正熱奶茶幾唔錯 茶味濃而不澀 奶味較少但仍夠厚滑香煎厚切咸牛脷配黑椒磨菇汁意粉 $46 (配熱飲)真厚切！咸牛脷帶陣陣鹹香 味道香濃煎至剛剛好的質感 夠腍但仍帶爽 好得喎配的意粉不會過腍 下午茶的份量算好足咁的價錢真係超抵啦