四季芬芳

营业中

休息中

I am recently exploring the restaurants in Phase 3 of New Town Plaza and am happy to recommend the nourishing food in Four Seasons Fun Fong. My friend and I had quite an empty stomach and ordered the dishes below: Soup- Snake banquet $99The most nourishing dish. Appetizer- Preserved egg with pickled ginger $49Lovely presentation- interestingly defining what a spoonful of preserved egg is like. Noodles- Bak kuk teh noodle soup $79Also a nourishing one, and my favourite dish of the night. Bak Kut

中菜比人感覺好似好舊咁，但呢間高質新派中菜就可以比到你一種新感覺選擇都多，價錢尚可，重點係好多野食都好特別，一般中菜館都唔會有煙燻龍井炸雞（半隻）好特別既一道炸雞因為用龍井煙燻過所以雞肉會有陣龍井獨有既清香，而且香得黎冇苦味而上面更灑上脆脆地甜甜地既茶葉令成個味道同口感都更有層次五香半筋半肉湯麵勁足料既一個麵，一碗都分分鐘已經夠兩個人食牛筋同牛肉都入晒味，好香既五香粉味而且最重要當然係佢口感勁淋但佢淋得黎又唔會冇晒口感湯底有少少似肉骨茶既味道，好有層次麵條索晒湯汁味，超好食火燒黑金叉燒撈麵叉燒又多又大件，啖啖肉，而且每件都肥而不膩麵身爽得黎唔會過乾，調味咸咸香香夠惹味花膠太史蛇羹勁足料既一個蛇羹啖啖都食到蛇肉食完成個身都暖晒棗皇糕口感軟糯，味道唔會太甜，可以食到紅棗本身獨有既香味

咸柑桔生煎包個人覺得生煎包比小龍包更驚艷，生煎係即叫即煎，上菜時個包仲熱辣辣。外皮煎到好脆口。包皮食到有淡淡嘅柑桔香氣，味微甜，更可以带出肉餡嘅咸香。豬肉餡滿滿，有少少肉汁，好食！原味小龍包 /2件本身想食蟹粉小龍包，但賣晒🥲所以叫左個原味，上菜小巧可愛，仲要有個dropper可以唧d甜醋入小龍包入面，自己動手豐衣足食！酸菜魚酸菜魚係新菜式黎，酸菜湯底下酸得黎唔嗆喉，少辣適合唔食得辣嘅人過下口瘾。魚塊係用石斑魚，仲要係去骨，可以大啖放心食！招牌蟹粉蟹膏捞麵捞麵好大份，足夠兩個人食。蟹粉蟹膏落得好足料，記得趁熱捞均佢食，口感濃厚creamy味道好鮮。花膠百合燉水鴨& 花膠太史蛇羹湯品揀左兩款。真心推薦大家試下個水鴨湯，養顔滋陰，飲落勁清甜一滴油都冇。另外必點老字號蛇王芬嘅蛇羹，味道甘多年都冇變過。

今日同家中長輩嚟食呢間係沙田嘅四季芬芳餐廳。睇到餐廳嘅裝修感覺到呢間餐廳都算係新派嘅中菜，幾乾淨企理。同埋留意到原來餐廳個廚房係喺商場嘅另一邊，見佢出菜係用餐車運過嚟。花膠太史蛇羹 ($99)長輩話要食蛇羹。原先蛇王芬就係做開蛇嘅菜式，蛇羹應該係佢哋嘅主打。果然係冇令我哋失望。全碗蛇羹非常之足料，食到淡淡蛇肉之餘，仲有少少花膠，另外仲有啲木耳絲，感覺有少少似一個高級嘅碗仔翅。另外仲有啲炸咗嘅脆皮、生菜、刁草等嘅材料俾你撈埋落碗湯度食。香脆蘿蔔絲酥餅 ($39)超鍾意食蘿蔔絲酥餅，呢個酥餅做得好出色。除咗紫色嘅酥皮顏色靚之餘，入邊嘅蘿蔔絲蓉上菜嘅時候仲係熱嘅，好有鮮味，而且外脆內軟。價錢來講又唔算真係好貴。蟹粉蝦仁（$129）鮮蝦彈牙，上面淋上蟹粉醬。相比之下呢個餸就冇蛇羹同埋蘿蔔絲酥餅咁覺得吸引，可能因為主要係得蝦仁同埋蟹粉感覺就單一少少。蟹粉嘅味道可以再濃啲，不過可以作為下飯菜都幾好。潤腸魚蓉煎蛋角 （$89）係一個比較特別嘅菜式，平時比較少機會食到所以就叫咗。潤腸味好出，配埋魚蓉整成蛋角賣相都幾靚。佢煎得啱啱好，唔會好油，而且上菜嘅時候入邊都仲好熱，有驚喜！牛油花甲菠菜（$89）初

餐廳喺馬莎對面，裝修色彩繽紛，每次經過都有唔少人，一試真係幾啱口味，價錢喺大商場嚟講好合理，份量又夠。香辣半筋半肉湯麵（$89），湯底夠特別，係藥膳味😋😋，牛筋牛肉都幾多，啲肉煮到好淋，如果麵質硬返少少就perfect。雙重黯然銷魂煲仔拌麵（$79），黯然銷魂飯就食過，夾麵食就第一次。麵條幾彈牙，叉燒唔柴，撈埋啲甜豉油、糖心蛋都唔錯。花膠太史蛇羹（$99），份量係一個飯碗嘅份量，但2個人食都ok，因為材料好多。有冬菇、雞絲、木耳、花膠等等材料，加上薄脆、生菜絲口感更豐富，加上檸檬絲更加香氣倍增。香脆蘿蔔絲酥餅（$39），食落熱辣辣，面層好酥脆，價錢唔平，當過過口癮，不過真係好食👍🏻👍🏻原味小籠包（$29），面頭有枝小吸管裝住啲醋，可以自己慢慢加。小籠包有唔少湯汁，皮薄餡靚。椰奶炸龜苓膏（$49），呢款係甜品嚟，口感同味道都有少少似年糕，不過唔同嘅係呢款會苦苦地，加埋啲薄荷汁食幾得意。飲品方面原先想試鴨屎香檸檬茶，但因為賣晒所以唯有轉飲奶茶同水果茶。質素都ok，正常水準，不過好抵飲，份量超多，有成1000ml😆，可以2個人share一杯都得。

Hi 蛇王芬 🤣🤣以為秋冬先有得食蛇，點知蛇王芬就喺呢度等緊你喺商場嘅中菜黎講，唔係特別貴價都算裝修帶點華麗，環境又企理乾淨。杯茶都非常好飲～～味道好特別啫啫雙腸芥蘭煲臘腸潤腸送飯之選！煙燻龍井炸雞一上枱真係有非常香嘅茶味試吓啲龍井茶葉，甜甜地炸雞啱啱炸起熱辣辣，肉質都算唔錯係限量㗎！點餐嘅時候見到最後兩隻蟹粉豆腐 撈飯一流！！都有唔少蟹粉啊 🤤🤤🤤花膠百合燉水鴨Recommend!! 燉湯清但水鴨味道一樣好濃。

同朋友去行街見到間鋪頭裝修幾好睇，仲以為距會好貴，點知行過去睇下菜單發現，原來都五算貴，就入去打算試下，畢竟座位睇落都坐得舒服，行街一日甘累當然想舒服滴填肚啦入秋就可以食蛇羹啦，甘大個人都未試過，暖暖地食落比較鮮美，加滴配菜就更別有一番風味。食蛇羹仲五夠，仲來個蛇羹凍，食果凍甘但係又入口即溶，好好味啊見到個小籠包插住支管，好有創意，竟然可以甘擠滴汁入去，犀利辣味小籠包係有滴辣既。一定要讚下呢個黑金叉燒撈面，大份就五講啦，個叉燒肥瘦相間，一滴都五膩，好好味。五好睇距係一個普通的春卷樣，其實距係賽螃蟹春卷，入面好似係蛋白甘但係又有海鮮鮮味甘，好正。呢個五記得係咩魚，個醬汁好好味，不過魚有滴刺，要小心滴。呢個苦瓜鴨屎香茶，聞落香，飲落有滴回苦，但係都好味太白軟膏軟糯香甜，但係五會過甜隨意撞到好食餐廳真係好開心，下次會再來幫襯

有蔡瀾先生的加持也挽救不了四季芬芳的硬傷：食物不佳，員工服務不到位，令食客不愉快亦難有再光顧的機會。透過商場app取票，在餐廳門口等叫號看餐牌之際，看看手機發覺剛到自己，藍衫員工竟說叫咗啦已過號，員工大大聲堅持：「我嗌咗啦」。該餐廳不設補票，我站在門口過一點放餐牌的位置是完全聽不到。沒關係等的人不多，為了試蔡瀾先生的推薦，再取另一張。觀察了一會餐廳的叫號方法，終於明白了，員工叫三次，三次沒人在他面前出現就算，他不會觀察是否有顧客正在走過去，而期間完全亦沒有使用擴音機，更枉論清晰的電子叫號系統。終於等到了，帶位的紅衫女員工水平真的很差，很需要改善提升，她說話語氣不好，工作模式是客人遷就她。叫了號，要客人等他們執檯。掃描安心出行不會協助客人按一下餐廳的手機屏幕對焦，一味叫客人放遠啲。不考慮帶位的路線，我們獲分配的位置是門口隔離，她竟然帶我們從右邊進入圍繞餐廳一週再去到左邊門口的座位，完全沒有為客人選擇最簡單的方法。如果左邊這條通道已封也罷，但她自己不停用這條通道出入，卻要客人兜大圈。在進入餐廳前看過餐牌覺得蠻不錯，很多值得試的餐點，但我們七時多入座，竟然大部份都是售罄，看見這樣的餐牌，什麼

係新城市廣場既四季芬芳，係蛇王芬副線副線，餐廳靚裝，主打蛇羹和粵菜，價錢親民😆😆招牌既花膠太史蛇羹🐍係必食之選，材料有蛇肉、花膠、雞絲和冬菇等，仲有3款配料可以落，好足料和補身😊。火燒黑金叉燒🐖係推介啊，燒得好香，充滿蜜汁，而且唔會太肥，份量仲幾多😍。而粉紅色既蛇王芬臘腸卷💕，真係搶眼和啱打卡👀，招牌既臘腸味道係唔錯。至於甜品，叫咗CP值超高既椰汁芋頭紫米露💜，有滋補既桃膠，同埋好多紫米，口感豐富，椰香味重🥰。🔸花膠太史蛇羹 $98🔸火燒黑金叉燒 $88🔸五香半筋半肉湯麵 $78🔸蛇王芬生炒糯米飯 $38🔸賽螃蟹春捲 $38🔸蛇王芬潤腸鹹水角 $38🔸蛇王芬臘腸卷 $38🔸椰汁芋頭紫米露 $28📍 #四季芬芳 (#沙田美食)沙田新城市廣場三期3樓363A號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟

呢排突然好想食中菜，咁岩係沙田行完街見肚餓，見到呢間餐廳有燉湯飲，就決定入去食晚飯我係見到有燉湯而走入黎，咁緊係要叫返碗湯飲☺️1️⃣花膠百合燉水鴨熱辣辣既湯，好足料，飲落去好入味，平時冇乜湯水落肚既，真係覺得好滿足☺️2️⃣五香半筋半肉湯麵 🍜湯底好濃郁，牛肉麵既味道⭐️⭐️⭐️而牛肉牛筋既份量好多，牛肉唔鞋，仲有d酸菜中和雨濃濃既味道，大大碗性格比極高😋3️⃣花雕醉雞睇餐牌見好似係招牌菜，咁岩我地呢碟係雞髀肉，廚房仲去哂骨，好骨，油味濃仲有桅子，味道好出色😋4️⃣川色水煮牛肉麵 好鍾意食辣既我叫左呢碗，牛肉片既份量係食極都有🤣有花椒帶出麻香味，唔會太辣，大部份既人應該都食到😋5️⃣蛇王芬生炒糯米飯意想不到係幾出色，花生唔係淋既，糯米飯入曬臘肉既味👍🏻其實一人一碗麵，已經飽咗，但老公好似想食，咁就叫埋🤭🤭揀得好👍🏻6️⃣子薑麵醬魚腩煲魚腩大大件，個醬汁甜甜地，魚腩少少骨，整體值得一試⭐️⭐️⭐️

突然間好想食🐍蛇羹，突然間醒起沙田有一間，所以先隨心地醫一醫個心癮🥹.由蛇王芬開嘅副線，裝修比較新潮有玩味，感覺不錯，雖然服務有點甩漏，但一碗蛇羹填補空虛嘅心靈已經足夠🥹———————————————————————————.🥢花膠太史蛇羹🐍💬可能真係太耐無食，感覺很不錯，招牌菜絕對不能拆招牌，好足料，蛇肉🐍、雞肉🐔、木耳、冬菇🍄，滿滿嘅一碗配有花膠，熱辣辣🔥非常滿足🥹.🥢白菜膽🥬燉鮮陳腎🍲💬叫多咗碗燉湯，平時多外出食飯，飲下湯水都幾好，今餐夠晒滋補🤭.🥢蟹粉🦀原條黃魚🐟煨麵🍜💬雖然條黃魚賣相炸得唔太精美，但係依然好食，好脆身又唔油膩，蟹粉🦀️、雪菜，配搭成大碗麵非常夠份量，兩個人食連湯都飲埋好飽肚，好味😋.🥢士多啤梨🍓太白軟糕💬幾得意，有士多啤梨🍓嘅酸味，煙煙韌韌，甜度適中，一籠兩件唔夠喉🤭

五香半筋半肉湯麵🍜一嚟到就畀個碗嘅size嚇親，個碗成個洗面盤咁大，食物嘅份量亦都唔細，牛肉牛筋大約各有3舊，全部都炆得好腍，唔洗點用力咬就能化開，一個人食嘅話叫一碗麵都好夠飽！花膠太史蛇羹🐍作為蛇王芬嘅副線，點都要試下依度嘅蛇羹，蛇羹通常係秋天先食到，但係而家8月都食到，面頭有數小塊花膠，可惜脆片就唔係十分脆口，不過食落都算足料，果皮嘅香味幾突出👌蟹粉豆苗🌱豆苗係青色幼條嗰款，上面鋪滿蟹粉，食得出係一隻隻蟹拆出嚟嘅，因為夾雜咗微量蟹殼，而部分豆苗有少少渣，但係以$88嚟講算係唔錯👌原味小籠包🥟依度嘅點心好多都係一籠兩件，就算得兩個人嚟食都可以試多幾款點心，小籠包除咗原味仲有麻辣、黑松露、蟹粉，今次就試咗最基本嘅原味，同樣好啱打卡，有自己唧嘅醋💉蛇王芬潤腸鹹水角🥢鹹水角炸得脆，潤腸十分香，第一次試咁樣嘅配搭～

我同男朋友都好鍾意食中菜❤️上次食完沙田天天海南雞，見到隔離既《四季芬芳》好似都唔錯😋今次就去左試呢間喇～餐廳走新派中國風，以藍色同紅色作主調，又掛上充滿中國特色既燈籠、霓虹燈牌等，有種傳統同現代互相融合既感覺，非常有特色🥰❥ 花膠太史蛇羹 $98必食招牌菜😋‼️非常足料，有大量新鮮蛇肉、雞絲、木耳、花膠、冬菇⋯啖啖都食到真材實料！另外仲配上蔥花、薄脆、檸檬，增加口感同更加入味🤤❥ 煙燻龍井炸雞 $168/半隻份量唔少，未食落口已經聞到煙燻味，面頭仲有一堆炸左既龍井茶葉，散發住微微既茶香！外皮好香脆，食落口啖啖肉，唔錯～❥ 原味小籠包 $26/2件上次食天天海南雞都有食過呢款小籠包，今次再encore🥰小籠包插住支小黑醋，俾你唧入去小籠包入面，咬落去有爆汁既滿足感，肉質新鮮，好推介💕❥ 火燒黑金叉燒 $88叉燒半肥瘦，肉質軟腍，有入口即溶既感覺😋有滿滿既蜜汁，食落甜甜地，仲有d脆邊，有焦香感❤️❥ 蛇王芬生炒糯米飯 $38食叉燒同炸雞一定要配飯！所以我地叫左碗糯米飯🫶🏼煙煙韌韌，好香口！❥ 薑桃鴨屎香檸檬茶 $30揀呢杯既原因係因為「薑桃」🤭🤭💕💕大大杯！薑味好重，配合埋好清香既檸檬味🍋好r

四季芬芳呢個名感覺上都係食中式食物次次經過都冇機會試今次就決定一試一睇餐牌可以點嘅食物真係有好多但今次想試吓點心同埋小食所以都主要係叫唔同嘅嘢試一試好快已經上咗第一碟賽螃蟹春卷 $38一上菜熱辣辣 食落去好脆口 好味香脆蘿蔔絲酥餅 $38熱辣辣好香脆 平時食蘿蔔絲好驚好油但呢個唔會 好味雞湯百花丸 $68同樣都係好脆口 一咬落去好多汁入面係充滿蝦肉 幾有驚喜蛇王芬潤腸糯米燒賣 $38呢碟點心感覺上比較油冬天食好似啱食啲 因為有糯米同埋潤腸黑松露小籠包 $36上面掛住汁好特別食落去好多汁亦都好重黑松露味蟹粉豆苗 $88呢碟本來以為好大碟實際上唔會好大兩個人唔會驚食唔晒蟹粉再加豆苗感覺上都清新好食火燒黑金叉燒 $88叉燒用咗肥叉 所以食落去都會有啲油但個醬汁好食 亦都燒得好好花雕醉雞 $78最鍾意食醉雞嘅我必叫食落去雞都好滑 淡淡的酒香 好食成餐飯大約$500食咁多野一啲都唔貴抵食可以再黎

因工作關係，今日岀左沙田💁🏻‍♀️沙田新城市大商場，想揾啲其他地區冇得食，一見之下四季芬芳俾佢裝修古色古香，好吸引☺️1/火燒黑金叉燒撈麵 $782/原味小籠包$263/花雕醉雞$784/潤腸鹹水角$38火燒黑金叉燒撈麵🔥 叉燒半肥瘦，又香又淋，好邪惡💁🏻‍♀️蔥油撈麵，反而唔香葱油味，撈麵份量少，食幾啖就無曬，78蚊黎講有啲貴🤭原味小籠包，欣賞佢俾你灌醋汁入舊肉度，平時我食小籠包咬開一半都要點醋汁，而家佢你一口食到原汁原味👍🏻小籠包皮薄，多汁花雕醉雞，真係食得出有酒味🤤🤤🤤雞好嫩滑，佢哩個以前菜來講佢份量都ok☺️鹹水角潤腸，本身以為啲潤腸碎會系鹹水角入面，取替鹹水角入邊啲肉粒，點知系自己ff太多😅原來喺鹹水角墊底有舊潤腸😂😂😂wth咁都得😂😂😂撇除件多餘潤腸，鹹水角係好食，好脆口味道:🤤🤤🤤🤤/5環境:👍🏻👍🏻👍🏻👍🏻+0.5/5性價比:💁🏻‍♀️💁🏻‍♀️💁🏻‍♀️/5