四季芬芳

营业中

休息中

餐廳主打特色中菜，熱盤、湯品、點心等都有，仲同蛇王芬crossover。裝修感覺好華麗，好多打卡牆身，走懷舊風。座位闊落，坐得舒服。晚市7點左右到，已經超級多人。招牌雙色蟹膏撈麵($139)，果然招牌，超好食，必點。首先，送上枱個陣用好大個碗裝，已經聞到蟹香味。蟹殼入面既蟹膏，超濃味，充滿鮮蟹味，唔知點解覺得有陣紫菜味添。如果驚單食膩，可以拌麵食。蟹肉、蟹黃、蟹籽量十足，加埋流心蛋，令每條麵都沾滿配料。份量多到一定要share食。蛇王芬特色套餐($139)，叫set就可以一次過試哂2款招牌，抵。花膠太史蛇羹超多料，啖啖都係配料，個羹完全唔會一patpat。另外仲有配料自己加，例如脆片，增加口感。蛇王芬臘味生炒糯米飯，糯米飯超香臘味味道，粒粒都油光發亮，軟糯。而且足料，有臘腸粒、肝粒、花生等，好香口，小小一碗，但其實食完好飽肚。啫啫雙腸芥蘭煲($89)，同樣利用鴨肝、臘腸炒香，令芥蘭帶燒臘味。而且沙煲keep到熱力，幾時食都夠暖。芥蘭爽脆，臘腸厚切添。蘿蔔絲酥餅($39)，酥餅外型紋理一條條咁，好特別。咬開超脆，見到滿滿蘿蔔絲餡。蘿蔔甜，而且軟，炸完都唔會覺得膩。新菜式唔錯。原味小籠包(

每次經過新城市廣場都好好奇喺一個modern商場入面有間食蛇羹嘅餐廳，今次終於同朋友入去試下。按照慣例，新派餐廳都喺用手機點餐，今次亦都唔例外。花膠太史蛇羹 $99秋風起三蛇肥，平時喺舊墟地舖望住一條條蛇咁食蛇羹就試得多，今次喺沙田新城市中心，涼住冷氣食蛇羹，而且蛇羹賣相別緻，一改過往傳統形像，配上精緻生菜絲及薄脆片，實在值得一試。香辣半筋半肉湯麵 $89以一個大碗盛載着牛筋牛腩麵，湯底加上酸菜，由原本微辣嘅湯底變成酸酸辣辣。蛇王芬生炒糯米飯 $49食蛇羹一定要配糯米飯，糯米飯同配料分明，而糯米與糯米之間黏黏地，配上蠟腸同花生，喺傳統嘅風味。子薑麵醬魚腩煲 $109魚腩夠晒大塊，而且份量仲好多，子薑同麵醬味道絕配，用黎送飯一流。蟹粉蝦仁 $129蟹粉仲有蟹膏，撈落去鮮蝦到，真係鮮味滿瀉。

今日黎到呢間好有格調嘅餐廳 裝修幾有古典風格 坐得幾舒服 食物都睇得出好有特色同好用心肉骨茶湯麪嘅湯專登調得淡少少 唔會搶左其他配料嘅味道 麪嘅質地好彈牙 而其他配料例如豬骨 豆卜 都好足料 食完有養身feel🤩另外食得我地好開心仲有蟹粉蝦仁 份量好多 大大啖食落去好過癮 蟹粉顏色鮮艷 見到都開胃🤪 而且味道鮮甜 有水準哦然後我好欣賞呢間既甜品！滋補喉露上枱時有乾冰 好夢幻嘅感覺 入面有雪梨 陳皮等潤喉滋養嘅材料 食完感覺真係幾舒服💕最後仲有椰絲凍小白兔 真係好香 亦唔會好甜 外面熱辣辣食落真係好爽 🤪🤪

好開心可以食到一間咁高質素嘅fusion 菜( ´▽｀)食物以中式上海菜為主，亦有點心可以選擇，食品有特調檸檬茶、冷泡茶等等！.落單可以用apps，侍應專注係樓面招呼客人，減輕落單用嘅時間，又可以睇下食物張相先，一舉幾得！.餐前小食：蛇肉羹凍，初嘗蛇肉，同雞肉真係好似，無怪味，好易入口，大推！香酥豬扒擔擔麵超級大碗！味道好，花生味濃，麵都好掛汁，夾埋一齊好prefect，咁大碗都清晒(*¯︶¯*)蟹粉豆苗好精緻，平時好少食豆苗，怕佢陣草味，但架埋蟹粉真係啱啱好，好夾易入口三色小籠包即叫即蒸，熱辣辣食好味好多！灃烏雞湯百花丸新式點心，好驚喜，外面好脆，入面好juicy!蛇王芬潤腸鹹水角好特別，潤腸味濃，啖啖都係，啱晒潤腸lover!桃膠菊花桂花雪梨茶（凍）

同朋友係沙田拎完野，見好耐無過黎食飯餐廳乾淨企理，而且好多人食！煙燻龍井炸雞（半隻）份量唔少，一開蓋勁香煙燻味，雞面上更有不少炸香左龍井茶葉雞整得香口，雞皮好脆身，而見吃落唔肥膩，肉質都算唔錯，很不錯香辣半筋半肉湯麵大大碗好抵食牛腩筋肉分明，非常軟淋，酸菜味道比較突出麵條索晒湯汁味，個人就幾鐘意香酥豬扒擔擔麵擔擔麵湯底幾濃，有唔少花生碎，麵又夠掛汁豬扒炸得酥脆，幾滿足原味小籠包/2件插住支小黑醋，食前可唧入去，小籠包甜甜美味，爆哂汁蛇王芬潤腸鹹水鹹水角炸得脆，潤腸十分香，估唔到加埋又幾夾金牌咖啡(凍）好大杯，夠哂香濃

上次喺沙田食天天海南雞嗰陣見到喺佢隔離既《四季芬芳》好似幾正咁，今日再出開沙田就去左試呢間喇🤗🤗餐廳裝修行中國風，掛咗好多中式燈籠，仲有好多奪目嘅霓虹燈，好有特色！花膠百合燉水鴨推薦大家可以試下呢個水鴨湯，飲落勁清甜，仲好足料，滋陰養顔，啱晒養生人士呀😍灌烏雞湯百花丸賣相好特別，睇落好似一粒大荔枝咁🤣上面上插住支醋，好有心思，裏面啖啖彈牙蝦肉，一咬落去外面脆卜卜，裏面嘅雞湯爆晒出黎，勁Juicy，又鮮甜，正😍😍蛇王芬生炒糯米飯呢個糯米飯勁足料，有：花生、臘味同潤腸粒，糯米食落好煙韌，炒得又夠香，真係食哂一碗都唔夠喉呀！牛油花甲菠菜見到隔離幾台都有嗌，我都叫返碟黎試吓😊波菜嫩口，底下仲有紫菜，花甲新鮮又大隻，食落好鮮甜好爽口😍😍子薑麵醬魚腩煲魚腩好厚肉好肥美，夠哂入味，不過小心係有魚骨，食落都要留意吓飛雪小白兔小白兔係椰絲味布丁，賣相好可愛😍😍

四季芬芳 (沙田)📇地址：沙田沙田正街2-8號新城市廣場三期3樓363A號舖🕐營業時間：星期一至日11:30 - 15:30、17:30 - 22:00💸人均消費：～$200/人(dinner)👏🏻抵讚位：我地中秋前一晚食晚飯，無乜人等位，本身話食一個鐘，啲staff都好識做無一夠鐘就叫我地埋單。啲環境燈飾都好igable，有得食又有得睇🫶🏻🍴Food QC：「精選套餐 3-4人 $638」《花雕酒糟四寶》有4樣酒糟野：毛豆、赤貝、蝦、鴨舌。酒味好足，啲蝦好大隻，鴨舌都有8條左右，算係好足料。《灌烏雞湯百花丸4粒》上面插左枝裝住應該喼汁（？）嘅擠擠針筒嘅物體，擠哂啲汁入去，一啖咬落去，啲雞汁就標出黎🤣 外面脆卜卜，內面啲雞肉同蝦肉好彈牙，最欣賞呢味菜😍《火燒黑金叉燒》用肥豬肉🐷黎整嘅叉燒，望落好邪惡，但食落又唔會好油膩同埋甜甜地，食完都唔會成口都係油。《太史蛇羹》見佢一碗都要$99，我地有3個人，呢個餐有4碗蛇羹，滿足左我地揀呢間餐廳嘅原意。食到嘅蛇肉都有好多，唔係一絲絲，而係一梳梳，同埋都好大碗，我地食完都已經有啲飽😝《蟹粉豆苗》係溫室豆苗，唔係中式嘅豆苗，選材都幾特別。蟹粉一大p

依間餐廳外觀吸引，有住舊香港既情懷，我地叫左一碗香辣半筋半肉湯麵同一碗酸菜魚湯麵。半筋半肉湯麵，牛肉有咬口，食落有種類似肉骨茶既香味，好食。酸菜魚，魚肉口感彈牙，湯底唔似以往到咁咸，好岩配埋麵條品嘗。一定會再去食過！

蛇王芬出名係食蛇羹，但估唔到結合埋新式嘅粵菜，開咗呢一間四季芬芳依間餐廳裝修好Modern，有好多特色燈籠同霓虹光管，除咗主打食蛇羹，仲有蟹粉做主題嘅粉面、點心、小菜，總有一款啱你心水灌雞湯百花丸 $69上面插着兩支醋，造型特別，百花丸超級大粒，裡面全部都係蝦肉，一咬落去，裏便嘅雞湯流晒出嚟，超級Juicy，雞湯非常鮮味，雞味香濃花膠太史蛇羹 $99一上菜就見到面頭好多花膠，呢個價錢可以食到花膠簡直係超值，蛇羹材料豐富，好多蛇肉同冬菇絲，飲得出冇落味精，配上傳統嘅菊花瓣，檸檬草，薄脆一齊食招牌蟹粉蟹膏撈麵$139最期待就係食呢個蟹粉撈麵，係呢間餐廳嘅名菜，撈麵份量好大仲配埋一隻溫泉蛋撈埋一齊食，蟹粉份量好多，蟹膏鋪滿成個蟹蓋，鮮味十足，值得一試子薑麵醬魚腩煲$109麵醬味超濃郁，魚腩好厚肉好肥美，經油炸過再炆特別入味，唔怪得係蛇王芬金獎名菜潤腸糯米燒賣$39同傳統燒賣好唔同，用燒賣皮包住糯米放上潤腸一齊蒸，糯米好煙韌，調味剛剛好，潤腸嘅油香，滲晒落糯米飯裏面，呢個配搭一流潤腸鹹水角$39鹹水角外皮煙煙韌韌，好有咬口，裏面包着炒過的肉碎，蝦米🦐，潤腸，又係一個開胃的配搭

今日同男朋友經過沙田新城市廣場見到呢間新開嘅餐廳睇落好似好吸引 餐廳主要係食晚市小菜🤤🤤🤤花膠太史蛇羮 $ 99.00好足料 有蛇肉 冬菇 花膠 雞絲 好補身 上枱嘅時候旁邊仲有配料例如脆片俾我地食嘅時候調味😄😄😄蟹粉蝦仁 $ 129.00蝦仁新鮮 份量都幾多 面頭嘅蟹粉好重味 夾埋食好好味😆😆😆三色小籠包 $ 99.00三色包括原味 麻辣 黑松露味 三款各有千秋 麻辣真係好辣 黑松露味好突出 上面拮住支針裝醬汁🤩🤩🤩梅菜和牛酥和牛肉碎配埋梅菜好夾 酥外外脆內軟☺️☺️☺️子薑麵醬魚腩煲 $ 109.00魚腩多肉嫩滑 子薑麵醬好特別好香 以仁稔為主，配搭鮮嫩爽口的子薑和面豉 味道略酸 果味濃郁😁😁😁白飯(1-2) $ 16.00

餐廳個名好好聽，好有詩晴畫意，好優雅同文雅。所以我就同朋友去食，發覺好有驚喜。佢有好多唔同嘅湯俾我哋揀，有蛇羹，花膠等等。價錢都唔係好貴，材料都好豐富。餐牌嘅價錢都好適中。飲品會有特色，又有啤酒飲。又有蟹蓋蟹膏撈麵，諗起都好想食。和牛蟲草花牛仔粒，非常好食，入口即溶，煎得好香脆，外脆內軟，薯仔都煎得好香脆，好似配咗一層蜜糖。酸菜魚，非常香滑，魚肉彈牙可口，酸酸味味，好過非常好食。食得出魚肉好新鮮。叉燒，燒到外脆內軟，啖啖肉。食得出係新鮮嘅。帶子海鮮撈麵，海鮮嘅數量都好豐富，肉質都好新鮮，撈麵嘅味道都好好味。麵質爽口彈牙。椰汁炸龜苓膏，好特別嘅甜品，味道同埋賣相都好靚好好食，非常值得推介，外脆內軟嘅龜苓膏配上椰汁香，絕配

中秋佳節已經過左即係秋天已經快到。秋涼既感覺到啦，又係時候介紹一下秋冬必吃的好菜式。是從東鐵線延伸到港島區，去到沙田大圍一帶相當方便。今次介紹沙田新城市廣場【四季芬芳】，以多款Fusion菜式總有一款啱你口味。以前去食蛇羹都會去老舖頭，而家其實已經進駐商場，好容易就會食到。仲有蟹膏撈麵漸趨平民化，可見此店舖相當貼地。花膠太史蛇羹 $99一碗飽滿的蛇羹多肉又滿足，旁邊更有香草葉、薄脆脆片等，帶有不同口感。招牌相識蟹膏撈麵 $139原個蟹膏蓋相當濃郁而且有蟹黃醬汁，配上絲蔥撈下麵條，倍感滋味。蛇王芬子薑紅油抄手 $49估唔到這個蛇王芬子薑紅油抄手何其出色，一上桌滿紅色紅油以為好有辣度非也。抄手大大粒又飽滿，富有嚼勁不俗。鹹柑桔生煎包 $39創意點心莫過於此，生煎包製作成鹹柑桔的模樣，又睇得又可以打卡。熱騰騰肉汁豐盈，又飽肚。灌雞湯百花丸 $69每枱都會有既灌雞湯百花丸，的確有驚喜。外層鬆脆麻花，輕輕咬開湯汁綻放有百花丸的口感，相當特別。飛雪小白兔 $39椰子糕甜品製作成有小白免，栩栩如生有椰絲的口感大滿足。

呢間中菜館好特別，佢會有蛇羹食，不過我今次就冇試過。試咗佢其他小菜同埋小食，感覺都唔錯性價比都幾高。平日夜晚都要等一陣先有位。古法肉骨茶湯麵 - 肉骨茶味道香濃，肉好大條入味，腐竹同豆卜都好入味，而且個面唔會煮到好淋，如果鍾意肉骨茶嘅都可以一試。雙重暗然銷魂煲仔丼 - 呢一個係招牌叉燒煲仔飯，叉燒分咗兩種（中式同埋日式嘅叉燒），叉燒好林而且好入味，煲仔飯份量好足蟹粉豆腐 - 呢個一定要送飯，豆腐好滑，味道可以蛇王芬子薑紅油抄手 - 呢個紅油抄手係偏甜嘅，食唔到辣嘅朋友都可以食，而且佢嘅味道係好不錯，令你食完一粒又想再食一粒黑蒜賽螃蟹春卷 - 呢一個春卷就有少少油，賽螃蟹嘅份量就唔係好多，不過勝在價錢平份量多鹹柑桔生煎包 - 呢個真係出奇地有特色，造型已鹹柑桔，內裏就係一個生煎包，咬落肉汁流出，脆脆嘅底加上啖啖肉，正蜆肉菠菜 - 呢個每一台人都有叫到，所以我哋都叫你試，整體來講係好鮮甜嘅一個菠菜，可以一試

四季芬芳， 名字改得真好， 既高雅 ，又貼地 。恆常的四季， 芬芳的美食 ，多麼吸引人 。週日的晚上， 好容易才有兩個位置 ，坐下馬上掃碼點菜。 常看openrice的食評 ，介紹這裏的燉品不錯， 當然要試下 。我們點了兩個燉品 ，花膠太史🐍羹 和 白菜膽🥬燉鮮陳腎，另外又點了花雕醉雞 🐔，古法肉骨茶湯麵 🐷和牛油花甲菠菜🐚。芬芳第一位兩個燉品都好出色， 蛇羹材料豐富， 蛇肉味濃郁 ，加啲菊花瓣 檸檬草 仲有薄脆 ，配搭得非常好。 白菜膽燉陳腎， 更是好味 ，裏面有瑤柱， 鮑片 ，仲有鮮陳腎 ，白菜膽又香又嫩 ，啲湯更加係鮮味十足， 廚師交足功課。第二位牛油花甲煮菠菜， 非常有創意的菜式 ，花甲鮮嫩 ，菠菜同埋紫菜一齊煮 ，味道非常鮮美 ，而且份量十足， 淨係花甲都有十幾隻 ，食到舐舐脷。第三位花雕醉雞 ，用雞胸肉同雞髀肉浸成， 酒香濃郁 ，仲加上有杞子 ，皮脆肉滑 ，食不停口。餐廳外成晚都有人等位 ，果然係四季芬芳， 吸引識食之人。

上次食完天天海南雞，佢同公司喺沙田舖頭隔離的蛇王芬。入到嚟個環境好古色古香，放鬆嘅感覺。茶芥要收嘅，冇得揀飲咩茶，但個茶本身都好好飲，冇乜甘味，反而佢個後勁有一浸甜味湧返出嚟👍🏼.花膠太史蛇羹 (推薦指數：😋😋😋😋😋) $98叫得蛇王芬，咁一定要試吓蛇羹，佢都標明係用既太史做法，而做出來嘅效果同坊間嘅蛇店比係清好多。足料，咁一定有溝到雞肉，但你可以睇到成嘅份量好多，食落係好重蛇味。反而花膠個味，就被蛇嘅濃味掩蓋左，只可以喺口感上面突顯返花膠嘅特質。陳皮味同薑味係呢碗蛇羹比較突出嘅味道。.五香半筋半肉湯麵🍜 (推薦指數：😋😋😋😋) $78份量好多個碗好大。最值得一讚佢個牛腩，筋肉分明，但係非常林，係做到入口溶化嘅感覺。五香美未去到台式牛肉麵咁濃。淡淡五香味，反而酸菜嘅味道比較突出。可能因為係用上海綿嘅關係，唯一美中不足係麵比較林身。不過$78，係非常抵食，絕對好過好多台式牛肉麵。