四季煲仔飯

营业中

休息中

油麻地四季煲仔飯一向都好出名，所以排隊排成40分鐘都唔出奇。自己有下廚經驗，所以排隊到餐廳廚房附近便有興趣細心觀察偷師。煲仔飯個煲認真重要，要夠厚先至唔會煲窿D米，這點四季做足，煲唔大但好重，一定夠厚。另外就是米飯收汁個下要沿煲邊淋油，見到阿叔好爽手一圈落下，就知道香脆的飯焦大功告成。未食已經知道今餐會好滿足。來到食都是享口福，要坐得舒服去酒店唔該，所以食客都唔會食太耐。同老友在入座前已經選完野食，照舊蠔餅+排骨滑雞飯+蛋。蠔餅一如既往香脆，但建議唔好食太多，因為都頗油。不過鬆脆程度就把握的好好。排骨滑雞飯用料都算夠，通貨膨脹這個價錢都合理。一直鍾意個飯唔會預先幫你落魚露，因為會令飯好濕，食起來會好搶味，但又不能不落。建議飯上後打蛋，延褒邊落魚露小許，加埋醬油，蓋返煲蓋3分鐘左右就可以開食！排骨同雞切得較小，骨較多，但肉味好香，飯身軟硬剛好，加上雞蛋起鮮味，非常惹味。食到最後，煲底仲有飯，這時事先放落的魚露和醬油已經滲入飯里，就算齋食都好味！飯焦更加不用多講，香脆可口。埋單一人50有找，價廉物美。

今晚見得七， 八度。。。。心思思諗住食煲仔飯! 6:40pm 去排隊。。。好多人。。。等到8:10 度終於有位坐喇…入到去立即有個阿姐問你食咩! 叫左"窩蛋牛肉飯"， "田雞排骨" 加多個細蠔餅! 等左一陣蠔餅就黎喇。。。點知惡夢就黎喇。。。等左半個鐘有多， 見到遲過我地入黎ge 人都有煲仔飯食，一定係漏單!揾阿姐叫佢check 單… 佢地一個二個話知你! 睬你都傻， 連check 都唔check 問到第三個阿姐! 都唔理我地就話埋單唔食! D 阿姐唔俾埋不過又唔跟! 等多左陣。。。直接出門口埋單… 出去門已經九點喇， 又餓又凍! 以後唔會再去

妹從日本回港,說要派手信,也想大家一聚,天氣開始冷,我就提議來吃煲仔飯,妹指家要吃4季,我吃過也認為品質不俗,無人有異議下一行7人星期五就來排隊吃! 星期5來真的要排至少半小時才有位,幸好附近有一間牛雜店,等候期間最少也可以有點食物果腹,味道還要是不俗的呢!排隊時也會嗅到阿姐在做蠔餅的那份油炸味,好香但也好熱氣,哈哈! 和興記不同的是這裡基本上只有飯,湯和蠔餅,其他的小菜都欠奉!飲品沒有供應要的話就是附近士多買就成了! 最後等了接近45分鐘才可以入座,要不是和友人一起我一定已經走掉了!大家都很肚餓,一坐下來就立即點餐,本來大家都想點上2份蠔餅的,不過最後都是決定吃完一份再點一份就成!最後簡單點了一份大蠔餅,4客煲仔飯再來通菜與湯,吃完再追加要吃的就成! 最先來的就是腐乳通菜,雖然友人說不夠熟,不過對在下來說好像是剛剛好,太淋才不好吃呢! 湯是阿妹點的鹹蛋肉片菜湯! 其實我好喜歡吃鹹蛋的,一份湯就有一隻開了2份,我和阿妹各拿了本隻,湯中的菜會比較淋身,再加上吃下滑的肉片,如果以$25的價錢可飲到一大煲湯的話,是划算的!鴨蛋蠔餅是大大的一份,雖然當中蠔仔的比我在陵發吃的較細隻而份量也較少,

最近天氣轉冷呢,令我很想吃煲仔飯啦,今天難得接女朋友仔放工,便順道去吃著名的四季煲仔飯吧,呵呵XD哇人龍長到.7時左右已經很旺場呢這店,在等位的這一段時間看一下有什麼吃吧.最著名的鴨蛋蠔餅是必點外,我最想吃的是窩蛋牛肉飯呢.而女朋友仔為了遷就我,竟然說要吃冬菇雞飯啦很感動.等了15分鐘左右終於有位啦,肥雞唔好訓住呢=口="既然肥雞快睡著的話便要快點點菜啦.我們點了冬菇雞飯,及鴨蛋蠔餅呢.雖然沒有窩蛋牛肉飯,便點牛肉飯再加一隻雞蛋回來自己弄好了.點完菜待應姐姐竟然先向我們收錢,為什麼最近有很多店也是這樣子的啦?真的有那麼多人吃霸王餐嗎?最快上菜的是鴨蛋蠔餅,份量很多耶原來,味道又怎樣了?很好吃呢這個!就算不點醬吃也很鬆化及鮮味啦.但點了檯上的辣椒醬便更好吃,這個辣椒醬不太辣呢,連我不吃得辣的也可以吃到啦.唯一可挑剔的是油比較多而已,但仍是可以接受的水平呢.還未吃完蠔餅,煲仔飯便來了.原來是我的牛肉飯呢.蛋也準備好了嗎?開始打蛋啦,呵呵XD最後加上煲仔飯專用的豉油便完美了呢.飯煮得不錯,連蛋加豉油一起吃,很有那些年的風味啦.但牛肉質素很普通,沒有什麼牛肉味呢,幸好飯好吃補回了分數.另一個冬

天氣轉涼，是去廟街吃煲仔飯的好日子。下班後 6:00pm 到達，客人已經開始排隊，幸好輪侯了 10 分鍾便可入座。環境狹窄，店員端上熱茶，讓我們洗洗碗筷。鴨蛋蠔餅，分大 / 小 ($25)。小 size 已經有兩塊蠻大的蠔餅，2 人分有點過多，3-4 人分會更好。放在面的第一塊比較好吃，蛋漿和蠔仔都較多。放在底的第二塊有些偷工減料，炸得異常鬆化，像一陣風似的。之前也曾吃過廟街興記的蠔餅，似乎比四季的略勝一籌。香味撲鼻的潤腸滑雞飯，炭燒的煲仔飯果然特別好吃。潤腸富咸香，口感鬆軟，伴飯吃一流。滑雞件份量挺多，啖啖肉，只有少量碎骨。可能熱度不夠，底部不見有飯焦啊。一份小蠔餅 + 湯煲，可享套餐價共 $50，所以選了一客金銀蛋芥葉肉片湯。店員把整個大鐵煲端來，裡面雖只有半滿，但也足夠 4 人份量。原隻皮蛋是有花紋的上等貨色，我們把它弄碎拌勻。芥菜的苦味不重，配上清甜的湯底、香滑的豆腐粒，健康好吃。吃到最後，竟然發現一隻死掉了的小強。一向覺得大排檔的小強都是「寧被人知，莫被人見」，衛生情況真的有待加強。基本上廟街的煲仔飯都給「興記」和「四季」壟斷，兩家的水準 / 價錢相差不遠，看你喜歡那家的環境

周一晚上本來想吃廟街牛雜，結果撲了個空，看到隔壁四季的長長人龍還是排下去了，等了半小時才能進去呢坐下點菜，東西要等很久才到呢…還好有點蠔餅，比煲仔飯早很多到，可是吃完了還是好像等了十多分鐘才上飯…鴨蛋蠔餅(小、兩件) ($25): 十分香脆，不過還是蠻油的，蠔仔也鮮美，當小配菜不錯 ！(注: 桌上放的酸甜汁味道很好，配來點又是另一個味道！) 另外，大的是四件$50牛肉滑雞煲仔飯(雙併$33): 雞肉夠滑，牛肉味佳，飯粒拌和甜豉油，和餸一匙一匙吃，很滋味，但我覺得牛肉比雞肉更好味，下次會直接單點牛肉煲仔飯($26)；不過煲底部份的飯太焦，是完全焦黑，苦的，這部份失分！白鱔煲仔飯($45): 朋友點的，我試了一口，好像還附有梅菜一起煮的，不論是鱔肉還是口味，我都覺得沒我那窩好吃，而且還貴很多呢~ 可是朋友窩底的飯沒那麼焦，正常很多，看來有點看彩數的

六點半入塵，岩岩坐到最後幾個空位，我地坐等食物果陣，見到外面已經排哂長龍！好彩行快兩步！三個人叫左個大蠔餅，蠟腸排骨同滑雞煲仔飯。蠔餅先上，兩個煲仔飯都要等幾耐下，差不多要十分鐘。個蠔餅炸到好脆，好夠咸。不過一定要趁熱食，凍左又林又腥，我個人唔係好擺得落口。另外台面會有支辣椒醬俾你淋，不過基本上係酸甜醬，落左無咁寡咁解。唔知係咪我唔識食煲仔飯，個人認為同普通飯上面加送無咩分別。排骨筋比較多，蠟腸好硬。雞就得幾塊。另外支豉油應該係老抽，落幾多都無味，不過個顏色就好嚇人。不致於唔好食，但就無咩特別。買野飲要自己去對面士多買，飲完唔好就咁放低，可以拎返去退樽。總括而言，呢間唔值得特登黎食，但行開呢頭都可以試下既。

今日一個人坐底叫左個潤腸排骨飯,等左十分鐘都未到,見到隔離枱遲嚟先上岸,就梗係叫阿姐埋嚟問下有冇漏單啦.個p()阿姐話冇漏單,煮緊呀..好快就有..咁我就坐係度玩下手機上下網..如事者又過左十分鐘..都未見有嘢嚟,心諗煲仔飯都變煲燶飯啦..再叫個()()阿姐埋嚟問下佢,佢話有落單㗎,咁我同佢講,你幫我去check下好喎,我等左成廿分鐘喇!!再過五分鐘...佢走埋嚟好串好輕挑咁話,真係漏左單喎,潤腸又賣哂,你一係就叫第二樣嘢食,一係就走啦.. 我當時火到呢!!!!第一次叫佢check佢又唔check,要我白等成半個鐘頭都冇得食,我就同個()()啊姐理論啦,點知佢仲鬧返我轉頭,叫我唔好阻佢做生意喎..嘩嘩嘩,我入嚟叫嘢食唔係俾生意你做?自已做錯嘢唔道歉仲要鬧返個客??呢個()k啊姐服務態度好差,以後都唔會去呢度食飯!!!

我同太太一同到來了一試風味, 八時多來到 場面已經座無虛席.排骨煲仔飯加上臘腸，無論是蒸或是煲，只要加上豉油，就永遠都是那麼的香噴噴。這兒的排骨絕對是有肉的排骨, 鴨膶的香味同膶汁，非常之飽滿，一咬就把香味十足的膶汁咬出來，再加埋充滿甜豉油的香飯同飯焦，有份外的香。黃鱔煲仔飯，也是一流至極。黃鱔片帶有少少汁，肉味實在是比起白鱔更加之香，肉更加是嫩，同樣地加上膶腸，汁香魚香膶腸香，更香的是充滿了魚汁、膶腸汁同豉油的香米飯。蠔餅煎得香口，又不會油淋淋，蠔仔用料新鮮肥美，數量不少，滿意了今次水準大致中上，可以比個笑面。下次有機會再食埋另一間，再比較一下

去百老匯電影中心睇完戲，當然要試下附近出名既四季煲仔飯啦本來以為佢個名都係求其改既，依家先知佢地ｄ煲仔飯真係四季都岩食！都係咁多人去食基本上係一坐低佢就問你食咩....大佬連menu都未睇到呀好彩我之前食過已經諗好2個人叫咗牛肉飯﹑牛肉滑雞飯﹑細蠔餅阿姐好快拎咗杯同餐具黎，旁邊有熱茶可以自己倒黎飲／洗餐具我就用黎洗啦，旁邊坐左兩個男士，有個大既舊鐵盅，以為係用黎裝洗完既水，原來係人地叫既湯黎架　差ｄ就倒咗落去因為個場大，好多人好嘈，而且都幾逼，ｄ枱係同隔離痴埋一齊的等咗大約10分鐘，先黎個牛肉滑雞飯，阿姐問我仲欠咩野，仲一次過收埋錢真係好驚佢收咗錢又漏單，到時真係口同鼻ｒ個煲好熱，千奇唔好就咁用手開蓋一打開，陣陣牛肉同雞既香味就湧入鼻度ｄ餸既份量幾多，有切條既薑，但食落冇乜薑味枱面有豉油要自己淋，但唔洗手軟的，因為ｄ豉油係冇乜味架！！！我淋到成煲飯都黑晒，但都係唔係好覺有咸到－＿－牛肉唔un, 仲好好咬口,牛肉同飯既份量比例相配飯冇乜特別，但有飯焦！正！痴住飯煲既飯焦好難整出黎，有ｄ整出黎仲係窿既滑雞果然好滑，切到細細舊易入口唔洗咬牛肉同滑雞既味道都幾配略嫌碗仔好細，可以就咁用個煲黎食

8-JUNE-2012 (FRI)我吔起油麻地地鐵站落車，步行幾分鐘，約七點嚟到已經滿座的四季煲仔飯。店內陳設裝修環境，好有廟街風味。我們點了鴨蛋蠔仔餅、咸魚肉片煲仔飯。鴨蛋蠔仔餅香脆鬆口，不會太漿口也沒有粉團那種厚感；蠔仔細粒冇苦澀味。咸魚肉片煲仔飯是原個煲仔熱辣辣上枱，肉片和白飯滲透了咸魚香味，份外好味；肉片淋身好餸飯，豉汁多少是隨我們喜好自己落的。 我們走時還有人龍排隊等候入座，當中還有外國遊客在等候。

放左工6半未夠去到, 都差唔多FULL哂, 好彩2個人唔洗等有位因為屋企留左飯菜, 主要係陪朋友食, 叫左1個飯, 1個湯, 細蠔餅1. 北菇滑雞飯: 睇落比上次食的滑雞飯豐富D, 冬菇份量一般, 但好硬, 應該係未浸夠就拎去煮. 雞件依舊好滑, 但朋友嫌食到尾飯焦太多, 要倒D湯落去整淋先食到2. 豆腐什菜湯: 一煲純菜+豆腐+粉絲+水, 應該仲落左少少SALT 或者雞粉. 豆腐係硬豆腐, 大約8粒, 但我同朋友都鐘意軟果種多D. 菜有白菜仔同唐生菜, 仲有一團粉絲, 唔會過淋/硬, 清清地, 飲完好飽, 但就唔值22蚊3. 蠔餅: 蠔仔份量OK, 但淋左, 無上次食咁香脆, 而且無香蔥味$74落樓, 覺得無上次咁好食, 但OK的下次可能會試下隔離幾間煲仔飯

6點半到, 就要排隊la . 聞到好香ge 炸蠔餅, 原來有個姐姐係門口另一边炸緊蠔餅, 因此吸引左我一陣一定要叫蠔餅. 唔洗幾耐就入得.. 裝修十分簡陋 , 牆上貼住有咩食同價錢, , 野食真係無咩好簡, 得煲仔飯, 煲仔菜, 蠔餅, 重以為會有小菜- - 二個餸的煲仔飯就要30蚊, 單餸就23蚊. 加一隻蛋就1蚊 , 我地覺得D煲仔飯賣相真係唔多吸引 所以叫左一個牛肉飯試下. 加一隻蛋, 重叫左$20鴨蛋蠔餅. 食住蠔餅等煲仔飯 , 相當油膩, 味道都幾好. 都幾多粒蠔仔, 有明顯ge 鴨蛋王, 無咁油會好D . 二個人二塊岩岩好. 食完蠔餅, 就有煲仔飯la 牛肉份量適中, 飯相當之濕, 好似煲爛飯咁 但係諗到佢咁平, 真係唔可以祁求什麼. 有幾條薑絲幾好. 雞蛋令呢個飯無咁單調, 總括而言, 呢個煲仔飯係唔合格的

為左慳錢, 陪EX係太子睇完醫生專程行返去油麻地食煲仔飯EX話四季好食D, 唔差果幾蚊啦, 而且食到好野, 等耐D都值得因為2個人, 所以好快, 等左5分鐘到就有位, 岩岩好傾完叫咩食1. 腐乳通菜: 最快黎到的, 雖然只係白恰通菜, 但點腐乳食已經好好味. 夠熱, 菜都算令架啦, 前排凍番又落雨, 呢2日天氣好番D, 菜都令D, 唔會話濕到爛2. 細蠔餅: 好脆, 又有蔥粒提升香味, 蠔仔一D都唔腥, 就算食到最尾凍左都唔腥, 好正3. 滑雞煲仔飯: 雞件好滑好好味, 加D鼓油, 簡簡單單已經係好, 底仲有D飯焦, 香白脆脆 HEHE ^^4. 排骨煲仔飯: EX落得太多鼓油, 成煲飯濕哂 , 排骨有D根位, 個人唔多LIKE, 一樣有飯焦, 都OK的雖然唔係貴價食材, 而且煮法簡單, 但出黎的食物質素高價錢平, TOTAL$74服務係姐姐, 比較粗豪, 但本人唔介意

今日同男朋友不約而同地好想食煲仔飯，天氣又突然凍，岩晒喇!!放工之後立即過去，鋪內已經坐滿左客，等兩分鐘就可以入去!!見到牆上的餐牌已經好開心，因為全都是廿幾三十蚊，我就叫左個排骨滑雞，男朋友就叫鹹魚肉片，另外再加多個蠔餅，煲仔飯就預左等得耐架喇，蠔餅等左一陣就黎喇，嘩!!好鬆脆，食到唔停口，以前食開果D炸粉好厚，食左幾舊會唔想再食，但呢個我同男朋友食咁食到無晒先停手!!煲仔飯之後就來了，好熱呀!!!!!!我唔太鍾意食飯焦，所以不斷用力咁撩撩撩，但係已經有好多飯焦了，不過食落好香口的!!而男朋友果個本身已經有鹹魚，佢又落得太多豉油，咸死了!!!所以大家食既時候唔夠味先再落好過一次過落得太多咸得濟啦!!P.S.:呢到既特色就係，所有野黎齊晒之後就會收錢先，大家要準備喇，我地食完先食七點多少少，門口排長龍，起碼有十多人排緊隊喇!!!!總括而言，唔可以話佢好好味，但廿幾三十蚊已經有得食個煲仔飯算係抵喇!同埋衛生程度對我呢個潔癖人士算係接受到架喇!!!!!^^"