嘉樂冰廳 (新村街)

营业中

休息中

我響星期日果日差唔多仲爭半個鐘就到七點走左入去食野，食物依然好味，尢其係佢地杯奶茶，依然係比其他話係好出名好好飲既，超哂班啦﹗可惜既係佢地既炒野，因為太多人叫，老細炒到手痛，炒到要睇醫生，響無法之下，決定close左呢一個種類。omg~佢地果個干炒牛河好好食架﹗又大份﹗真係4個人都夠食架﹗家下冇得炒﹗小左呢類選擇，有d唔開心添﹗唔知阿老細隻手好返，會唔會炒返呢？嘻~~

我在嘉樂食左廿多年了.印象中是在幼稚園開始.論味道-- 她的水準不但沒有下降反升. 款款都好好味,而且款式比以前多. 有我最喜愛的豉油雞翼及炸雲吞.正! 蕃茄燴雞絲意. 正正正! 清清地, 可以食下墨丸米, 都是一個水準之作.論份量-- 不用多說, 都是出晒名夠大. 可以一提的是凍飲, 比一般餐廳大. 論環境-- 都講過食了廿多年了, 當然裝飾不會是靚仔. 但非常值得稱讚是非常衛生. 認真的, 次次去到. 都見清潔亞姐在抹地. 桌上又不會滿是油蹟. 在外出的餐廳油蹟多到嚇死你.在這裡, 我唯一不滿意是人太多. 因我只可以在星期六及日來. 次次都要排很長很長龍. 是我最想死的一件事.但當等到位, 我的心情又會返來, 因她們的親切態度好熱誠. 對小朋友又好(當然也有我的童年回憶)!謹記--一定要排隊!!!

食咁多蛋，真係會有D擔心，但又真係好好味，最鍾意佢D豉油。另外，意粉同奶茶都唔錯。見好多人食中式湯麵。坐位好好好窄。星期日好似唔開，另公眾假期都唔開，果然有性格，唔憂做。

今次除了應朋友要求帶他來一試外，自已亦希望可品嘗一下這裡招牌牛根河。睇賣相這碗牛根河已經合格，只看牛根已知炆得夠腍夠入味，湯底亦夠清但就偏多油，失點分數，河粉需是外購件但夾起亦見堅韌，不會因泡得過久而變得過腍。嘗一口牛根，真的名不虛傳，河粉亦有淡淡米香味，加上清湯及蔥段的青清香，只是為了這碗牛根河，多途拔涉來到都是值得。

十月一日早餐想起嘉樂的奄列和凍奶荼，所以早一點出發。如常一樣，人頭湧湧。每一位都跟老闆打招呼，全場都是街坊。在這樣的食店吃早餐真有趣，好像老闆一大早就開party一樣。奄列超大份，蛋又香又滑。奶荼又香又滑。正﹗加多一碟雞翼，真的想知道怎樣才可把雞翼弄得那麼香滑，裡面還有肉汁流出來。滿足的國慶早餐﹗

一朝早起身，陽光普照，又係另一日好日^_^應該食餐好嘅嚟迎接美好嘅一天...坐程巴士嚟呢度食飽飽...依舊人頭湧湧，但係好好彩，等咗五分鐘左右就有位...忽然想試吓佢哋第二D嘢，就叫個喱腩湯意粉，再加件蛋牛治及凍檸茶...三文治先嚟，件頭比我想像中細，蛋算幾滑，鹹牛肉普普通通(自己比較喜歡鮮牛肉)，水準算過得去...個意粉就好唔掂la --- 意粉本身係"港式"淥法，淥得腍pat pat，可能自己俾傳統意大利式al dente pasta寵壞咗，自己越嚟越唔喜歡腍pat pat嘅意粉；牛腩有D就腍，有D就韌到咬唔入，個喱汁可能滲入咗D湯入面，變得淡mou mou，個人覺得好難食..>.<檸茶依然大大杯，茶味幾濃，反而係三樣嘢中最好味添..以後都係只食奄列算la...

前段日子，某本飲食雜誌專題介紹香港老牌茶餐廳，所介紹最年輕的都三張開外，當然這裡亦是介紹茶檔其中之一。通常這類飲食雜誌所介紹的總會跟實際上有一定距離，曾幾何時你會看到介紹文章是批評或指控的；但閱覽OR內有關此食肆的文章，笑臉比劣評多很多，故一直有此打算到來見識見識。是日卒之可安排行程來到這帶，故預留肚皮一嚐這裡出名的奄列。已安排午飯時間後才到來，但舖外仍人頭湧湧，故到楊屋道街市走一轉，半小時後回來才可佔到半席位置。其實來之前只知出名奄列，其他就靠估，而看到特餐是火腿奄列、油包、肉絲湯意及飲品，非常抵食，故膽粗粗跟落單阿姐商量有什麼可改；其實這樣跟她說都幾驚會遭到白眼，但相反阿姐居然不厭其煩的提供意見，最後落單的是火腿奄列、多士、咖哩牛腩意及涷檸汁，其實當中火腿奄列可改為雞絲或牛肉，但再改的話自覺不好意思，還是點回火腿奄列好了。說回食物，火腿奄列實在相當大堆頭，跟同檯的街坊阿姐說起這裡的奄列用足四隻雞蛋泡製，而煎奄列的方法其實跟自已在家煎法差不多，不過這裡在煎的過程中下了醬油，其實食味亦非特別；多士薄薄一片但相當脆口；咖哩牛腩意的意粉是普通茶檔做法，咖哩是港式的，最好味的反而是其中的薯仔

上次星期六同女友一心想試巨型奄列，點知原來逢週六日暫停供應，今次特登平日黎，滿足而回。一坐底，滿面笑容的阿姐即刻遞上暖茶問我地食咩，除左叫了雞絲奄列，我地還叫了阿姐推介的豉油雞翼同凈米線。凈米線用上雲吞湯底，加勁多菜心，用來餸奄列的確唔錯。豉油雞翼d肉頗滑，味道唔錯，但略嫌唔夠入味。主角巨型奄列登場，奄列大得令人嘩然，差不多有女友兩隻手掌咁大，有足心理準亦自覺「嘩」了一聲。奄列嘅plate setting非常靚，有大量冬菇絲、蕃茄和青瓜伴碟。奄列內藏有大量炒香了的雞絲、青豆、洋蔥和冬菇絲，令奄列份外惹味。如果奄列能保留半生熟味道必能更佳。正當我和女友正在努力幹掉巨型奄列時，老闆走出來問我們食物啱唔啱胃口。老闆樣子慈祥，態度親切，和伙記有傾有講，融洽像一家人。接著老闆播著梁祝，拉大閘，等關門，原來嘉樂七點關門，如果唔係day-off都食唔到個巨型奄列。

上星期去左呢間野食~~真係唔錯喎~~不過好多人~~所以要等位~~等左一段時間~~好彩又唔係好耐..........之後~~我同屋企人就要左一個特餐~~奶茶涼粉冰同埋紅豆涼粉冰~~呢兩個冰都唔錯~~尤其係紅豆o個個~~真係非常足料~~d料仲多過水~~~之後個火腿奄列又係勁大咋嘛~~d味都幾新鮮~~不過d蛋熟得"濟"~~如果可以整滑蛋會好好多~~個意粉冇咩特別~~早知加錢轉第二樣野~~跟住仲黎多個炸雲吞~~呢個真係唔錯喎~~加埋d雞醬~~真係幾惹味~~下次要試試雞絲奄列先得~~

星期六男友放工趕往荃灣已兩點半，我特意帶他來我家附近的嘉樂冰廳，全因男友喜歡吃奄列。其實我都係第一次嚟，之前睇報道話呢度係冰室中少有的企理和禁煙，於是便決定帶男友嚟開始繁忙的週六生日活動。我們在嘉樂門口等了大嘅20分鐘先有位。這裡的坐位非常迫，肥人一定坐得超辛苦。環境算企理，不過就有人係我哋後面食煙。其實客人係冰室食煙好正常，不過嘉樂又何必多此一舉將no smoking signs貼都周圍都係，連大門都有！又何必係雜誌claim自己係禁煙冰室呢？若果真係有心禁煙，枱面就唔應該擺放ash tray啦！仲有，原來嘉樂的超大奄列在假日暫停供應，排咗咁耐都係想同男友試吓個巨型奄列有幾巨型，呢獲真係哂心機！唯有退而求其次，叫了$22蚊的特餐。特餐包括:雞絲意、火腿奄列、牛油麵包和餐飲。雞絲意普通到唔可以再普通，奄列都算厚身，熱辣辣，味道一般。餐飲要了凍唂咕，唂咕味超重，是我唯一欣賞的食物。另外點了$15蚊/碗的雲吞麵，價錢平宜，有成六粒雲吞。雲吞餡料有蝦膠和豬肉，蝦膠零彈牙，豬肉鞋口無鮮美，真係食一粒都嫌多。

　　這是我成為會員後的第１個食評，此後我會繼續向大家分享我的所食所聞！謝謝．．　　我喜歡舊式茶餐廳，原因是從前的人生活，做事，待人都比較簡單，所以舊的事物總令我著迷！　　該入正題了，這裡的飲料做得滿出色的，比如說：奶茶涼粉冰，味道夾之餘亦有著其特色！值得１試．．特餐的奄列真是重量級的，但若果蛋可以再生１點會較美味！其餘的食物都沒什麼特別，而且也不特別美味，可以不試．．Ps:這裡需等位，更要搭台的，最可慘是位子小，非常迫！相：http://xbb.xanga.com/4e2a71f34003372271534/b48652677.jpghttp://x54.xanga.com/e1da41f67673072271614/b48652732.jpg

20蚊特餐\如果唔係當正餐\真係夠兩個人食奄烈多既程度真係數一數二味道中上，唔算好突出。咁多人講佢\既優點，不如講下佢\既不善之處。1﹕真係坐得好逼，有時都頂唔順，寧願去旁邊間蘭香-------d野食係細份d，不過真係唔駛坐得咁辛苦。2﹕講過佢\既跟餐\飲...食品分量超大，但熱飲太細了，無得要正常份量一係俾2.5加大.......我覺得好似焗人俾多d錢咁﹔同埋因即沖，有時等好耐，不過我又唔覺得d咖啡特別好飲，十分普通罷了

上星期同男友特登去食奄列。去到已經六點，有幾個人擠係門口度等位，但望到裡面有好多人係度食完野吹水，冇意識走!!!如果唔係專登去食我一定走!!入到去坐低，d位好窄好迫好唔舒服，張台又細張...最奇怪係menu竟然係一張過向通道，攪到我地兩個側哂頭去睇..但又俾同台個阿叔d野食遮左一半，唉....真係....因為唔想食太多野，最後叫左一個特餐轉紅豆冰加一件鹵水豆腐。鹵水豆腐味道麻麻。紅豆冰好正，味道好似紅豆雪糕咁，好重雲呢拿味，紅豆煮得好諗好甜~~牛油方包少d牛油會好d，普通la。肉絲意粉都係一般茶餐廳貨色，冇咩特別。火腿奄列就真係好正，好多火腿，又重蛋味，大大份好有滿足感。一份特餐只係$20好抵食，轉紅豆冰加$5，鹵水豆腐$3.5埋單都係$28.5，算係又平又正!!最唔好o既係因為張台細，d野食放到成台都係，食野就住就住好唔方便，而且同對面唔識個阿叔好近，感覺好差!!

2005年11月5日侍友人完成任務後,我們一行四人來到這裡,已是五時多,但光顧的客人也不少,幸好我們來時剛有一檯埋單走人,四個人叫了兩個火腿奄列,等了大概十分鐘左右才來,第一碟上來時,簡直令我們目瞪口呆,因為真的大得很誇張,載奄列的碟,就像去飲喜酒的蒸魚碟差不多大小,蛋都幾滑,內裡的餡料用茄汁少過,有洋蔥,火腿等,一切開就爆出黎,多得好緊要,可惜實左太大,一個兩份實在吃不消呢!所以我們吃剩了很多,很浪費......另外友人叫的紅豆冰亦值得一試,紅豆粒粒大粒飽滿,試過一口,處理得很好,不會煮得太淋,仍保留了口感.

我吃了特餐，餐包轉多士，肉絲意轉雞翼意，火腿奄烈和細奶茶。$20變成$25，我食量一向大，那天也很餓，但我都食唔曬！！！多士：好硬，牛油不足。蘭香園的好味d。奄烈：好大份，超多火腿絲，但我喜歡吃滑蛋，這裡的蛋我覺得熟得滯。雞翼意：雞翼淡口，意粉彈牙，個湯反而好得。細奶茶：好喝，好喝過蘭香茶餐廳。