嘉樂冰廳 (新村街)

【荃灣區】【嘉樂冰廳】呢間嘢喺二十年前無啦啦盛極一時，唔知點解無啦啦變咗荃灣名物。嗰陣記得就已經食過傳說中嗰個大奄烈，得鋪大，無特別，嘢飲仲要散叫。你問我嘅話，我覺得荃灣康樂茶冰廳仲有人情味。不過一場嚟到附近，又睇吓佢哋而家變成點，有冇改善同進步囉。叫咗 $33 嘅「滑蛋鹹牛肉三文治」，滑蛋又係勁大，都係冇乜蛋味，唔明，加 $2 烘底其實我覺得有冇都差唔多。反而無心插柳之下叫咗 $29 嘅「豉油皇雞翼」四隻又幾好食，首先個汁好味，好有 feel，其次就係隻隻雞中翼都好飽滿，啖啖肉，有驚喜。跟住嚟嘅係 $24 嘅「脆爆華田西多士」半份，兩件西多粒，華田味欠奉，好一般。嘢飲揀咗 $26 嘅「蓮子冰」，係散叫嘅，都幾多蓮子，而家少咗機會飲到，就算啦。埋單 $112，下次可能只係過嚟食糖水就算，佢哋力推嘅「炸雲吞」我見銷情都係麻麻。。。（地址：荃灣新村街40B號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃灣區 #荃灣 #荃灣西 #嘉樂冰廳 #滑蛋鹹牛肉三文治 #豉油皇雞翼 #脆爆華田西多士 #蓮子冰 #1am1773 #1ambackup…查看更多

沒有早餐套餐。迫你每樣食物散叫。沒有味道和質素及更加不可以有性價比。價錢比所有連所店高。不會再去。真失望！掉了這老字號的多年建立品牌。相信已轉轉了背後經營者。怪不得有那麼多人北上消費！冰室應多加自我檢討。牛肉麵$33，奶茶$13連所店早餐套餐$36-$42 已是有很豐富的經驗。侍應態度冷淡。Extremely bad experience on its poor quality of food, no taste, cold, no set breakfast menu and force you to order as a la carte basis from the menu of which the prices are higher. Compared with all other chained cafes, breakfast from $35 to $42 included three courses and drink, plus warm and attentive service but most important the super valued of food quality …查看更多

各位街坊，今次帶大家去荃灣一間開咗好多年，嘅老牌茶餐廳，裝修仲停留喺舊香港年代。雖然佢哋亦冇咩創新菜式，但每樣食物都做到傳統味道，價錢仲要好貼地。坐喺度食個下午茶，彷彿時光倒流三十年。 **鮮牛蛋三文治：簡樸嘅美味** 一上枱，呢份**鮮牛蛋三文治**睇落平平無奇，但一啖咬落去就知功夫所在。麵包用嘅係傳統方包，烘到微脆但唔乾硬，中間夾住厚厚一層**炒蛋**，蛋香濃郁又滑溜，仲帶少少流心狀態，證明師傅火候掌握得準。至於**鮮牛肉**，唔係一般茶記用嘅免治牛肉碎，而係手切牛肉片，醃得入味又唔會過鹹，肉質鬆化得嚟仲有嚼勁。**豉油王雞翼：懷舊嘅極致** 呢碟**豉油王雞翼**絕對係老派功夫菜！雞翼滷到深啡色，表面油潤發亮，一啖咬落去，皮爽肉嫩，豉油香甜完全滲入骨髓，仲帶微微酒香同冰糖嘅回甘，食完隻翼仲要啜埋手指先安樂。最難得係唔會過鹹，證明師傅落醬油嘅手勢夠老練。**紅豆冰：時代嘅眼淚** 呢度紅豆粒粒飽滿起沙，甜度適中，仲保留少少咬口。最正係佢哋落足料，紅豆多到差唔多佔半杯，奶香濃郁但唔會膩，飲到底都仲有紅豆食，誠意可嘉！…查看更多

第一次打食評食咗嘉樂咁多年，食物質素比之前的確差咗好多但係間中都會去食，so far 都正常只係幾個月冇去食嗰個咖喱牛腩湯河係冇咖喱味，牛腩唔入味嗰塊炸豬扒切開食咗兩啖係凍嘅樓面阿姐將我塊炸豬扒拎入去廚房炸熱俾返我😌最經典係塊西多士，我諗我人生食過咁多次西多士亦喺呢間舖頭食過好多次一拎上枱呢都覺得件西多士燶燶哋一切開，不得了因為走花生醬，西多士入面唔知點解有一大嚿好厚嘅蛋漿切開嘅時候已經feel到係淋淋地同樓面阿姐講，佢話西多士係用蛋漿我知但係西多士入面有一大嚿硬咗蛋漿，我真係第一次見佢話我浪費食物，佢問我係咪用自己嘅刀叉切如果唔係佢食😒😒請問如果唔係用刀叉錢，我後來知道入邊有一大嚿行咗嘅蛋漿…查看更多

放假出荃灣，專程去咗家樂冰室，為嘅就係嗰份鹹牛三文治烘底同叉燒湯意粉，食嘅唔止係味道，更係一份情懷。坐低，唔使睇餐牌，直接叫咗份鹹牛三文治烘底同叉燒湯意粉。鹹牛三文治烘底，係家樂嘅招牌。烘到微焦嘅方包，夾住厚厚嘅鹹牛肉，咬落去，外脆內軟，鹹香滿溢。簡單嘅食材，卻能做出令人回味無窮嘅味道，呢啲就係老字號嘅功力。叉燒湯意粉，湯底清甜，叉燒肥瘦適中，意粉軟硬適中，每一啖都係滿足。雖然唔係咩山珍海味，但係呢種樸實無華嘅味道，卻最能觸動人心。希望呢份情懷，可以一直傳承落去，等我哋嘅下一代，都可以品嚐到呢份屬於香港嘅獨特味道。…查看更多

看完某電視台廣告介紹 期望 特意前往一試到店後等了一會 便入座。由於店舖太細，我和朋友也要同其他人搭枱。我們叫了幾款食物 嘗嘗咖哩牛腩意粉 冇咖哩香味炸雲吞 太硬滷豆腐 有酸宿味蛋牛治 鹹牛肉 只搽上 多士上 冇煎過。奶茶 鞋口 完全唔搞 罐裝仲好過佢。服務一般。總括來說 名大於廣告宣傳。不會再幫襯…查看更多

上網見到有人大讚好食，同個朋友膽粗粗去咗試好彩朋友排住隊，過到去好快就有得食。全間舖頭四分三係遊客，可能小紅書推薦？入到去都俾個餐牌吸引咗，好多懷舊飲品🥤我哋好興致勃勃 叫咗幾樣野我只係可以話「冇期望就冇失望」普普通通 中規中矩叫咗超厚鹹牛肉蛋三文治 但係$31冇包嘢飲半份脆爆阿華田西多士阿華田脆脆唔夠多 仲話脆爆得個雞碎咁多。。好hea然後叫咗兩杯茶走少甜$19茶味重 奶味無 甜味無最離譜係兩杯都有油。。。仲聽到後邊台姨姨講 「唔知用緊咩奶 咁奇怪」對面兩位哥哥叫咗肉醬撈麵、一碗牛腩河、10隻炸餃子全部有剩。。。我哋都覺得試一次就夠…查看更多

慕名而來 見唔使排隊就行咗入去食叫左1.火腿奄列2.鹹牛肉蛋治3.餐蛋麵4.熱奶茶鹹牛肉蛋治正常,奶茶好飲個奄列好奇怪，唔知點解咁出名裏面啲火腿煎都冇煎過，又加好多美極豉油落去，味道好怪個面一嚟到，我哋直頭呆咗成碗嘢白曬曬，啲蛋同啲餐肉完全冇煎香，麵又淋奉勸各位，就算唔使排隊都唔好食…查看更多

之前都成日聽過嘉樂冰廳啲炒蛋好正好大份，但係估唔到除左食炒蛋，係呢到仲可以搵到好多失傳左嘅味道，而其中一個就係鳳凰奶糊🦚店主曾經表示一星期只賣出6碗，但係如果佢地唔整就會失傳，所以佢地要保留住呢份傳統嘅味道。雖然話係香港傳統嘅糖水，但係我咁大個女都係第一次食同埋聽佢個名😢今次就專程去試下！🥣鳳凰奶糊 $24由濃濃啲吉士包住生雞蛋，食之前攪勻再食，令成碗糖水口感變得更加黏稠順滑😋一嚟到就聞到超級香嘅吉士味，好香奶味同蛋香，成碗糖水帶微暖雖然好香，但係其實食落係冇咩味，係要自己加啲糖先會有啲甜味😆食落又唔係幾食得到吉士味，質地似平時用生粉開出黎啲汁嘅透明texture，有啲似奶皇包嘅餡我自己就覺得麻麻地😂不過作為懷舊甜品同舊式香港味道，點都要體驗一次，認識下我地消失緊嘅飲食文化…查看更多

網上有唔少人推介嘉樂冰廳，假日去荃灣，見只要等兩張枱，一於試吓😆冰室風格懷舊，假日比較繁忙，卡位有少許迫，亦需要同他人搭枱，唔少都係慕名而來嘅旅客。第一次嚟，點咗餐廳推介食物🐷豬扒麵可選撈麵或湯麵，豬扒係另上，唔怕浸湯會變淋，厚豬扒煎得香又軟，肉汁多，好味😋 超厚夠吋滑蛋鹹牛肉三文治🥪 上枱時暖暖地，份量十足，食半份都飽咗大半，係幾好食😋見Openrice食評寫餐廳推薦甜品🥚鳳凰奶糊好值得試，不過就唔太啱我口味🙊 味道帶少許吉士味，整體味道淡如水，未達到期望中甜品應有嘅甜度，不推介…查看更多

貴得黎好食既冰室/冰廳。 野食食物唔錯～ 我哋叫咗個菜肉湯麵、阿華田西多士、火腿奄列、滷水雞翼。overall野食有香港舊冰室的味道，有著滿滿的回憶。近荃灣楊屋道街市附近，我和家人也並非第一次來吃，但就是第一次寫食評。應該係小红书成日都介紹呢間嘢，不缺內地人。 10台有9台都係內地客，「非常熱鬧」、「喜氣洋洋」、可以「學好國語」的冰室，同時亦是深深體驗內地文化的好時機！ 🥰 叫一碗麵，野飲另外單點，$19起一杯。雞翼$40…查看更多

叫左脆爆華田西多士（全份）同阿華田脆脆，試完覺得無乜特別，呢個價錢唔抵，寧願食返普通傳統既西多士同凍華田🫣因為佢啲華田脆脆偏甜，加左好多糖。其實有好多野食都想試，火腿奄列，菜肉雲吞，超厚滑蛋牛肉三文治同奶昔等等都好吸引，要去多幾次先試得晒。😂不過坐位好窄，我都係同人搭枱，都幾逼。…查看更多

幾年無見嘅朋友返香港探親，順便約我相見他想吃茶餐廳特色茶，那就搵這間老字號！滑蛋鹹牛肉三文治烘底 🥪這款必食的因為這個滑蛋鹹牛肉三文治超厚，滿滿炒滑蛋超多蛋香味濃加埋鹹牛肉味道很搭配。酥炸鮮蝦雲吞（5粒）🍤雲吞炸得夠乾身，超鬆脆鮮蝦肉好鮮甜大隻又彈牙。滷水豆腐（件）滷水香料很香濃，豆腐大大件幼滑豆味香濃加埋滷水汁很入味。脆爆華田西多士（半份）🥪西多士吃得，這裡的脆爆華田西多士第一次食，兩片厚多士中間夾著花生醬一起炸，面層放滿脆爆華田餡，食下非常之香脆可口。甜酸菜腩肉湯米線🍜這碗甜酸菜腩肉湯米線，味道酸酸甜甜帶少許微辣幾特別，腩肉層次分明夠爽口加埋甜酸茶一起吃好滋味。阿華田奶昔🥤近期大熱的阿華田推出左很多新配搭做了不同新口味出來，這杯阿華田奶昔很濃郁口感好幼滑，俾平時喝阿華田嘅濃度更出，即時勾起兒時回憶。紅豆冰🫘這杯紅豆冰也是兒時必叫的，已經成為香港人去茶餐廳必叫的一杯飲品。淨菜肉雲吞🥬吃完炸雲吞也想吃另一煮法，就是放湯煮這碗菜肉雲吞，雲吞皮很薄又幼滑，餡料脹卜卜很考師傅手勢。…查看更多

好耐無食嘉樂冰廳，特登搵埋朋友一齊去食星期六去到門口唔使排隊已經覺得奇怪，入到去侍應變晒大陸姐姐。冇咗以前家庭式嘅感覺，叫返以前覺得最好食嘅嘢，豉油雞翼，炸雲吞，火腿奄列。奄列上枱個樣已經唔同咗，蛋還蛋，火腿還火腿。雞翼同炸雲吞都唔同晒味，好明顯轉咗手好耐冇分享食評都忍唔住想講，唔使排隊唔係冇原因。so sad可以唔使再去嚕，又少咗一間香港懷舊餐廳餐 。。。。。。。。。。。。。。。。。。。。。。。。。…查看更多

嘢食味道普通，座位超擠迫，價錢唔係平。環境0分座位位置十分逼，食嘢頂手頂腳覺得辛苦，附近冇乜餐廳，如果唔係都唔會入呢間入到嚟先知道要搭枱，搭枱都冇所謂，但係張枱實在太過迫😓 搭檯時對面兩個好快食完，食剩好多麵，我哋未叫嘢食，張檯都已經冇咩位。搭檯對面客食完好快又入多對客嚟搭檯，呀姐好快收走晒檯面，嚟咗個身形比較肥嘅人搭檯，叫咗好多嘢食，一張咁細張嘅枱我哋兩個嗌兩份嘢食都已經冇乜位，更何況我對面客嗌咁多嘢食，我哋食嘅頂手頂腳就住就住，本人覺得食嘢應該要享受，但係個環境座位實在太令人卻步，嘢食普通價錢唔平，所以唔會再嚟。😐…查看更多