嘉樂冰廳 (新村街)

营业中

休息中

8/9/07 星期六上晏帶我BF試食嘉樂. 茄蛋三文冶烘底真係好抵食呀, 一人一半剛剛好. 奶茶咖啡好得呀! 有茶味! 我地仲有叫炸醬麵+薑蔥, 好好食, 又係好大碗

今日再來一次咬咬旦牛治,仍難忘非常!

係荃灣飲飲食食咁耐, 真係未入過依條街, 如果唔係見openrice有咁多好評都唔會係一個落哂雨的日子都要找這間舖.好彩都唔係找o左好耐, 但一去到, wa真係多人到死o左, 一間咁's細舖仔都有咁多人我估一定係正o野, 都等o左ok耐, 但心裡面只係想試試佢d食物質素.叫了雞絲意粉, 西多士, 茄蛋治&鮮牛肉蛋治烘底，雞絲意只係ok, 勝在係用雞肉夠嫩而且湯底都好鮮味.西多士新鮮出爐邊邊脆卜卜,　同平日的茶餐廳唔同佢唔係花生醬餡, 而係個底有蛋, 幾特別, 又唔錯wor~~~最正都係茄蛋治, 好厚的蛋, 熱騰騰配上凍冰冰的蕃茄, 口感好好, 而且重有少少吞拿魚醬tim, i am loving it~~~~ 鮮牛肉蛋治烘底有少少"loan"但食得出有好多牛油味, 超香, 但牛肉唔夠淋, 所以都係茄蛋治好d.唯一不足的地方係佢出菜比較慢, 但d o野食咁熱, 算佢la, 香港人有時都唔應該咁心急ge.

見openrice差唔多個個都讚呢度既蛋治同奄列好味道，就山長水遠入到荃灣試食。點知...... 捉蟲！！只係奶茶好味，其他就真係麻麻啦...... 奄列入面冇蛋汁之外，個多士又烘得好乾，唔好食、好硬。個鮮牛蛋治既牛肉又"un"，咬到我牙都軟！仲要張檯又細又窄，又要兩個人坐埋同一張椅，迫到阿媽都唔認得！！又用唔到刀叉食奄列；對面個食客仲要食緊湯麵，幾驚佢d 麵汁彈落我地度呀！！總然之就食得好唔舒服啦！！極度反感！！

小時候已喜歡吃蛋治，每次到屋邨樓下的冰室也會點來吃，但後來由於體型膨脹(六歲開始，還好現在已回復原狀)，一份「常規蛋治」已不足以填飽胃部，至此之後，此「吃蛋治習慣」便漸漸地除去。能夠吃蛋治的機會，只有在冰室的早餐或午餐供應炒蛋時，才可勉強品嚐半份，不過味道始終和一份「常規蛋治」有些分別。早前在Openrice找到一間十分特別的「蛋治冰室」，名為「嘉樂冰廳」，但地點是位於沒大多機會前往的荃灣，如要專程到荃灣吃蛋治，便要另外找多一項活動跟隨其後，最後決定順道到「三楝屋博物館」參觀。由於對荃灣的道路不太熟悉，下車後由千色店步行向新村街，途經「川龍街」與「新村街」交界時，發現與「元朗市中心」有九成相似，兩旁也是售賣肉食、蔬菜或雜物的店舖，十分人頭湧湧。在街尾找到了此食店，推門後發現成「長形」及全是「卡位」的店內沒有「吉檯」，要「搭檯」才可，剛好在推門後左手邊第一張檯有客人埋計，我們便順勢坐下。但坐下來還未及看餐牌，又有一行四人進來，樓面阿姐便禮貌地要求我們轉往鄰近另一張檯「搭檯」，由於已有「搭檯」的心理準備，所以沒有問題。終於安頓下來，有時間看一看餐牌，雖然此店名為「冰廳」，原來除了供應傳統「

早前係在OR見到話呢間好野，3個星期前既星期六唔使返工，早上11點同老婆大人講飛車出去呢間試下係唔係咁正。去到發覺每排真係要坐2個人，每張4人，坐滿，好好運剛好有位，跟著好快外面已有10人8人在等了。我2人叫左個鮮牛蛋治及雞翼面。來到時見到好大件既鮮牛蛋治，在外面可能2件先有咁多料。雞翼面亦好好食。價錢都算合理。不過原本星期六、日及假期無餐食，如果有仲會或抵好多。

今次去要排隊,等左3個字,仲見到唐文龍,佢排我後面不過等左一陣就走左lu,又係同阿妹出動,我既係茄蛋治,真係大份到你唔信,仲有吞拿魚沙律做底,好好食,但一定要不顧儀態..呵呵,阿妹既就係腿蛋治,因為無烘底所以無咁好食...見到人地食咖哩,好似好好味喎,等我下次試下先

今日是星期日,特意跟友人試試....去到先知星期一至五先有特餐(特餐真的平好多架)叫左一個牛蛋三文治,其實已經夠飽肚(可能是夏天不想食太飽的緣故吧),友人就叫了一個牛腩面,佢覺得味道普通啦,不過d牛腩都幾足去到都要等位,不過都唔駛等好耐...如果諗住慢慢坐既就唔好去啦,因為都人流都幾多成日有人等位~

20070805聞名久矣，不如見面。最欣賞的反而不是那加厚的蛋治與超大的Omelet，反而是濃厚的街坊情味，聽著姐仔與食客們的談笑，隔壁枱的師奶大聲地對著電話說“我係嘉樂呀”，不需解釋，另一邊的人已然明白，店面淺窄，大家搭枱、調位，都可以自動波，凡此種種，都足以令我這個“外來人”側目。一個人食量有限，只叫了一份茄蛋治，更多時候是在欣賞前後左右的桌上之物，似乎面類也頗受歡迎呢。自己面前的這件，與樓下食友的照片一模一樣，蛋是滾熱的，番茄是涼沁沁的，也有一種奇妙的組合口感，吃完是極之飽足，後來發現，連晚飯也省下了……不過畢竟店面小，如果一群朋友超過五個，怕就不能同枱了。

我本身也是蛋迷一個，過去每次在OR看見嘉樂的食評(特別是有圖的那些!)都會驚艷；終於早兩晚，與龍的起心肝去找尋這間巨蛋餐廳。　在荃灣街市附近找呀找，終在不在眼的角落看見這間冰室。原來嘉樂比想像中還小，不仔細找真的找不著呢!小小的店座位也窄，吃到半程更需被迫搭檯，但亦無損我倆對餐廳的好印象。因為，巨蛋實在太吸引了!　先來一份我最愛的蛋牛治。蛋層果然超厚，而且煎得又香又滑；感情分關係，它暫不能取代中大NA can在我心中的位置，但也相當抵讚，才賣$11絕對是價廉物美。　又點了一份特餐，有奄列、肉絲湯意及茶啡一杯。奄列份量是加加加加加大，比蛋牛治更大，雖不夠前者滑嫩可口，但吃來的確令人非常滿足。凍奶茶也很大杯，雖然味道一般；最後，作為綠葉的肉絲湯意就較差。雖然不是頂好質素，但此特餐索價$24咋...我們不禁覺得，平得有點過份。　吃得好飽好滿足，根本留不到肚去吃甜品，然而埋單才$35。很抵食，蛋迷必試啊!

好驚喜,呢度唔係太多人講佢o既奶荼,但就係我覺得成餐最好, 茶非常香, 茶奶比例又好, 又大杯,同翠x d奶茶有得比,12蚊係超值。蛋治同奄列都好好味, 份量又足料,火喉剛剛好。最失敗係佢個常餐的雞絲意份, 大量冬姑,蔥, 真係唔係人人都鍾意用呢種食物配湯粉。今次仲有隻小昆蟲, 扣晒分。下次我應該淨係食個蛋治同凍奶茶! 不過佢真係要改改整晒全場野食先再整野飲個習慣, 食到一半d食客係超口渴, 好多人催餐茶。

今日第2次黎對上一次係71返工食午飯黎可惜無得試個特餐上次今次就試返雖然個意粉唔係我想食既x燒但d肉c都幾好同埋個奄列真係好大!!!的確23蚊係好抵食!!可惜搵位唔易好彩我返工係一人吃, 所以無問題.!

呢個勁厚既茄蛋三文治, 只不過係11蚊, 只有嘉樂先做到咁豐富又好食... 食完哂一份真係飽到嘔!!!

慕名而來，幸好不用等太耐就有位。星期日，沒有特餐，在餐牌上實在不知點什麼，幸好坐對面的女士給了我們一些意見，告訴我們這裡什麼最好食，其實都有好多，我地就試鮮牛蛋治同小奄烈。好好人o既女士繼續介紹這裡的炒蛋是即叫即打即煎，不用蛋漿，所以蛋味特別香，但就要耐心等候。小店每天七時關門，每天都門庭若市。果然食物上枱時熱呼呼的，蛋不是全熟，還有一些白色，加上豉油，好好味，又飽肚﹗正﹗蛋牛治，又係好正，新鮮好味﹗街坊生意，又有好好的街坊為他們推介，很喜歡這種小店的感覺﹗

本來一心想試下嘉樂的抄粉麵飯, 但是看到食品目錄時,發現已經無抄粉麵飯賣, 只有湯意,粉,河,米線.所以放棄食抄粉, 轉試特餐: 話!!!!一來就是傳言中的特大奄列, 真是好大份. 如果食完午餐, 再食特餐的話,事實上, 當你食完奄列個肚都已經滿足. 還有的湯意實食唔完.