嘉樂冰廳 (新村街)

营业中

休息中

尋日下午放假, 2:45pm左右同女友去食大奄列, 竟然都要等位, 我未來過呢度食野, 但心諗平日都要等位, 一定唔係平凡的茶餐廳....!! 叫左特餐($20)有牛油餐包, 火腿奄列, 肉粉絲意, 咖啡或茶, 我改了牛油多士(加$1),牛油多到好似唔駛錢咁, 再改雞翼米(加$5), 得3隻鹵水雞翼, 我覺得雖唔係好入味, 但幾嫩滑, 再食大火腿奄列, 大到癲呀,, 我估3-4隻蛋整架, 味道都ok, 女仔只食呢個都飽啦.......最後加$3要杯加大凍奶茶, 好飽呀!! 晚飯時都仲飽緊.......改駛個餐變左$29 ^_^ 呢間唔平凡的茶餐廳o既野食未致於好好食, 但係佢地d份量真係多到嚇親你, 呢間野對食物的慷慨態度, 真係好多茶餐廳要學習一下, 尢其係d炒隻蛋都要加勁多水同蛋份, 凍奶茶又加勁多冰, 所以淨係呢種賣大包同不計較精神都藉得我地去支持啦!!

今日下晝屋企無飯食，之前一晚已決定要來呢度試。去到人山人海，好容易先搵到個位，仲要搭台添，不過為左要試，無所謂la...一坐低就諗住叫雞絲奄列及華田奶昔，點知阿姐話要兩點後先有，big wok la...>.<，阿姐提議叫特餐，因餐裏面有火腿奄列，就聽佢講la..先來肉絲湯意粉，非常足料，D肉絲根本唔係絲，直頭係一舊舊豬肉，醃得較淡口，好家常的口味；伴菜係冬菇絲都係大大塊，再加上?? 粒及青豆，真係無得頂，不過美中不足係意粉淥得過腍，D湯亦食出有少許味精。係等個奄列來之際，照舊周圍八下人地食乜，見到同台的師奶叫左一舊鹵水豆腐，冰廳竟然會有依樣叫，再睇睇其他人叫的--- 雲吞牛根麵，咖喱牛腩..嘩，真係要試幾次先得...個奄列終於攪掂，嘩，不得了，個奄列有成隻碟咁大，我諗應該有七八隻蛋，裏面火腿絲多到數唔清，等閒人真係無法子食得晒(本人除外^_^)，過D蛋就煎得比較老，但就真係好抵食。連杯凍奶茶都大杯過人，不過質素較普通，落得太多冰，令原有的茶味無哂。睇見人地叫牛治，嘩，我諗入面有十幾片牛肉...太飽啦，叫唔到鹵水豆腐lor...埋單竟然係二＋三蚊，嘩.....

星期日玩私房菜，一早起身去荃灣買。今日難得早，唔駛排隊等位，平時晏少少已排晒長龍。食過的人都知道早餐、特餐勁大份，可以連lunch都唔駛食。火腿三文治，有三大塊火腿；特大的奄烈，好懷疑佢用了幾多隻蛋及幾多片火腿，不過佢d炒蛋，沒有牛奶公司那般滑。只是最唔抵另加三蚊的加大奶茶，份量只係比普通size大少少。因為只有老闆兩夫婦煮，出品較慢，所以差不多成個鐘頭才食完。

叫左吞拿魚治和熱奶茶熱奶茶裝到滿，相中的奶茶我已飲左幾啖件治真係多料到爆我一路食，d料在下面必出來但我嫌份治的吞拿魚較少而沙律醬太稀也～我３點多４點食飽到７點幾～

我冇諗過一個餐係可以轉成咁，真係諗都諗唔到個餐可以咁樣玩法，佢地仲係一間好耐好耐歷史既冰廳。佢地個特餐唔貴，都係20蚊唧﹗係人都去食呢個餐架喇﹗但係只要你唔改意粉，就乜都轉得。例如你唔想食咁大份既奄列，你可以叫蛋牛治，吞拿魚治，太陽蛋加多士，都係唔需要加錢，若果你想食好dd既就加3蚊要個鮮牛治囉﹗而個意粉你唔想加錢就咪轉個意粉，你可以轉做咖哩牛腩意，有咩你想食既都可以轉，除非佢地冇既唧﹗但係轉雞奕意就要加3蚊囉﹗至於飲野就最好飲佢地既奶茶或谷古同杏霜，簡直正都痺﹗但若果唔想食特餐，佢地個鮮蝦雲吞都好正架﹗好似15蚊定17蚊咋﹗雖然好似細細粒咁，但係有成6粒咁多仲好爽口添﹗都抵返響樹啦﹗仲有佢地既干炒牛河，你地千萬唔好一個人或者二個人就膽粗粗就走去叫，因為你係唔會食得哂﹗本人就係試過一個人叫左，點知食左2餐都食極都食唔哂，唯有放棄。個干粉河要38蚊碟，聽落價錢係好貴左d，但係..... 一碟河要4個人先得哂既，你話其實係抵定唔抵呢？有好多都好味架﹗食好野梗係要等架啦﹗唔等得咪去食其他地方野囉﹗趕時間真係唔好黎喇﹗事關佢地開朝早10點收晚黑7點，冇乜耐性既人真係冇意思會去試囉﹗點解我會肯等

成日holiday見到有人排隊咪"泥"試下囉,不過除咗大件夾抵死,咪又係咁!雞絲湯米同牛肉湯麪我仲煑得好過佢,奶茶未算極品,豆腐$3一大件,味道算o.k.,杏仁霜就唔夠香,不過好大杯!

今早諗住試下佢既唂咕同茄蛋治一, 作為一間茶餐廳...我覺得除左抵...最重要係快...! 但我等左十五分鐘都未黎作三文治....就覺得有點那過(中途追左一次)! 最後都係cancel 左...走左去蘭香食我至愛既厚厚三文治了! 順帶一提...茶餐廳搭枱是必然的是...但同一邊再要搭枱...真的很麻煩...相信我不會再光顧了!

2005年7月9日因為隻貓聽我地講呢間野好多次,但都未黎食過,因此今日同左佢黎食,叫左特餐,轉左做雞翼米粉,嘩!有成三定唔知四隻雞翼,隻隻都好大隻,似火雞翼多一點,係滷水雞翼來的,都做得頗入味,米粉食落好似係東莞個種,個人而言不太喜歡,所以食左幾啖就無再食喇!火腿奄列仍然份量十足,依然很愛它那滑滑的口感,如果走豉油仲好味!另外第一次飲呢度既熱鴛鴦,都做得幾滑,而且仲好香濃添.

我由細到大都食開呢間...但自從搬離荃灣後就少左機會響度食...而家食返....仲依然頂瓜瓜~~!琴日三個人食左個特餐~一件豆腐~仲有鮮茄牛肉燴意...飽到嘔...仲打包左一大碟牛意返家~!!特餐唔洗講啦~~~個個都話大件抵食~~肉絲意肉鮮味十足~冇咩味精~奄烈好香蛋味~火腿香口~!!咬落去一層一層的~~正~!!豆腐味道很特別~~仲有d有少少spicy o既醬點~~十分可口~!燴意極度大碟...而且鮮茄味爆硼~!!牛肉有咬口~非用梳打粉之証明~有肉味~~但要記住~炒野要5:30後先有~~下午係冇得供應ga!!再加一杯濃郁凍奶茶~~~完美配搭呀!!!!先介紹琴晚食過o既野~下次有機會再介紹其他美食~~~真係一絕呀呢度~!!p.s因為果度係收7:00~~但我同另外幾台人食到7:20都冇事~~其實入面煮野果個就係老板~~收銀係老板娘~~我走時仲對我笑~~又問我好唔好味呀!!

睇到食評同細老的推介, 好想去試. 終於今天去開荃灣, 決定一試. 3 個人, 叫左1件鹵水豆腐+ 2 個特餐. 而特餐改成鹵水雞翼湯河+吞拿魚三文治+ 凍檸茶豬排湯麵+火腿奄列+凍唂咕食完之後, 覺得吞拿魚三文治幾普通, 裡面有蕃茄、青瓜&西芹粒撈吞拿魚, 算多料, 可以一試. 鹵水雞翼只屬一般, 鹵水汁的味唔濃, 而只係皮有味,但裏面d 肉沒有味的. 鹵水豆腐唔太入味同滑. 炸豬排唔係咁大塊, 不過有二塊, 算ok 啦. 不過味道普通. 火腿奄列的份量真的好大, 蛋唔算太乾而且有好多火腿, 味道都係一般啦. 湯底好重師傅. 至於飲品方面, 個凍檸茶幾香茶味, 濃而不澀口. 我建議細老try凍唂咕, 因食評話正. 但細老話凍朱古力好飲好多, 因為朱古力味濃郁好多. d野食真係好大, 抵食, 埋單只係$59 .

D 奶茶好好飲,如果熱飲好似係即焗既,所以耐D,差唔多要等10分鐘,涷飲就快D.

好多人去到嘉樂冰廳都必叫蛋奄列, 但係其實佢的小食類都好好味又抵食."老"水雞翼便是其中之一, $18有6隻好抵,大隻又熱騰騰, 又入味.雖然唔及街市咁平, 但平過其他食市十倍啦

因為我bf好奶茶, 所以特別同佢試下...我叫左:豬排米線-豬排大塊,但唔係好似網友話仍然好脆, 另外有好多蔥, 好香口.奶油多-一般, 因為我喜歡厚多士多d.我bf叫左特餐, (只有一種):火腿奄列-我絕對認同網友話size十分大,我都覺得有果度有3隻旦!!!真係好大... @.@奶茶-一般反而我見到其他食客叫個d好似好食d, 例如:吞拿魚三文治牛腩配任何粉豉油王雞翼酥炸雲吞但已經太遲, 因為食飽飽lu~~~

多年前到嘉樂飲過一杯凍谷古, 朱古力味十分濃郁,別處未喝過此好飲的,真係值得試試.

1. 奶茶: 唔錯，味道與普通茶餐廳的有些不同，可能是茶本身的苦澀味較一般的少。2. 茄蛋冶: Scrambled egg很多，而且算滑。而tomato與麵飽之間有些salad dressing。整體上味道不錯，而且不油膩。此店真的有很多客，星期六約下午3時都要等位。但最大問題反而是落單程序幾混亂，負責水吧兼三文冶及omelette的那位阿伯，大部份時間都沒有依入單的次序來做。就像我今次光顧，等了近15分鐘才有茄蛋冶，再等5分鐘才有奶茶（還要是催促多次才有)。不過，好彩老闆娘幾好人!