嘉樂冰廳 (新村街)

营业中

休息中

現在星期六及日沒有特餐供應, 但人流依然是次叫了炸雲吞及茄蛋治再加凍飲作為下午茶二人十分足夠,以前下午五點後的炒烏東, 燴意粉更是精彩, 不過現在也沒有了, 可惜!

今日滂沱大雨,兩點鐘一個人去到,諗住唔會等好耐,入到去發覺全店滿座,前面仲有一位客人排隊!等咗個零字就有位坐,我嗌咗火腿奄列同牛肉通粉,同阿姐講要大奄列,阿姐就話冇,得細奄列,上到枱,碟野一d都唔細,都係盛惠$13咋!個奄列好厚,好多料,好嫩,煎得恰到好處,有淡淡既鼓油香,而牛肉就有少少靭,不過個湯底都幾惹味,整體都唔錯,店舖雖小,但都好企理,食完就連晚餐都唔係幾食得落.....哈哈,下次會再黎

(3/6/07)一點幾黎到在門外等一陣,一試雜誌介紹的巨蛋。店內很有街坊氣氛。知道巨奄列,是用六隻蛋做成,幸好並設有細奄列。細....都唔細o羅!蛋盛滿整隻碟仔,脹bookbook的,仲要搭兩片麵包上面,內裡的火腿絲,應該有三片份量!蛋煎得無過熟,炒蛋奄列,太滿足了!咖哩牛腩湯米,又一勁食,大碗得很!牛腩腍,咖哩唔太辣,食正我o個範！蛋奶昔,呍哩o拿味較蛋味重,老公覺得ok。奶茶,唔滑,茶味亦唔夠濃。見到隔離枱的蛋牛治,蛋"質"到栱形,成一個瞓低「D」字,問你夠唔夠膽挑戰!p.s.出門口,已有人龍。

冒著大雨排隊也值得一試再試, 特別是厚厚的旦牛治!!

朋友介紹黎try個午餐wah!!!起碼用左三隻蛋嚇死真係食唔哂個肉絲通粉都幾好味又係超多份量好抵食但係成日都要排隊d位又勁迫我對面個女仔就係因為面太多ya倒瀉杯茶唉好彩唔係甜ya如果唔係我條褲就慘有時太肚餓/冇時間都會寧願過隔離蘭香食我覺得差唔多反而坐得舒服d唔駛同人迫

一條街兩間舊式茶餐廳,各有支持者,相信各有可取之處。星期日下午三時許,五、六人企門口等位,預0左要等,一心想試,一於等...三個字,唔算耐,可惜,原來星期六日及公眾假期無特餐,唯有散叫,一份細火腿奄列,一杯紅豆冰。紅豆冰先到,嘩,好似利賓納般的紫紅色,紅豆算腍,但死甜,係人造甜的那種甜,好唔得!!!等0左兩個字,奄列到,脹卜卜算大份,蛋炒得算滑,唔錯,但跟奄列送的那份牛油方包好唔掂,係嘉頓綠色格仔包裝紙的大大條方包,薄切,舊式茶餐廳竟然唔係用原條方包然後自己切厚或薄,面包呢方面輸晒比隔離0個間!!!仲要食食下,夾硬叫另一個人坐我隔離,我坐其中一邊卡位~~~三唔識七0甘搭法~~~d位闊落就話姐,呢度d卡位窄過乜~~~再去...都會係行過兩間舖囉

假日午餐想吃蛋，二話不說和男友來嘉樂。到達時約12:30pm，門外竟然無人龍，真夠運。假日沒供應特大奄烈，便退而求其次來個普通size的火腿奄烈。這裡的普通size也絕不普通，我想起碼用了5隻蛋來煎，火腿絲勁多，新鮮熱辣，抵食味美。圖示的鮮牛蛋治食味一般，厚厚的蛋煎得老了點，鮮牛醃得過鹹，還是碎牛治較討好。男友的牛腩粗意外地有水準，牛腩夠淋夠多，粗麵又爽又滑，只賣$13元，平到笑。服務態度無問題，加上大件夾抵食，難怪這麼受街坊歡迎。

中午放工時和同事去荃灣買東西,所以去了嘉樂食野,去到門口要等位,已經有7,8個人等緊...偷偷地望入去地方有限,所以我地已經睇定食咩野la...佢\地人手真係唔係好夠..無法啦..都要預左架la..地方細細..由於我地第一次試..霖住食唔哂都囉走心態..兩個女仔叫左如下食物:1.豉油雞翼4隻(最少可以3隻,保留到肉汁,雞肉唔鞋)2.細火腿奄烈(超大份兩個人食)3.炸雲吞(好味又翠,有蝦架)4.火腿通粉(d味道同出面唔同,好食)5.大柸紅豆冰(味道好似細個時食0既一樣)最後係食鬼哂!!!好飽好飽!!好有兒時感覺, 感覺到人情味同老街坊0既舊式餐\廳..

雖然排隊又耐~等野食又耐~好在份份餐都好足料好抵食~而且味道唔錯tim~簡簡單單的一個下午~

今日星期日接近一點到, 離遠望到門口冇人排隊, Eee ... 唔駛等位播~ 就急急腳行快幾步, 事關一條友, 霞姐叫我企入嚟, 佢望兩野就叫我坐响某架位喇~ 好快就叫左一柸香濃奶茶+ 蛋牛治.... 已經自覺得好寫意~~~

我們在嘉樂門口等了30分鐘先有位, 叫佐火腿奄列, 雞絲意和餐飲. 雞絲意普通D ，火腿奄列就真係好正, 奄列都算厚身，熱辣辣，好多火腿，又重蛋味，大大份好有滿足感。餐飲要了凍唂 咕，唂 咕味超重。

見咁多人讚, 就算排隊都要試下. 好彩我同個朋友得兩個人, 好快就有一半卡位坐. 諗住叫雞絲奄列, 阿姐話無, 建議叫細O既火腿奄列, 好疑惑, 細O既又點夠我地share呢? 係佢堅持下我地都叫左細O既食, 仲加左個火腿通粉+牛腩河+熱奶茶(茶走)+凍紅豆冰. 火腿通先來, 嚇死, 咁大碗O既? 來埋個牛腩河后, 我禁住朋友唔好催奄列, 最好阿姐唔記得落單, 因為巳開始飽.............最后奄列都來埋......飽到要攬住個肚走.....總結: 全部食物完全沒有特別, 只是大件抵食. 值得推荐的反而係腿通, 好味!

看完各位前輩的食評,真係肯不得立即跑去試,所以抱了好大期望去一嘗這間既有風味又有人情味既冰室,可是未食巳經失望而回!!<<其門若市!!>> 今日是年初六(星期五),不是公眾假期,下午二點半與妹妹兩人往食下午茶,一到門口,巳看見全場爆滿,心想無去錯地方,待前面二人入座後,我倆耐心等待下一張枱,很快便有座位,是四人的卡位,對面巳座了一對公公和婆婆,很擠迫...但他們快將食完<<態度殷勤??>> 一坐下,心知不能久坐,想快快點菜食完便走,老實講,餐廳人手很不足夠,得一個阿姐做樓面傳菜工作,而老闆娘只待在收銀機,儘管有人要落單,她亦不管;對面的客人走了,來了另一批客,但他們是三人,而老闆娘好不客氣對住我倆說,妳們得兩個一陣有位將你地調走,嘩..心想分分鐘被人調走,甘點唔點菜好丫,算數,為了一試他的美食,我倆忍~~看著唯一的樓面阿姐滿場飛,好不容易才叫她停下落單,便立刻叫了一份常餐,但她掉下幾句今日無常餐,其他都有,自己睇啦,便走了,我倆好無奈再看其他食品,無奈下再準定一份雞絲奄列+凍milk tea,但厲害的阿姐只說雞絲奄列要等3

唔講唔知，原來不經不覺響呢度食左接近二十年，同老細傾開先記得佢地係1978年開業，我係奶茶癡，但係響其他餐廳，我只係會飲鴛鴦，奶茶，我只係會響嘉樂飲，因為我已經去到聞到味就知好無飲既境界，出面最多用到三種茶葉來泡，但係嘉樂既奶茶就用四隻靚茶葉，我試過外賣一杯熱奶茶，放響度五個鐘頭之後再飲，可以完全唔駛攪，開蓋就飲得，你可想而知佢有幾濃！嘉樂既鹵水雞翼比起太平館只高不低，我未食過太平館既雞翼咬開有汁流出唻既，嘉樂就可以做到，單係鮮味都贏足九條街！另外，佢既三文治真係令你地眼界大開，用料加零七！通常我都食特餐改蛋白奄列，加一杯奶茶，真係人生快事，食得好，真係好幸福，所以中國字個食字係人加良，食得好，人都會好咁解！如果你話我擦鞋，唔該你地介紹另一間好過佢既比我，我照擦如儀！

今日四點幾食左個late lunch + tea 非常豐富....兩個人total 食左都係$49　^__^