嘉樂冰廳 (新村街)

营业中

休息中

呢間茶餐廳真係幾巴閉，成日都有條人龍門口，中午時份好彩唔係排好耐。叫出名鮮牛旦治($11)同奶茶($10)，鮮牛旦治果然名不虛傳，份量大不特止仲好好味，牛肉新鮮而旦又夠嫩滑，塊麵包都包唔晒。杯茶奶多茶味不足，但都算滑。

我只係想說呢度既omelette好食，足料。其他既如?水豆腐都非常抵食。

很久以前已想來吃，今日吃了一個quick breakfast，因為趕時間。男友吃火腿小奄列，雖然叫做小奄列，但厚到O咀咀！蛋好滑！我叫左茄蛋治，勁厚呀！未食過咁厚既三文治，蛋煮得剛剛好，tomato 不是切得很薄身那種，抵讚！仲夾住西芹沙律，超好味，健康又抵食。仲飲左一支鮮奶，成日都好恨早餐有樽裝鮮奶飲。咁既早餐無得頂！非常超級滿足！一年都無一次架。如果日日都係咁就好喇。不過正因為一年都食唔到一次咁既早餐，就覺得特別開心、珍貴和好味！

26/11雖然時間幾緊迫，但為左食好野，照去～～個門口真係好細，唔專心揾實睇佢唔到呀～下午茶時間，好好彩剛有人走，我一個人坐一邊卡位～諗食蛋治定特餐好(驚一個人食唔哂)......食左先算～就黎一個特餐啦～火腿奄列好快黎，嘩！厚到呀～幾層咁呀～好香蛋味～好多火腿呀～ｄ甜豉油幾好味，不過奄列ｄ蛋煎得少少老～食到少少滯，就張ｄ蛋夾入塊牛油方包到，嘩！好正呀，ｄ牛油味好香呀～～肉絲湯意粉唔夠味，份量都唔少，攞埋自己面前食嘅時候仲唔小心倒潟左ｄ湯落條褲到呀(唔為意ｄ湯好滿呀)......凍(+$1)檸茶個茶味好香，唔似有ｄ茶記有苦澀味，檸檬都有５－６片，出哂味，好飲呀，仲好大杯添，不過有唔少冰，我驚咳，所以用匙＂不＂走ｄ冰，仲唔小心整到同枱嘅女仔隻腳呀，好彩佢話唔緊要呀～地方真係幾迫，四個人坐滿真係好易頭撞頭呀～不過食味ｏｋ，下次要食埋個蛋牛治先得～

偶然瀏覽到此餐廳的食評，被眾網友的巨型蛋治照片深深震撼，昨天專程到此一睹其廬山真貌。星期日1:15 p.m.門外已有十多人排隊，我因為得“一支公”，所以容易“攝”到位。連menu都不用看便直接order一份鮮牛蛋治+涷奶茶。因全場爆滿的關係，要等超過5分鐘份三文治才姍姍來遲。 果然聞名不如見面，d蛋同牛肉加埋應該有2吋厚! 縱然有心理準備都俾佢嚇了一跳~~~“嘩! 駛唔駛咁重手呀，$12至喎!”以味道而言，雖然不是好食到“叮”一聲，但係蛋煎得香而牛肉又腍又滑，塊麵包好薄所以不能完全吸收那些牛肉汁，令我一咬落去，牛肉汁就從另一邊滴出來，食得都幾狼狽，但又確實好滿足呀!! 通過了我這個試食敢死隊的測驗，才敢外賣回家給大少爺享用。叫多份鮮牛蛋治+炸雲吞+鹵水豬肚菜肉雲吞撈麵(又要等15分鐘!)即刻飛的士回家(走的時候門口又已排了十幾人!) 。雖然短短10分鐘車程，回到家中只見份原本好巨型的三文治縮晒水(所以下次都一定要堂食)，而炸雲吞是老老實實的炸雲吞，好脆但沒甚驚喜，份豬肚菜肉雲吞撈麵亦都只係普普通通。大少爺食唔晒咁多，要我殺多半份蛋牛治……天呀!一日之內食咁多蛋，膽固醇超晒標之外仲食“滯

前幾日同友人去食個早餐　早知都唔食早餐啦　留番下晝先食　因為真係勁大份囧　叫左個22蚊既早餐　有雙蛋三文治,火腿通心粉+杯野飲　原來雙蛋三文治有兩件　即係兩個三角形　哇　食完已經超飽　結果火腿通心粉食左幾啖　　　不過d位真係幾迫下　因為人多時卡位要坐4人就要搭臺

乘入住小甜甜酒店之便,走到後面不遠的嘉樂冰廳買早餐,既可以嘗試巨蛋又不用在店內迫著來坐,還用選擇嗎?點餐後,老闆娘已告訴我要等十分鐘左右;友善的老闆娘還叫我坐下等,反正有位置!(謝謝了,知道這裡客似雲來,也不好意思佔著位置,乾脆在外面等好了!正因為站在外面等,兩宗街頭鬧劇為沉悶的等候時間增加娛樂性,暈s!)第二宗鬧劇還沒完結,老闆娘把兩袋食物交給我,還是趕快離開這地方好了!返回房間打開食物袋,發現兩份三文治整齊地分開四份來包裝,每份的塑膠袋摺得整齊之餘,還仔細地以膠紙貼好,老闆這份細心真的第一次遇見!當我忙著為巨蛋拍照之時,大人已傳來"嘩~~"一聲!還以為她為壯觀的巨蛋而嘩,原來因為那香濃熱奶茶!大人評語為:"好好飲!!夠熱夠滑夠香!!!好耐無飲過咁好飲既奶茶!!"繼而鮮牛肉蛋治又再一次令她讚嘆,鮮牛肉份量十足,雖然牛肉質素一般,但沒有被化學品招呼過已很難得!加上煎蛋蛋香十足,"好好食"這幾個字不斷在重覆著.....自己的茄蛋治也同樣的巨型和蛋香十足,還看到雞蛋煎得還有點點溏心,高手!蕃茄片有點生,吃起來有點硬!要是選一個熟一點的,口感會更加好;蕃茄下面的沙律真的蠻豐富,有西芹、青瓜粒

我星期日去雖然要等．．．．但都好值得．．．睇相以為係假...hahaha點知去到見到...真係前所未有咁厚.....平時出面食都要10蚊先有.....但係得一隻旦...但佢呢到都10蚊....用左應該有4-5隻旦先整到咁厚既旦治....真係只計成本不夠利潤呀.....營業時間係10-7....買早餐食都唔得...><~我地兩個人去...仲食左炸醬撈...咖哩牛腩撈...炸雲吞...d雲吞唔似出面咁好多豬肉...仲有一客旦治+兩杯野飲.....都係88蚊...又大碟真係好好食....個面好似食極都唔完咁...之後杯野又超抵飲....凍熱都係一樣size....唔同出面個d...凍就大杯..熱就細杯.....所以熱飲抵d~...^^"""食個時見到人地食鮮牛旦治...食完曬又想叫...但個肚已經放唔曬...好彩住附近...唯有下次食過

主要推介比鐘意飲香濃唂咕既朋友，飲過你就知有驚喜

兩大一細叫左細奄列、炸醬麵、炸雲吞、菜肉雲吞麵、蛋牛治、凍奶茶、熱檸賓，細奄列成隻碟咁大，又好食，炸雲吞無肥肉只有鮮蝦，又脆又正，蛋牛治成吋厚既蛋，正，菜肉雲吞麵叫比個仔食，炸醬麵唔甜有好多冬菇，不過我地都係鍾意食有甜味既炸醬麵，凍奶茶稍淡，整體不錯好滿足，飽到晚餐都食唔落。

好開心呀! 今日我同差人都short week (13/10). 係佢第一次short week 喎! 我地諗住去城門水塘!咁荃灣食咩好!講左咁耐一路都好想o黎呢度, 見到d 食評同d成呎厚o既三文治真係好想去, 咁o岩今日o黎荃灣玩一於食呢度呀! 我以前住荃灣都唔知有間咁o既餐廳都唔知, o個次mummy帶我去我就識路, 哈哈, 以前同mummy去楊屋道街市買”送”成日經過都唔知有間臥虎藏龍o既地方!哈哈! 如果唔係見到咁多人o係openrice介紹真係唔會o黎, 門面好似好“up dup”咁! 我only識得一個朋友去過,佢知我星期六諗住去食lunch 佢好努力游說我3點先好去, 又要等又有人打尖, 等o野食又等得耐, 又迫….搞到我都有d想縮沙, 但都諗住去睇下先,情況太唔掂先轉地方!我地1:30去到….咦!得5個人到排隊jar喎好o野!之後都係等左4個字到! 我地坐卡位o既一邊, 都唔迫呀! 比起澳洲牛奶公司個環境好好多, d伙記又係好nice, 櫃面o個個大嬸應該係老闆娘個樣子好和藹可親, 唔似一d出左名o既食肆d老闆d咀臉, 同埋佢唔會因為多人想d人快d走而快手快腳,令到d

趁今日(1-10-07 Mon)晏晝要去紅磡聽義工講座前o黎醫肚.12:25pm o黎到,有人龍,蘭苑都有,不過少兩,三個o度.我好肚餓,一直等到12:35pm有位,由於餐牌係’攝’o係枱上玻璃與枱之間,而我身旁食o緊o野o既女士個碟遮o左上半截,變o左我睇餐牌時既尷尷尬尬又揀唔到自己想要o既食物.最後叫o左一件$11.00 o既茄蛋治同$12.00 o既凍檸水.等食物期間,入面o既女士埋單,老闆娘好快叫我轉到另一張枱一個女士旁,而唯一o既中年女侍應就要認住我轉o左枱,免得畀錯.凍檸水o黎到,大約有四,五片檸檬,冰都唔少.再等多陣,茄蛋治都o黎埋,蛋係比其他餐廳o既多,(不過唔知係咪人多,厚度又唔似其他食家影o既咁多)凍凍o既蕃茄片塗有沙律醬,食落,兩種感覺係幾得意o既,但蛋係全熟,唔係幾鍾意,而卡位真係太短,我真係坐到邊邊o黎食,因怕右手撞到身旁o既女士,所以我都食得好論盡.中途,身旁o既女士食完三文治後有三隻應該係滷水雞翼,我至知原來有呢啲小食,唉!不過我食完都唔夠飽,但又好趕時間,於是叫多個$11.00 o既碎蛋牛治拎走o係巴士上食.我又等等等,等o左好耐至有,我遲晒到喇.o係巴

平時去開le頭都唔知三文治咁出名!!終於有機會食喇~~點左一份火腿三文治,嘩~~~真係好多好多蛋呀~~~本來未番lunch,食完都勁飽!!!

由小學開始已經成日食,放學阿媽總會帶我同家姐去嘉樂,因為一個特餐已經可以攪掂我地估唔到佢而家已經去到"香港級",個個都特登走黎食佢~~~~其實家樂出色ge唔只egg dome,下次大家可以試下個魚治(吞拿魚三文治),同樣出色呢~^^~

史上最巨嘅奄列出場嘞...久未造訪。年多前去食過兩次特餐，又方包又肉絲意粉又火腿奄列，全部屬king size，飽到嘔。但始終對雞絲奄列及華田奶昔仍然係死心不息，始終要夾啱時侯嚟確唔容易...經年後卒之揾到呢個機會嘞...落order後一等就差唔多要十五分鐘，打吓NDS時間就好快過...奄列上枱...Oh...應該稱之為"蛋扒" egg steak先啱。個奄列有成隻梯碟咁大，睇怕要用五六隻蛋先可以炒成咁。中間一刀切開，D餡料一擁而出--- 洋葱、青豆、磨菇再加雞絲....蛋嚴格上炒得唔夠滑，餡料亦偏鹹，講水準絕不出色...不過附送嘅泰式甜酸醬，用佢嚟伴奄列食又確係風味獨特，只此一家....好努力...都係食咗一半...頂唔順la...華田奶昔又係勝在大大杯。唔夠香亦唔夠滑，飲慣咗Triple O's嘅，番唔到轉頭la...