嘉樂冰廳 (新村街)

营业中

休息中

我好鍾意去舊式茶餐廳食嘢, 原因係茶記叫嘢食比較flexible, 而且更有人情味, 加上我又鍾意舊時D事物, 故可以藉此緬懷一番; 最緊要當然係可以享受到一杯既香又濃且滑嘅奶茶啦! 係Openrice得知荃灣有一間好出名嘅茶餐廳, 故此今日借故唔同同事食lunch, 決定自己出去搵食.網友介紹呢間茶記叫『嘉樂冰廳』, 喺荃灣新村街, 距離我office都幾遠, 行咗成15分鐘先到, exactly係新樓盤『荃新之城』後面, 都幾隔涉, 好容易會miss, 一去到個條街, 見到有個舖位門口好多人, 就知道冇搵錯地方喇.由於係一個人既關係, 唔洗等就可以即時入座, 太好喇!由於喺Openrice已經睇咗其他網友嘅推介, so可以唔洗睇menu好快咁落單, 就係一份特餐.基本上個特餐係包一份奄列連餐包, 一個湯粉同埋一杯嘢飲. 喺呢度食嘢就最好o架啦, 成個餐D嘢食都可以轉, 例如奄列轉做三文治, 肉絲湯意轉其他任何種類嘅湯粉.我一早諗好叫咖哩牛腩通粉走湯, 係港式咖哩, 有兩舊薯仔, 炆得好入味, 而D牛腩都係炆得好淋, 而D咖哩唔算好辣, 都幾香, 走湯可以食到原汁原味, 唔怕D湯沖淡

第一次來嘉樂時己經愛上它的檸茶,我大多數去茶餐廳都會飲鴛鴦的,但得知此處檸茶有些特別,便一試無妨,結果令我非常回味,再來也會是因為它的檸茶而不是巨型奄利。但時常要等位兼上菜速度唔快,趕時間的話要考慮一下。

黃昏時分，主人與奴隸獸在荃灣四圍搵食。我們決定去『嘉樂』碰碰運氣。哈哈！運氣真好，不用排隊等位，即時入座。於是我們點了：1. 常餐（HK$28）：雞翼湯麵、蛋牛治及熱咖啡。豉油雞翼，尚算皮爽肉滑，但豉油味就淡了一些。麵無鹼水味，OK 啦！蛋牛治，同以往一樣，超大份，一口咬下，口腔充滿蛋汁，好有滿足感。2. 酥炸雲吞（HK$18）：雲吞炸得過了火候，所以雲吞皮略硬，油膩。味道還算唔錯。

放了工到荃灣找吃的，龍意圖返炒嘉樂，我就想試freshness burger多點，卻找不著，兩個人逐疊埋心水重溫巨蛋晚餐。　原來散叫奄列很貴的，好像是$37一份，反正是平日當然揀特餐，又包飲品又包一碗湯米；雖然湯米淡而無味，味道中下，然而那杯熱奶茶都夠茶味不錯。當然主角還是巨蛋奄列，今次等得比較耐，不過奄列也做得較上次更嫩口，還保留了蛋汁，又熱又暖令人滿足!　龍想盡情吃蛋，我們又叫了雞蛋三文治。雖然震撼感減退了，但三文治的份量仍是十足巨大的。食過兩次，我們都覺得三文治的雞蛋總比奄列的要滑一點，所以來嘉樂實在也應來一份試試，不過一份老實講也很飽了!　飽足的吃法，埋單不到$40，真抵食啊!

一月一日自己一人去食下午茶(因為見到咁多人的讚賞，應去試一試)去到見到有一條長龍，足足等左半個鐘，如果平時一定不會這樣，但見三點幾都仲咁多人，抱住很大的期望等下去。終於有位了，叫一份小火腿奄列(我想叫大的，但亞姐話冇大既，原來意外地別有用心)同一杯杏仁霜，後加一件鹵水豆腐。等左一陣，一杯好大的杏仁霜來了，真的增添了一份溫暖，而且好大杯，正！之後主角來了，話係小型的，原來比起其他地方更足料，完全想嘩一聲，而且充滿蛋味，和一般茶餐廳完全冇得比！最後鹵水豆腐，ok，但如更入味更好零八年第一餐有了一個好開始，排隊都係幾值得既！

因現在係荃灣附近返學,同學介紹下,去一去此餐\廳試試..叫了火腿奄列,沙嗲牛肉通,\"老\"水豆腐&蛋& chicken wing..份量真的好大,2個人食真的食唔晒...味道都算不錯..

還記得嘉樂的第一個食評是由我寫的，其實在十多年前已開始幫襯，貪佢又好食又抵食。至從人越來越多，逢六日假期沒有特餐後，就未再來食過。今次趁平日人流不多，再來食久違了的特餐。要了兩款特餐，一份正常，另一份將奄列改為蛋牛治。老闆依然有性格，麵包沒有為我留邊、炒蛋仍有兩吋厚、火腿奄列維持巨大份量。可惜味道已不一樣了，未必是水準退步，可能近幾年其他食肆進步不少。就算雞蛋是好大份量，但沒有蛋味、也不夠滑；奶茶失去了香濃滑溜口感。除了等位外，入坐後仍要等食，在一間茶餐廳由等位至食完離後住住要超過一小時以上，時間可能與酒樓飲茶差不多，我就沒有這份耐性。

跟壽星女道別後,順道走到楊屋道街市這邊逛逛,也順道來嘉樂買巨蛋三文治給大人和細佬當下午茶。週末四時多的嘉樂沒有人龍,向正在包雲吞的老闆娘order鮮牛蛋治和茄蛋治外帶;老闆娘第一時間告訴我:要等起碼20分鐘,要等嗎?? (沒問題!)回家打開膠袋,老闆依舊細心將每件麵包分成兩份包好;只是今次雞蛋份量比上次更少,是因為雞蛋來貨比之前更貴嗎??茄蛋治除了蛋沒那麼厚外,仍有新鮮蕃茄片和吞拿魚沙律作伴,沒大分別;不過鮮牛蛋治的製作卻有了點點變化!上次是有沙爹醬的牛肉,令大人吃到讚不絕口,今次沒有了沙爹味道,換來是泰國雞醬,這種配搭的確特別,不知道是否老闆的新嘗試了?? 還是製作中出了差錯??

想去嘉樂好耐, 但係一直都未有實際既推動力, 今日因為工事要到荃灣, 終於的起心肝一個女仔走入去試下當時12點未夠, 唔需要等位, 安頓好之後立即叫份鮮牛肉蛋三文冶先, 又因為我連早餐都食既聯係, 總之越快越好, 但係我卻一等就等左20分鐘, 見到隔離枱既叉燒通粉, 奄列, 炸醬麵, 鮮牛肉三文冶都上齊了... (見到人地既食物，我就更加餓) 終於到我了! 蛋無我想像中咁滑，可以講係全熟既，但係的確好厚，牛肉份量唔少又多汁，下次我會淨食鮮牛肉, 不過上菜要快啲先得! 阿姐好好笑容，但係當時成間鋪得佢一個做樓面，實在太忙了!

見到食評寫得咁好味,今日專登揾下午茶時段幫襯,居然唔使等位,2個人叫咗一個茶餐,一件鮮牛治加杯凍檸茶,奄列真喺好大份,但大份又唔等如好味,啲旦好實,只喺中間有小小旦汁,火腿好多,整體無乜特別,碟肉絲面完全無味,鮮牛治好多汁,但塊面包好薄,上枱時巳經扁晒,可能牛肉太多,切果時比厨房扁咗.請問句,一件好味嘅三文治基本要求喺乜?講真句,任何食物講求嘅到底喺"質"定喺"量"呢?最後埋單走人,除咗杯凍檸茶飲晒外,其他嘢都食唔晒.

多數來嘉樂都會飲熱奶茶, 飲過咁多間茶餐廳既奶茶, 依間係我的摰愛! 又香濃又滑, 茶同奶配合得剛剛好~ 來食野都有一份親切感!

睇過OPENRICE的食評，一早想來會一會呢間食肆的巨型奄列，於是約了朋友一同去試。一坐下，想也不想就叫了兩個特餐\\\，奄列一來到，嘩......唔係下嘩，真係咁大份!我想他真的用了4隻蛋來做，仲要有大量火腿，不像坊間茶餐\\\廳加些豆便算，完全真材實料，不過廚房加了太多鼓油，咸了少少，食完都飽了大半，接著還有米粉，好勉強才吃畢，因為太多。最後，奶茶都飲唔晒。吃得這樣飽才二十多塊，哪裡找?我一定會再來吃，因為太抵，同埋個奄到勁大隻，食完好滿足。

想嚟好耐啦!不過每次都揾唔到,今次做足準備,查埋地圖,終於揾到啦!原來仲要行落一條橫街呀!一坐低咪講小,即叫鮮牛蛋治,熱奶茶,再嚟特餐凍奶茶.都等咗幾耐吓,一上枱,嘩!我叫特餐火腿庵烈,唔係小菜火腿炒蛋喎!真係超級大碟,加埋個肉絲湯意粉,嘩!真係要加分,佢係用冬菇,菜絲,肉絲,蔥花做湯底,非一般茶餐廳的味精湯.再嚟埋件鮮牛蛋治,係真係鮮牛嚟咖,真係好好食咖,再加埋杯奶茶,嘩!真係正到(痺),飽哂啦!!!

之前係openrice 度睇到有咁多好評...都有一定情度的期待....因為d 相真係幾吸引卒之尼到喇...叫左紅豆冰菠羅冰西多士同蛋治紅豆冰菠羅冰西多士都不過不失~到左萬眾期待的蛋治出尼喇無錯...係好大舊...d 蛋係好多..計番十一蚊舊亦都係好抵...d 味道亦都幾ok....但係....咁其實同食一大堆煎蛋冇咩分別我地而家只不過係一次過/一淡過食幾隻煎蛋....em.....所以...其實都冇咩特別若果你係住附近的話...都真係不妨去食下....當係麥記食包咁不過唔係住果附近就真係要諗下喇~~

雞絲通粉好味!