嘉樂冰廳 (新村街)

营业中

休息中

下午茶時段咁岩去到荃灣, 就試下呢度d番茄蛋治!好厚!雖然係門口等左好耐下, 但係咁好味都值得!!!不過伙計聽到我淨係叫一個番茄蛋治好似就唔多滿意..等左成20分鐘先有得食地方唔易搵...坐得幾迫下

二月廿四日(星期日)唔記得交代!阿仙奴既伊度阿度達施華受傷!老公好傷心!唔好唔開心啦!佢好快復出架喇!!!!!god bless him!...睇完P.S. I love you之後o係荃灣事左陣,好多野都未開呀!不過開左就正喇~~好似好多新野咁!有間食日式意粉既好靚呀!!...仲等我之前make哂map tim!原來好近citywalk!...等左陣就有位!不過都係迫左d,同埋個menu只係貼左o係檯上!我地叫左:1)咖哩牛腩撈意粉咖哩汁唔夠濃味,牛腩都唔錯,唔老!2)雞絲通粉我地都覺得好食呀!!!雞絲好味道!3)火腿小奄列ok啦!可能有d鼓油,唔係咁buy!不過真係好大件呀!4)凍奶茶好飲呀,arm arm好,又大杯!不過佢個櫥窗有曱由屋-.-!!!都是覺得有點名過於實呢!!!炒蛋始終是AMC好!

今天又再一次到訪呢度了..趁仲有三個字就去食野,因為今日好掛住,特別係雞翼同埋凍檸茶..唔知老闆記唔記得我地呢? 今日嗌左個炸雲吞,依然係脆卜卜,蝦又新鮮,另外個炸醬撈都好食,有好多冬菰同埋肉碎添..而且另上ge湯都好好味..3隻雞翼另上入晒味,好想研究下點整的..時值老闆d親戚返左來(應該係掛..)好熱鬧,真係好似返左屋企咁一大個family,阿姐服務態度又好(話時話阿姐真係響繁忙時間勁密密做又少有漏單..實在好強..)剛剛特登投左票俾你們了!! 仲要填左好多野,,其實我只係想投票俾你嘖..哈哈好hard sell添..有無佣收?哈哈,不過又係抵讚的! 努力..(睇下平時要排隊都咁多人食就知物超所值啦!)

2008年2月6日，嘉樂冰廳懷舊茶餐廳，大型風景牆紙，和小時候家裏用的是同一類型，令人懷念。但食物價錢就是現代的了。小奄列（15元）：正常的賣32元。這個奄列一點都不小，火腿又多，加了點豉油，好中式，但味道不差。炸雲吞（21元）：雲吞皮都幾脆，但餡料可以，無涀水味。咖喱牛腩麺（17元）：唔錯喎，麺幾爽，牛腩都腍，不錯。蓮子蛋茶（16元）：我第一次喝蓮子蛋茶。一大碗，一個人真的喝不下。蓮子鬆化，甜甜地，又幾潤。呢餐食得好飽，重有滷水豆腐和雞翼等想吃，只好留到下次。

2月14人人慶祝情人節，我就同男友B晨早流流上龍母廟借庫XDDD~~~老B係一定要吃早餐o既人，知佢成日想吃有蛋汁三文治，之前一晚就上OPENRICE搵定！早上8點幾o黎到嘉樂冰廳，原來係o向楊屋道街市後面，o向荃灣由細住到大竟然唔知.....但係.....點解未開？激死！唯有借完庫再o黎睇下有無開啦！三點半再o黎，終於有開啦！不過門口已經有長長o既人龍啦，有老有嫩，連外國人都有，唔通真係咁好吃？排咗幾個字，終於入到去啦！好迫...好迫...D位好迫！自問自己同男友B都唔係好肥o既人都好迫，再加埋大家都著好多衫仲迫....同埋可能仲係新年關係，咩茶餐都無，唯有散叫啦！首先要咗一件蛋治，一碗咖哩牛腩河，一杯凍奶茶，一杯蓮子冰！蛋治好好好大件，不過阿B好失望，無咩蛋汁都幾乾身！咖哩牛腩河，咖哩唔係太香，牛腩好好好諗，最抵讚係D河粉，浸耐咗都唔會好糊好碎，仲好爽！凍奶茶等咗好耐，原來要佢生意太好，要再沖。不過抵等，好香好滑！蓮子冰，嘩~~~~~又大杯又唔貴，14大元，蓮子大粒又諗，成杯嘢又唔會太甜，唯一唔好就係蓮子芯唔係清得咁乾淨！睇到人哋吃炸雲吞，不過不失，不過比起其他餐廳，已經算唔錯！之

2008年2月4日下午6:30 老遠由灣仔去荃灣試呢間, 夠誠意啦掛!由於太多, 店內位置又細, 著D衫又厚, 所以放D行李去收銀哥哥到, 比佢見到我地PRINTOPENRICE, 走果時叫我地上網寫意見比佢. ! 我有寫食評, 老闆!兩人叫一碗牛根麵+蛋治+熱奶茶, 價錢不貴, 其實算平添!牛根麵–我本人唔係太鐘意食牛根, 我覺得OK啦!蛋治–大堆頭, 味道OK! 外觀特別, 味道無特別熱奶茶–都OK啦!見到人地食果件奄列, 好大啊!有下次, 試下第二D先! 不過見老闆重視食客評語, 我鐘意! 一於支持你!

今日~~特登放假同我Honey去久違了的嘉樂食巨大的雞絲奄烈(因為星期六,日唔供應), 我去攞位先, 加左價呀~~跟住同阿姐講要個雞絲奄烈先, 點知阿姐話暫停~~Oh No~~勁失望~~即時唔知食咩好~~跟住同阿姐講話我係特登放假來食, 叫佢問吓老細可唔可整一個~~點知老細好人~由水吧伸個頭出來笑笑口問我~~好大份噃~~你一個人食唔食得晒呀~~跟住我話我兩個人呀~~跟住佢就幫我整啦~~等左一陣, 我男友都來了, 巨大的雞絲奄烈都來了,仲叫多個牛腩雞翼撈意粉, 牛腩好淋, 雞絲奄烈好呎料呀~~兩樣都好好味, 食完好滿足呀~~老細好好人呀~~不過個位比較迫~~

12Sep2007 1707除左新/舊曆年外，公司每年有幾日係放異國的新年假(唔係日本/韓國公司)，咁就無端端多兩日零兩小時假期，個個同事去澳門「見世面」，我就請願秘撈及食下好野。這裡一直都想黎，又唔想星期六/日突登走入黎，難得四點落閘放狗，拿拿聲搭綠van 落去，差唔多要成45分鐘，唔怪得佢地請願係美孚轉西鐵，而不選擇荃灣。落到去剛剛有卡位，可以慢慢選擇自己喜愛的食物，唔係咁餓，唔想叫常餐，就咁散叫了雞肉冬菇奄列($27)，加一杯凍奶茶($13)。首先黎既當然後凍奶茶，茶幾香，飲落冇苦澀味，要求唔高的我已經叫做好。大約等左15分鐘奄列就煮好，上到檯真係嚇左一跳，真係大份到難以自信，還有四字詞語形容：「一拍(落檯) 即飽」，基本上叫乜食物都會「中招」，如果唔係咁餓話，落單時請扣底。奄列除左字面上的材料外，內裡還有青豆粒，亦有蕃茄片為伴碟，仲有甜酸醬汁，增加食慾。雞肉及冬菇炒得幾香及乾身，雞蛋粗略估計大約用左4隻，但這樣並不代表味濃，都要睇質素，當然唔好期望太高，但27蚊咁大份量，我都問佢地咁做賠本喎，佢話剛剛回到本，我話整少三份一至一半都得。埋單40蚊，食到差點唔識行，要去機舖做下運動

見星期五仲有特餐食，兩點半落去都要排隊，等咗三個字度入座，叫了兩個餐，一個要咖哩牛腩米，一個要鹵水雞翼通，飲茶走同熱杏霜．咖哩牛腩米好快索哂啲湯，咖哩好香，牛腩癡牙．鹵水雞翼通鹹咗啲，但啲鹵水雞翼好入味．熱杏霜好濃好大杯．食完碗粉再食塊巨庵，真的飽到食不下，仲有杯巨飲．

係荃灣住了廿十幾年，好多老店都已經轉手，而唯一一間幫襯了十幾年而現在還有去的就只有嘉樂，尤記得十幾年前朋友帶我去的時候，我已經俾佢\嘅巨型奄列嚇親，味道屬普通，不過真係好難忘，所以無兩個人都唔好試。以前我最鍾意食雞絲米同雞翼，而家我就最鍾意食牛根河，因為啲牛根真係好\"林\"好入味。我哋兩個人去通常都係叫一個餐\，然後加三蚊將肉絲意粉轉做牛根河，原本真係好夠食，不過我哋次次都忍唔住要叫多個三文冶，吞拿魚、雞絲同鮮牛治都唔錯，仲好抵食！最後一提，由於我慣了飲檸茶要走甜，所以大部份茶餐\廳都沖得好難飲，唔係澀就係無茶味，而呢度嘅檸茶就真係好好飲，I love it!

今日同我的女朋友顯出我們的第一次，就是去了傳說中出現的大大份火腿奄列的嘉樂冰廳，一去到第一時間不是食野，而是去到排隊，等了二十分鐘先可以入到去坐底食野，火腿奄列真是好鬼大份，而我和我的女朋友都叫了兩牛筋米和牛腩撈麪，味道一流，飲品方面就叫了凍檸檬茶和熱杏仁霜，但是兩者都是沒有什麼大分別，都是咁大大杯，如果下次有機會的話，我們一定會再來過品嚐雲@，豆腐和豉油雞翼，真是看見都好想食。本人極之推薦可以再去一趟！！

今日第一次去食,一早預左要排隊,排隊既時候留意到一點,就係收錢果呀姐原來係負責包雲吞佢有戴住對手套架起初以為佢都好注重衛生啦點知...............我見佢戴住對手套照收錢收完之後又繼續包雲吞之後佢有拎塊布掃自己個身全程都戴住對手套咁同無戴手套有咩分別?我覺得咁重污漕!!味道方面,其實我覺得普通份量係多,但講真真係唔係話好好食!紅豆冰好飲不過太甜

今日中午無食飯，過開荃灣就走左去嘉樂試下鮮牛蛋治。(本來叫鮮蛋牛治，俾阿姐指正~)去到超多人，我都係買個外賣，所以小心翼翼咁入左去問阿姐外賣駛唔駛等，坦白講，入去時都幾驚，因為茶餐廳o的人一般都好粗魯同惡，但阿姐好好人咁話唔駛等。我俾左錢後佢同我講要等二十分鐘，跟住細細聲話叫我去行十五分鐘，盡快整俾我咁。果然，我行左十零分鐘返來整好。難得超多人阿姐仲好好笑容，很感動。講返個三文治，超大份，十一蚊。我攞住時以為個份唔係我，因為個「一份」蛋治有兩個大菠蘿包咁大，飽到我晚餐都食唔落。話好食呢.......又唔算好好食，因為牛肉有筋，幾「un」，但個汁幾特別，係甜酸汁。另外個蛋有蛋汁，都ok。不過下次一定要同男朋友食，否則一個人真係食唔落。

今日同男友放工後一起到呢度食午餐, 原來星期六,日係無餐既, 唯有散叫啦!牛腩米- 好大碗, 有牛根, 爽爽地不太淋, 但食得出係新鮮牛腩, 再加入葱能帶出香味! good牛肉通粉- 牛肉好淋好入味, 不過就無米粉咁大碗火腿奄列- 好大份, 蛋好滑又多火腿絲, 仲加有少少美極係蛋面帶出鮮味熱朱古力- 普通, 但大杯熱荷蘭唂咕- 有點像dark 朱古力, 帶輕微苦苦地,喜歡dark朱古力既我係唔錯既選擇!見隔離檯凍飲好大杯, 但估唔到熱飲都係大杯喎!下次我諗我會叫一碗米粉+一份奄列+一杯飲品+二份小食同男友一齊食, 因為可以試多d野食o麻!

真係一間好有客人心的餐廳, 野食大大份,就算叫炒蛋白都大大份無欺場!不過大家唔好淨係留意佢D野食, 我覺得飲品都係一絕!奶茶好好味,次次都飲, 見樓下有人講檸茶,下次試下,THANKS但最近3次去發覺水準好飄忽, 唔知係咪師傅要搵接班人呢?希望可以KEEP住水準啦P.s.上次去見到門外有14人排緊隊, 即係掉頭走..太誇張喇